ITANGKUHKEN GUNA MPEKENA-KENA TINEPANA
Mazmur 8: 1 – 10
Manusia hina sebagai makhluk mulia
8:1 Untuk pemimpin biduan. Menurut lagu: Gitit. Mazmur Daud. (8-2) Ya TUHAN, Tuhan kami, betapa mulianya nama-Mu di seluruh bumi! Keagungan-Mu yang mengatasi langit dinyanyikan.
8:2 (8-3) Dari mulut bayi-bayi dan anak-anak yang menyusu telah Kauletakkan dasar kekuatan karena lawan-Mu, untuk membungkamkan musuh dan pendendam.
8:3 (8-4) Jika aku melihat langit-Mu, buatan jari-Mu, bulan dan bintang-bintang yang Kautempatkan:
8:4 (8-5) apakah manusia, sehingga Engkau mengingatnya? Apakah anak manusia, sehingga Engkau mengindahkannya?
8:5 (8-6) Namun Engkau telah membuatnya hampir sama seperti Allah, dan telah memahkotainya dengan kemuliaan dan hormat.
8:6 (8-7) Engkau membuat dia berkuasa atas buatan tangan-Mu; segala-galanya telah Kauletakkan di bawah kakinya:
8:7 (8-8) kambing domba dan lembu sapi sekalian, juga binatang-binatang di padang;
8:8 (8-9) burung-burung di udara dan ikan-ikan di laut, dan apa yang melintasi arus lautan.
8:9 (8-10) Ya TUHAN, Tuhan kami, betapa mulianya nama-Mu di seluruh bumi!Kemulian Dibata dingen keganjangen manusia
8:1 Masmur Daud.
8:2 O TUHAN, Tuhan kami, kemulianNdu teridah i belang-belang doni. Seh kudas Surga Kam terpuji;
8:3 danak-danak ras si gara-gara rende muji Kam. KinirajanNdu nteguh la terundu, imbang si ngelawan Kam isompelNdu babahna.
8:4 Adi kutare ku langit tinepaNdu, kuidah bulan ras bintang-bintang si itamakenNdu i bas inganna.
8:5 Kai kin manusia e, maka ingetNdu ia? Manusia kap ngenca, ngkai maka ipekena-kenaNdu ka ia?
8:6 IbahanNdu ia teruhen asangken Kam ngenca, itangkuhkenNdu ia alu kemulian ras kehamaten.
8:7 ItangkuhkenNdu ia jadi raja, merentah kerina tinepaNdu kerina itamakenNdu ku tapak-tapak nahena:
8:8 biri-biri, lembu, rubia-rubia si meliar,
8:9 perik-perik dingen nurung, bage pe kerina si nggeluh i lawit.
8:10 O TUHAN, Tuhan kami, kemulianNdu teridah i belang-belang doni.
TUJUN: Gelah Moria:
- Meteh sura-sura Dibata i bas mpekena-kena tinepaNa.
- Mpekena-kena lingkungenna.
METODE PA: Aksi
Kata Penaruh.
Menurut Undang-undang No. 23 tahun 1997, lingkungen hidup iertiken “kesatuan ruang dengan semua benda, daya, keadan dan mahluk hidup termasuk manusia dan perilakunya yang mempengaruhi kelangsungan peri kehidupan dan kesejahteran menusia serta mahluk hidup lain.” Alu bage banci si ertiken maka lingkungen hidup eme ingan tading erbage-bage tinepa Dibata i bas sada-sada ingan i doni enda, janah i bas lingkungen e manusia me si jadi penjaga ras si mpekena-kenasa. Hari lingkungen hidup ngingetken kita kerna tanggungjababta guna mpekena-kena tinepa Dibata sidebanna kususna i bas daerah inganta tading. Alu bage mpekena-kena lingkungen seri ertina ras mpekena inganta tading jine; kita pe malem ateta tading i je janah perentah Tuhan pe sidalanken. Lingkungen si sehat ras bersih tentu mereken kesegaren, keindahan, kesegaren ras kesehaten man banta, emaka si jagalah lingkungenta.
Mpebagesi Pengangkan Kerna Ogen.
Masmur 8 enda termasuk golongen “madah” ertina kata-kata pujin janah “bermadah ertina memuji-muji” Masmur 8 enda eme masmur pujin man Tuhan. Masmur pujin enda ibenai salu refren (ay, 2a) janah itutup salu refren (ay.10) seri ngendekenca ras lagu KEE No. 254 “Isuruh Dibata Si Keleng-kelengen.” Ende-enden enda turah erkiteken pemasmur ermediate nandangi doni tinepa Dibata enda si erbahanca turah ukurna guna rende muji kemulian Dibata. Si enda pe banci ka sendalanen ras KEE No. 260 “Oh Andiko Jilena ras KEE No. 262 “Doni Enda Seh Ulina.”
