(Kaderisasi nandangi anak singuda)
Ogen : 2 Timotius 1:1-8
Tema : Tading – tadingen Simehergana
Tujun : Gelah Mamre:
- Ngangkai maka selaku Imam arus ertanggung jawab mpesusur kiniteken si paguh man anak-anakna.
- Ncidahken keteladanen simehuli man anak-anakna (Kaderisasi nandangi anak singuda: uga gelah Mamre ndidik anak alu tepat guna seh maka anak bertumbuh dalam percaya diri; disiplin; seh maka anak memiliki kebanggaan selaku warga GBKP (rasa kecintaan terhadap GBKP).
1:1 Dari Paulus, rasul Kristus Yesus oleh kehendak Allah untuk memberitakan janji tentang hidup dalam Kristus Yesus, 1:2 kepada Timotius, anakku yang kekasih: kasih karunia, rahmat dan damai sejahtera dari Allah Bapa dan Kristus Yesus, Tuhan kita, menyertai engkau.Ucapan syukur dan nasihat untuk bertekun1:3 Aku mengucap syukur kepada Allah, yang kulayani dengan hati nurani yang murni seperti yang dilakukan nenek moyangku. Dan selalu aku mengingat engkau dalam permohonanku, baik siang maupun malam. 1:4 Dan apabila aku terkenang akan air matamu yang kaucurahkan, aku ingin melihat engkau kembali supaya penuhlah kesukaanku. 1:5 Sebab aku teringat akan imanmu yang tulus ikhlas, yaitu iman yang pertama-tama hidup di dalam nenekmu Lois dan di dalam ibumu Eunike dan yang aku yakin hidup juga di dalam dirimu. 1:6 Karena itulah kuperingatkan engkau untuk mengobarkan karunia Allah yang ada padamu oleh penumpangan tanganku atasmu. 1:7 Sebab Allah memberikan kepada kita bukan roh ketakutan, melainkan roh yang membangkitkan kekuatan, kasih dan ketertiban. 1:8 Jadi janganlah malu bersaksi tentang Tuhan kita dan janganlah malu karena aku, seorang hukuman karena Dia, melainkan ikutlah menderita bagi Injil-Nya oleh kekuatan Allah
KATA PENARUH
Umumna, kita orangtua mbelin kal sura-suranta nandangi anak-anakta; anak si tutus sekolah, meteh bujur ras mehuli, jadi kinihagan man orangtua, dingen tama pasu-pasu man jelma si enterem. Sura-sura enda teridah arah erbage dampar, umpamana: arah pertoton, erbintuas encariken keperlun geluh dingen biaya sekolah anak-anak. Teridah pe arah pedah-pedah orangtua i bas kerja erdemu bayu, bage pe arah ende-enden (umpamana, Lagu: “Rudang rudang kegeluhen,” “Lampas mbelin,” “Cokna,” “Didong doah,” sa.)
Tapi sura-sura mehuli enda labo otomatis jadi bage-bage saja. Kai ndia si perlu siangka ras sibahan gelah anakta nggeluh alu mehuli? Enda me si jadi percakapenta I bas PA Mamrenta sekali enda.
URAIAN TEKS/TAFSIREN
Surat enda isehken Paulus man anak rohanina si Timotius, si i bas kiningudanna ididik ras ipercayaken Paulus jadi serayan i tengah perpulungen si dem alu tantangen. Lit piga-piga cara si ibahan Paulus lako ndidik anakna si Timotius.
Ay. 1 Surat enda i bas aku nari, Paulus si enggo ipilih Dibata jadi rasul Kristus Jesus. Aku isuruhNa pembarken kegeluhen si ipadanken guna ialoken i bas persadanta ras Kristus Jesus.
- Paulus tuhu-tuhu nandai dirina selaku juak-juak Tuhan. Janah enda mabai in nggeluh patuh man Tuhan, meteruk rukur i bas nehken berita si mehuli, termasuk mabai perpulungen nggeluh i bas kiniersadan ras Dibata bage pe kiniersadan sesapih manusia.
- Melala kal jelma i bas pengajarenna lupa encibalken dirina selaku budak emaka i bas ia nehken cakap entah ranan, pengakap kalak ia ngajari kalak si kurang ndatken pengajaren.
Ay. 2 Surat enda man Timotius, anakku si kukelengi. Dibata Bapa ras Kristus Jesus Tuhanta mereken lias ate, perkuah ate ras kemalemen ate min man bandu.
- Lit kebiasan Paulus si tuhu-tuhu mehuli i bas nehken pengajaren, e me: ibahanna perpulungen jadi kandu-kanduna (mbangun kedekatan), mehamat, mepehaga teman ras nehken pasu-pasu man kalak si deban.
- Enda me gerbang masuk si seh kal ulina adi kita nehken pengajaren man anakta ras man perpulungen.
Ay. 3 Bujur kukataken man Dibata, si kusembah alu tutus, bagi nini-niningku nai. Bujur kukataken man Dibata asum kuinget kam rusur i bas pertotonku subuk suari bage pe berngi.
- Keriahen Paulus e me nginget-nginget kiniulin Timotius dingen natang-natang Timotius arah pertoton. Enda me bukti keleng ate si erbahan lit waktu Paulus nginget ras notoken Timotius
- Ermediate, mereken ulih si mehuli (positif) nandangi jelma si ikelengi kita, sebab pertoton nehken ras mpebue sinyal ate keleng
Ay. 4 Kuinget kuga pertangisndu, janah mesikel kal aku jumpa ras kam gelah meriah kal min kuakap.
- Paulus tuhu-tuhu nandai ras meteh, perbeben Timotius selaku anak rohanina. Tambah sie, Paulus ertedeh ate, i bas mperdiateken ras nehken kekelengen.
