Bahan PJJ 13-19 Oktober 2019

Makeken Pengertin, Kebeluhen Ras Kengasupen
(Entrepreneurship: Keahlin )
Keluaren 31:1-11

Bezaleel dan Aholiab ditunjuk

31:1 Berfirmanlah TUHAN kepada Musa:

31:2 “Lihat, telah Kutunjuk Bezaleel bin Uri bin Hur, dari suku Yehuda,

31:3 dan telah Kupenuhi dia dengan Roh Allah, dengan keahlian dan pengertian dan pengetahuan, dalam segala macam pekerjaan,

31:4 untuk membuat berbagai rancangan supaya dikerjakan dari emas, perak dan tembaga;

31:5 untuk mengasah batu permata supaya ditatah; untuk mengukir kayu dan untuk bekerja dalam segala macam pekerjaan.

31:6 Juga Aku telah menetapkan di sampingnya Aholiab bin Ahisamakh, dari suku Dan; dalam hati setiap orang ahli telah Kuberikan keahlian. Haruslah mereka membuat segala apa yang telah Kuperintahkan kepadamu:

31:7 Kemah Pertemuan, tabut untuk hukum, tutup pendamaian yang terletak di atasnya, dan segala perabotan kemah itu,

31:8 yakni meja dengan perkakasnya, kandil dari emas murni dengan segala perkakasnya, mezbah pembakaran ukupan,

31:9 mezbah korban bakaran dengan segala perkakasnya, bejana pembasuhan dengan alasnya,

31:10 pakaian jabatan, baik pakaian kudus kepunyaan imam Harun, maupun pakaian anak-anaknya, untuk memegang jabatan imam,

31:11 minyak urapan dan ukupan dari wangi-wangian untuk tempat kudus; tepat seperti yang telah Kuperintahkan kepadamu haruslah mereka membuat semuanya.”

---

Tangkas man banta maka Dibata me sinepasa kerina si lit i bas doni enda. Janah i bas tinepaNa e, manusia me tinepa si ibereken Dibata kelebihen asa tinepaNa si deban, sebab man manusia me ibereken Dibata pemeteh ras kepentaren si banci ikembangken. Tole pe ibere Dibata kuasa guna ngusahai ras nguasai doni enda. Kemajun “ilmu pengetahuan” banci siidah i bas abad pe 20 ken, paksa sie manusia enggo lit perukurenna si cukup maju, banci siidah arah “teknologi”, “informasi” ras “transportasi.” Enda kerina banci jadi erkiteken arah pengertin, kebeluhen ras kengasupen manusia i bas makeken pemeteh sibereken Dibata man bana alu mehuli. Pengertin ertina akal budi si lit bas kita meteh mehuli ras lang, kebeluhen ertina kelebihen sekalak jelma guna ngangkai ras makekenca, kengasupen ertina gegeh i bas sekalak jelma lako erdahin. Pemeteh reh dekahna reh erkembangna bage pe kegeluhen manusia reh majuna arah kepentaren ras kebeluhen si ibereken Dibata. Janah adi enda ikembangken maka turah me sada kebeluhen ntah pe “keahlian”. “Keahlian” ertina kemampun sekalak jelma ndahiken sada dahin si biakna kusus. Keahlin sekalak jelma banci ipebagesi gelah reh beluhna. Keahlin si lit i bas manusia tujunna eme guna ndukung keperlun ras kemajun manusia janah sipakeken guna pelayanen gelah terpuji gelar Dibata.

I bas renungenta enda ituriken kerna kinibeluhen si ibereken upata man bangsa Israel guna erbahan Kemah si Badia. Adi nai sigelari jaman batu, i bas Kitab Keluaren enda teridah enggo jaman besi tah pe emas, ije me teridah litna perubahen-perubahen i bas geluhen manusia erpalasken jamanna. I bas bahanta enda Dibata ngerana arah suruh-suruhenNa Musa ngataken maka Dibata enggo milih Basalel i bas suku Juda nari, janah idemi alu Kesah Dibata.

Ibereken me bana pengertin, kebeluhen ras kengasupen erbahan barang-barang si mejile i bas bahan dasar emas, pirak ras tembaga me  (ay. 2-4). Keahlin sebage tukang, teridah maka Dibata nge simerekenca man manusia guna ipakeken alu mehuli man dirina jine, kalak si deban terlebih man Tuhan. Tole Dibata milih Oholiap i bas suku Dan nari bage pe tukang-tukang si deban guna nampatai Basalel ( ay.6 ). Kerina si pilih Dibata e termasuk tukang-tukan si deban isuruh Dibata guna erbahan Kemah Perjumpan, Peti Perpadanen ras tutupna, perabot-perabot kemah, meja, atat-alat, nahe lampu i bas emas murni, batar-batar, baskom pemurih tan ras nahe, bage pe paken-paken imam ras minak penangkuhen (ay. 7-11). Maanusia isuruh Dibata guna nikapken keperlun i bas nembah man baNa. Gelahna manusia e banci ngelakokenca ije me Dibata ngkuhi manusia alu pengertin, kebeluhen ras kengasupen. Alu kata si deban “keahlin” si ibereken Dibata guna mperembakken kita ras Dibata.

Alu bage arah teks enda sieteh maka Dibata nuruh bangsaNa guna ngelakoken pendahin labo bage-bage saja, tapi iperlengkapi Dibata. Bage pe kita selaku anak-anak Dibata, guna ndalanken perentahNa, kita enggo leben iperlengkapi Dibata alu keahlin sipelain-lain, guna mperlengkapi sada ras si debanna, bage pe sisampat-sampaten bali ras Oholiap ras tukang-tukang si deban ipilih ras ibereken Dibata keahlinna guna nampati Basalel. Bage ka pe kita perpulungen Tuhan lit nge “keahlin”ta sekalak-sekalak si enggo ibereken Dibata lit sebage tukang, pemborong, pelukis, perkolong-kolong, perende-rende ras si debanna. Guna ngangkaisa la banci lang arus erlajar ( berlatih ) gelah reh beluhna kita. Adi enggo si dat kai keahlinta arus sipakeken alu mehuli guna keperlunta, guna kalak si deban terlebih man Tuhan. Adi sipakeken alu payo ulihna banci mereken kemajun man banta bage pe kalak si deban. Tapi adi salah kita makekenca ulihna banci turah perubaten ras kinirugin. I bas ayat 11b jelas kel ikataken Dibata maka “i bas erbahan barang-barang si enda kerina la banci sitik pe nimpang i bas kai si enggo Kupedahken man bandu.”

---

EVALUASI :

Enggo nge silakoken ibadah keluarga? Adi langa, lakokenlah!

DISKUSI :

1. Cubaken sigargari kai nge keahlinta?
2. Arah keahlin si lit, kai nge si enggo pernah ilakoken guna nampati kalak si deban?
3. Sidata keahlin perpulungen bas sektorta, kenca sie aturken guna pelayanen bage pe ciptaken sada dahin ntah kegiaten ulihna banci guna nambahi kas sektorta guna nampati pelayanen.

USULEN LAGU :

1. KEE GBKP No. 182 : 2,5
2. KEE GBKP No. 209 : 1,2
3. KEE GBKP No. 254 : 1,3 4
4. KEE GBKP No. 255 : 1,3

 

Pdt. Julianus Barus, S.Th.