ERKITEKEN KELENG ATE-NA KITA JADI ANAK-ANAK-NA
(Identitas Kalak Si Tek)
Efesus 1: 3 – 6
Kekayaan orang-orang yang terpilih1:3 Terpujilah Allah dan Bapa Tuhan kita Yesus Kristus yang dalam Kristus telah mengaruniakan kepada kita segala berkat rohani di dalam sorga.
1:4 Sebab di dalam Dia Allah telah memilih kita sebelum dunia dijadikan, supaya kita kudus dan tak bercacat di hadapan-Nya.
1:5 Dalam kasih Ia telah menentukan kita dari semula oleh Yesus Kristus untuk menjadi anak-anak-Nya, sesuai dengan kerelaan kehendak-Nya,
1:6 supaya terpujilah kasih karunia-Nya yang mulia, yang dikaruniakan-Nya kepada kita di dalam Dia, yang dikasihi-Nya.Pemasu-masun Dibata arah Jesus Kristus
1:3 Terpujilah Dibata Bapa Tuhanta Jesus Kristus! Sabap erkiteken persadanta ras Kristus, enggo ipasu-pasuNa kita, alu erbage-bage pemere pertendin si lit i bas ingan si meganjang.
1:4 Ope denga ijadiken Dibata doni enda, enggo ipilihNa kita jadi sikerajangenNa arah persadanta ras Kristus gelah kita badia dingen la ersalah i lebe-lebeNa. Erkiteken keleng ateNa.
1:5 Enggo itetapkenNa maka arah Jesus Kristus ialokenNa kita jadi anak-anakNa. Enda me si ngena ateNa dingen sura-suraNa.
1:6 Terpujilah Dibata erkiteken kiniulinNa si mulia, si icidahkenNa man banta arah pemereNa i bas AnakNa si ikelengiNa.
PERSIKAPEN
- Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
- Nikapken ingan persembahen ras pertoton syafaat
- Adi i bas sektor entah jabu kepkepen perdalanen PJJ ibabai Pt/Dk entah Pengurus Sektor entah sekalak si enggo aturken pengurus PJJ. Adi ilakoken i rumah iaturken bapa entah nande entah sekalak i bas jabu.
- Kerina perdalinenna rikutken situasi janah banci iubah (imodifikasi).
- Sope benaken PJJ banci kita rende Lagu KAKR
Ngendeken KEE 358 (3x)
Muliakenlah O tendingku,
Muliaken Tuhan Dibata O tendingku,
Muliakenlah, muliakenlah, muliaken Tuhan O tendingku
Ertoto (ibabai anak jabu)
Ngoge kata Dibata (iogeken bapa jabu)
Renungen alu tema: Erkiteken Keleng Ate Na Kita Jadi AnakanakNa.
Paulus ngidah kehadiren kekristenan sebagai bukti bagin padan Dibata man kalak si enggo ipilih-Na jadi sikerajangen-Na. Perpulungen Kristus ipilih jadi anak-anak Dibata arah persadanta ras Tuhan Jesus. Kerehen Jesus Kristus jadi pusat i bas kerina dampar kegeluhen perpulungen.
Terbagesen isehken Paulus man perpulungen maka biak nggeluh kalak Kristen eme Muji ras mpermuliaken Tuhan guna encidahken persadanta ras Kristus. Gegehta i bas encidahken persadan e, eme enggo sialoken pemere-pemere pertendin si lit i bas ingan si meganjang (ay.3b). Pemere e eme kegeluhen si mbaru i bas dirinta, jabu, bage pe lingkungen masyarakat luas. Kegeluhen simbaru e erpalasken kekelengen Dibata arah Jesus Kristus si nebusi dosadosanta.
Pengarapen Paulus man perpulungen Epesus maka i bas kegeluhen simbaru kita megenggeng selaku pribadi ras isi jabunta. Pemerepemere pertendin si lit i bas ingan si meganjang tuhu-tuhu meherga e eme kita bas perpulungen ras persadanta ras Kristus. Kita ijadiken manusia badia dingen la ersalah, kita jadi anak-anak Dibata, sindalanken singena ate Dibata ras ikut i bas sura-sura Dibata. Cara kita rukur, pengerana ras perbahanen arus sendalanen ras kai si ngena ate Dibata.
Kalak si tading i Kota Epesus saja nembah kuil dewi Artemis alu pengarapen kegeluhenna ijaga, ibereken pasu-pasu ras jaminen nggeluh. Aspek agama, aspek politik, aspek ekonomi ras sosial bas pola pikir manusia tuhu-tuhu aktif ndarami jawaban si tangkas teridah. Padahal si isembahna eme buaten tan manusia (pande pirak), emaka labo seh sura-surana.
