TANGGUNG JAWAB NANDANGI GEREJA
77 TAHUN GBKP NJAYO
(1 TIMOTIUS 4:11-16)
4:11 Beritakanlah dan ajarkanlah semuanya itu.
4:12 Jangan seorangpun menganggap engkau rendah karena engkau muda. Jadilah teladan bagi orang-orang percaya, dalam perkataanmu, dalam tingkah lakumu, dalam kasihmu, dalam kesetiaanmu dan dalam kesucianmu.
4:13 Sementara itu, sampai aku datang bertekunlah dalam membaca Kitab-kitab Suci, dalam membangun dan dalam mengajar.
4:14 Jangan lalai dalam mempergunakan karunia yang ada padamu, yang telah diberikan kepadamu oleh nubuat dan dengan penumpangan tangan sidang penatua.
4:15 Perhatikanlah semuanya itu, hiduplah di dalamnya supaya kemajuanmu nyata kepada semua orang.
4:16 Awasilah dirimu sendiri dan awasilah ajaranmu. Bertekunlah dalam semuanya itu, karena dengan berbuat demikian engkau akan menyelamatkan dirimu dan semua orang yang mendengar engkau.
Sedar tah la sedar kita, maka setiap kalak Kristen si enggo ngaloken perkuah ate Tuhan, nbelin kepe tanggung jawabna ako melayani i tengah-tengah gereja ras masyrakat. Tugas kalak si tek enda labo berubah sepanjang zaman, e me:
1. Ersada (Koinonia), peteguhi hubungen ku Dibata (peteguhi kiniteken) bage pe ras sesama manusia, la ka ketadingen ibas hubungen subuk ras alam enda.
2. Erdiakonia: Nggeluh sisampat-sampaten. Tutang si megegeh man kalak si kurang megegeh. Bage pe.
3. Ersaksi (Marturia): ngasup nuriken perbahanen as kekelengen Tuhan nandangi doni enda, nuriken kerna kai si ilakoken Tuhan nandangi dirinta, bagepe pe ncidahken biak geluh si mbaru ibas geluh sitep-te[ wari.
Dage, tanggung jawab pelayanen i tengah perpulungen ras ku masyarakat. labo terjeng tugas serayan (pelayan khusus, subuk penuh waktu ta paroh waktu saja), bagi Pandita, Pertua, Diaken. Labo ka dahn perngurus-pengurus ngenca, bagi pengurus katergorial (Zaitun, Mamre, Moria, Permata, ras KAKR), pengurus diakonia, pembangunen gereja, pengurus sektor ras sidebanna. tapi pelayanen e jadi tugas ras tanggung jawab kerina kalak si erkinteken man Tuhan.
Guna banci kita ndahiken dahin enda, kita arus ngasup nggeluh “di atas rata-rata”, tah pe ulin asang kalak si deban. Sebab labo banci kitas saksi ntah pelayan adi seri denga kita ras doni enda. Uga banci kita ngasup ibas si e? E me alu ngaloken Kata Dibata ras Lakon Si Badia (sakramen) ibas geluhta. Ajaren Kata Dibata ras Lakon si Badia e erbahanca salih entah berubah geluhta. Bagi nina Paulus: “Ola pelepas dirindu jadi seri ras doi enda…” (Roma 12:2a). La arah gegehta, Turah si mehuli bas geluhta si erbahan kita ngasup jadi usihen ras melayani ibas geluhta. Arah tutus ibas Kata Dibata ngaloken pengapul ras pergegeh arah Kesah Si Badia erbahanca kita ngasup jadi saksiNa (Perbahanen Rasul-Rasul 1:8).
Si enda me e jadi man Timotius selaku serayan si nguda(bdk. Ayat 14), seh maka llabo banci ise pe mapas man bana, sebeb ia jadi usihen bas kerina dampat kegeluhen, sebage ulih ajaren ras kinitekenna. (ayat 12). Alu bage kiningudan, a seri buaten (geluh mesera), la lit habaten, la jadi penghalang i bas kita nehken tanggung jawab pelayanen bas perpulungen, tapi kegeluhen kiniteken (spritualitas). Biasana pe si mbuena jadi penghalang ibas ateta jadi saksi Tuhan ibas geluh enda, e me kerna perbahanen si la mehuli ibas geluhta. Lenga teridah buah geluh si mbaru, la teridah pertobaten, e erbahan lemah dirinta mereken pengaruh si membangun perpulungen bage pe ku masyarakat.
