Titus 2: 1 – 5
Kewajiban orang tua, pemuda dan hamba2:1 Tetapi engkau, beritakanlah apa yang sesuai dengan ajaran yang sehat:
2:2 Laki-laki yang tua hendaklah hidup sederhana, terhormat, bijaksana, sehat dalam iman, dalam kasih dan dalam ketekunan.
2:3 Demikian juga perempuan-perempuan yang tua, hendaklah mereka hidup sebagai orang-orang beribadah, jangan memfitnah, jangan menjadi hamba anggur, tetapi cakap mengajarkan hal-hal yang baik
2:4 dan dengan demikian mendidik perempuan-perempuan muda mengasihi suami dan anak-anaknya,
2:5 hidup bijaksana dan suci, rajin mengatur rumah tangganya, baik hati dan taat kepada suaminya, agar Firman Allah jangan dihujat orang.Pengajaren si tuhu-tuhu
2:1 Tapi kam, ajarkenlah si sentudu ras pengajaren si payo.
2:2 Katakenlah man dilaki si enggo metua gelah jore min ukurna, mehuli lagu-langkahna, dingen ngasup min ngkuasai dirina; bage pe gelah tuhu-tuhu sehat kinitekenna, erkeleng-ate dingen megenggeng.
2:3 Bage pe kataken man diberu-diberu si enggo metua gelah bersih lagu-langkahna, bagi arusna. La banci ia ncekuraki kalak si deban, bage pe la banci nagih minem anggur. Ia arus ngajarken si mehuli:
2:4 ngajari diberu si nguda denga gelah keleng atena perbulangenna ras anak-anakna,
2:5 gelah ngasup ia ngkuasai dirina dingen nggeluh badia, gelah beluh ia ngaturken jabuna dingen jadi ndehara si patuh man perbulangenna; gelah alu bage ise pe la ncekuraki berita si rehna i bas Dibata nari.
NIKAPKEN KEGELUHEN GEREJA
TUJUN: Gelah Moria:
- Ngidah uga Paulus nehken pengajaren si mbangun kiniersadan man perpulungen i kuta Kreta.
- Ikut muat bagin mbangun kiniersadan kerina kategorial si pehagan pekepar dingen erpartisipasi i bas dahin-dahin Gereja.
METODE PA: Diskusi
Kata Penaruh.
Salah sada pertoton si rusur kal si sehken man Dibata eme gelah ersada arihta i bas jabu, dingen anak-anakta jadi rudang-rudang si maba kesangapen man kerina sangkep geluh. I bas acara peradatenta pe teridah kal pentingna kiniersadan enda, seh maka kerina jelma (termasuk anak si nguda) ikut muat bagin (erpartisipasi) i bas ndungi dahin-dahin kekeluargan ras peradaten. Sendalanen ras si e, gerejanta pe rusur maka prinsip maka kiniersadan eme modal utama guna mbangun kegeluhen masyarakat si mehuli. Dingen i babo sie kerina, Jesus pe ertoto gelah kerina Anak-anakNa ersada bagi IA ras Bapa ersada, sabap kiniersadan eme tanda maka kita kerina tuhu-tuhu anak Dibata. Uga ndia prinsip kiniersadan ras realita kiniersadaan enda i bas keluarga ras gerejanta? Kai ndia tanda tanda maka penting denga kal man banta prinsip kiniersadan enda? Kai ndia banci si bahan gelah kiniersadanta (i bas jabu, Gereja ras masyarakat) tetap reh teguhna ku wari si reh enda? Pergumulen enda me dalanta pulung i bas PA Moria sekali enda.
Mpebagesi Pengangkan Kerna Ogen.
Guna mpebagesi pengangkanta kerna tema enda, perlu kita nulih kentisik ku bas Kitab Kejadin 1, Nina Dibata, “Genduari Si jadikenlah manusia si sentudu ras tempasTa…. emaka ijadiken Dibata manusia, si sentudu ras tempasNa; dilaki ras diberu ijadikenNa. Emaka ipasu-pasu Dibata manusia ndai, nina, “Ertuahlah kam jadi nterem, demi dingen taluken doni enda, kuasai kerina nurung, perik-perik i awang-awang, bage pe kerina rubia rubia i daraten. Arah teks enda teridah maka Dibata tuhu – tuhu ngergaken manusia alu melibatken manusia (erpartisipasi) i bas njagai tinepana, gelah doni enda tetap jadi ingan kegeluhen si mehuli man kerina tinepa. Kata kunci pendahin Dibata i bas teks enda eme:
“Mpehaga” ras ikut “erpartisipasi.” Kesegambarenta ras Dibata eme tuah pasu-pasu (Anugerah) si mbelinna kal i bas kegeluhen manusia. Erkiteken si e, pengertin “Ertuah” labo bali ras “ranak” entah pe nerusken garis keturunen keluarga. Perintah Dibata enda eme sada tugas panggilen nandangi kerina orangtua gelah ertanggungjabap mewarisken kesegambaren ras perukuren Kristus seh ku anak-kempuna, seh maka doni enda idemi jelma si mewarisi cara nggeluh si mehuli. Kesegambaren e la banci ngadi i bas dirina saja, Orangtua si la nerusken pengajaren enda, ertina mbuka peluang nandangi kecedan geluh manusia seh ku anak kempuna, Persoalen si turah paksa e eme la sitik ajaren papak si erbahansa dilaki ras diberu si enggo metua lanai banci jadi usihen. Perlu kal pengangkan si payo kusus diri jine, kiniteken, pengkebet rase kerina sue ras biak kalak si tek.
