Ras-Ras Maka Meriah
“Komunitas Positif (Meriah iakap jumpa bas PA PERMATA ras kegiaten sidebanna i bas PERMATA GBKP)”
Mazmur 133: 1 – 3
Persaudaraan yang rukun
133:1 Nyanyian ziarah Daud. Sungguh, alangkah baiknya dan indahnya, apabila saudara-saudara diam bersama dengan rukun!
133:2 Seperti minyak yang baik di atas kepala meleleh ke janggut, yang meleleh ke janggut Harun dan ke leher jubahnya.
133:3 Seperti embun gunung Hermon yang turun ke atas gunung-gunung Sion. Sebab ke sanalah TUHAN memerintahkan berkat, kehidupan untuk selama-lamanya.Keleng ate man senina
133:1 Andiko ulina ras senangna, adi kalak si ersenina ersada perarih!
133:2 Bali kap e ras minak wangi si meherga, si icurcurken ku takal Harun, maler ku janggutna maler ku kerahung baju jubahna,
133:3 ntah bagi embun i Deleng Hermon, si nusur ku deleng-deleng Sion. I je me TUHAN erpadan mereken pasu-pasuNa, kegeluhen si la erkeri-kerin.
Gelah PERMATA GBKP
- Meteh maka kiniersadan arih banci mengembangken potensi ras menyalurken hobi si positif
- Kreatif ibas ngelakoken PA PERMATA GBKP
Metode: Erbahan PA Gabungen & Kegiaten Positif Bersama
I. BENA KATA
Erbage-bage cara jelma menyikapi keberadaan ras kehadirenna sebagai individu i tengah-tengah komunitas jelma si enterem. Emaka cara berinteraksi antar-manusia la terpisahkеn ibas cara ber-etika. Secara sederhana, pengertin etika eme konsep diri kerna si mehuli ras pe kerna si la mehuli rikutken kebiasaan. Tapi menurut sekalak filsuf Perancis, Emmanuel Levinas, “Etika merupakan relasi yang lahir dari pertemuan konkret dengan orang lain yang memiliki wajah“. Ertina, relasi si mehuli la banci lang idatken arah perjumpan langsung ras kalak si deban, janah labo bias perjumpan virtual/visual (melalui media tertentu) si terjeng menciptakan asumsi-asumsi i bas pikirenta. Perjumpan si erkelang-kelang e labo mungkin lebih berkualitas asa perjumpan konkret. Sendah me kita ngerana kerna perjumpan si berkualitas alu tema, “Ras-Ras Maka Meriah”
II. ISI
Mazmur 133 enda ercakap kerna pasu-pasu Dibata ibas keadaan khusus ibas situasi bangsa Israel kuno, i ja hak waris keluarga jadi sekerajangen anak si dilaki dikune bapana enggo mate. Emaka jenari ku anak-anak sintengah seh ku singuda i teruh pengawasan anak dilaki sintua. Rikutken si e, subuk keadaan berkelimpahan ntah pe kekurangen, situasi e rentan terjadi perubaten. Emaka ideskripsiken pemazmur kerna pasu-pasu nandangi kalak si ersenina ersada perarih.
“Andiko ulina ras senangna..“, eme sada ekspresi kekaguman pemazmur kerna kiniersadan kalak si ersenina. Situasi enda melampaui konsep baik buruk i bas manusia, sebab ungkapen “andiko ulina ras senangna” enda terilham man pemazmur ibas Dibata nari. Sederhanana, kalak si ersada perarih e “indah dan menyenangkan bagi Allah” janah maba kesenangen si terus menerus man kalak si ersada perarih e. Kondisi ersada perarih e murni tercipta arah inisiatif ras pe arus i usahaken kalak “si ersenina” e, labo reh secara instant i surga nari.
“…ersenina ersada perarih…” (Bhs. Ind, “…saudara-saudara diam bersama dengan rukun”) e me situasi si banci memproteksi kiniersadan ibas sura sura jahat si mecah-belah keharmonisan. Terlebih-lebih bas kondisi suku suku Israel si reh dekahna reh lunturna kekerabatan si mabai kinirugin man bana, sada ngenca dalan/ solusi e me nggeluh erdame. Ngusahaken kedamen gelah banci ersada arih enda me si tergambar ibas perumpamaan minak wangi ras embun.
