MPEGEGEHI KINITEKEN ALU PENGAJAREN
(Hari Pendidikan / Penjemaatan TK PAUD)
Titus 1: 1 – 4
Salam
1:1 Dari Paulus, hamba Allah dan rasul Yesus Kristus untuk memelihara iman orang-orang pilihan Allah dan pengetahuan akan kebenaran seperti yang nampak dalam ibadah kita,
1:2 dan berdasarkan pengharapan akan hidup yang kekal yang sebelum permulaan zaman sudah dijanjikan oleh Allah yang tidak berdusta,
1:3 dan yang pada waktu yang dikehendaki-Nya telah menyatakan firman-Nya dalam pemberitaan Injil yang telah dipercayakan kepadaku sesuai dengan perintah Allah, Juruselamat kita.
1:4 Kepada Titus, anakku yang sah menurut iman kita bersama: kasih karunia dan damai sejahtera dari Allah Bapa dan Kristus Yesus, Juruselamat kita, menyertai engkau.
Buah si enggo macik adi i persada ras buah-buahen si segar denga, virus/bakteri si lit i bas buah si macik e banci ngelangketi buah si segar denga seh dungna macik ia duana. Si enda encidahken man banta maka keadan i sekelevwetta mpengaruhi ku bas kegeluhenta. Adi si mehuli si ngelangketi kita tentu kita pe babaina nge ku bas si mehuli, Tapi adi silat-lat kin si ngelangketi kita banci jadi kita pe ikut dungna lat-lat. Tentuna perlu kel pengajaren si payo si datken kita i bas ndalani kegeluhen gelah kita pe ngangkai ras ncidahken biak kegeluhen si payo i bas doni enda.
Surat enda i tulisken Rasul Paulus man Titus (ay. 1), sebage surat pergegeh man Titus bage pe pengepkepen/penggembalan man perpulungen. Titus sekalak dilaki singuda denga, ia kalak Junani (Gal. 2:3), ia meriah erteman ras Paulus, seh maka ia pe melala nampati pendahin Paulus i bas nehken Berita Si Meriah. Keleng ate Paulus nandangi Titus janah ikataken Paulus maka Titus e “anakku si tuhu-tuhu rikutken kinitekenta ersada” (ay. 4) ras tek Paulus nandangi ia guna nampati pendahinna. Dahin si pernah i suruh Paulus idahiken Titus e me ndahi perpulungen-perpulungen i Korinti (maba surat Paulus man perpulungen Korinti). Janah i bas Galati 2:1, Titus ras Barnabas ibaba Paulus ku Jerusalem guna meritaken Berita Si Meriah. Titus seh kel setiana, ramah, megegeh bage pe tutus kel i bas erdahin, ia sekalak organisator ras pemimpin si mehuli emaka ibereken Paulus sada kepercayan si mbelin man bana seh pe i tadingken Paulus ia i Pulau Kreta guna mabai perpulungen gelah banci ratur dingen mehuli/jore. Sabab ate Paulus i bas biak-biak ras cara nggeluh pengajar-pengajar sesat banci ncedai man kalak Kristen si mbaru denga i Pulau Kreta ay 10-14). Terlebih erkiteken enterem kalak Kreta si jahat perbual ras kalak pengangguren si gerupuh. Surat enda pe ipeseh Paulus labo man Titus saja, tapi pe man kerina perpulungen gelah nggeluh ngaloken Berita Si Meriah e, e me berita kerna Jesus Kristus. Surat enda pe mpersingeti Titus guna pang ngerana kerna percampuren kiniteken (sinkritisme) si terjadi (sada dampar perpulungen meriah akapna ngaloken Berita Kerna Jesus, tapi pe i ikutkenna ka nge ajaren i bas dewa-dewa).
I bas oratenta enda ate Paulus ningetken maka kai si enggo i datken Paulus e, eme kerna pengajaren agama si payo gelah e i peseh nandangi perpulungen. Maka i bas Dibata ngenca lit kegeluhen si tuhu-tuhu si la erkeri-kerin si enggo i padankenNa man kalak si tek man bana. Pengajaren enda perlu mpetetap ukur perpulungen gelah nggeluh setia i bas keselamaten si enggo ibereken Dibata arah Jesus Kristus. Pengajaren agama e penting sabab arah e me maka manusia ngeteh bahwa lit keselamaten bagi si enggo ijanjiken Dibata (bdk. Ay. 2). Ertina pemena, penting kel kata Dibata e iajarken man kesusurenta ibenaken kitik-kitikna nari gelah ietehna maka ia enggo iselamatken (bdk. Ay. 3). Bage pe rikutken Masmur 78:1-8 pengajaren e isehken menaken i bas bertin nari. Peduaken, pengajaren arus tetap ipeseh gelah anak anakta e i bas pertumbuhenna reh ngasupna ia nggeluh selaku kalak si enggo iselamatken. Megegeh ia, seh maka la ia menukah ibabai arah pergaulen si lepak. Kerehen Titus ku pulau Kreta, tading ije ras perpulungen mereken pengajaren bagi si isingetken Paulus man bana gelah reh jorena kegeluhen perpulungen. Titus mpesikap si rontang denga, ngelikasi si serbut dingen murde. Alu litna pengajaren tentu iangkai perpulungen uga kin arusna kegeluhen kalak Kristen.
