Bahan PJJ 07 – 13 Maret 2021

IPETENENG JESUS ANGIN SI METER

(Bencana Alam)

Matius 8: 23 – 27
Angin ribut diredakan

8:23 Lalu Yesus naik ke dalam perahu dan murid-murid-Nyapun mengikuti-Nya.
8:24 Sekonyong-konyong mengamuklah angin ribut di danau itu, sehingga perahu itu ditimbus gelombang, tetapi Yesus tidur.
8:25 Maka datanglah murid-murid-Nya membangunkan Dia, katanya: “Tuhan, tolonglah, kita binasa.”
8:26 Ia berkata kepada mereka: “Mengapa kamu takut, kamu yang kurang percaya?” Lalu bangunlah Yesus menghardik angin dan danau itu, maka danau itu menjadi teduh sekali.
8:27 Dan heranlah orang-orang itu, katanya: “Orang apakah Dia ini, sehingga angin dan danaupun taat kepada-Nya?”

PERSIKAPEN

• Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
• Nikapken ingan persembahen ras pertoton syafaat
• Adi i bas sektor entah jabu kepkepen perdalanen PJJ ibabai Pt/Dk entah Pengurus Sektor entah sekalak si enggo aturken pengurus PJJ. Adi ilakoken i rumah iaturken bapa entah nande entah sekalak i bas jabu.
• Kerina perdalinenna rikutken situasi janah banci iubah (imodifikasi).
• Sope benaken PJJ banci kita rende Lagu KAKR

Rende KEE. 305 – O, Tuhan Kam me Penampat

Ertoto (ibabai Mamre/ bapa i tengah jabu)

Ngoge Pustaka: Matius 8:23-27 (iogeken Moria/Nande)

Bahan PJJ enda e me turi-turin kerna ipejeneng Tuhan Jesus angin meter si jadi i dano Galilea. Dano Galilea gedangna 21 Km ras belangna 13 Km, adi ngepar ateta tare perahu iperluken waktu kurang lebih telu jam. Tentuna i bas paksa Jesus ndube, waktu siperluken dekahen asangken sigundari erkiteken perahu siipake pe perahu kitik ras lenga lit motorna (mesin). Paksana Jesus nerusken perdalanen pelayanenNa erlayar i dano Galilea ras ajarajarNa rempet rembus angin meter, seh maka galumbang pe nderpa perahu e. Turah me kebiaren i bas ajar-ajar, emaka i ingeti ajar-ajarNa Ia nina: “O Tuan, sampati min! Enggo cilaka kita!” Jenari keke Jesus, isergangiNa angin meter ras galumbang ndai. Emaka enggo seh kal tenengna.

Pengertian Bencana Alam adalah suatu peristiwa atau rangkaian peristiwa luar biasa yang disebabkan oleh alam (gempa bumi, tsunami, gunung meletus, banjir, kekeringan, angin topan, dan tanah longsor) sehingga mengakibatkan timbulnya korban jiwa, kerusakan lingkungan, kehilangan harta benda, dan dampak psikologis. Bencana alam si banci jadi:

• Bencana alam geologis; gempa bumi, tanah longsor, tsunami, letusan gunung merapi, ras si debanna.
• Bencana alam meteorologis; kekeringan, banjir bandang, angin puting beliung, ras si debanna.
• Bencana alam ekstraterestrial; hantaman meteor, badai matahari, ras si debanna.

Rikutken penyebabna: sipemena, erkiteken alam si mengalami perubahen si ekstrim. Sipeduaken, perbahanen manusia, enterem manusia ngelakoken perbahanen si la ertanggung jabab si dungna mpereh bencana alam. Piga piga contoh bencana alam erkiteken ulah manusia e me: banjir erkiteken menterken sampah sembarangen, taneh longsor erkiteken itabahi kerangen alu la erturiturin, nutung kerangen guna mbuka juma mbaru. Kelegon erkiteken eksploitasi lau alu berlebihen. Si perlu siperdiateken selaku kita kalak Kristen eme ula min bencana e reh erkiteken perbahanenta manusia, sebab enggo ibereken Dibata tanggung jabab man banta guna ngusahai ras njagaisa (bdk. Kej. 1:28; 2:15). Adi enggo sempat reh bencana e, sirugina eme kita manusia. Tentu la seri adi bencana e rehna erkiteken perubahen si alami siterjadi i bas alam e sendiri guna keseimbangen ekosistem, misalna letusan gunung berapi.