Lit tradisi kalak Mesir kuno ibas penggunaan minak wangi si iusih bangsa – bangsa si deban paksa si e eme “untuk mengurangi kedongkolan dan kejengkelan akibat kepanasan” erkiteken situasi geografis i Timur Tengah si beriklim panas. Bage ka pe kerna embun, situhuna menggambaren embun si berlimpah i deleng Hermon erkiteken ganjangna (2,8 km) jenari nusur ku deleng-deleng sion. Embun e me si erbanca batu kapur si labo mekeras i deleng e menukah hancur si erbanca taneh pe subur, maka deleng-deleng enda jadi lambang kesuburen.
“…I je me Tuhan erpadan mereken pasu-pasuNa, kegeluhen si la erkeri-
kerin” (Bhs. Ind. “Sebab kesanalah TUHAN memerintahkan berkat, kehidupan untuk selama-lamanya”), ertina pasu-pasu si enggo ibereken Dibata man manusia sebelumna ertambah-tambah ka mulihi man kalak si nggit mpersada arihna alu nggeluh dame. Tapi perlu si inget, otoritas Dibata kap ngenca “mereken pasu – pasuNa” man banta janah labo banci sigegehi ndatkenca adi la bekas pemere Na. “I je me” (Bhs. Ind. “ke sanalah“) e me petunjuk man banta maka keharmonisan, kedamen ras kiniersadan arih e me sada tujun si arus kita seh ku je.
III. PENGKENAINA
Lunturna kualitas kebersamaan erkiteken komunikasi melalui media banci erbanca kita erpengakap kiniersadanta normal denga amin pe kita la jumpa, padahal banci min ndai kita jumpa. Kemampunta berpikir ras pe arih-arih semakin berkurang erkiteken enggo jarang kita jumpa, jenari bicara lit pe man arihenken si bahas ibas group WA si terbatas ruang gerakna. Kegiaten PERMATA GBKP memang melala ras sibuk, tapi mekatep kegiaten e la erguna nandangi kekompakenta. Labo erkiteken kegiaten e la mehuli, tapi erkiteken daya kreatifitas pe menurun ibahan sistem informasi ‘serba ada’ si la tepat guna. Adi gelgel panitia natal erlumba mpedarat ide ras konsep acara terbaik ibas rapat, tapi gundari melala seksi acara e lanai jumpa arih-arih piah dungna konsep acarana ngusih-ngusih acara natal si deban misalna.
Kiniersadan i bas PERMATA GBKP arusna min bagi minak wangi si mereken kenahangen man temanta. Bas paksa terjadi potensi konflik, arusna sipebergeh situasi ula sigarai. Erbage bage ka pe talenta ibas kita, la kita sician-cianen tapi bagi embun si mereken kesuburen man taneh, kita pe bage sapih-sapih PERMATA GBKP. Tapi adi kita apatis nandangi komunitasta enda, situhuna kita ngerugiken dirinta sendiri sebab ibas teori Levinas ndai pembentuken nilai Etika bas dirinta tergantung interaksinta nandangi kalak si deban. Intina, adi komunitasta maju situhuna kita pe turut memajuken potensi dirinta sebab i je me Tuhan erpadan mereken pasu-pasuNa.
IV. ERBAHAN PA GABUNGEN & KEGIATEN POSITIF BERSAMA
Rencanakenlah PA Gabungen ibas waktu si reh ntah pe erbahan Kegiaten Positif (Mis. Liburan Bersama, Komunitas Mancing Hiking, Camping, rsd) si mengutamaken kebersamaan ras interaksi langsung. Mehuli adi terban bas kesempaten e “Puasa Internet” guna melatih dirinta berkreatifitas tanpa internet, tapi alu arih-arih (brain storming).
V. USULEN ENDE-ENDEN
- KEE. 209 – Perpulungen Ersadalah
- KEE. 254 – Isuruh Dibata
- KEE. 281 – Kek’lengen Yesus Kempak Manusia
Pdt. Kazpabeni EMbenezer Ginting, S. Th