Kegeluhenta la pernah terlepas i bas pendidiken nari, sabab kai terjadi si nanami kita i bas kegeluhenta eme kerina pendidiken/pengajaren si datken kita. Pendidiken/ pengajaren mabai kita reh pentarna i bas kegeluhenta. Sabab i bas kita nggit ngaloken pengajaren tentu pe kita ngit ngaloken perubahen nandangi kegeluhenta. Adi i bas sekolah lit ijazahna, tapi i bas ndalani kegeluhen enda arus tetap erlajar la tamat-tamat seh paksana tamat kegeluhen. Pengajaren kerna Dibata e arus jadi palas i bas kerina pengajaren ibabo doni enda, sabab kerina ilmu pengetahuan sumberna i bas Dibata nari (guna ndatken pemeteh si la banci la lit i bas kalak eme mehamat dingen erkemalangen man Tuhan, bdk. Msm. 1:7a). Kinihamaten man Dibata palas kepentaren i bas doni enda, sabab pemeteh manusia si meganjangna kel pe labo ngasup ngantusi perbahanen Dibata simeterukna. Keterbatasen si lit i bas manusia dalanna arus rusur rembak ras Dibata arah pengajarenNa.
Johanes Calvin ngataken maka gereja sebagai sang ibu (the church is our mother) yang akan mengasuh anak-anak (perpulungen) ku bas kegeluhen si sentudu ras sura-sura kepala gereja, eme Jesus Kristus. Gereja arus nehken pengajaren kerna Berita Si Meriah i bas keselamaten si enggo isehken i bas Jesus Kristus, gereja si labo nehken kerna pengajaren enda pada dasarna gereja kehilangan hakikatnya sebagai gereja. Gereja sebage konteks pendidikan nehken pengajaren nandangi perpulungenna, arah pelayanen si isikapken gereja misalna arah PA ras perpulungen jabu-jabu bage pe kebaktin-kebaktin si iaturken gerejanta.
I bas gerejanta GBKP lit wadah pendidikan anak usia dini (PAUD / TK GBKP) ingan anakta ndatken pengajaren iman, bergaul, bermain ras pengajaren umum si debanna sue ras umurna i bas tahap awal kegeluhenna. Gerejanta ngidah maka perlu kel i bas kitik-kitik nari i sehken pengajaren si mehuli nandangi anak-anakta sabab ije me usia emas sekalak anak (golden age 0-6 tahun), 50% kegeluhen manusia i tentuken i bas usia emas e. Genduari ahli perkembangen anak ngataken periode emas 1000 hari pertama kehidupan.
Sekalak anak tubuh i bekali miliyaran sel saraf si lenga terhubung, emaka perlu rangsangen/pengajaren si mehuli benaken anak e kitik nari gelah sel saraf si lenga terhubung ndai banci bertumbuh alu mehuli bahkan e menjadi karakter i bas pertumbuhenna. Sabab adi si pediat bage saja sel saraf si lenga tersambung ndai terputus dengan sendirinya. (Ajarkenlah man anak uga kearusen nggeluh maka ikutkenna asa umurna nggeluh, bdk. Kua. 22:6).
Arah unit TK-PAUD GBKP gerejanta berupaya nehken pengajaren man anak – anak sesuai ras kebutuhen anak eme alu bermain. Alu bermain banci anak erlajar seh 9 kecerdasan banci i capai anak :
a. Kecerdasan Spiritual: anak ngasup nggejapken keleng ate Tuhan i bas kegeluhenna
b. Kecerdasan interpersonal: banci ietehna temanna sanga merawa entah tawa
c. Kecerdasan visual spasial: i tandaina gambar ras bentuk
d. Kecerdasan Natural (alam): ietehna rubia-rubia ras sinuan-sinuan
e. Kecerdasan Intrapersonal: anak ngasup ngendaliken emosina
f. Kecerdasan lingustik: anak banci nehken berita entah pesan si idatna
g. Kecerdasan Logika matematika: i etehna apai buen apai gedangen
h. Kecerdasan Kinestetik: adi rende ertepuk ia atau melompat adi meriah ukurna
i. Kecerdasan Musikal: ietehna arah kai si begina
Enda jadi dahinta ras mpetandaken TK-PAUD GBKP man perpulungenta ras sekelewetta, gelah reh majuna pendidiken i bas GBKP enda benaken i bas sikitikna nari.
EVALUASI :
Enggo me silitken program pembinaan man pengurus PJJ, Kategorial ras Pertua Diakenta?
DISKUSI :
- Turikenlah pentingna pendidikan/pengajaran agama i bas kegeluhenta?
- Kai nge bentuk dukungenta selaku ngawan perpulungen guna peningkaten pendidiken anak-anak i bas gerejanta?
AKSI:
Si perdiatekenlah TK-PAUD si lit i bas runggunta, gerejanta GBKP enda. Sehkenlah keleng atendu kai si banci ibahanndu guna mendukung perdalanen TK-PAUD i bas GBKP enda.
USULEN LAGU
- KEE GBKP No. 249: 1 – 2
- KEE GBKP No. 80: 1 – 3
- KEE GBKP No. 204: 1 – 2
- KEE GBKP No. 374: 1 – 2
TOPIK PERTOTON SYAFAAT :
- Notoken gelah ngawan ni perpulungen tetap lit i bas pengajaren si payo.
- Notoken Yayasan pendidikan Kristen GBKP unit TK- PAUD banci jadi ingan anakta si kitik erlajar kerna keleng ate Tuhan
- Siturah i bas perpulungen
Pdt. Elys Siska br Tarigan, S.Th.