DEWASA RAS SERTA I BAS KRISTUS
(SDM Pengurus)
Efesus 4: 13 – 15
4:13 sampai kita semua telah mencapai kesatuan iman dan pengetahuan yang benar tentang Anak Allah, kedewasaan penuh, dan tingkat pertumbuhan yang sesuai dengan kepenuhan Kristus,
4:14 sehingga kita bukan lagi anak-anak, yang diombang-ambingkan oleh rupa-rupa angin pengajaran, oleh permainan palsu manusia dalam kelicikan mereka yang menyesatkan,
4:15 tetapi dengan teguh berpegang kepada kebenaran di dalam kasih kita bertumbuh di dalam segala hal ke arah Dia, Kristus, yang adalah Kepala.4:13 Alu bage dungna ersada kinitekenta ras penandainta kerina nandangi Anak Dibata; kita dewasa, janah dungna seh kita ku tingkat kedewasan Kristus si serta e.
4:14 Alu bage lanai kita bali ras anak-anak, iombang-ambingken galumbang dingen ijole-joleken ku jah ku je alu angin pengajaren kalak penipu; ibabaina kalak si deban papak alu penebu-nebuna si guak.
4:15 Tapi alu nuriken si tuhu-tuhu alu dem ate keleng, reh belinna kita jenari seh ku tingkat kesempurnan Kristus. IA kap takal janah,
Lit hubungen sabab akibat antara penilaian nandangi sada dahin ras uga kita ndahikenca. Penilaian nandangi sada dahin nentuken uga kita ndahiken dahin e. Adi kita menilai dahin e la penting, maka cenderung ndahikenca pe la ateta tutus, mekarus ras gelah enggo saja. Tapi adi penilaianta nandangi dahin e meherga, emaka i bas ndahikenca pe tutus ras ertanggung jawab kita. Hubungen sabab akibat enda pe jadi i bas dahin Dibata. Arah caranta ndahiken dahin e teridah penting entah lang siakap dahin e, meherga entah lang siakap dahin e.
Arah surat-surat siitulisna man perpulungen, banci siidah uga penilalan Rasul Paulus nandangi dahin Dibata siteridah arah uga pendahikenna e. Teridah maka Rasul Paulus alu payo ngangkai maka dahin siibereken Dibata man bana sada dahin simeherga kal. Iakuina sada kesangapen situhu – tuhu kal kap i bas ia nggo ipilih jadi rasul Kristus. Sada kesangapen ras sada kebayaken ngelebihi kerina kebayaken si ngasup doni enda merekenca. Erkiteken kesadaren sie me maka i bas ndahiken dahin pelayanen e Paulus tuhu-tuhu la mekarus, tuhu-tuhu ertanggungjawab. Seh maka kerina bentuk tantangen si lit, baik bas dirina (penakit) bage pe luar dirina (pemerintah, penguasa, ipenjaraken) la ngasup mpengadi ia guna ndahiken dahin erberita si meriah e.
Ibenai alu penilaian ras pendahiken sipayo i bas dirina, Rasul Paulus nehkenca e man perpulungen si ielaina subuk langsung bage pe arah surat. Surat rasul Paulus man perpulungen Epesus dem alu penekanen kerna penebusen si nggo ilakoken Dibata arah Jesus Kristus, janah e arus iikuti alu pertumbuhen kerohanian si teridah arah cara nggeluh si mbaru. Selaku tinepa simbaru, tadingkenlah biak si male, bengket ku biak si mbaru selaku keluarga Dibata (ay. 2-3).
Arah proses ras perayaken sie, dungna terbentuk kesempabun antara kiniteken ras penandai nandangi Anak Dibata. Janah kalak sibage me layak ikataken kalak si nggo dewasa i bas kiniteken (ay. 13). Kalak si nggo dewasa nggo paguh pendirianna, nggo jelas gelemenna seh maka lanai ia mesukah ipengaruhi pengajaren si debanna (ay. 14). Kai pe tantangen nggo beluh ia menentuken sikap kai siarus ilakokenna (Dewasa ras Serta i bas Kristus).
