KINISERAN KITE – KITE DALAN KU SI JORE
TUJUN: Gelah Moria:
- Meteh maka Jusup mpetetap ukur seninana i bas ngalaken kiniseran.
- Ngidah ras makeken peluang si lit guna peningkaten ekonomi i bas masa Covid.
METODE PA: Sharing Pengalamen
Kejadian 45: 5 – 11
45:5 Tetapi sekarang, janganlah bersusah hati dan janganlah menyesali diri, karena kamu menjual aku ke sini, sebab untuk memelihara kehidupanlah Allah menyuruh aku mendahului kamu.
45:6 Karena telah dua tahun ada kelaparan dalam negeri ini dan selama lima tahun lagi orang tidak akan membajak atau menuai.
45:7 Maka Allah telah menyuruh aku mendahului kamu untuk menjamin kelanjutan keturunanmu di bumi ini dan untuk memelihara hidupmu, sehingga sebagian besar dari padamu tertolong.
45:8 Jadi bukanlah kamu yang menyuruh aku ke sini, tetapi Allah; Dialah yang telah menempatkan aku sebagai bapa bagi Firaun dan tuan atas seluruh istananya dan sebagai kuasa atas seluruh tanah Mesir.
45:9 Segeralah kamu kembali kepada bapa dan katakanlah kepadanya: Beginilah kata Yusuf, anakmu: Allah telah menempatkan aku sebagai tuan atas seluruh Mesir; datanglah mendapatkan aku, janganlah tunggu-tunggu.
45:10 Engkau akan tinggal di tanah Gosyen dan akan dekat kepadaku, engkau serta anak dan cucumu, kambing domba dan lembu sapimu dan segala milikmu.
45:11 Di sanalah aku memelihara engkau–sebab kelaparan ini masih ada lima tahun lagi–supaya engkau jangan jatuh miskin bersama seisi rumahmu dan semua orang yang ikut serta dengan engkau.45:5 Genduari ola aru atendu, ola isalahkenndu bandu erkiteken idayakenndu aku ku jenda. Si tuhuna Dibata nge si erbahan maka aku leben seh asang kam ku jenda guna nelamatken kalak si nterem.
45:6 Enda pedua tahunken denga nge kelihen i negeri enda. Lima tahun nari dekahna la lit kalak si nenggala tah pe rani.
45:7 Dibata si erbahanca maka aku leben seh asang kam, guna nelamatken kam alu cara si luar biasa enda, gelah alu bage kam ras kesusurenndu selamat.
45:8 Erkiteken si e si tuhuna labo kam si erbahanca maka aku seh i jenda tapi Dibata nge. IbahanNa aku jadi penungkunen raja. IberekenNa man bangku kuasa nandangi kerina negeri enda; aku me si merentah kerina negeri Mesir.
45:9 Genduari pedaslah mulih ku bapangku; kataken man bana, maka bagenda nina anakna Jusup, ‘Enggo ijadiken Dibata aku jadi si merentah belang-belang negeri Mesir; minterlah kam reh.
45:10 Banci kam ringan i daerah Gosen gelah ndeher ras aku – kam, anak-anakndu, kempu-kempundu, biri-birindu, kambingndu, lembundu, ras kerina sikerajangenndu si deban.
45:11 Adi i Gosen kam ringan, banci kam kupekena-kena. Lit lima tahun nari dekahna kelihen enda; la ateku kam mate kelihen ras keluargandu bage pe ras asuh-asuhenndu.’ ”
Kata Penaruh.
Tema bahan PA Morianta i bas Minggu enda “Kiniseran Kite-kite Dalan Ku Si Jore,” enda salah sada judul lagu Karo si nuriken kerna kiniseran erkiteken sirang ras atena ngena. Tapi lit denga sada pengarapen amin bas kiniseran, emaka nina bas lagu e, ‘ula kam pagi erkadiola, sabap la langkandu maka kiniseran e kite kite dalan ku si jore.’ Kerina kita pernah ngenanami paksa sulit bas kegeluhenta, janah pengalamen e mbelin ngaruhna ku bas cara rukur ras caranta erdahin. Kususna piga piga waktu si lewat, jumpa kita paksa sulit i bas litna Virus Corona si mbelin ngaruhna ku bas kegeluhenta. Ise kita igambarken arah cara pandangta i bas ngalaken masa sulit e. I bas Pustaka Si Badia lit ituriken piga-piga tokoh si erjuang dingen ngasup ngalaken perbeben i bas kegeluhenna. Jusup anak Jakub, e me salah sada tokoh si mereken pengajaren man banta kerna uga carana ia ngalaken kiniseran i bas perdalanen kegeluhenna.
Mpebagesi Pengangkan Kerna Ogen.