Ula kita enda jadi ulu persoalen bas geluhta tapi jadi pasu-pasu si pegegehi perpulungen. Subuk i bas pengerana si banci membangun ras mereken keriahen bas perpulungen. Perbahanenta banci min jadi khotbah si nggeluh. Arah kita nehken keleng ate alu meteruk ukur arah talenta ras potensi si lit bas kita masing-masing. Lit kebujuren selaku buah kiniteken bas geluhta.
Pemaken waktu ras disiplinta, subuk ibas dahin si tep-tep wari guna ncukupi keperlun geluhta, gelah ula kita kita enda jadi beban man kalak si deban. Alu pemasun-masun Tuhan, tercariken kita lebih asa keperlunta, gelah lit asamta guna mere man kalak si deban. bagepe pe sipake waktu alu fokus guna guna ngogeken Pustaka Si Badia man dirinta, jabunta ras man kalak si deban pe. Lah-iahi ras gerakkenlah semangat i bas perpulungen guna ngaloken pengajaren Tuhan bas geluhna. (ayat 13). Adi kerina kita ndalanken tanggung jawab selaku kalak si erkinteken enda, tentu terjadi kita saling mpegegehi i bas aktivitas kiniteken ibas gereja. Seh maka terjadi reformasisubuk bas geluh si tep-tep wari bage pe ibas keaktifenta bas kegiaten gereja. Keadaan perpulungenta si 30%-40% ngenca aktif enda tentu mis berubah adi ertanggung jawab bas kegeluhen ergereja enda sidalanken. Lah saja seh i je ngenca tapi Tuhan ipermuliaken ras kita pe ras reh malemna ateta bas kegeluhenta.
Janah tole, lit kari buktina kita ndalanken si enda bas geluhta maka teridah kari ulihna arah kemajun si terjadi bas dirinta subuk ibas kiniteken bage pe u bas kualitas pengajaren ras kepentaren si lit ibas kita. Ngasup kita njagai dirinta ras njagai perpulungen e gelah ola papak i bas pengajaren bage pe terpengaruh ku bas pinakit-pinakit sosial si berkembang ibas kegeluhen enda. Alu bage terjadi pasu-pasu ras keselamaten si double, e me : kit pe terkelin bage pe kalak si ipengaruhi tah ilayani kita.
EVALUASI
Uga kerja aksi i bas Minggu si lewat?
DISKUSI
1. Kai rusur jadi penghalang seh maka mesera siaakap lako nehken tanggung jawabta selaku anak Tuhan i tengah-tengah Gereja ras masyarakat? Situriken!
2. Uga siban aka bancu kita fokus bas Kata Dibata seh maka erdahin Kesah si Badia bas kita, si erbahanca lit kemajun/pertumbuhen bas kiniteken, alu bage lit perubahen bas geluhta janah lanai kita seri ras doni enda?
AKSI
Si atur waktu guna erbahan kebaktian ruah tangga (lebih tutus ras fokus) gelah banci kita ngataken bujur man Tuhan alu rende, ertoto bage pe ngoge Kata Dibata alu ras-ras bas jabu.
USULEN LAGU
1. KEE GBKP NO: 68:1-3
2. KEE GBKP NO: 254:1-3
3. KEE GBKP NO: 302:1-3
4. KEE GBKP NO: 183:1-3
TOPIK PERTOTON SYAFAAT
1. Notoken jabu-jabu kalak Kristen gelah ngeluangken waktu guna ertoto ras ngoge Kata Dibata ibas jabuna masing-masing.
2. Lit kemajun geuh kiniteken ibas tiap gereja, jabu ras kegeluhen pribadi kalak Kristen.
3 Setiap kalak Kristen sadar maka gegeh guna ngadapi pinakit sosial enda e me lau pepaguhi kiniteken.
Pdt. Kongsi Kaban, S.Th