Secara praktis, Paulus nehken persinget erkelang-kelangken Titus; gelah kerina orangtua (si dilaki ras si diberu) ngelakoken ras nuduhken kegeluhen si jadi usihen man kalak si deban terlebih man anak-anakna. Keteladanen e arus teruji i bas kinigenggengen nehken keleng ate ras kinigengengen ngamper bana arah etika ras moral si la mehuli. Tupung njagai dirina nggeluh i bas si mehuli (ngeluh jadi teladan man kalak si deban), enda me persembahen si mehulina kal man Dibata (bdk. Rm. 12:2), sabap alu bage lanai lit dalan kalak si deban ncekuraki Dibata.
Pengkenaina.
Rikutken tema pelayanen Gerejanta tahun 2020 enda, maka guna mbangun kegeluhen si mehuli, kita arus NDIDIK – MPERAGAKEN – MEMBUDAYAKEN ras MEWARISKEN jiwa si pehagan i bas keluarga, sektor, runggun, Klasis bage se GBKP. Salah sada hal si banci si kembangken ras-ras, umpamana:
- Erbahan program si nampati perkembangen unit kategorial si debanna
- Erbahan program si mbuka ruang partisipasi (keterlibaten) ras unit sidebanna, erkiteken enda me tanda kita nggeluh selaku keluarga ras kula ni Kristus. Kurangna ruang partisipasi antar kategorial i bas Gerejanta banci melumpuhken organ tertentu i bas Gereja selaku kula ni Kristus,
Sura-sura Dibata nandangi kerina bentuk persadan si lit i bas GBKP (keluarga, Sektor, Kategorial, Unit Pelayanen, Runggun, Klasis ras Sinode) eme gelah kerina kita radu megegeh dingen geluhta terakap/ jadi pasu pasu man kalak si deban ras man doni enda.
Secara lembaga, persekutuan kategonal i bas Gerejanta tujunna gelah setiap tahapen usia perpulungen GBKP band ndatken materi pengajaren ras proses pengajaren si lebih kusus, kontekstual rikutken kondisina. Tapi kerina lembaga pelayanen enda la banci memisahken diri – bersaing ras lembaga sidebanna, tapi justru saling mpengaruhi ras ngelengkapi. Salah sada sasaren Gerejanta i bas tahun 2020 enda eme gelah perpulungen GBKP pentar i bas makeken fasilitas teknologi si erkembang. I bas si e, banci si pergermetken piga-piga nilai/pelajaren si mehuli i balik teknologi digital ras media sosial, umpamana:
- Dunia internet menciptakan sistem – program (Platform) memfasilitasi kita ndatken kade-kade – kerabat.
- Dunia internet nciptaken sistem – program (Platform) si erbahan kerina pengguna internet banci ndatken informasi / pelajaren.
- Dunia internet nciptaken sistem – program (Platform) si erbahan kita ikut erkreasi – erpartisipasi – erbagi pengalamen entah pe ilmu pengetahuan.
- Dunia internet nciptaken sistem – program (Platform) si nampati kita i bas pengembangen ekonomi bage pe kesehaten.
Mungkin enda me si erbahan enterem jelma lanai ngasup sirang ras doni internet, sabap lit i je nilai-nilai erbagi ras erpartisipasi. Gereja si la ndorong perpulungen guna ikut berkarya i bas Gereja ras masyarakat eme Gereja si mengabaikan ras mengamputasi kulana jine. I bas si e, kerina unit – unit koinonia (lembaga persekutuan kategorial) perlu memahami makna si secara lebih luas kerna erti persadan, sabap i bas kata koinonia (persekutuan / persadan) tercakup pengertin: (1) berbagi (2) ikut muat bagin (mere ras ngaloken), ras (3) memfasilitasi, labo hanya sekedar persadan kelompok usia. I bas koinɔnia perlu kal si suanken ras kembangken interaksi partisipatif antar individu bage pe antar unit, sabap enda makna persadan selaku keluarga ras kula ni Kristus.
Diskusi:
- Cuba daftarken keluarga teman – temanta si jarang reh ku Gereja, PJJ entah pe PA Moria. Kai ndia sabapna maka lit denga temanta la ertedeh ate ikut i bas dahin-dahin perpulungenta?
- Kai ndia banci si bahan gelah tambah dolat dagingna i bas keluarga ras perpulungen Tuhan.
- Kai ndia banci si bahan gelah reh paguhna persadan i bas keluar antar kerina persekutuan kategorial i bas sektor ras Runggunta?
Pdt. Krismas Imanta Barus, MTh.