TEDEH ATEKU KAM O DIBATA
(Tedeh Ate Nandangi Tuhan / Ulih Litbang)
Mazmur 42:1-6
Kerinduan kepada Allah
Untuk pemimpin biduan. Nyanyian pengajaran bani Korah.
42:1 Seperti rusa yang merindukan sungai yang berair, demikianlah jiwaku merindukan Engkau, ya Allah.
42:2 Jiwaku haus kepada Allah, kepada Allah yang hidup. Bilakah aku boleh datang melihat Allah?
42:3 Air mataku menjadi makananku siang dan malam, karena sepanjang hari orang berkata kepadaku: “Di mana Allahmu?”
42:4 Inilah yang hendak kuingat, sementara jiwaku gundah-gulana; bagaimana aku berjalan maju dalam kepadatan manusia, mendahului mereka melangkah ke rumah Allah dengan suara sorak-sorai dan nyanyian syukur, dalam keramaian orang-orang yang mengadakan perayaan.
42:5 Mengapa engkau tertekan, hai jiwaku, dan gelisah di dalam diriku? Berharaplah kepada Allah! Sebab aku akan bersyukur lagi kepada-Nya, penolongku dan Allahku!
42:6 Jiwaku tertekan dalam diriku, sebab itu aku teringat kepada-Mu dari tanah sungai Yordan dan pegunungan Hermon, dari gunung Mizar.
Lit sada lagu rohani Kristen, nina syairna,
“Seperti rusa rindu sungaiMu, Jiwaku rindu Engkau,
Kaulah Tuhan hasrat hatiku, Ku rindu menyembahMu”.
Syair lagu enda ibuat arah Kitab Mazmur si ngerana kerna kegeluhen manusia si ertedeh ate nandangi Dibata. Iandingken bagi belkih, sada jenis rubia si tuhu-tuhu penting nandangi lau. Belkih megati ijumpai i tepi lau. Bage pe belkih rusur jadi “objek perburuan” rubia si meliar. Adi iserang rubia si meliar biasana belkih kiam ras mbuniken bana ku lau maler sierbanca ia pulah. Emaka lau si maler penting kel nandangi belkih si erbanca tedeh kel atena rusur nandangi lau si maler, sabab banci mereken gegeh si mbaru man bana. Belkih la banci nggeluh adi la lit lau si maler.
Pemasmur encidahken ketedehen atena ersembah man Dibata bagi belkih si mejehe nandangi lau maler si malem. Belkih si muas erusaha ndarami sumber lau guna iinemna. Bage me siilakoken pemasmur, si lalap ndarami Dibata. Pemasmur nggejabken maka Dibata e berperan penting i bas mereken solusi, menjawab kebutuhenna, jadi kubu pertahanenna (pelindung) ras mbela si ergegeh i bas kegeluhenna. Emaka ketedehen atena tetap erburak – burak gelah tetap ersada ras Tuhan. Alu bage perbeben si berat sinanami pemasmur erkedungen i bas ketedehen atena ras persadanna si nteguh ras Tuhan. Mekatep arah perbebenta si lit siinget Tuhan. Perbeben jadi “alarm” man banta gelah mulih janah ersada ras Tuhan.
Seh kel getem pusuh adi sirang ras Dibata. Enda icidahken pemasmur, adi ia ndauh ras Dibata ia la ndatken ketenengen, adi la kin Dibata ndeher ras ia maka ia la ngasup endalani kegeluhenna alu dame. Kalak isekelewetna nungkun man bana, “lja Dibatandu?” Kondisi i bas geluhna erbanca suari berngi ngandung ia erkiteken perbeben si ialakenna. Tapi Pemasmur ngingetken dirina mulihi gelah ula erndele ate i bas perbeben sinialakenna tapi tetap erpengarapen man Dibata erkiteken Dibata e me penampat si setia.
Selaku manusia, ise nge rusur sitedeh ateta? Selaku kalak Kristen, ise nge siperluken kita i bas geluhta enda? Uga nge belinna ketedehen ateta ras Dibata si enggo mereken kegeluhen banta?
I bas tahun 2018 Tim Litbang GBKP ngelakoken penelitian kerna faktor-faktor kehadiran PJJ. Sura-sura perpulungen GBKP guna reh ku PJJ labo jadi sada kebutuhen, tapi terjeng sekedar guna memenuhi aturan si itetapken GBKP. Mehangke entah pe mbiar perpulungen adi ipersingeti Serayan Tuhan ras Pengurus Sektor erkiteken la ia reh ku PJJ. Alu kata si deban, kegiatan PJJ lenga jadi ketedehen man perpulungen guna jumpa ras Tuhan ras nuriken perbeben siadapina. Pemasmur si lalap ertedeh ate ras ersembah ku Dibata. Ketedehen atena la pernah bene gelah banci jumpa ras Tuhan. Perjumpan pemasmur ras Dibata e me kunci gegeh pemasmur i bas ngalaken kerina perbeben. Pemasmur nggejabken maka ia la banci nggeluh adi la iarak-iarak Dibata. Penting pe ku wari si reh enda perjumpan i bas PJJ/Sektor arus min sitambahi isi (muaten) percakapen umpamana ingan ngarihken nampati pendidiken anak-anakta (beasiswa), apai si perlu modal modal usaha kecil menengah (UKM), nikapken asuh-asuhen (manuk, babi, lembu, kerbo, kambing) jadi pendahin anggota sektor, bibit page jong si banci isuan perpulungen, juma si man sewan ras si debanna. Ertina bahanlah PJJ jadi ingan ngorati Kata Dibata sekaligus ingan ndatken ndungi perbeben anggota PJJ/Sektor e. Pemasmur nggejabken maka i bas Dibata lit serpang pulah
“Tedeh ateku kam o Dibatangku”, enda me arusna penjemba banta reh muji Tuhan arah erbage-bage bentuk pelayanen GBKP. Ketedehen ateta man Dibata e ulihna teridah min i bas kita ngergai kemanusian, mpegegehi temanta i bas perbebenna, mpekena-kena Rumah Tuhan, ersada arih i bas perpulungen, njagai keberlangsungen kerina tinepaNa ras si debanna. Sabab i bas kerina paksa bas kegeluhenta Dibata ngenca si sangup engkelini ras nampati kita. Marilah sigejabken maka kita perlu Dibata. Enda me si erbanca kita ergiah-giah guna jumpa ras Dibata arah reh ku gereja, PJJ ras PA.
EVALUASI:
Ma tetap nge sipake “media sosial” ingan nehken berita si mehuli?
DISKUSI:
- Kidekah enda kai nge si njemba kita guna reh ku gereja, PJJ ras PA?
- Kai nge siakap si mehulina njemba kita reh ku kebaktin?
AKSI:
Cidahkenlah ketedehen ateta man Dibata alu tetap reh ku gereja, PJJ ras PA.
USULEN LAGU:
- KEE. 264 – Enggo Masap Dosangku
- KEE. 059 – Keleng Atendu Tangkas Bangku
- KEE. 387 – Bagi Belkih Mejehe
- KEE. 478 – Kinitedehen Ukurku
TOPIK PERTOTON SYAFAAT
- Gelah perpulungen tetap ertedeh ate guna jumpa ras Dibata
- Gelah perpulungen tetap erpengarapen man Dibata i bas kerina siterjadi bas kegeluhenna.
Pdt. Tetty Hanna Susanna br Sinulingga, S. Psi., M.Div