Ogen: Masmur 1:1-3
Tema: Palas Kemalemen Ate
Tujun: Gelah Mamre
- Meteh Palas kemalemen ate eme matuhi undang undang Tuhan
- Ngasup ncidahken perbahanen si peturah kemalemen ate
Metode: Diskusi
Berbahagialah orang yang tidak berjalan menurut nasihat orang fasik, yang tidak berdiri di jalan orang berdosa, dan yang tidak duduk dalam kumpulan pencemooh, tetapi yang kesukaannya ialah Taurat TUHAN, dan yang merenungkan Taurat itu siang dan malam. Ia seperti pohon, yang ditanam di tepi aliran air, yang menghasilkan buahnya pada musimnya, dan yang tidak layu daunnya; apa saja yang diperbuatnya berhasil.
KATA PENARUH
Dibata kap ulu keriahen ras kemalemen ate ibas kegeluhen manusia.Janah arah diri Jesus Kristus teridah maka kemalemen ate ras keriahen e jadi nyata ibas kegeluhen manusia (Bnd. 1 Tim 1:11;6:15). Alu sie maka kunci keriahen ras kemalemen ate e lit ibas Dibata siipeseh Na alu kataNa.
Bagi siisingetken Jesus ibas Kotbah i Bukit IkatakenNa ketuahen me kalak si nggejapkenmaka labo kai pe ertina ia ilebe lebe Dibata, si erceda ate, si meteruk ukurna si muas ras melihe nehken peraten Dibata, si perkuah ate, si meciho pusuh peratenna, sierbahan perdamen, singenanami kiniseran erkite-kiteken nehken peraten Dibata (Matius 5:3-11)
Tujun Dibata eme mereken keriahen ras kemalemen ate man kalak si tek man baNa. Tapi ibas kinatana mbue denga jelma si ndarami kemalemen ate ras keriahen ukur menurut pandangen ntah pengakapna sendiri. Seh maka ulihna labo ketenengen ntah kedamen tapi kiniguluten. Arah bahan oratenta sendah ate Pemasmur nuriken uga kin situhuna ndatken kemelemen ate ras keriahen e banci jadi ibas geluhta. Terlebih pe man Mamre gelah banci ngenanami dingen ersaksi kerna kemalemen ate bagi siisurken Dibata jadi ibas geluhna
URAIAN
Mazmur 1:1: “Malem me ate kalak si la megiken pedah kalak jahat, si la ngusihperbahanen kalak perdosa si la erteman ras kalak megombang man Dibata”
Arah teks ta enda kepeken lit 3 kata” la” sipake jadi anak kalimat siberhubungen ras kata malem me ate kalak…” Alu sienda banci sipahami bahwa kerina kalak ndarami keriahen la lit si lang. Perlu si renungken kata bijak enda: sen banci nukur kai pe tapi la banci nukur siikataken keriahen ”
UANG bisa membeli KASUR MAHAL tapi tidak bisa membeli TIDUR NYENYAK, UANG bisa membeli MAKANAN MAHAL tapi tidak bisa membeli SELERA MAKAN, UANG bisa membeli PERHIASAN MEWAH tapi tidak bisa membeli KECANTIKAN ALAMI, UANG bisa membeli KESENANGAN tapi tidak bisa membeli KEBAHAGIAAN”.
Rikut ken ayat sipemena enda keriahen e eme la megiken pedah kalak jahat, Ayat pemena Mazmur enda ncidahkan litna perbedaan ibas kalak bujur ras kalak jahat. Kalak bujur banci si idah ibas kai siibahanna, ingan siidahina janah persadan kai sienggo ibengketina. La lit sada jelma pe si banci nggejapken pasu pasu Dibata adi la kin mulihken ibas kai sincedaken ntahpe meneken ia. Kita nggeluih ras ipebelin ibas kegeluhen sosial si lengkap. Persadan ija kita ringan si banci mempengaruhi pola, cara ras gaya kegeluhenta. Persadan si mehuli banci ikut mendukung perkembangen bíak ta ku simehuli, tapi sebalikna persadan si la mehuli njadiken biakta ku si la mehuli ka.