- Melala kal kita erkeleng ate nandangi anak-anakta, tapi kurang si turiken, entah si belasken. Kepeken I bas kita nuriken ateta keleng e ate erguna kal i bas mpebagesi makna kedekaten anak ras orangtua.
Ay. 5 Kuinget tutus atendu erkiniteken bali ras kiniteken nini tudungndu Lois ras nandendu Enike. Tek aku maka i bas kam pe lit kiniteken si bage.
Kebiasan Paulus si istimewa, e me ngenen potensi ras ngergaken ketutusen Timotius, bage pe mujiken keluarga/ nini bulang Timotius.
- Ngergaken ras mereken pujin nandangi anak e me cara mbangun sikap positip anak nandangi dirina. Tambah semangat anak-anakta nerusken hal-hal si mehuli I bas dirina. Si erbahan anakta megati ngenanami kesuliten ngembangken diri e me erkiteken la siarap, rusur kal kita fokus ku bas kekurangen, kelemahen ras si la bagi ukurta i bas diri anakta. situhun, pasti melala sisi positif i bas dirina. Erkiteken si e, perlu si sirangi kebiasaan mpebelin-belin kekurangen ras kesalahen anak-anakta.
Ay. 6 Garalah mulihken i bas kam pemere Dibata, si ialokenndu asum kutamaken tanku i babo takalndu.
Paulus situhuna meteh maka lit pergumulen si Timotius si banci erbahan ia lemah i bas pelayanen. Tapi Paulus la fokus ku bas kelemahen si Timotius.
- I bas si e teridah maka; labo minter Paulus mereken nasehat man Timotius, tapi perlebe nuduhken keleng ate, ermediate ras ngergaken kiniulin Timotius. Kenca si e maka isingetkenna kai si nambahi kiniulini bas pelayanen Timotius.
Ay.7, 8 Sabap Kesah si ibereken Dibata man banta labo erbahanca gelah kita percik-cik; tapi KesahNa e ndemi kita alu kuasa, kekelengen, bage pe gelah ngasup kita ngkuasai dirinta. E maka ola kam mela ersaksi kerna Tuhanta; bage pe ola kam mela kerna aku si ipenjaraken erkiteken Kristus. Tapi buat baginndu i bas kiniseran guna Berita Si Meriah bagi ibereken Dibata man bandu gegeh guna si e.
- Pengajaren Paulus; la terjeng kata-kata tapi keteladanen geluh si enggo leben idalankenna i bas kegeluhenna. Paulus eme kalak si tutus ras setia, nggit mereken pengorbanen guna ngelaken keleng ate Dibata.
- Kepeken, kiniteken si teridah arah perbahanen, eme bentuk pengajaren si mehulina man anak-anakta.
APLIKASI
I bas tahun 2021 enda, pelayanen gerejanta mereken ruang man anak si nguda lako muat bagin I bas dahin-dahin gerejanta (KAKR ras Permata). Jumlah anak KAKR mencapai 86.000 ras Permata seh 68.000 kalak i bas gerejanta GBKP. Jumlah total anggota jemaat GBKP sekitar 350.000. Jadi jumlah anak-anakta KAKR ras Permata she 44%. Jumlah anakta generasi milenial enda iperkiraken mencapai 56% i bas tahun 2025, ras sekitar 66% i bas tahun 2030. Adi bage, anakta enda me si jadi generasi penerus gerejanta. Tapi generasi penerus si mehuli perlu meteh dahin-dahin gereja gundari nari gelah ietehna pagi kai si man terusenken i bas gerejanta.
I bas si enda, kita Mamre banci erlajar arah Paulus; jadi usihen, janah erkandu-kandu ras anak-anak, tek ras ngergaken kengasupen anak-anak i bas jabu bagepe gereja. Sebab megati la tempa siakap perlusa jadi usihen ningen e, apai ka erkandu-kandu ras anak. Em erbahansa anakta kekurangen panuten si jadi asamna berkat ngalaken kegeluhen.
Perlu si catat, maka “si malemna” ras “si mesuina” kal ateta i bas geluh enda e me kai si jadi i bas keluargata, khususna nandangi anak-anakta. Adi la kita surung naik pangkat labo pagi ateta mesuisa. Tapi adi anakta pagi la jadi jelma, e baci jadi morah-morah tendinta asa metua.
Selamat jadi Mamre si jadi teladan, si ermediate, si jadi teman kandu-kandu, si ngergaken ras mereken pujin mulai genduari nari. Sebab enda me persembahenta man Tuhan, man Gereja, Man Taneh Karo si Malem, bage pe man bangsanta.
DISKUSI
- Apai nge buen si perdiateken – entah pe sibelasken: kekurangen tah keistimewaan anak-anakta? Engkai?
- Kai saja sedekah enda biakta si erbahan kita kurang kompak ras anakta? (sebab banci jadi isi pengajarenta cukup mehuli tapi caranta nehken ajar erbahanca pengajaren e la maba ulih).
- Kai ndia baci si programken i bas jabunta bage pe runggunta gelah anak-anakta banci berkembang secara kiniteken ras muat bagin i bas pelayanen gerejanta
USULEN ENDE ENDEN
- KEE GBKP No. 205: 1-2
- KEE GBKP No. 191:1,4
- KEE GBKP No. 245:1-2
- KEE GBKP No. 333:1,4
Pdt. Khrismas I. Barus
| CATATAN: Minggu, Tanggal, 27 Juni – 03 Juli 2021 eme PA Minggu keluarga. Ibas minggu e ilakoken PA bersama Mamre, Moria, Permata, KAKR, Saitun. Ngarap kami gelah silakoken PA gabungen enda.. |