ULH PENDAHIN KESAH SIBADIA
(KISAH PARA RASUL 11:19-30)
Barnabas dan Saulus ke Antiokhia
11:19 Sementara itu banyak saudara-saudara telah tersebar karena penganiayaan yang timbul sesudah Stefanus dihukum mati. Mereka tersebar sampai ke Fenisia, Siprus dan Antiokhia; namun mereka memberitakan Injil kepada orang Yahudi saja.
11:20 Akan tetapi di antara mereka ada beberapa orang Siprus dan orang Kirene yang tiba di Antiokhia dan berkata-kata juga kepada orang-orang Yunani dan memberitakan Injil, bahwa Yesus adalah Tuhan.
11:21 Dan tangan Tuhan menyertai mereka dan sejumlah besar orang menjadi percaya dan berbalik kepada Tuhan.
11:22 Maka sampailah kabar tentang mereka itu kepada jemaat di Yerusalem, lalu jemaat itu mengutus Barnabas ke Antiokhia.
11:23 Setelah Barnabas datang dan melihat kasih karunia Allah, bersukacitalah ia. Ia menasihati mereka, supaya mereka semua tetap setia kepada Tuhan,
11:24 karena Barnabas adalah orang baik, penuh dengan Roh Kudus dan iman. Sejumlah orang dibawa kepada Tuhan.
11:25 Lalu pergilah Barnabas ke Tarsus untuk mencari Saulus; dan setelah bertemu dengan dia, ia membawanya ke Antiokhia.
11:26 Mereka tinggal bersama-sama dengan jemaat itu satu tahun lamanya, sambil mengajar banyak orang. Di Antiokhialah murid-murid itu untuk pertama kalinya disebut Kristen.
11:27 Pada waktu itu datanglah beberapa nabi dari Yerusalem ke Antiokhia.
11:28 Seorang dari mereka yang bernama Agabus bangkit dan oleh kuasa Roh ia mengatakan, bahwa seluruh dunia akan ditimpa bahaya kelaparan yang besar. Hal itu terjadi juga pada zaman Klaudius.
11:29 Lalu murid-murid memutuskan untuk mengumpulkan suatu sumbangan, sesuai dengan kemampuan mereka masing-masing dan mengirimkannya kepada saudara-saudara yang diam di Yudea.
11:30 Hal itu mereka lakukan juga dan mereka mengirimkannya kepada penatua-penatua dengan perantaraan Barnabas dan Saulus.
Sope Jesus nangkih ku surga erpadanken IA maka reh Penampat eme Kesah Si Badia si gegeh man ajar-ajar meritaken Berita Si Meriah. Tangkaskal pendahin Kesah Si Badia ibas mula-mula gereja turah ras erkembang ibas donia enda. Kiniseran seh ku kematen pe bagi si inanami Stephnus labo erbahanca surut kiniteken perpulungen.
Mehuli kal persadan si icidahken ibas Gereja Mula-mula. Persadan si mehuli enda kedungenna arus merap marpar erkiteken peniksan si isehken man perpulungen enda. Marap marparna kalak si tek labo erbahanca gereja reh kitikna entah reh urakna. Justru arah kejadin enda Berita si Meriah ndai enggo reh meterna mbar ku erbage-bage ingan. Piga-piga kalak seh ku Penike , Kiperus ras Antiokia. I je iberitakenna Berita kerna Jeus man kalak Jahudi saja. Tapi piga-piga kalak si seh ku ANtiokia e , eme kalak Kiperus ras kalak Kireni meritaken Berita Si Meriah kerna Tuhan Jeus man si labo kalak Jahudi pe. Tuhan nampati kalak e i bas dahinna. E maka nterem kal kalak tek dingen ngendesken dirina man Tuhan.
Pendahin Kesah Si Badia labo terombeng kuasa kai pe i babo doni enda. Pendahin Kesah Si Badia labo terjeng teridah ibas rasuk-rasul tapi kerina kalak si tek. Erdandanken sie maka enterem kalak tek. Enda labo gegeh as beluh manusia. Adi siukuri ugalah banci ganjangna pemeteh kalak enda adi labi lit ia ngikuti seklah si formil kerna agama> Tambah si e, uga banci mbages pemetehna kerna Berita Si Meriah adi ia pe mbaru denga nge jadi kalak si erkiniteken? Jadi, enteremna kalak erkiniteken ijenda labo perban kebeluhen kalak enda erkotbah entah nuriken Kata Dibata. Jelas ikataken erikiteken Tuhan nampati. Alu kai? Alu pendahin Kesah Si Badia.
