“Meritaken Berita Si Meriah”
Roma 10: 14 – 17
(10:14) Tetapi bagaimana mereka dapat berseru kepada-Nya, jika mereka tidak percaya kepada Dia? Bagaimana mereka dapat percaya kepada Dia, jika mereka tidak mendengar tentang Dia. Bagaimana mereka mendengar tentang Dia, jika tidak ada yang memberitakan-Nya?
(10:15) Dan bagaimana mereka dapat memberitakan-Nya, jika mereka tidak diutus? Seperti ada tertulis: “Betapa indahnya kedatangan mereka yang membawa kabar baik!”
Ketidakpercayaan Israel
(10:16) Tetapi tidak semua orang telah menerima kabar baik itu. Yesaya sendiri berkata: “Tuhan, siapakah yang percaya kepada pemberitaan kami?”
(10:17) Jadi, iman timbul dari pendengaran, dan pendengaran oleh firman Kristus.
I. KATA PERLEBE
Kegeluhen kalak Kristen eme bentuk praktis guna terus menerus ngikutken kiniseran Jesus, dingen eme si mengubah dirina ras lingkungen sekitarna. Emaka perlu kel kesetiaan ngikutken Jesus i bas kiniseran, sabab eme tandana kita enggo ikut meritaken Berita Si Meriah e man kalak si deban. Meritaken eme sada tindakan si aktif guna idalanken. Meritaken Berita Si Meriah berarti tindakan aktif i bas nehken berita si mehuli. Kerina kalak si enggo ngaloken Jesus selaku Juruselamat enggo jadi sada tanggungjawab guna tetap ersaksi arah kerina dampar kegeluhen termasuk pe arah dampar kedewasaan i bas makeken kemajuan teknologi informasi.
II. ISI
Bahan invocationta kitab kuan-kuanen eme kumpulan kitab-kitab sinuriken kerna kepentaren (ibrani: Hokmah). Kepentaren e siibereken Dibata man manusia gelah ngasup ngaturken kegeluhenna bage pe guna ngasup rukur alu mehuli, ija kepentaren e mabai ia kubas keberhasilen geluh ras kebenaren Dibata. I bas kitab Kuan-Kuanen sijadi palas kepentaren eme mehamat dingen erkemalangen man Dibata (Kua. 1:7). Kepentaren e banci idatken alu erlajar sebab kepentaren situhu-tuhu lit i bas Dibata ngenca. Emaka guna ndatken kepentaren kita arus rembak ras Dibata alu erlajar kerna kata Dibata. Arah erlajar banci tambah pemetehta seh maka kita banci ertimbang alu payo, la terbaba arus kerna kemajun teknologi informasi.
Bahan ogenta i bas kitab keluaren enda Kitab si membahas dua pokok penting eme sejarah pembebasen bangsa Israel arah taneh perbudaken nari bage pe kerna kejadin i Deleng Sinai, ije me Dibata mereken sepuluh pedah Dibata raduken hukum-hukum si debanna nandangi Musa ras perpulungen, janah si enda kerina ipedahken Dibata guna ipakeken jadi perkakas singarak-ngarak perpulungen i bas ersembah man Dibata raduken uga kin situhuna cara geluhta I babo doni enda. Tuhu tangkas cara Dibata nehken pengajaren man Musa raduken Bangsa Israel paksa si e salah sadana i bas majekken Kemah Si badia raduken memperlengkapi perlengkapen ibadahna. I bas ogenta kitab keluaran 35:30-35 enda nuriken kerna pemilihen nandangi tukang-tukang si beluh erbahan Kemah si Badia, i bas Bahasa Indonesia “Pengangkatan Bezaleel dan Aholiab.” Ertina arah bahan ogenta enda nuriken kerna kalak si enggo ipilih Dibata enggo pasti iberekenna kuasa arah kepentaren, kengasupen, ras pengertian erbahan barang-barang simejile guna perlengkapen Kemah si Badia. Alu bage kita selaku kalak si erkiniteken man Dibata pe enggo ibereken kepentaren ras kengasupen guna njadiken si mehuli ras mejile i bas dahin Tuhan, janah enda me bagin meritaken berita simeriah.
Bahan kotbah eme Roma 10:14-17 enda umputen uga ergana Berita Si Meriah man doni enda. Enggo leben isingetken Paulus kerna Berita Si Meriah enda i bas Roma 1:16-17. Maka Berita Si Meriah e kuasa Dibata nelamatken doni enda. I jenda Paulus nuriken uga dalanna kalak banci selamat. Eme arah megiken Berita Si Meriah. Sabab kiniteken reh arah megiken Berita Si Meriah. Erdandanken si e maka arus lit kalak si erberita. Emaka Paulus ngataken ayat 15b, seh kal tuhu ulina kerehen kalak si maba Berita Si Meriah. Enda ibuat Paulus arah Jesaya 52:7.
III. PENGKENAINA
I bas tema pekan penatalayanenta berngi enda ngajuk kita segelahna ertedeh ate meritaken Berita Si Meriah arah kengasupen, kepentaren ras kebeluhenta si enggo ibereken Dibata man banta. I bas kita kerina lit kebeluhen si secara khusus ibereken Dibata man banta guna ipakeken nehken simehuli amin gia mbue rintangen si ngolang-ngolangi kita i bas nehkenca. Bagi bangsa Israel si iolang-olangi kebiarenna bage pe kinikisatenna i bas erbahan perlengkapen Kemah si Badia, bage pe kita tuhu mbue sijadi penghalang i bas kita makeken kengasupen ras kepentaren si enggo ibereken Dibata man banta, tapi alu tek mabai kita ngasup jadi perberita simeriah i bas kegeluhenta arah erbage-bage dampar kegeluhen. Tujun ras gunana teknologi tuhu mehuli guna nampati enterem jelma i bas segala bidang. Si man perubahen eme caranta makeken teknologi e. Umpamana i bas jaman teknologi enda kita banci jadi perberita si meriah alu makeken teknologi e alu payo. Labo makeken teknologi enda alu ate- ateta saja seh maka banci mpeturah perdebatan si lanai positif ras lanai membangun kiniteken. Bagi nina invocationta maka kalak si erpemeteh ras pentar ngenca ngasup ngangkaisa kerna kai-kai pe alu tangkas. Emaka marilah kita erlumba-lumba guna banci jadi kalak si pentar makeken teknologi seh kedungenna kita ndatken pemeteh si mehuli.