Si Man Ogen
Efesus 5: 15 – 20
5:15 Karena itu, perhatikanlah dengan saksama, bagaimana kamu hidup, janganlah seperti orang bebal, tetapi seperti orang arif,
5:16 dan pergunakanlah waktu yang ada, karena hari-hari ini adalah jahat.
5:17 Sebab itu janganlah kamu bodoh, tetapi usahakanlah supaya kamu mengerti kehendak Tuhan.
5:18 Dan janganlah kamu mabuk oleh anggur, karena anggur menimbulkan hawa nafsu, tetapi hendaklah kamu penuh dengan Roh,
5:19 dan berkata-katalah seorang kepada yang lain dalam mazmur, kidung puji-pujian dan nyanyian rohani. Bernyanyi dan bersoraklah bagi Tuhan dengan segenap hati.
5:20 Ucaplah syukur senantiasa atas segala sesuatu dalam nama Tuhan kita Yesus Kristus kepada Allah dan Bapa kita
TERBELUH MAKEKEN WAKTU
TUJUN: Gelah Moria:
a. Meteh Perpulungen Epesus terlale lale i bas makeken kesempaten si lit.
b. Ngasup makeken ras ngergai waktu alu mehuli.
METODE PA: Diskusi
Kata Penaruh.
Kesibuken manusia mahanca nggo reh perluna ia si instant, pedas ras ekspres. I bas kai pe si enda jadi, rukur, muat keputusen lanai merluken waktu, lang kari ipotong kalak. Hubungen ras kalak sideban, adi nai lit denga nge waktuna reh ku jabu keluarga, man ras ipotongna manuk tanda kiniersadan, tapi gundari lanai terban ngaturken waktu erkiteken kesibuken tep-tep jelma. Emaka enggo urak kal komunikasi ras keluarga erkiteken reh sibukna. Kesempaten sinibereken Dibata man banta si pakeken min alu ngergaken waktu. Waktu ras kesempaten si ibereken Dibata seri man kerina si nggeluh i doni enda, labo lit sekalak pe lebih 1 ntah 2 menit si ialokenna. Dage selaku nande/Moria uga kita banci ngaturken waktu guna kegeluhen sinibereken Dibata. Adi si pergunaken waktu maka la kita kekurangen waktu tapi adi lalap kita tertaren-taren ndahiken dahinta maka kita pasti kekurangen waktu.
Mpebagesi Pengangkan Kerna Ogen.
Rasul Paulus nulisken suratna man perpulungen i Epesus sanga ia i bas penjara. Epesus sebage ibukota propinsi janah selaku kota pelabuhan seh kal majuna. Patung Dewi Artemis pe seh kal tersenana i ja e ingan penembahen bage pe ilakoken perbahanen amoral (pelacuran). Lit 3 tahun dekahna Paulus ngelai i Epesus emaka mbages kal penandai Paulus kerna perpulungen e. Melala kal kata “OLA” sinipeseh Paulus man perpulungen Epesus erkiteken rusur kal ilakoken perpulungen enda si la mehuli. Labo ieteh perpulungen e makeken kesempaten alu mehuli adi la kin ietehna kesempaten eme pemere Tuhan. Uga makekensa waktu si ibereken e alu mehuli. Rasul Paulus ngajuk perpulungen Epesus gelah nggeluh perdiateken lagu langkah si mehuli ula bagi kalak motu. Uga kin kalak motu? La ia merhat iajarken ras ipersingeti. Lalap iakapna benar dalan si dalanina, adi lit kalak si la sendalanen ras ia entah pe mandang ia minter iakapna kalak sideban si salah, janah kalak motu la merincuh ngergai Kata Dibata sabap Kata Dibata mabai ku si mehuli (ay.15). Tapi kalak bujur, kalak si pentar nggit ia ndengkehken ajar, ngaloken nasehat ras metenget i bas geluhna. Paulus pe nuriangi kerna ngergaken waktu alu ngataken pergunakenlah kesempaten si lit i bas kam alu mehuli, sabap wari-wari enda la kap mehuli. Antusenna eme kerina tipu iblis si jahat guna nggagalken masa depan alu erbage-bage cara. Iblis meteh cara nipu gelah la seh bagi sinisuraken Tuhan geluh si mehuli. Emaka ula sia-siaken geluh e alu kesenangen kentisik, pergermetkenlah kai si ngena ate Tuhan. Waktu entah pe kesempaten e kentisik ngenca, si enggo jadi lanai banci iulihi. Alu bage ula timai kesempaten sideban guna ndahiken dahin si banci si dahiken sendah lakokenlah, ula tertaren-taren, ula terlale-lale. Kejahaten reh buena, tegnologi reh majuna emaka kalak si jahat pe reh buena. Erbage macam penipun, ngajuk kita reh metengetna makeken waktu ras kesempaten sinibereken Tuhan man banta.
Pengkenaina.
Megati kal i bas sada-sada perjumpan, perpulungen entah pe acara enterem kalak mbela dirina adi ilakoken acara e la tepat waktu. Ikatakenna: “maklumlah kam ya bagem adi kalak Karo la pernah tepat waktu, si timai kentisik nari” nina padahal enggo lewat sada jam lebih acara e pe lenga ibenaken. Ergan lalap si akap kalak si lenga reh asangken kalak si enggo setia reh leben janah enggo ndekah ertima. Tentu adi bage lalap alasenta la kita nggit mpekena si la pas, emaka tetap kita la tepat waktu. Kita lebe menakensa tepat waktu, ukurkenlah maka tep-tep perjumpan e perlu kal kita i je, adi lenga kita reh la akap kalak meriah, bage min si akap gelah pedas kita reh ku bas perjumpanta. Meherga si akap dirinta, tentu meherga si akap waktu sinibereken Tuhan man banta. Kita nggeluh i bas ruang ras waktu, kerina sinidahiken kita, sinipikirken kita kerina merluken waktu, la lit sekalak pe i bas doni enda lepas arah waktu. Tubuh pe kita lit waktuna, kalak si mate pe lit waktuna, jam wari ras tanggal tahunna. Bagepe Tuhan njadiken kerina si lit i bas doni enda lit waktuna 6 wari erdahin sada wari istirahat. Kita nggeluh i bas waktu, tetap si dalani, tapi bagepe seh kal teremna jelma nia-niaken waktu, terlale-lale. Adi sedekah enda meriah denga si akap terlambat, menaken sendah ulanai si pebelin biak terlambat. Waktu e la pernah mulihken ngasa ndigan pe lanai, emaka pakekenlah kesempaten e alu mehuli. Man banta kerina Moria ergakenlah dirinta alu ngergaken waktu si lit denga, tupung kita nageluh denga silakokenlan si mehuli. Adi si sadari maka waktu eme pemere Dibata, je me kita ngasup ngubahken kebiasan si la mehuli i bas nia-niaken waktu. Nina Thomas Adams: “kalak si nggit mereformasi dirina nggo melala ngereformasi kalak sideban, engkai maka doni enda la tereformasi erkiteken tep-tep jelma nuruh kalak sideban lebe berubah tapi dirina jine la ia nggit ngubahsa”. Emaka benakenlah perubahen i bas dirinta nari.
Diskusi:
- Cuba sik-siki ogenta Epesus 5:15-20 ndai. Janah darami pengertinna “kalak motu la pentar makeken kesempaten”.
- Kai nge iakapndu si erbahansa mesera kal si akap tepat waktu i bas acara-acaranta subuk acara budaya bagepe acara Gereja? Enggo nge kita makeken waktunta alu mehuli janah si diskusiken alu mbages?
Pdt. Natallidna Tarigan, M.Th