Bahan PJJ 23 – 29 Mei 2021

May 25, 2021 Writer-1 PJJ Sektor, Sektor Betlehem, Sektor Filipi, Sektor Galilea, Sektor Hermon, Sektor Kana, Sektor Korinti, Sektor Roma, Sektor Yerusalem 0

ROMA 12: 4 – 8
12:4 Sebab sama seperti pada satu tubuh kita mempunyai banyak anggota, tetapi tidak semua anggota itu mempunyai tugas yang sama, 
12:5 demikian juga kita, walaupun banyak, adalah satu tubuh di dalam Kristus; tetapi kita masing-masing adalah anggota yang seorang terhadap yang lain. 
12:6 Demikianlah kita mempunyai karunia yang berlain-lainan menurut kasih karunia yang dianugerahkan kepada kita: Jika karunia itu adalah untuk bernubuat baiklah kita melakukannya sesuai dengan iman kita. 
12:7 Jika karunia untuk melayani, baiklah kita melayani; jika karunia untuk mengajar, baiklah kita mengajar; 
12:8 jika karunia untuk menasihati, baiklah kita menasihati. Siapa yang membagi-bagikan sesuatu, hendaklah ia melakukannya dengan hati yang ikhlas; siapa yang memberi pimpinan, hendaklah ia melakukannya dengan rajin; siapa yang menunjukkan kemurahan, hendaklah ia melakukannya dengan sukacita.

KERINA RINGRING LIT GUNANA

(Pentakosta)

PERSIKAPEN

  • Pengurus PJJ ngaturken perdalanen PJJ subuk kune ilakoken i bas Sektor, jabu kepkepen, entah i bas jabu ngawan perpulungen erkiteken situasi.
  • Nikapken ingan persembahen ras pertoton syafaat
  • Adi i bas sektor entah jabu kepkepen perdalanen PJJ ibabai Pt/Dk entah Pengurus Sektor entah sekalak si enggo aturken pengurus PJJ. Adi ilakoken i rumah iaturken bapa entah nande entah sekalak i bas jabu.
  • Kerina perdalinenna rikutken situasi janah banci iubah (imodifikasi).
  • Sope benaken PJJ banci kita rende Lagu KAKR

RENDE KEE No. 118:1,3 (IBABAI SIMADA JABU/BAPA)

O Kesah Si Badia e, bengketi pusuh kami pe,
layasi ukur kami
T’rang si ni Surga nari e, nerangi ukur kami pe,
peteneng tendi kami
Maka kami sikap k’rina make pedah ras kataNdu
B’re man kami min dameNdu

Gegehi kami k’rina min, ngikut pedahNdu tetap kin,
bas kegeluhen kami
Bas k’rina paksa-paksa pe, ntah paksa kesusahen pe
tetap temani kami
Tuhan, Tuhan, tegu kami, sampat kami seh terkelin
B’re gelarNdu kupebelin

ERTOTO (IBABAI SIMADA JABU/ANAK)

NGOGE KATA DIBATA → ROMA 12:4-8 (Iogeken Nande-Bapa, ras anak pegancih sada-sada ayat)

RENUNGAN

Istilah kata Pentakosta, (labo “pantekosta”), ertina Lima puluh,  eme 50 wari kenca kekeken Jesus i bas kematen nari . Alu  kekekenNa, Jesus enggo ndungi misi khususNa. Tapi lit denga tugas  si arus ilanjutken ajar-ajar Jesus, ija 40 wari kenca keke, Ia nangkih  ku Surga. Sedekah ngikutken Jesus enggo me ibereNa usihen,  pengajaren ras ncidahken kuasa man ajar-ajarNa. Janah kenca 40  wari Jesus keke, lit denga 10 wari ia ras Jesus persekutuan ras i bas  doa. Kenca 50 wari maka icurcurken Tuhan Kesah Si Badia. Emaka i  tengah gerejanta GBKP silakoken 10 Wari Ertoto (3 wari Pra Pekan  Doa i bas jabu masing-masing, janah 7 wari i tengah-tengah  perpulungen).  

Pentakosta (nusurna Kesah Si Badia) jadi sada tonggak sejarah si  mbelin pantekna perpulungen (gereja) mula-mula (gereja  perdana). Ajar ajar si idemi Kesah Si Badia naksiken ras meritaken  kerna Jesus Anak Dibata janah kalak si megi nggit iperidiken ras  ngaku maka Jesus Tuhan.  

Surat Paulus man perpulungen i Roma, kenca bindu 1-11 rasul Paulus  memusatken perhatinna kerna kebenaren i bas kiniteken nandangi  perkuah ate Dibata, emaka benaken bindu 12 Paulus njelasken kuga  arusna pengikut Kristus ncibalken geluhna selaku KulaNa. Misi utama  labo mpebelin institusi/lembaga (termasuk gedung) gereja, tapi  erlajar kerna diri (gereja) siigambarken Paulus selaku Kula ni Kristus.  Paulus make gambaren kula manusia, sue ras suratna man  perpulungen i Korinti. Menurut V. C. Pfitzner, “Paulus tidak berbicara  tentang jemaat sebagai sebuah organisasi melainkan organisme. Ia  bukanlah sebuah struktur eksternal, melainkan orang-orang yang  saling terjalin bersama, dengan masing-masing anggotanya melayani  keseluruhan tubuh itu dengan memenuhi fungsi yang telah  ditetapkan kepadanya. Lebih jauh, jemaat itu bukanlah semata-mata  seperti sebuah tubuh; ia adalah tubuh Kristus, yang menggambarkan  sebuah realitas yang di dalamnya orang Kristen bukan hanya menjadi  anggota, melainkan bagian”. 

