Bahan PJJ 14 – 20 Februari 2021

February 15, 2021 Author Dua PJJ Sektor, Sektor Betlehem, Sektor Filipi, Sektor Galilea, Sektor Hermon, Sektor Kana, Sektor Korinti, Sektor Roma, Sektor Yerusalem 0

TUHAN MEREKEN KEPENTAREN MAN MANUSIA

(Konfesi GBKP: Manusia)

Amsal 2: 1 – 8
Faedah dari pada menuntut hikmat

2:1 Hai anakku, jikalau engkau menerima perkataanku dan menyimpan perintahku di dalam hatimu,
2:2 sehingga telingamu memperhatikan hikmat, dan engkau mencenderungkan hatimu kepada kepandaian,
2:3 ya, jikalau engkau berseru kepada pengertian, dan menujukan suaramu kepada kepandaian,
2:4 jikalau engkau mencarinya seperti mencari perak, dan mengejarnya seperti mengejar harta terpendam,
2:5 maka engkau akan memperoleh pengertian tentang takut akan TUHAN dan mendapat pengenalan akan Allah.
2:6 Karena Tuhanlah yang memberikan hikmat, dari mulut-Nya datang pengetahuan dan kepandaian.
2:7 Ia menyediakan pertolongan bagi orang yang jujur, menjadi perisai bagi orang yang tidak bercela lakunya,
2:8 sambil menjaga jalan keadilan, dan memelihara jalan orang-orang-Nya yang setia.

Guna kepentaren

2:1 Pelajarilah si kukataken man bandu o anakku, janah ola kal kam lupa si kuturiken man bandu.
2:2 Megermetlah nandangi kepentaren jenari cubakenlah ngantusisa pe.
2:3 O anakku, pindolah pemeteh, seksekilah ndatken pengertinna.
2:4 Daramilah e desken ndarami emas, ayakilah e desken ndarami erta si terbuni.
2:5 Alu bage maka ietehndu kai ertina erkemalangen man TUHAN, jenari idatndu me pemeteh kerna Dibata.
2:6 TUHAN kap si mereken kepentaren, i bas IA nari kap manusia ndatken pemeteh ras pengertin.
2:7 Man kalak benar ras bujur iberekenNa penampat ras ampang-ampang.
2:8 TUHAN si ngkawali kalak si bujur perbahanenna janah iampang-ampangiNa kalak si tutus man baNa.

PERSIKAPEN

  • Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
  • Nikapken ingan persembahen ras pertoton syafaat
  • Adi i bas sektor entah jabu kepkepen perdalanen PJJ ibabai Pt/Dk entah Pengurus Sektor entah sekalak si enggo aturken pengurus PJJ. Adi ilakoken i rumah iaturken bapa entah nande entah sekalak i bas jabu.
  • Kerina perdalinenna rikutken situasi janah banci iubah (imodifikasi).
  • Sope benaken PJJ banci kita rende Lagu KAKR

Ertoto (Ibabai sekalak anak itengah-tengah jabu)

Rende: “Senang Ukurku Jumpa Ras Yesus” (Iendeken 2x)

Rende: KEE No. 249 – “Ajar Aku o Tuhanku”

ERTOTO ( IBABAI SIMADA JABU)

NGOGE KATA DIBATA: Kuan-kuanen 2:1-8 (Iogeken Bapa/Nande)

RENUNGAN

Tema: Tuhan Mereken Kepentaren Man Manusia Lit sada ungkapen nina: “Menjadi tua adalah kepastian, namun menjadi bijak adalah sebuah pilihan”. Ungkapen enda nggambarken maka bijak (pentar) e me sada pilihen si banci ibuat manusia i bas geluhna. Jadi pentar e labo sendalanen ras usia manusia. Aminna pe reh tambahna umur sekalak jelma, langa tentu e erbahanca ia banci jadi kalak pentar i bas geluhna sebab gelah banci jadi kalak pentar e labo erdalan secara alami. Kepentaren e reh i bas Dibata nari kap. Kalak si ngerembakken diri man Dibata nge si banci ngaloken kepentaren i bas kegeluhenna.