Bage pe tupung reh Barnabas ku Antiokia, kuta si pemena igelari kalak si tek “Kristen”. Erkiteken ia idemi Kesah Si Badia dingen erkiteken maka enterem kalak erkiniteken arah ulih pendahinna. Bage pe tuung nab Agabus ernubuat alu penampat Kesah Si Badia kerna kelihen tupung masa Klaudius jadi Kaisar Roma. Kerina perpulungen ikut muat bagin guna nampati perpulungen si sangana ngenanami kiniserah si mesangat.
Kita selaku gereja Tuhan ibas paksa genduari, kai nge kita-kira si ccidahken kita ibas ndahiken dahin pelayanenta? Erlajar kita arah Gereja mula-mula ndai maka Kesah Si Badia jadi alu gegeh ras penampat perpulungen ras rasul-rasul ibas ndahiken dahun pelayananenna. Ulih pendahin Kesah Si Badia me si erbanca turah kiniteken. Tapi enggo kenca tek, labo ngadi erlajar kerna Kata Dibata. Barnabas ras Saul ngajari perpulungen Antiokia sada tahun dekahna. Alu bage ulu gegehta ras gerejanta eme Kesah Si Badia ras nggit terus erlajar kerna Kata Dibata.
Uga nge penalementa nandangi Kesah Si Badia ras Kata Dibata ibas kegeluhenta enda? Pendahin Kesah Si Badia ibas geluhta la pulah uga ka ketutusenta megiken ras erlajar kerna Kata Dibata. Reh nggitna kit i pimpim Kesah Si Badia ras kataNa maka reh teridahna ulina i bas geluhta. Pertambahen perpulungenta ibas paksa perpudi erkiteken peridiki kitik, labi peridin mbelin. Enda ngatakenca maka enggo merakrak kalak mbelin jadi anggota GBKP. Ertina maka ulih meritaken Berita Si Meriah lanai teridah bagi si gelgel. Adi Kesah Si Badiaeme pribad Dibata si peteluken, si la pernah salih kuasa ras keleng ateNa. Emaka adi ernalem kita ku bas Kesah Si Badia tas Kata Dibata maka pertambahen anggota perpulungenta lanai terjeng peridin kitik, tapi pe peridin mbelin. Emaka erlajar kita terus gelah kita ras gerejanta mengandalken Kuasa Kesah Si Badia ras kebenaren Kata Dibata.
Tek kita, Kesah Si Badia erdahin ibas Gereja Mula-Mula ijenda maka asa genduari pe IA tetap erdahin ibas gerejanta. Persoalenna eme gelah alu meteruk ukut kita kerina nggit impimpin Kesah Si Badia. Alu bage maka ulihna pe kari tangkas, bagi ulih Kesah Si Badia ibas Galati 5:22. Labo perban gegehta tapi “Gegeh Kuasa Kesah Si Badia”.
EVALUASI
Uga kerna Pra Pekan DOA sidalanken nge ibas jabu?
DISKUSI
1. Kain gen siakap genduari si iagahken kita nampati kita ibas geluhta?
2. Uga nge penggejapenta ketutusenta ngangalken Kesah Si Badia?
AKSI
Coba ibas sada minggu enda, si endeken KEE 187:1 ibas kita medak erpago-pagi, Banc ras keluarga entah si sada-sada pe. Mehuli adi ibas ibadah pagita bas jabu.
USULEN LAGU
1. KEE GBKP NO : 187:1-3
2. KEE GBKP NO : 144:1-4
3. KEE GBKP NO : 197:1-2
4. KEE GBKP NO : 245:1-3
TOPIK DOA SYAFAAT
1. Gelah Kesah Si Badia terus endahin ibas GBKP
2. Gelah kerina serayan Tuhan ras perpulungen tuhu-tuhu nggeluh ipimpin Kesah Si Badia ras Kata Dibata
3. Notoken gereja-gereja si lit ibas perbeben si mberat
4. Siturah ibas perpulungen
Pdt. Yunus Bangun, M.Th