Sebalikna kita sebagai anak-anak Dibata iajuk mengembangken biak nggeluh si mehuli, mberitaken kekelengen Dibata. Kita enggo ngaloken perubahen kegeluhen sebagai anak-anak Dibata i bas Jesus kristus. Kita arus ngasup encidahken kegeluhen tetap make palas kegeluhen kalak sierkiniteken.
Rikutken topik PJJ nta sendah kai ndia banci silakoken arah gegeh ras identitas selaku anak-anak Dibata? I bas situasi adaptasi kebiasan baru ngadapi pandemi covid-19 si jelas eme perpulungen Tuhan tetap ersada ras Kristus, ngelakoken si mehuli, tedeh ateta ndalanken sura-sura Dibata i bas caranta rukur rikut ras biak geluh si tetap muji gelar Tuhan. Sabab keleng ate Dibata e teridah i bas Dibata enggo milih kita jadi sikerajangenNa arah persadanta ras Kristus Jesus. Alu bage identitasta selaku anak rehna i bas Dibata nari, labo arah doni. Tandana kita anak-anak Dibata eme: sipemena, lit persadanta ras Kristus. Ertina ersada e la terpisahken e maka kai pe si ibahan kita arus maka la terpisahken ras kai si ibahan Kristus subuk arah pendahinta, perkade-kadenta, ras pe rencanarencananta. Tanda sipeduaken eme anak e si jadi si ngaloken tadingtadingen, ertina erkiteken kita anak-anak Dibata maka sialoken tading-tadingen pasu-pasu eme erbage-bage pemere pertendin si lit i bas Dibata nari.
Situasinta genduari e me paksa si tuhu-tuhu pedas kel membangun dirinta ku bas aspek kekelengen si ituriken Paulus sebagai teologia kekelengen alu perkuah ate-Na. Paulus mereken suratna man perpulungen Epesus, mereken sada penegasen palas jadi anakanak Tuhan eme perbahan perkuah ate-Na i bas kematen Jesus Kristus i kayu persilang guna nebusi dosa ras nelamatken manusia.
Emaka i bas si e Paulus jine i bas kegeluhenna si mbaru, si enggo ibereken Dibata alu pemereNa i bas Tuhan Jesus ndalanken kegeluhenna i bas terang, bage pe jadi saksi man kalak si deban. Tetap tutus ia mberitaken keselamaten si ibaba Kristus.
Man banta teridah arah njaga hubungen i bas jabu eme bapa, nande ras anak. Bage pe ku tengah-tengah jelma sinterem umpamana arah CU. CUM si ngajarken biak sitatang-tatangen ras sisampat-sampaten. Dahin PI arah media sosial si share (bagiken) berita si mehuli ras ola hoax (kebohongan), dahin koinonia PJJ ras PA rikutken situasi alu daring (dalam jaringan / terhubung melalui jejaring komputer, internet dan sebagainya).
Perubahen si ibaba Tuhan Jesus arus teridah dingen tergejab bas kegeluhenta. Tantangen si lit i bas kita selaku anak-anak Dibata tentu lit reh man banta teptep wari. Tapi selaku kalak Kristen (gereja) arus sicidahken gegeh Tuhan, kedewasaan teologia nta alu kinata kekelengen Dibata si tangkas teridah guna nambahi gegeh temanta manusia. Marilah sijaga persadanta ras Kristus sabab erkiteken keleng ateNa nge maka kita jadi anak-anakNa si ndatken pasu-pasu.
Ngendeken KEE 358 (3x)
Muliakenlah O tendingku,
Muliaken Tuhan Dibata O tendingku,
Muliakenlah, muliakenlah, muliaken Tuhan O tendingku
Diskusi:
- Kai nge tanda si teridah bukti kita enggo jadi anak-anak Dibata?
- Kai banci si ban tole guna encidahken keleng ate Tuhan man si deban?
Persembahen alu ngendeken KEE. 281:1
Kek’lengen Yesus kempak manusia, desken Dibata engkelengi IA
KekelengenNa maler kap man banta, adi sipakelah pedahNa
Min sikeleng-kelengen kita k’rina, bagi pedahken Yesus bas Pustaka
Sababna kai sipindo bas gelarNa, ib’re Dibata man banta.
Pertoton Sapaat
- Kerna persembahen (ibabai Anak)
- Gelah ngasup nggeluh i bas persadan ras Kristus Jesus (ibabai Bapa)
- Gelah ngasup tetap jadi usihen si mehuli i bas kegeluhen teptep wari (ibabai Nande)
Rende KEE. 299:1
Ngikut Tuhan kin atendu persan silang
Ola sangsi ola mbiar, ikutkenlah
Persan saja min silangndu, ikut terus
Mulia me kel upahndu, tetap tutus.
Pertoton Tuhan (ibabai serayan Tuhan/Bapa)
Pdt. Petros Sitepu, S.Th.