I bas Kejadin 37 ituriken kerna Jusup, si segat ate senina-seninana, seh pe idayakenna man perbinaga kalak Midian dungna seh ku rumah Potipar, Jusup jadi budak. Ia pe pernah i penjaraken (39). Arah pengalamen si pagit si inanami Jusup, banci saja ia jadi pribadi si tertekan, dem nembeh ate ras elem-elem, merawa ate nandangi senina, janah banci turah sura- sura lako erbalas. Tapi ipilihna nggeluh rikutken si ngena ate Dibata si mabai kegeluhenna jadi kalak sl mehull. Keputusenna e mbelin nama ngaruh ku bas perdalanen geluhna ku lebe wari. Ia banci Jadi usihen bas pendahin ras perbahanenna janah jadi pasu-pasu man sekelewetna. Teridah tupung Jusup idilo guna nafsirken nipi raja Mesir, Isaksikenna i je Kuasa Tuhan. Nina Jusup njabab penungkunen raja: “labo terantusi aku, o Raja, tapi Dibata banci mereken antusen si mehuli (Kej. 41:16).” Jusup ngejapken maka Dibata nge si erdahin i bas kegeluhenna, IA nge si patut puji. Bagepe tupung Jusup nehken identitasna man senina-senina, nina Jusup ngerana: “genduari ola aru atendu, ola isalahkenndu bandu erkiteken idayakenndu aku ku jenda. Si tuhuna Dibata nge si erbahan maka aku leben seh asang kam ku jenda guna nelamatken kalak si enterem (Kej. 45:5).” Sikap si mehuli tole si idah arah Jusup e me la nggit erbalas i bas kejahaten si enggo ibahan seninana man bana. Sebalikna ia encidanken keleng ate ras ngelakoken perbahanen si mehuli. Tupung senina-seninana mbiar man Jusup erkiteken perbahanenna si enggo lewat, i je me Jusup encidanken perbahanen kiniulin si dem kekelengen. Nina Jusup: “ola mbiar, labo banci aku jadi gancih Dibata ngukum kalak.. “(Kej.50:19-21).
Tupung Jusup enggo jadi wakil raja i Mesir, situhuna lit gegeh ras kesempatenna erbalas man senina-seninana, man ndehara Potifar, bage pe man penjaga penjara si pernah erbahan jahat man bana. Tapi pilihna ngalemi perbahanen si la payo si pernah ibahan kalak man bana, si maba ia ku bas kiniseran. I ja pe Jusup tading tetap ia ngelakoken dahin si mehuli si ngena ate Dibata. Kebeluhenna entahpe talenta si ibereken Tuhan man bana ipakekenna guna nampati kalak sideban, seh maka kerina erguna man Raja ras rakyat Mesir bage pe man keluargana jine. Jusup merespon, ndalani pengalaman kiniseranna alu tetap ndalanken si mehuli, la jungut jungut, la erelem-elem ras la erbalas. Pengalamen si pagit erbahansa ia reh rembakna ras Tuhan, seh maka paguh ndalani kegeluhen. Eme jadi kite-kite ia jadi pemimpin si ipake Tuhan nelamatken kalak si enterem termasuk keluargana, senina-seninana si enggo ndayaken ia (45:5,7). I bas ngalaken kerina perbeben si mberat ilewatina alu kesabaren, tek ia maka i bas kerina si jadi, lit rencana Dibata si mehuli i bas kegeluhenna (ay.8). Jusup encidanken biak si cukup mehuli, tetap ia rukur realistis ras positif ndalani kinata kegeluhen, gia reh si la bagi ukur, kerina ialaken ras idalanina alu biak teneng ras bijaksana, tetap fokus ku bas rukur si mehuli janah ngasup ia mpetetap ukur kalak sideban. Pengalamen ngalaken perbeben si mberat, ia tetap ersukuten man Tuhan ras nggeluh i bas si ngena ateNa. Kai si ilakoken Jusup e, ulihna ia jadi kalak pentar, ia jadi penungkunen raja ras jadi pemimpin kerajan Mesir. Ia jadi pasu-pasu man keluargana ras man kalak Mesir (Kej. 45:8b).
Pengkenaina.
Kune reh kiniseran ras perbeben, megati ninta: “engkai maka reh perbeben e, engkai maka arus aku si ngenanamnisa?” E encidahkеn maka la kal atera lit kiniseran ras adi lit pe ula min kita ikenaina. Tapi labo kita banci nilah adi enggo reh perbeben e, bagi si enggo si alami kita, i ja litna COVID-19, virus si maba kebiaren man banta, si melala ngaruhna ku bas kerina dampar kegeluhenta, atan i je penurunen ekonomi. Pengusaha pe mbue si gulung tikar, reh buena pengangguren, mbue pendahin si lanai bana idahiken bagi biasana Pandemi СOVID-19 tuhu-tuhu maba perubahen bas kegeluhenta. I bas situasi e kita arus tetap optimis guna ngidah ras muat peluang usaha menopang kebutuhenta si tep-tep wari si banci nampati perekonomin keluarganta. Ula si salahken keadan, ula bene pengarapen, tapi nggit erlajar ras make peluang arah TI, umpamana; mbuka usaha makanen ringan, gulen tasak ras enda itawarken arah online. Erbahan Ramuan Herbal guna njaga imun tubuh tetap sehat, bagi bubuk jahe merah, kuning las, tawar rsd. Erbahan masker kain guna idayaken, erdaya Hand Sanitizier. Mbuka usaha sembako, erdaya Pakaian Online, seh ka pe erdaya bunga-bunga hidup (budidaya bunga).
Tema PA-nta wari enda : Kiniseran Kite Kite Dalan Ku Si Jore, ngatakensa maka lit peluang ras kesempaten jadi jore i bas litna perbeben. Perlu si inget, tetap rukur ras erdalan i bas si ngena ate Dibata, dahiken dahin alu la jungut-jungut, la nalahken keadan, saber megenggeng erpengarapen, lit denga si mehuli bas wari si pepagi. Makeken pemeteh ras kebeluhenta jadi pasu-pasu man sekelewetta. Tetap ras Dibata gela ngasup kita ngidah peluang si mehuli i bas litna kiniseran e, sadar nangdangi perubahen si terjadi. Lit sura-sura Dibata si mehuli man kerina ras anak-anakNa.
Metode PA: Sharing Pengalamen.
- Turiken pendapatta kerna perbeben si inanami Jusup.
- Turiken pengalamenta ngeluh i bas masa Covid-19 si terjadi tengah-tengah doni enda. Kai makna si banci si dat guna geluhta?
Pdt. Erniyanti Pinem, S.Th.M.M