Bahan PJJ 31 Maret-6 April 2019

TUTUSLAH I BAS SI KITIK

LUKAS 16:10-15

Setia dalam perkara yang kecil Nasihat

16:10 “Barangsiapa setia dalam perkara-perkara kecil, ia setia juga dalam perkara-perkara besar. Dan barangsiapa tidak benar dalam perkara-perkara kecil, ia tidak benar juga dalam perkara-perkara besar. 16:11 Jadi, jikalau kamu tidak setia dalam hal Mamon yang tidak jujur, siapakah yang akan mempercayakan kepadamu harta yang sesungguhnya? 16:12 Dan jikalau kamu tidak setia dalam harta orang lain, siapakah yang akan menyerahkan hartamu sendiri kepadamu? 16:13 Seorang hamba tidak dapat mengabdi kepada dua tuan. Karena jika demikian ia akan membenci yang seorang dan mengasihi yang lain, atau ia akan setia kepada yang seorang dan tidak mengindahkan yang lain. Kamu tidak dapat mengabdi kepada Allah dan kepada Mamon.” 16:14 Semuanya itu didengar oleh orang-orang Farisi, hamba-hamba uang itu, dan mereka mencemoohkan Dia. 16:15 Lalu Ia berkata kepada mereka: “Kamu membenarkan diri di hadapan orang, tetapi Allah mengetahui hatimu. Sebab apa yang dikagumi manusia, dibenci oleh Allah.

Pemilihen Presiden ras pemilihen Anggota DPR,DPD, DPRD ilakoken setiap 5 tahun sekali. Khususnya pemilihen Presiden ras pemilihen anggota legislatif tahun enda, ilakoken secara serentak i bas tanggal 17 April 2019. Ikut muat bagin i bas Pemilu (Eksekutif/Legislatif) eme dahin si ibereken Tuhan man banta. Umumna si berperan ras si jadi peserta pemilu eme partai-partai politik si mereken “aspirasi” rakyat si mengajuken calon-calon guna ipilih rakyat i bas pemilihen e. I bas Pemilu si enggo ndeher ilakoken, selaku rakyat bage e ngawan ni perpulungen GBKP ikut muat bagin jadi calon (kandidat). Jadi, arah renungenta enda tole ipersingeti sura-sura jadi anggota eksekutif/legislatif mehuli adi jadi pasu-pasu si mereken kesejahtran man rakyat si rulo.

I bas teks renungenta enda Jesus ngerana kerna “mamon” asal katana arah bahasa Aram “mamona” si ertina kebayaken entah pe keuntungen, ras i bas pemakenna mengacu ku bas erta doni entah pe duit. Tupung ikataken Jesus, ise pe si tutus ibas si kitik, tentu tutus pe ia i bas simbelin, si imaksudken Jesus tutus i bas si kitik eme kerna erta doni, janah tutus i bas si mbelin si imaksudken Jesus eme kerna kegeluhen sirasa lalap (suraga). Si ikataken Jesus enda banci saja mesera siakap ngalokensa adi ikatakenna erta doni e perkara si kitik, sebab adi nggeluh la erduit ras la lit erta mesera ndalani kegeluhen enda. Situhuna Jesus labo ngelarang kita mpepulung duit ras erta. Melala pe duit ras erta labo salah, adi sipepulung alu cara si payo si ngena ate Tuhan sebab kerina silit i bas kita enda pe kap pemere Tuhan. Si ilarang Jesus eme ula sempat merangap nandangi duit, sebab merangap bali kap ras nembah man berhala (bdk Efesus 5:5) ras ula ertuanken duit bage pe iperbudak duit, sebab:

1. Duit la mereken keselamaten si tuhu-tuhu ras njamin kedamen man banta
2. Merangap nandangi duit eme sumbul kerina kejahatan (bdk 1 Tim 6:10a) ertina adi perayaken nggeluh enda si utamana kel erta doni megati lanai ieteh bujur sierbahanca ndabuh ku bas kejahaten, eme make kerina cara ngelasamken kinitken, jabu, perkade-kaden termasuk pe kesehatan, rsd.
3. Merangap nandani duit lanai tetap i bas kiniteken janah gulut ukurna ibahan erbage-bage kecedan ate (bdk 1 Tim 6:10B)