Ende-enden si penangkih pemasmur enda labo terjeng mehamat man si nepa doni saja tapi lebih ku bas penembahen si tuhu-tuhu nandangi kemahakuasan Dibata. Ertina arah ende-enden e pe ituriken maka pemasmur ngakui Tuhan si ipujina e ngenca Tuhan i belang-belang doni, la lit sideban si bali ras IA Alu ngidah belinna tinepaNa banci ibayangkenna kuga mbisana si nepasa.
Ay 4-9 eme inti ende-enden pujin pemasmur enda. Arah kata-katana enda banci si eteh maka i jenda nari me rehna pujin e, nina: “Adi kutare ku langit tinepaNdu, kuidah bulan ras bintang-bintang si itamakenNdu i bas inganna.” Tupung berngi pemasmur ngidah bintang-bintang si lit i Palestina si jarang kal langit itutupi embun. I je me isedarina kuga mbelinna Tuhan si nepasa alu tanNa jine, ngidah langit bage ganjangna, belangna, la lit tampukna janah enda itepa Dibata. Kenca isedarina Dibata emaka isedarina ka ise ia selaku tinepa. Dibata si erkuasa ibandingken ras manusia tentu manusia ndai lemah, meteruk, la lit ergana; biasa ka nge ikataken pemasmur manusia e desken dukut (Msm. 103:15). Erkiteken itandaina bana emaka ternungkun ukurna engkai maka bage ergana manusia e iadep-adepen Dibata, ipekena-kena Dibata geluhna. Ituriken pemasmur pe kuga Dibata mereken pengergan nandangi manusia alu nepasa teruhen asa IA ngenca, tangkuhken alu kemulian ras kehamaten; itangkuhken jadi raja, merentah kerina tinepana. Ertina igejapken pemasmur maka Dibata enggo mereken mahkota kemulian (sebagai ciri sekalak raja) guna merentah ras mpekena-kena kerina tinepaNa. Alu kata enda banci si buat maknana maka manusia enggo itangkuhken Dibata jadi raja guna ngaturken kerina tinepala si lit i doni enda. Bageme belinna pengergan sekaligus kepercayan Dibata nandangi manusia i bas ngaturken tinepaNa.
Pengkenaina.
Ngidah pengertin pemasmur i datas ndai arusna turah kesedarenta guna
ngergaken kerina si ilakoken Dibata nandangi kita. Dibata enggo milih ras nangkuhken manusia jadi si merentah ras ngaturken kerina tinepaNa sideban. Si eteh maka kata penangkuhen enda banci si idah i bas tradisi Gerejanta eme guna ngesahken Pendeta, Pertua ras Diaken. Banci kataken maka penangkuhen e lit nilai lebihna, sabap pemerentahen pe labo itangkuhken tapi ilantik nge iban gelarna. Ertina kata tangkuhken e mengandung makna surgawi, ilahi, spiritualitas si erbahanca megegeh si itangkuhken ndahiken dahinna. Perlu si sedari manusia itangkuhken nge jadi si mpekena kena doni enda alu bage banci kataken:
- Manusia me jadi “Pendeta, Pertua, Diaken” man doni enda.
- Manusia arus ndahiken dahinna alu tutus erpalasken kinihamaten man Tuhan.
- Dibata ersura-sura gelah manusia me simpekena kena tinepana gelah ula ceda.
Genduari si jadi penungkunen, kai si enggo si bahan i bas ndahiken tanggungjabapta enda ndal? Enggo nge s pekena-kena lingkungenta; subuk kebersihenna, keindahenna, peraken pestisida ku juma-juma, pengaturen sampah, pemaken bahan pengawet i bas pangan, ras mbue denga sideban. La kinlah enggo buen si encedaisa asangken si ngerawatsa?
Perlu si renungken mulihi maka mpekena-kena doni enda ere dahin manusia si itetapken Dibata. Alu bage ise manusia si la mediate kerna
lingkungenna seri ras la ndalanken perentah Dibata, la ngergaken Dibata,
la imaknaina penangkuhenna jadi si merentah tinepa sideban. Ulihna kita ka nge ngenanamisa; udara ras lau lanai bersih, taneh lanai mehumur, pangan enggo buen mengandung racun nandangi kula, banjir ras longsor i jah – i je, ras sidebanna. Mulihlah kita ku sura-sura Dibata si ndube milih kita jadi si mpekena-kena doni enda.
Aksi:
- Engkai maka kita arus mpekena kena lingkungen hidupta?
- Aksi kai si banci silakoken guna mpekena-kena lingkungenta?
- Pilih salah sada aksi si banci silakoken (tentuken aksi ras waktunta ngelakokenca).
Pdt. Liza Selvina br Tarigan
