NGGELUH IBAS KEPENTAREN
(AMSAL 4:10-19)
4:10 Hai anakku, dengarkanlah dan terimalah perkataanku, supaya tahun hidupmu menjadi banyak.
4:11 Aku mengajarkan jalan hikmat kepadamu, aku memimpin engkau di jalan yang lurus.
4:12 Bila engkau berjalan langkahmu tidak akan terhambat, bila engkau berlari engkau tidak akan tersandung.
4:13 Berpeganglah pada didikan, janganlah melepaskannya, peliharalah dia, karena dialah hidupmu.
4:14 Janganlah menempuh jalan orang fasik, dan janganlah mengikuti jalan orang jahat.
4:15 Jauhilah jalan itu, janganlah melaluinya, menyimpanglah dari padanya dan jalanlah terus.
4:16 Karena mereka tidak dapat tidur, bila tidak berbuat jahat; kantuk mereka lenyap, bila mereka tidak membuat orang tersandung;
4:17karena mereka makan roti kefasikan, dan minum anggur kelaliman.
4:18 Tetapi jalan orang benar itu seperti cahaya fajar, yang kian bertambah terang sampai rembang tengah hari.
4:19Jalan orang fasik itu seperti kegelapan; mereka tidak tahu apa yang menyebabkan mereka tersandung.
Nggeluh ibas kepentaren ibas paksa enda seh ke perluna erkiteken kemajun zamanta enda banci erbahanca perdalanen geluhta papa /”salah arah”. Kemajun zamanta enda banci erbahanca manusia lanai mengandalken kepentaren si rehna ibas Dibata nari lebih mengandalken kepentaren manusia nari bagepe kai si itawarken bas doni enda. Orangtua lanai jadi usihen ibas ngajarken pemeteh bagepe kepentaren man anak-anak. Teknologi ras kemajunna ianggap banci ndungi kerina persoalen si ihadapi manusia. Arah bahan renungen PJJ nta sekali enda maka perlu tetap siinget ras sigejapken maka orangtua eme guru pertama ras terutama man anak-anak. Orangtua me si menolong man anak-anak ibas pentingna pendidiken guru ndatken pemeteh ras kepentaren guna meningkatken kualitas geluh. Arah pendidiken me maka enda me sebage “jembatan” man anak-anak sebage bekal guru masa depanna bagepe tetap arus idukung orangtua ibas pendidiken anak-anak e.
Teks renungenta enda ngajarken kerna kepentaren dingen dalan kegeluhen si payo (ayat 11). Ibas ayat 12 isingetken maka adi nggeluh ibas kepentaren la kam dat alangen adi kam erdalan; la kam tertuktuk adi kam kiam. Ituriken pe ibas ayat 14 gelah ola lawes kempak perlawes kalak jahat ras perbahanenna pe ola kal usih. Tulak janah sirangilah sijahat, ola nilah tapi pinterkenlah perdalandu (ayat 15). Alu tegas isingetken ibas ayat 16 maka kalak jahat la tertunduh adi lenga erbahan jahat. Langa madat matana adi langa ncilakaken kalak. Kejahaten ras kekejamen desken pangan ras inemen kap man kalak enda. Ibas ayat 18 lit perbandingen maka dalan si idalani kalak bujur seumpamana matawari pultak erpagi-pagi, lalap reh terangna seh pantek ciger. Itegasken mulihi ibas ayat 19 tapi dalan sinidalani kalak jahat bali kap ras berngi si gelap, jongkang ia tapi la itehna kai simahanca.
Pendidiken karakkter sebage kalak Kristen perlu tetap iajarken man anak-anakta. Ibas teks renungenta enda enggo ituriken kerna ulih kalak si erlajar ku bas kinibujuren ras ulih alak singgeluh iabs kinijahaten. GBKP ibas pelayanenna pe mereken perhatin ku bas bidang pendidiken enda. Emaka perlu kal dukungen ras kerjasamanta kerina guna mendukung pelayanan GBKP bas bidang pendidiken enda umpamana alu mereken beasiswa, bantuan buku, alat-alat sekolah ras sidebanna. Tugas ras tanggungjawabta sebage orangtua e me tetap mendukung proses pendidiken anak-anakta.
EVALUASI
Uga kerna aksinta ibas PJJ si lewat?
DISKUSI
- Kai nge maksudna nggeluh ibas kepentaren? Turikenlah!
- Kai-kai saja nge si tetap arus silakoken guna tetap sidukung proses pendidiken man anak-anakta? Turikenlah!
USULEN LAGU
- KEE GBKP NO: 282:1,3
- KEE GBKP NO: 273:1-3
- KEE GBKP NO: 272:1,2
- KEE GBKP NO: 249:1,2
AKSI
Usulken ku runggun guna banci ngukurken beasiswa man anakta si la ngasup orangtuana nekolahkenca.
TOPIK PERTOTON SYAFAAT
- Gelah warga GBKP tetap nggeluh ibas kepentaren sirehna ibas Dibata nari.
- Gelh orangtua warga GBKP tetap mendukung proses pendidiken anak-anakna bagepe mendukung pelayanen GBKP ibas bidang pendidiken
- Si turah ibas perpulungen.