ERTOTO ALU PUSUH MECIHO
MATIUS 6:5-8
6:5 “Dan apabila kamu berdoa, janganlah berdoa seperti orang munafik. Mereka suka mengucapkan doanya dengan berdiri dalam rumah-rumah ibadat dan pada tikungan-tikungan jalan raya, supaya mereka dilihat orang. Aku berkata kepadamu: Sesungguhnya mereka sudah mendapat upahnya.
6:6 Tetapi jika engkau berdoa, masuklah ke dalam kamarmu, tutuplah pintu dan berdoalah kepada Bapamu yang ada di tempat tersembunyi. Maka Bapamu yang melihat yang tersembunyi akan membalasnya kepadamu.
6:7 Lagipula dalam doamu itu janganlah kamu bertele-tele seperti kebiasaan orang yang tidak mengenal Allah. Mereka menyangka bahwa karena banyaknya kata-kata doanya akan dikabulkan.
6:8 Jadi janganlah kamu seperti mereka, karena Bapamu mengetahui apa yang kamu perlukan, sebelum kamu minta kepada-Nya.
Sanga Jesus nehken pengajaren arah khotbah i datas uruk maka salah sada si ajarkenna eme kerna ertoto. Ertoto eme salah sada praktek keagamaan i bas agama Yahudi janah kalak Yahudi biasana 3 kali si sitikna ertoto sada wari erpagi-pagi, ciger ras berngj. Jesus perlu ngajarken kerna ertoto man kalak sinterem labo erkiteken kalak sinterem kurang ertoto tapi erkiteken litna pengangkan ras pendalanken kerna ertoto si lenga payo. Jesus mpersingeti kalak sinterem adi ertoto ia maka ula sempat ndabuh kubas kegeluhen si pekulah-kulah. Pertoton sipekulah kulah eme antara kai si ibelaskenna ras si idalankenna la sedalanen. Adi kita ertoto mindo man Tuhan jenari kenca kita ngaloken ulihbpertotonta tapi kita la nggit ermediate nandangi kalak si deban e salah sada bentuk perkulah-kulaha. Banci ninta i bas Dibata nari nge kerina si reh man banta tapi i bas praktek si datken alu la mehuli, misal nangko, korupsi, erdaya barang terlarang (narkoba ras sidebanna). Jenari ertoto banci ka jadi ritual man kalak si pekulah-kulah helah ia ikataken kalak si mehuli, benar janah kedungenna atena ia ipujiken erkiteken kegeluhenna melasken kata-kata. Erkiteken si eme maka Jesus la setuju kalak ertoto tedis-tedis i Rumah Pertoton ras i simpang-simpang gelah ipujiken kalak sinterem. Adi kita ertoto labo gelah ikataken maka kita kalak si “erkiniteken”,tapi ertoto eme salah sada bentuk kiniteken e. Jadi kalak si erkiniteken pasti ertoto.
Jesus ningetken kerna ertiti ertoto eme hubungenta secara pribadi ras Dibata emaka labo perlu icidah-cidahkenna ku kalak sinterem. Percakapen ras Dibata labo perlu ieteh kalak sinterem emaka Jesus ngingetken gelah ertoto bengket kubas kamarbras eruk pintun. Enda banci secara harafiahsi si erkiteken ija kita mengambil tempat khusus si labo idah kalak gelah kita banci fokus ngerana ras Dibata la lit si mengganggu ras mempengaruhisa. Makna si deban sibanci siantusi arah kai si ibelasken Jesus e me guna ncidahken uga kita la mekarus, janah kita pe ngeraba ku Dibata arah pusuh nari si labo perlu i idah kalak.
