JADI USIHEN
(Tema: Tahun Pelayanen)
1 Timotius 4: 12 – 16
4:12 Jangan seorangpun menganggap engkau rendah karena engkau muda. Jadilah teladan bagi orang-orang percaya, dalam perkataanmu, dalam tingkah lakumu, dalam kasihmu, dalam kesetiaanmu dan dalam kesucianmu.
4:13 Sementara itu, sampai aku datang bertekunlah dalam membaca Kitab-kitab Suci, dalam membangun dan dalam mengajar.
4:14 Jangan lalai dalam mempergunakan karunia yang ada padamu, yang telah diberikan kepadamu oleh nubuat dan dengan penumpangan tangan sidang penatua.
4:15 Perhatikanlah semuanya itu, hiduplah di dalamnya supaya kemajuanmu nyata kepada semua orang.
4:16 Awasilah dirimu sendiri dan awasilah ajaranmu. Bertekunlah dalam semuanya itu, karena dengan berbuat demikian engkau akan menyelamatkan dirimu dan semua orang yang mendengar engkau.4:12 Ola kal pelepas ise pe mapas man bandu erkiteken kam nguda denga. Tapi jadilah kam man usihen kalak si tek, subuk i bas pengeranandu, i bas lagu langkahndu, i bas kam nehken keleng ate, i bas kinitekenndu bage pe i bas ukurndu bujur.
4:13 Pakekenlah paksa si lit guna ngogeken Pustaka Si Badia man perpulungen seh aku reh pagi. IAh-iahi janah ajari kalak e.
4:14 Ola sia-siaken pemere si isehken Dibata man bandu asum nabi-nabi ernubuat dingen asum pertua-pertua nangkuhken kam.
4:15 Dalankenlah si enda kerina alu tutus, gelah kerina kalak ngidah kemajunndu.
4:16 Jagalah dirindu ras kai si iajarkenndu. Tetaplah dalanken si enda sabap i bas kam ndahiken dahin e iselamatkenndu me dirindu bage pe kalak si deban si megiken kam.
PERSIKAPEN
- Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
- Nikapken ingan persembahen ras pertoton syafaat
- Adi i bas sektor entah jabu kepkepen perdalanen PJJ ibabai Pt/Dk entah Pengurus Sektor entah sekalak si enggo aturken pengurus PJJ. Adi ilakoken i rumah iaturken bapa entah nande entah sekalak i bas jabu.
- Kerina perdalinenna rikutken situasi janah banci iubah (imodifikasi).
- Sope benaken PJJ banci kita rende Lagu KAKR
RENDE: KEE. 249 – Ajar Aku O Tuhanku
ERTOTO (Ibabai Bapa/Nande)
NGOGE KATA DIBATA (Iogeken Anak)
RENUNGAN
“Jadi Usihen” i bas si mehuli e me oratna perayakenta jadi kalak Kristen. Jadi usihen (bhs. Indonesia “jadi Teladan”) berarti lit si mehuli si man contohen entah si man ikuten. Mahatma Gandhi mperjuangken kemerdekaan India alu cara dame (tanpa kekerasan) usur mengutip Kotbah Jesus i Datas Uruk i bas Matius 5-7. Sekali jadi, nungkun me sekalak Misionaris gelarna E. Stanley Jones man Mahatma Gandhi, nina nungkun: “Sekalipun Anda sering mengutip kata-kata Kristus, mengapa Anda kelihatannya keras menolak untuk menjadi pengikutNya? Jawab Gandhi, “Saya tidak pernah menolak Kristus. Saya suka Kristus Anda. Tapi saya tidak suka dengan orang Kristen Anda.” Seterusna nina Gandhi: “Jika orang Kristen benar-benar hidup menurut ajaran Kristus, seperti yang ditemukan di dalam Alkitab, seluruh India sudah menjadi Kristen hari ini”. Kata-kata siibelasken Mahatma Gandhi enda tentu jadi persinget nandangi praktek eragama kalak Kristen si banci saja sebatas rutinitas ntah seremonial semata, langa teridah ku bas kinata geluh si teptep wari.
