Yakub 2: 14 – 17
Iman tanpa perbuatan pada hakekatnya adalah mati
2:14 Apakah gunanya, saudara-saudaraku, jika seorang mengatakan, bahwa ia mempunyai iman, padahal ia tidak mempunyai perbuatan? Dapatkah iman itu menyelamatkan dia?
2:15 Jika seorang saudara atau saudari tidak mempunyai pakaian dan kekurangan makanan sehari-hari,
2:16 dan seorang dari antara kamu berkata: “Selamat jalan, kenakanlah kain panas dan makanlah sampai kenyang!”, tetapi ia tidak memberikan kepadanya apa yang perlu bagi tubuhnya, apakah gunanya itu?
2:17 Demikian juga halnya dengan iman: Jika iman itu tidak disertai perbuatan, maka iman itu pada hakekatnya adalah mati.Kiniteken ras perbahanen
2:14 O senina-seninangku! Kai gunana ikataken kalak, “Tek aku man Dibata,” adi labo teridah arah perbahanenna? Banci kin kinitekenna e nelamatken ia?
2:15 Umpamana lit seninanta ntah turangta si sada kiniteken, si la lit uisna dingen la lit nakanna,
2:16 kai gunana ikatakenndu man bana, “Mejuah-juah! Pake pakenndu gelah ola kam bergehen, besuri man,” adi labo iberekenndu keperlun geluhna?
2:17 Bage me pe kerna kiniteken. Adi kiniteken labo sue rikut ras perbahanen, kiniteken si bage mate kap.
KINITEKEN RAS PERBAHANEN SENDALANEN
Internalisasi pengajaren Tuhan
TUJUN: Gelah Moria:
• Ngidah maka kiniteken la arah perbahanen eme kiniteken si mate.
• Nuduhken kiniteken arah perbahanen.
METODE PA: Aksi & Diskusi
Kata Penaruh.
Lit belas-belas nina: ‘cakap labo lako’ sabap si iarapken kalak tandana, buktina ntah pe buah si teridah arah aksi nyata dingen ternanami kalak sideban. Emaka jadi percakapen nge kerna PA ras PJJ-nta si ngataken aksi gelah Kata Dibata e la terjeng icakap-cakapken bagi si megati jadi i bas kinata geluhta tapi ilakoken gelah jadi biak i bas geluhta. Negaranta, Indonesia ngakui piga-piga agama, janah kita ikataken bangsa si eragama tapi agama megati “formalitas”, simbol ngenca. Tempa kita nggeluh i bas dua doni, sada ‘surga’, sada doni janah sie la lit hubungenna. Enggo me megati enda isehken man banta tapi arah PA sendah tole kita erlajar kuga nge kegeluhen pertendinta, pengajaren sialoken kita ersada nge ras geluhta (menyatu/terinternalisasi).
Mpebagesi Pengangkan Kerna Ogen.
Surat Jakup enda ikirimken man kerina kalak Kristen si lit i bas belang- belang doni enda. Surat enda ipeseh Jakup guna mpegegehi kalak Kristen si ngenanami kiniseran, subuk erkiteken ekonomi bage pe kiniseran erkiteken penindasen, emaka Gereja tupung e mulai goyah. I bas kecibal si bage rupana Jakub mpegegehi perpulungen alu erbage pengajaren ras nuriken pengangkan kerna percuban sabap megati erkiteken idenden kiniseran, geluh manusia enggo kote, kiniteken lanai jadi gelemen, emaka kalak Kristen arus keke, paguh ncidahken kiniteken. Sabap kiniteken labo terjeng simbol.
I bas ayat 14, Jakup mbuka rananna alu nuriken prinsip si sederhana kal: “kai gunana nindu erkiniteken…tapi labo teridah i bas perbahanen, ” Ertina labo lit gunana si aloken, si cakapken, si hapal kerina pengajaren e, ituriken tanda kalak si tek tapi i bas kegeluhen la nuduhken kepatuhen man Kristus alu ngelakoken si isuruhNa, ngusih perbahanenNa.
Ayat 15-17, Jakup mereken sada contoh kerna kiniteken si teridah arah perbahanen nandangi senina dingen turang i bas perpulungen si la lit uis ras panganna. Tanda kalak si erkiniteken arus kepe isaksiken tanggungjababna man kalak si bage. Kiniteken eme urusen pribadi ras Dibata tapi ulih buahna arus iumputi ras icidahken arah tanggungjabab nandangi kalak sideban.
I bas perpulungen megati isehkan salam ‘mejuah-juah’, si ertina, arapen ras toto kerna si ngaloken salam e tuhu-tuhu mejuah-juah, sehat, ermeriah ukur. Me labo mejuah-juah adi labo ia man, me lumben, la ia ruis, me bergehen. Arusna, salam mejuah-juah ndai la terjeng cakap tapi perbahanen, si bere nakan ras uisna. Adi labo nggit ras ngasup erbahan si bage rupana, kiniteken si bage eme kiniteken si mate, labo kiniteken si nggeluh. Jakup mpersingeti kalak si tek gelah mperobahi carana erkiniteken sedekah enda. Gelah geluh perpulungen ngataken kiniteken sue ras sura-sura Kristus.
Pengkenaina.
Tekanen ekonomi bage pe tekanen erkiteken kiniteken, erbanca melala kalak kristen nggeluh guna dirina saja. Jakup ngatakenca tekanen megati erbanca kita terjeng mereken kata-kata mutiara man teman si merluken penampat bagepe ercakap manis si la iumputi alu perbanen si nyata si banci ilakoken kita. Adi tupung bage saja kita erkiniteken sia-sia me e iadepen Dibata. Sabap Jesus enggo mereken usihen kuga mperdiateken, nampati mulahi kalak sideban i bas perbeben dingen kiniseran. Kai si ilakoken Jesus eme tanda keleng ate Dibata. Tanda Dibata mediate nandangi kalak si kelsehen, kalak si erlebuh mindo penampat. Kalak si tek arus nikapken diri jadi jabapen pertoton teman-temanta si kelsehen, kalak si erlebuh man Tuhan. Kalak si tek erguna ncidahken buah kiniteken arah perbahanenna. Kiniteken sikerajangenta dingen hubungenta man Dibata tapi buahna sikerajangen kalak sideban, guna inanamina. I bas sie me kinitekenta ras perbahanen radu ras erdalan, banci inanami kalak. Arah sie enggo si umban biak ras perbahanen Jesus Gurunta. Renungenta enda ningetken man banta Moria kerna tanggungjabap maka uga pe lalana perbebenta bagepe masalah si ihadapi kita, arus tetap si cidahken keleng ate si ibereken kita man temanta si merluken. Sedekah enda rusur ninta “aku pe mberat” tapi genduari ninta “aku pe mberat kuakap tapi lit sitik si banci ku bereken bandu.” Adi bage kai iinanami kita banci si bagiken i bas kegeluhenta.
Diskusi:
- Oge mulihi Jakup 2:4 telu kali. Cuba turiken kai si ngerana i bas pusuhndu kerna teks enda?
- Adi kam i bas posisi si perlu isampati tapi la isampati temanndu? Uga perasanndu? Adi bage kai komitmenndu si banci ilakokennd sendah?
Pdt. Josep A. Sembiring Gurky