Situhuna Dibata meteh ras ngidah kerina kecibal kegeluhenta amin pe la pe si turiken. Emaka ope denga kita ertoto enggo leben ieteh Dibata kai si patut man berekenNa man banta. Arah ertoto maka kita sebage anak ibereken Dibata ruang ras kesempaten guna nuriken isi pusuh peratenta ku IA janah ijenda me teridah uga kejujurenta ras sura-suranta situhuna i lebe-lebe Dibata emaka ibas kita ertoto labo perlu kita ngerana mulih-ulih tempa tempa Dibata la meteh kai si ipindo kita entah pe gelah Dibata terpengaruh arah kata-kata si isehken kita. Adi kita ertoto labo erkiteken lit pemindonta saja man Dibata tapu alu ertoto kita sangana membangun sada komunikasi ras Dibata nuriken pusuhnta ras ndarami singena ate Dibata. Arah kita ertoto erbagesna penandainta kerna Dibata si ermediate ras si tetap erdahin guna kiniulin kita anak-anakNa.
Maka kita pe ertoto Ku Dibata erkiteken kita tek simehuli nge kari siiberekenNa man banta. Bapa si isembah kita eme Bapa simelias ras erkeleng ate man anak-anakNa. Emaka ibas kita ertoto labo perlu kita memaksaken sura-suranta entahpe denge-denge man Dibata sebav Dibata meteh kai si iperluken anakNa (bandingken Matius 7:8-11). Adi lit kalak ngataken maka arah totona ia banci mengkomplain Dibata maka situhuna la iantusina raa ise ia ngerana. Ertoto eme jumpa ras Dibata Sibadia ras simeganjangNa emaka labo lit hakta guna maksaken sura-suranta tapi alu dem kemeteruken ukur si peseh isi pusuhta ras kesediaan guna ngaloken bagi singena ate Dibata. Arah ertoto me kita iajariNa gelah banci kita teneng sebab Dibata rembak ras kita janah nggit megiken isi pusuhta. Alu kita ertoto maka e tandana kita tek maka Dibata mereken simehuli man banta bagi singena ateNa. Adi kai si ipindo kita la ibereken Dibata maka labo berarti Dibata la ermediate nandangi kita tapi justru banci jadi ije me kita erlajarguna ndarami simehulina i bas geluh enda. Kai si ipindo kita lenga tentu e simehulina man banta sebab kita dem alu keterbatasen, tapi kai si ibereken Dibata ku kita eme simehulina. Banci jadi tangtangna sialoken ibas Dibata nari lenga banci mis teraloken kita janah butuh waktu guna tetap saber ibas ndalanisa. Ibas kita nimai ras ngaloken ulih totonta maka iperluken ketenngen, bahkan alu kita toto alu pusuh simeciho maka ije me sialoken ketenagen e. I bas kita ertoto ije me si gejapken maka Dibafa e ndeher janah rembak ras kita emaka tetap tenang geluhnta bicara lit lalap perbebenta.
EVALUASI:
Uga ulih PJJnta minggu si lewat. Kai nge enggo sidalanken ras kai ka kesuliten ndalankenca bas notoken negaranta?
DISKUSI:
- Uga nge penggejapenta tupung kita dung ertoto alu pusuh si mecio ku Dibata?
- Engkai maka lit denga kalak si maksaken sura-surana ibas toto padahal kita tek maka Dibata e perkeleng, ietehna kai siperlu man banta janah siiberekenN pasti mehuli?
AKSI:
Cobaken si ban daftar pertotonta tiap wari ibas sada minggu enda – Sitoton kita kerina.
USULEN LAGU
- KEE GBKP NO: 280:1,2
- KEE GBKP NO: 184: 2,3
- KEE GBKP NO 176:1,2
- KEE GBKP NO: 332:1,2
TOPIK PERTOTON SYAFAAT:
- Notoken teman-temanta si enggo ndekah sakit mekelek gelah tetap megegeh ras banci ndatken kesembuhen
- Notoken tep-tep jabu si enggo ndekah nimai tuah ibas Dibata nari gelah tetap setia ias jabu ras banci ngaloken tuah ibas Dibata nari.
- Siturah ibas perpulunen
Pdt. Rehpelita Ginting, S.Th., M. Min