Karakter Mamre
( Kekelengen )
Ogen: Galati 5: 13 – 15
13. Saudara-saudara, memang kamu telah dipanggil untuk merdeka. Tetapi janganlah kamu mempergunakan kemerdekaan itu sebagai kesempatan untuk kehidupan dalam dosa, melainkan layanilah seorang akan yang lain oleh kasih.
14. Sebab seluruh hukum Taurat tercakup dalam satu firman ini, yaitu: “Kasihilah sesamamu manusia seperti dirimu sendiri!”
15. Tetapi jikalau kamu saling menggigit dan saling menelan, awaslah, supaya jangan kamu saling membinasakan.
Tema: Nggeluh I Bas Kekelengen
Tujun: Gelah Mamre
1. Meteh kerna biak-biak kegeluhen si erpalasken kekelengen
2. Nggit sisampat-sampaten bas penjemba kekelengenTuhan
Metode : Diskusi
KATA PENARUH
Masalah si lit ibas perpulungen enda eme lit perpecahen erkiteken pemahamen si la payo. Kalak Kristen Jahudi nganggap pemahamen kerna agamana ras kelompokna me si benarna sebab ia tetap nekanken sunat guna keselamaten, si la ersunat ianggapna labo banci selamat ras irendahkenna. Janah pemahamenna si paling krusial salah siipahami kalak Galatia paksa sieeme ianggapna ntah pe ipahamina keselamaten (kebebasen) si ibereken Kristus arah kematenna, erbahanca manusia enggo banci bebas rate-ate sue sura-surana (gia dosa), tentu ijenda banci bagi biak rubia-rubia siatahen ras sikaraten (nen ay. 15). Emaka Paulus njelasi erti makna pembebasen Kristus labo guna rate-ate sue peraten daging, tapi keselamaten e njemba kita sikeleng-kelengen gelah nteguh perpulungen e (enda me tema).
URAIAN
Penjelasen Paulus kerna makna pembebasen ntah pe keselamaten Kristus man kalak sierkiniteken eme :
- ay. 13 a Paulus menegasken makana kalak sierkiniteken eme kalak sienggo ipilih Dibata gelah bebas. Bebas maksudna eme bebas ibas kuasa dosa (si la uli) simegati ngiket ras menghambat ndalanken visi misina eme si sampat- sampaten alu palas kekelengen. Berarti man kalak sierkiniteken bebas berarti lanai lit hambaten lako ndalanken kekelengen, sebab kiniteken man Kristus erbahanca ibas kai pe kalak erkiniteken sampur kinibayaken. Hambaten si rusur kel ngiket ras ngolangi ndalanken kekelengen, umpamana :
- meganjang ukur bagi kalah Kristen Jahudi si merasa ganjangen ia orkiteken Torat (ntah sunatna) asa kalak kristen si la sunat ras si la kalak Yahudi.
- Biak ngkarat ras ngatah bagi rubia-rubia erkiteken erkiteken ngukurken kepentingenna, rsd.
Biak sie kerina lanai jadi hambaten sebab perukurenna enggo bagi perukuren Kristus sibayak ibas kai saja pe janah si katawari pe atena ngelai alu dem kekelengen (bdk Galatia 5:22-23). ndi jelas tujun pemilihen enda eme gelah bebas guna sisampat-sampaten alu palas keleng ate Kristus.
- Ay. 14 Ngkai maka dasarna nampati eme keleng ate ?Sebab eme inti kerina undang-undang Dibata : .Kelengi temanndu manusia bagi kam ngkelengi dirindu.Tentu maksudna bali bagi Kristus ngkelengi Manusia, si ikataken kekelengen “agape”. “Agape” eme kekelengen tulus, la erbalas ras aktif. Aktif maksudna kreatif sendiri ndarami siman sampaten erkiteken keadaanna kin man sampaten, labo nimai (pasif) adi lit kalak mindo maka isampati. Kristus pe aktif nehken keleng ate man manusia labo itimaina pemindon ras kiniulin ibas manusia nari. Kekelengen Agape enda biasana nyata ia teridah ibas ngkelengi diri sendiri. Pasti nge tiap jelma aktif erbahan simehuli man dirina sendiri.
Emaka standart ibas nehken kekelengen enda nina Paulus kelengengi temanndu bagi kam ngkelengi diri sendiri (ay. 14, bdk Mat. 22:37).
- Ay. 15 Ulihna : Nteguh perpulungen e. Perpulungen eme kula Kristus, berarti alu kata sideban Kristus e nteguh ibas kalak Kristen. Adi Kristus nteguh ntah paguh berarti keselamaten lit ibas ntah bagin kalak Kristen. Sebalikna, adi si karaten dingen siatahen bagi rubia rubia nandangi kernep me perpulungen e alu bage keselamaten e pe labo lit.
APLIKASI
Mamre perlu sadar maka ia kalak sienggo ipilih guna bebas guna nehken kekelengen. Ulanai min ipebelin-belin rusur hambaten ras singiket erbahana lit alasen maka kurang ngasup nehken kekelengen enda. Adi enggo Kristus ibas kita lanai bo lit singabati ras hambaten ibas nehken erkekelengen enda, sebab enggo me bayak kita Ibas keleng ate ras ibas kai saja pe semehuli. Jadi Jadi maka rusur kita la ngasup, la lan ndia rusur ka kita kiam ibas pilihen e nari alias la erkiniteken alu kata sideban kurang tutus ku gereja, PJJ, PA Mamre, ras kegiaten sidebanna ? Perlu segera iperobahi. Sebab adi la nteguh persadan (kula Kristus) e ntah rontas kita ka nge ruei sebab Kristus e pe labo nteguh bas kita. E berarti kita pe labo selamat.
Emaka siman gegehen gundari eme si keleng kelengen gelah enteguh persadan e Biak-biak dosa, umpana : meganjang rukur, mentingken diri sendiri, ndalanken pinakit sosial (judi, narkoba, sek bebas, rsd) kerina enda man tadingenken sebab pendahin sienda kerina erbahanca kita banci sikaraten ras siatahen bagi rubia-rubia siebahanca sontar perpulungen enda (nen ay. 15).
DISKUSI
- Diskusiken pengangkandu kerna kai kin ertina “Pemilihen Dibata eme guna bebas nehken kekelengen”.
- Kai nari singolangi Mamre maka lit denga usur langa bebas ibas dosa e nari,umpamana : la aktif ku gereja (ntah PJJ, PA, rsd), Nggit denga erjudi, cikurang ras mandangi teman, la aktif nggalari iuren Mamre, rsd sierbahanca perpulungen kurang megegeh.
USULEN ENDE ENDEN
1. KEE GBKP No. 177 :1, 2
2. KEE GBKP No. 209 : 1, 3
3. KEE GBKP No. 254 :1-
4. KEE GBKP No. 255 :1-2
Pdt. Seth Perangin-angin, M.Th
HP. 081397340320