Persadan si la mehuli banci e erbahanca kita lanai lit ibas keriahen emaka pemazmur mempersingeti manusia segelah ula ngikuti ras ngaloken tawaren tawaren sincedaken e adi ateta nggeluh ibas keriahen.
Keriahenna eme matuhi Undang-undang TUHAN.
Rahasia nggeluh ibas keriahen ukur rikutken Mazmur 1 eme kap arus lit ibas kita keriahen si meganjang nandangi kata Dibata e. Pemazmur sehubungen ras sie nulisken ibas pimpinen Kesah si Badia ngataken Mazmur 1:2 Tapi keriahenna eme matuhi Undang-undang TUHAN dingen ngukurisa suari ras berngi. Manusia si ipasu pasu Tuhan labo terjeng mulih ibas kejahaten nari tapi pe uga ia membina hubungen manusia ibas wilayah kata Dibata manusia e tetap iusahakenna patuh nandangi kai sura sura Dibata ibas pusuh si tuhu tuhu kempak Dibata ras ermeriah ukur ibas ndalani dalan Tuhan ras erngena ate nandangi perentah Tuhan. Dingen ngukurisa suari ras berngi.
Rahasia nggeluh ibas keriahen rikutken ibas Mazmur enda eme kap nandangi kalak si terus menerus la erngadi ngadi “merenungkan” kata Dibata suari ras berngi manusia si tetap lit usahana alu nggeluh ibas pasu pasu Dibata ngukurisa perintah Tuhan eme kataNa segelah eme si membentuk perukurenta sikapta ras perbahanennta rikut ras pengerananta ngukurisa ras membandingkenca ras ayat si deban.
Nggeluh ermeriah ukur ulih ibas kepatuhen man Dibata
Rikutken ras pemasmur nggeluh ermeriah ukur Menurut pemazmur labo terjeng cerita ntah teori saja. Tapi banci iangkai, inanami ras lit ulihna. Pemasmur nulisken hal enda alu ngataken: la seri ras batang kayu si turah i tepi lau anakerbuah i bas paksana, dingen bulungna pe la melus. Sangap ia i bas kerinapendahinna (ay. 3). Gambaren enda menegasken maka ulih kepatuhen man Dibataeme keriahen ukur siialoken la hanya sekali ntah sesaat tapi ibas paksa paksa si lit, lamelus amin kai pe si terjadi, sangap ibas kerina dahin.
APLIKASI
Ulih man kalak si setia ndarami Dibata ras kataNa eme trtap ngaloken kemalemen ate ras keriahen. Mamre si patuh ras setia man Dibata pasti sangap ibas kerina pendahinna. Sangap bas pendahin siimaksud ije labo berarti la pernah ngenanami masalah ntah pe kegagalen tapi Mamre si bujur ietehna me sura sura Dibata ras pasu pasuNa. Bicara pe erkiteken ndalanken sura sura Dibata ras kataNa e maka Mamre ngenanami kiniseran, la e erbahanca Mamre e surut ibas ndalanken kataNa, tapi tetap megenggeng dingen setia ibas ngalakenca sebab ibereken Dibata nge keriahen si tetap man bana. Banci jadi pernah kita ngenanami kesusahen, ntah pe sangana ngenanami kesusahen, tetaplah kita rembak ras Dibata sebab kesusahen la erbahanca kita ndauh ras Dibata tapi reh deherna kita ras ernalem tetap man baNa
DISKUSI
- Rikutken ras bahan pengogenta enda kai nge sierbanca maka kita banci ndatken kemalemen ate ntah pe keriahen ibas geluhta i doni enda? Diskusiken
- Turiken kidekah enda kai nge si erbahanca kam ermeriah ukur, janah enggo nge idatkenndu? Bandingken ras palas kemalemen ate rikutken bahanta enda.
USULEN ENDE-ENDEN
- KEE GBKP No 201:1,2 3.
- KEE GBKP No 204:1,3 4
- KEE GBKP No 323: 1,3
- KEE GBKP No 381:1,4
Pdt. Januar Jesuil Eliasta Ginting Munthe, S.Th
HP. 081370152654