Erkiteken sie, i bas ayat 13 ituriken Jesus la banci erdua tuan eme erkeleng ate nandangi Tuhan ras erngena ate nandangi duit (erta), sebab adi bage ugapa pe nembeh atena nandangi si sekalak, janah si sekalak nari ikelengina, sekalak ihamatina janah si sekalak igombangina. Aruslah kita pentar i bas erbahan keputusen si ertuanken Tuhan. Megati ibas ranan sikataken Tuhan jadi tuannta tapi ibas pusuh ras praktekna duit nge si jadi tuanta. Perlu siinget maka duit ras erta labo dosa tapi duit ras erta pe labo tuan, ertina “uang memang bisa membeli banyak hal, tapi uang bukan segala-galanya”.

Arah nats renungenta enda kita ipersingeti, la kepe ngena ate Dibata adi kita merangap, ertuanken ras iperbudak duit. Khususna nandangi ngawan perpulungen si jadi calon eksekutif/legislatif, Tuhan ernembeh ate adi tujun utama jadi anggota eksekutif/legislatif gelah bayak secara erta doni ras makeken duit guna nogok jelma sienterem gelah ndatken kekuasaan. Bage pe kita ngawan perpulungen si “milih” legislatif/eksekutif, ula kita nggit isogok sebab adi sialoken erdosa kap kita, alu bage si suruh wakilta si kundul i “parlemen” ras i bas struktur pemerintahen gelah ia korupsi, sebab enggo mbue duitna keri, ulihna asa ndigan pe negaranta enda labo banci maju ras kita selaku rakyat labo banci sejahtera.

Kerina kandidat i bas Pemilu enda ngangkai visi ras misi si palasna “Panggilen Dibata” guna “ngelai” alu ngelakoken perentah Dibata eme “tutus i bas si kitik” gelah ibereken Dibata siterbelinen, ertina:

1. Tujun utama jadi anggota eksekutif/legislatif labo duit, erta, kebayaken ras kekuasaan tapi ngelai Tuhan ras masyarakat entah pe gelah banci jadi pasu-pasu man jelma sienterem
2. Ngukurken ras ngelakoken si mehuli, bujur, ras adil
3. Mperdiateken ras berusaha meningkatken kesehjatraan rakyat
4. Meseh sura-sura rakyat
5. Mpelebeken kepentingen negara/rakyat asa kepentingen pribadi, kelompok ras golongen
6. Mereken pertanggung jawaben secara moral ras politis nandangi pemilih ras nandangi daerah pemilihenta
7. Patuh nandangi aturen perundang-undangen. La nggit KKN
8. Kune terpilih, ula sempat e erbahanca bene kinitekenta ras mpeturah pinakit, sebab labo arah anggota eksekutif/legislatif ngenca kita banci ngelai Tuhan ras jadi pasu-pasu man jelma sienterem

Singena ate Dibata eme kita harus tetap ertuanken Tuhan i bas encariken duit ras erta harus alu cara sipayo bagi singena ate Tuhan.

EVALUASI

Enggo sidarami informasi nandangi caleg ras capres/cawapres si man pilihen?

DISKUSI

1. Kai kin ertina “tutus i bas si sikiti” rikutken tema renungenta?
2. Turiken uga carana gelah pang kita nulak nogok?

AKSI

Ibas pertoton syafatta si tep-tep wari i rumahta tetap sibaba topik pertotonta eme “Notoken gelah Pemilu 17 April 2019 erdalan alu mehuli” bage pe gelah kerina calon eksekutif/legislatif si terpilih ras si la terpilih tetap erkemalangen man Tuhan ras mejuah-juah.

USULEN LAGU

1. KEE GBKP No.102:1,4
2. KEE GBKP No. 255:1-2
3. KEE GBKP No. 385:1-dst
4. KEE GBKP No.396:1-3

Pdt. Eliser Tarigan Tambun, S.Th.