Kata Dibata si jadi ogenta enda ihubungken ras Sumber Daya Manusia (SDM) Pengurus i bas gerejata. Guna si e mehuli sipergermetken isi liturgi GBKP kerna pelantikan pengurus. Jelas ikataken maka dahin pengurus e berhubungen ras ngaturken dahin i tengah-tengah lingkungen kepengurusenna, mpermakani kerina anggota, meritaken Berita Si Meriah ras njagai kiniersadaan. Arah enda mabai bana ncidahken maka pengurus e arus lit lebihna i bas pengertin keunggulen ibanding ras anggota (siman urusen). Pengurus labo man urusen, tapi ngurus, merawat gelah payo ras mejile bagi arusna, janah ula lupa pengurus e bahwa ia pengurus.
Adi iban penungkunen, kai kin “asset” si mehergana i bas sada organisasi? Bangunenna entah inventaris si debanna? Lang! Si paling meherga eme Sumber Daya Manusiana, adi Sumber daya Manusiana mehuli, maka aset si debanna mesukah ngelitkenca, tentu enda pe berlaku i bas gereja. Adi SDM gereja mejile, pengurus ncidahken kualitas nggeluh, memiliki prinsip, nggit erlajar ras bekerja sama, tek kal kita sikap perdalanen gerejata.
Pengurus e ertina pemimpin. Pemimpin lit lingkaren pengaruhna. Uga dage selaku pengurus entah pemimpin kita mere pengaruh man kalak si ipinpin kita? Lit piga-piga biak si arus lit i bas diri sekalak pengurus, eme:
- Terteki, sue kata ras perbahanen.
Uga nina kalak ngergai sekalak pengurus adi ia sendiri pe la ngergai dirina? Kenca sie ergai kalak si deban, baik sebagai sesama pengurus bage pe anggota sijadi tanggungjawabta. - Displin
Misalna bas soal waktu, iarapken kita reh jam 20.00, tapi jam 19.30 enggo kita reh. - Dewasa
Pdt. Andar Ismail ngataken ciri-ciri kedewasaan teridah i bas ngasup nandai bana ras ngaloken kalak si deban, ngukuri kiniulin kalak si deban, rukur alu dewasa ras si debanna. Dahin-dahin pengurus banci si nen i bas Tata Gereja GBKP (Tata Laksana BAB II Pasal 8). Emaka kidekah kita nggeluh, terus i bas proses ‘menjadi dewasa’ nuju/seh ku tingkat kedewasan Kristus si serta (sue ras Tema PJJ nta, khusus erpalasken ogenta ayat 13).
Lit sada ungkapen si mejile si perlu irenungken i bas ngelai, “Ngelai labo gelah kita idah kalak, tapi gelah idah kalak Dibata arah kita, ngelai labo gelah kita ipuji kalak, tapi gelah Dibata ipuji kalak arah kita, ngelai labo gelah kita dat pasu-pasu, tapi ngelai erkiteken kita nggo nggejabken pasu-pasu Dibata.”
EVALUASI:
Lit nge kita enggo ersikap/latihen kerna ende-enden si banci si persembahken i bas kebaktin gerejanta?
DISKUSI :
Adi sikap pengurusta, sikap gerejata. Tentu melala bentuk dukungen sibanci sicidahken nandangi kalak siterpilih jadi pengurus i bas gerejata. Sehubungen ras si e:
- Rikutken ogenta, kai nge siikataken dewasa ras serta i bas Kristus?
- Kai nge dukungen singgo si sehken nandangi pengurus-pengurus si lit i bas gerejata?
AKSI:
Mendukung pengurus arah mpebue ertoto bage pe mere masuken – masuken erpalasken keleng ate.
USULEN LAGU:
- KEE. 68 – Dahindu Si Mbelin Tuhan
- KEE. 80 – Yesus Geluh Ni Tendingku
- KEE. 92 – Kam Kakap Lalap Man Ikutenku
- KEE. 102 – Kekenlah O, Kam Si Tutus
TOPIK PERTOTON SYAFAAT
- Gelah payo pemahamen ras pendalanken pengurus kerna keterpilihenna.
- Gelah kerina kita ngasup muat bagin guna kiniulin gerejata.
Pdt. Pribadi S Meliala, S.Th, M.M