Renungen PJJ nta eme surat Rasul Paulus man Timotius. Nina Paulus man Timotius, anakna i bas kiniteken (1 Tim. 1:2) gelah min Timotius, aminna pe ia nguda denga, ula min kalak mapas (anggap enteng) man bana. Perban lit si man usihen i bas ia e me (ay. 12):
- Pengerana.
- Lagu langkah
- Nehken keleng ate
- Kiniteken ras
- Ukur si bujur
Tambah si e, Paulus memotivasi Timotius gelah ia serius i bas: Makeken waktu ngoge Pustaka Si Badia man perpulungen, ngiah-ngiahisa ras ngajari perpulungen e (ay. 13). La nia-niaken penangkuhenna selaku si erdahin Tuhan (ay. 14). Ndalanken pendilona jadi Serayan Tuhan alu tutus, gela kerina kalak ngidah kemajun Timotius. Njagai diri ras kai si iajarken Timotius.
Arah Timotius banci jadi usihen (teladan) i bas kengudanna selaku Serayan Tuhan, ia jadi “inspirasi” man perpulungen, turah ukur perpulungen e jadi pengikut Kristus. Inget, anak singuda (Remaja, Permata) e banci jadi usihen. Kita arus jadi usihen perban kita kerina e me gambar ras rupa Dibata. E maka i bas jaman si terus maju ras berkembang enda, arus lit inovasinta (hal-hal si mbaru ras inspiratif) mabai kalak si deban reh deherna, tek ras nembah man Jesus.
Arah bahan PJJ-ta sekali enda kita pe ipersingeti gelah jadi usihen arah pengerana, pendahin ras perbahanen. Nina Benjamin Franklin: “Sebuah teladan yang baik adalah khotbah yang terbaik.” Mari si jadiken caranta ngerana, caranta erdahin ras caranta nggeluh jadi “kotbah” si nggeluh man sekelewetta. Jadi usihen kita si mabai kalak si deban nggeluh mehuli. Umpamana i bas adaptasi kebiasan baru genduari, adi ndarat rumah kita tetap make masker, jaga jarak, ras maba handsanitizer. Alu bage terjaga dirinta dingen kalak si deban pe si jaga gelah ola terkena covid 19.
Jenari arah kita enggo jadi usihen i bas praktek kegeluhenta, sibabai me kalak si deban meteh praktek geluh Kristen si tuhu-tuhu erpalasken praktek geluh Kristus. Emaka banci ia tek ras nembah man Jesus Kristus, dungna terkelin (selamat) me ia. Selamat jadi usihen. Tuhan Dibata si masu masu. Amin.
NURIKEN PENGGEJAPEN (Orangtua, Permata, KAKR)
IRAKUT BAPA/NANDE/Pt/Dk/Pdt
SHARING (Ipandu Bapa/Nande)
Bahan Sharing:
- Turiken kai ertina (makna si idatndu) arah 1 Timotius 4:12?
- Kai tekadndu reh teremna kalak si tek man Jesus?
RENDE: KEE. 201 – Malem Ate Tuhu-Tuhu (PERSEMBAHEN)
PERTOTON SAPAAT
- Persembahen ras gelah kerina anggota jabu ndalanken Kata Dibata si enggo iorati seh maka jadi usihen i bas pengerana, lagu langkah, i bas nehken keleng ate, i bas ncidahken ukur bujur, makeken waktu ngoge Pustaka si Badia ras njagai diri (ibabai Anak).
- Notoken GBKP, Serayan Tuhan, Pengurus PJJ ras Kategorial (ibabai Nande).
- Bangsa, negara ras situasi i sekitar keluarga (ibabai Bapa).
RENDE: KEE. 381 – Sura-Sura Yesus Bangku (iulihi 2x)
PERTOTON TUHAN (IBABAI BAPA/NANDE)
Pdt. Jekson Barus M.Th.