Pengangkan enda mpertegas identitasta selaku pengikut Kristus si  meherga si jadi bagin Kula ni Kristus. La kepe terjeng selaku anggota, tapi bagin (menyatu/melekat) i bas kula Kristus. Kristus ersada ras kita, janah kita ersada ras Ia. Amin nterem gia kita, tapi  sada kula kap kita i bas persadanta ras Kristus, janah kita ipersada  kerina bagi ringring i bas sada kula (Rm. 12:5). Ertina kinierbagen e  siidah sebage bentuk si ergan ras ngasup ngaloken sada ras si  debanna labo sebage ancamen. Kiniersadanta ras Kristus si  pentingna, eme si jadi palas kiniersadanta i bas perpulungen si  erbage-bage ringring. Alu bage me maka seri pengidahta kerna  ergana (nilai) teptep ringring si lit i bas kula anem pe pelain-lain. I  bas ay. 4, ikataken “I bas kulanta si sada enda melala ringringna,  janah kerina ringring e lit gunana” (tema).  

Labo ngatakenca institusi gereja lanai perlu, tapi gelah keberadan  gereja la terjeng guna mpebelin diri secara institusional (lembaga)  melainken lebih ku bas fungsina lit i doni enda guna jadi sira ras  terang, rasul Paulus memotivasi perpulungen kalak Kristen guna  nggunaken pemere Tuhan si pelain-lain siiberekenNa rikutken lias  ateNa (Rm. 12:6a). Selaku kalak si tek man Kristus, tek kita lit  pemere Dibata man banta sekalak-sekalak. E me siigelari rupa-rupa  karunia (karisma). Sue ras sura-sura ras rencana Dibata ibereNa  kengasupen man kalak si tek baNa bagi contoh si tersurat bas  pengogenta: 

▪ kengasupenta ernubuat, ernubuatlah sue ras ajaren  kiniteken (ay. 6b). 
▪ kengasupenta guna nampati (bahasa Indonesia: melayani),  nampatilah. kengasupen guna ngajar, ngajarlah (ay. 12:7).
▪ Kengasupen petetap ukur kalak (bahasa Indonesia:  menasihati), lakokenlah e; 
▪ Kengasupen mere (berbagi) man kalak si deban, lakokenlah  alu ukur menahang.  
▪ Kengasupen jadi peminpin, arus tutus erdahin; 
▪ Kengasupen ncidahken perkuah ate man kalak si deban,  dahiken alu ukur meriah (ay. 8).  

Sue ras Tata Gereja nta GBKP 2015-2025, Tata Laksana, Bab I Pasal  1 kerna Indikator Umum Wujud GBKP Yang Ideal ikataken bas Poin  1 “Warga Gereja adalah subjek dalam kehidupan bergereja”. Janah  terdauhen i bas Bab XVIII Pasal 80 kerna Warga Sidi Poin1.b.1) isuratken kerna tanggung jawab warga sidi eme “Berperan serta  dalam kegiatan gereja sesuai talentanya”. Alu terus ras terus  erlajar arah kata Dibata, reh tangkasnalah talenta si lit i bas kita  sekalak-sekalak. Fokus kita kerna kengasupen ras minatta e.  Sikembangken alu erlajar arah erbage sumber. Sijalin kerjasama  (networking). Subuk i tengah jabu, gereja/perpulungen bage pe i  tengah-tengah masyarakat, sipakeken alu mehuli talentanta  sekalak-sekalak e lako mere ulih si mehuli, mbangun dingen maba  kegeluhen ras kejuah-juahen man sekelewetta. Sibere dirinta  ikuasai, ipinpin, dingen iajari Kesah Si Badia maka arah talenta si lit  i bas teptep kita ngawan perpulungen berfungsi geluhta maba  kegeluhen, jadi kesaksin si mehuli man enterem jelma, man  kemulian gelar Tuhan.  

NURIKEN PENGGEJAPEN

  • PERMATA
  • KAKR
  • SAITUN

IRAKUT PERTUA/DIAKEN/EMERITUS/PENDETA

SHARING RAS AKSI

  1. Turiken kidekah enda seh ija sitandai, dingen sipakeken talenta si lit i bas kita!
  2. Ban sada komitmen janah lakoken sebage aksi nyata i bas perpulungen kuga talenta si lit i bas kita erguna nandangi perpulungen ras masyarakat sekitar (sada saja)

MOMO

RENDE KEE No.245:1-3 “O Kesah Si Badia” (PERSEMBAHEN)

O Kesah Si Badia, pegara min apiNdu
Bas pusuh kami k’rina, si ‘nggo dat pendiloNdu
Talangi pinggel kami, terangi pusuh kami
Petetap ukur kami, ngaloken pendiloNdu
SuruhNdu kami k’rina, peseh ku tampuk doni
KataNdu si meherga, gelah Kam ermulia

PERTOTON SAPAAT (Ibabai Mamre ras PERMATA)

  • Notoken gelah kerina ngawan GBKP mengoptimalken talenta guna mbangun jemaat ras masyarakat.
  • Notoken gelah GBKP jadi sira ras terang man doni enda

RENDE KEE No. 209:4,5 “Perpulungen Ersadalah”

Erbage-bage pemere man banta kerina
Tujunta sada me kepe terpuji Dibata
Ersada ukur me jine O Kristen japa pe
Anem melala ringring pe sada kula kepe
Kerina daten pemere, dat pasu-pasu pe
Mejingkat k’rina min dage ndahiken dahin e
Meteruk ukur k’rinalah em pedah Tuhan e
Em jadi man ikutenlah i bas kelengNa e

PERTOTON TUHAN
JEDA RAS PENUTUP

Pdt. Theodosius Keliat, M.Th.

Lagu PJJ

Post Views: 335