Tanda kita pentar njagai tinepa Dibata banci silakoken 4R (reduce/ engkurangi sibanci jadi sampah, reuse/ make sampah sibanci denga ipake, recycle/ daur ulang, repaire/memperbaiki). Kita arus hemat make lau ras energi, engkurangi sampah-sampah plastik, styrofoam, kemasen-kemasen plastik ras alumunium, memanfaatken sarana-sarana transportasi si hemat ras ramah lingkungan. Bage pe banci ka kita mendukung gerakan kelompok-kelompok ras LSM-LSM si mperjuangkan keadilan terutama guna lingkungan hidup simereken pengaruh man kebijakan pemerintah sierkawiten ras keadilen lingkungen hidup.

Kenca enggo sidatken kerna bencana alam e, emaka penting selaku kalak si erkiniteken arus pentar i bas ngalakenca. Maka arah tema PJJ nta enda ngingetken ras ngajarken man banta gelah ula lupa kita erlebuh man Jesus tupung paksa kita ngenanami perbeben, bencana. Matius make kata Junani “proserkhomai” siertina “ndeheri alu mehamat”. Jadi kita megegeh ngalaken perbeben/bencana adi kita mehamat mindo gegeh man Penampatta. Tuhan Jesus la pernah ipediatNa anak-anakNa i bas kesusahen adi siinget ras tek kita man baNa, sebab Ia me “Kurie” eme “Sang Tuan diatas segala tuan”. Aminna pe kita i bas kesusahen tetaplah ernalem man Jesus, aminna pe mawen-mawen siakap Dibata la mperdiateken kita, tapi perlu siinget maka Tuhanta tetap njagai kita. Emaka ertoto ras mindo penampatlah kita lalap man Tuhan Jesus singasup mereken serpang pulah, ula ku si deban! (ay. 26).

Gundari kita ngalaken Corona Virus Disease-19 (Covid-19) eme pinakit menular isebabken i bas virus SARS-COV 2 atau virus Corona. WHO netapken maka Covid-19 sebage Pandemi ras pemerintahta netapken jadi bencana non alam eme berupa wabah pinakit si perlu ilakoken langkah langkah penanggulangen terpadu termasuk keterlibaten kerina komponen masyarakat. Kerina dampar kegeluhenta terkena imbasna subuk ekonomi, pendidiken, agama, budaya ras kesehaten aminna pe i bas piga-piga dampar mereken hal-hal si positif, umpamana kebersamaan i bas jabu, turah keterampilen si mbaru, hemat belanja, ras si debanna.

I bas ngalaken perbeben, pengalaman pagit ras pengalaman traumatik (lalap inget) tetap min kita ngalakenca alu palas kiniteken (bdk. Ayat 25). Enda me sinigelari mengatasi bencana alu kiniteken si tetap. Tetap erkiniteken i bas ngalaken bencana eme tanda kita patuh man Dibata i bas situasi si sulit. Martin Luther ngataken: “preces et lacrimae sunt arma ecclesiae”, doa dan air mata adalah senjata gereja. Penderitaan melahirkan doa yang kuat. Gereja tidak bisa dipisahkan dari air mata yang dapat menunjang kedewasaan iman. Alu bage isiingetken ras iajarken man banta kerna pentingna kehadiren Tuhan Jesus i bas kegeluhenta ngalaken keguluten, kebiaren ras bahaya-bahaya si reh nderpa anak-anakNa, khususna erkiteken bencana alam. Tuhanta erkuasa (berotoritas) nandangi doni enda rikut ras kerina kejadinna. Emaka tetap ukurta. Bulat ukur ku Tuhan, ula ku bas bencana. Tuhan si mpegegehi.

Nuriken Penggejapen:

• PERMATA
• MORIA
• MAMRE

Rende KEE. No. 260 – Oh Andiko Jilena

Pertoton Sapaat ras Pertoton Tuhan

Topik:

• Gelah ngasup njagai tinepa Dibata (ibabai Pengurus PJJ/Anak).
• Gelah perpulungen megegeh ngalaken kiniseran/ bencana si jadi i bas kegeluhen (ibabai Moria/Nande).
• Kerna kalak si erjuang ndalanken keadilen, perdamen ras njaga hubungen kerina tinepa Dibata (ibabai Moria/Nande).
• Kerna persembahen ras si turah i bas perpulungen/jabu (ibabai Mamre/Bapa).

DISKUSI (iaturken Pengurus PJJ/Bapa)

1. Uga nge pengangkanta adi lit bencana si reh nderpa ku bas kegeluhenta?
2. Kai nge sinibahanndu kune reh perbeben/bencana alam ku bas kegeluhenndu?

Momo & Snack adi lit

Pdt. Falentinus Timotius Sitepu, M.Th