Salah sada pedah si penting si isehken man kerina manusia secara khusus man anak si nguda (anak perana). Ituriken maka kepentaren e banci ialoken manusia adina kin nggit ia erlajar i bas geluhna bage pe megermet dingen nggit ia ngantusi pemeteh e. Enda ngatakenca maka manusia banci jadi pentar labo banci rempet. Tapi arus nge lit proses si idalanina i bas kegeluhenna. Janah biak si penting i bas kegeluhen manusia e me biak nggit erlajar. Ertina, i bas segedang-gedang geluhna teptep manusia arus sadar maka erlajar e jadi dahin ras proses si arus idalanina. Emaka perlu kal ia megermet nandangi kerina situasi si terjadi arah kerina peristiwa si jadi bas kegeluhen enda, lit nge pesan-pesan moral si isehken Dibata si banci jadi sada kepentaren man manusia. E maka megati ka nge situasi ntah pe perbeben geluh si erbahansa manusia reh pentarna bas geluhna.

I bas Konfesi GBKP (BAB IV. Manusia ayat 1) ituriken maka: “Manusia adalah ciptaan Allah yang segambar dengan Allah, lakilaki dan perempuan dengan martabat yang sama (Kej. 1:26-27). Manusia diperlengkapi oleh Allah dengan hikmat dan akal budi serta dimahkotai dengan kemuliaan, hormat dan kuasa (Msm. 8:6- 7). Arah pengakun enda GBKP enggo ngantusi maka kepentaren e sada pemere siibereken Dibata man manusia gelahna manusia banci makekenca guna si mehuli bas kegeluhenna. Jadi teridah i je maka kepentaren e sada hal si cukup meherga kal bas kegeluhen manusia. Ogenta ndai ngataken maka daramilah kepentaren e desken ndarami emas, dingen ayakilah desken ngayaki erta si terbuni, alu bage kebutuhen si penting man manusia labo terjeng kai si itawarken doni man bana tapi kepentaren si isikapken Dibata bas kegeluhenna.

Ersaksi arah kiniteken la itentuken batas usia manusia. Subuk si enggo metua ntah pe si nguda denga, arus ngasup nuduhken dirina jadi alat Dibata lako ersaksi man doni enda. E maka kerina jelma arus nge jadi kalak pentar. Bage pe man anak si nguda (PERMATA). Arus nge ipakekenna kepentaren si rehna i bas Dibata nari jadi asamna ndalani kegeluhen. Sebab i bas perkembangen situasi jaman secara khusus teknologi informasi enda, la banci lang kepentaren arus jadi palas manusia ndalanisa. Kalak simakeken kepentaren Dibata i bas perkembangen tekhnologi ras informasi enda tentu ngasup ka me ia encibalken dirina jadi pasu-pasu man kalak si deban. Janah enda me motivasi si arus icikep PERMATA alu nteguh. Selaku tinepa si seri tempasna ras Tempas Dibata, e maka arus nge ituduhkenna biak-biak Dibata e nggeluh i bas ia. Alu bage, nguda lanai jadi rungga jadi kalak pentar. Sebab kalak pentar e, e me kalak si megiken pedah-pedah Dibata i bas geluhna.

NURIKEN PENGGEJAPEN

  • SIMADA JABU
  • MORIA
  • PERMATA

IRAKUT PERTUA/DIAKEN/EMERITUS/PENDETA

DISKUSI

  1. Turikenlah kai perlu silakoken gelah dat kepentaren i bas bahan PJJ enda.
  2. Kai beda kepentaren doni ras kepentaren si rehna i bas Dibata nari?

MOMO

NEHKEN PERSEMBAHEN
Rende: KEE No. 420 – ”Asa Gegeh ras Kengasupen”

PERTOTON SYAFAAT (Ibabai sekalak Moria)

  • Notoken kerina anak singuda (PERMATA) gelah ngasup njagai kinitekenna.
  • Notoken kerina orang tua gelahna banci tetap memotivasi anak-anak itengah-tengah jabu
  • Notoken situasi bangsa ras negara bage pe pemimpinpemimpin bangsa

Rende: KEE No. 350 – “Kelengi Kebenaren”

PERTOTON TUHAN
JEDA RAS PENUTUP

Pdt. Dicky A. Bangun, M.Th.

Post Views: 459