PELEPAS ANAK-ANAK E REH NDAHI AKU
(HUT KAKR 128 TAHUN; HAK ANAK DAN GEREJA RAMAH ANAK)
(MARKUS 10:13-16; MATIUS 18:10)
MARKUS 10:13 Lalu orang membawa anak-anak kecil kepada Yesus, supaya Ia menjamah mereka; akan tetapi murid-murid-Nya memarahi orang-orang itu.
MARKUS 10:14 Ketika Yesus melihat hal itu, Ia marah dan berkata kepada mereka: “Biarkan anak-anak itu datang kepada-Ku, jangan menghalang-halangi mereka, sebab orang-orang yang seperti itulah yang empunya Kerajaan Allah.
MARKUS 10:15 Aku berkata kepadamu: Sesungguhnya barangsiapa tidak menyambut Kerajaan Allah seperti seorang anak kecil, ia tidak akan masuk ke dalamnya.”
MARKUS 10:16 Lalu Ia memeluk anak-anak itu dan sambil meletakkan tangan-Nya atas mereka Ia memberkati mereka.
MATIUS 18:10 Ingatlah, jangan menganggap rendah seorang dari anak-anak kecil ini. Karena Aku berkata kepadamu: Ada malaikat mereka di sorga yang selalu memandang wajah Bapa-Ku yang di sorga.
Nina Socrates: “Mengapa anda membalikkan dan menggaruk-garuk batu untuk mendapatkan kekayaan dan tidak memperdulikan anak-anak anda yang kepadanyalah suatu saat anda akan melepaskan semuanya?” Kalimat enda ngataken maka erta si mehergana e me anak-anak ibas jabu, labo kinibayaken doni enda. Erdandanken si e maka penting kal kita selaku orang tua mperdiateken anak-anakta lebih asangken erta doni enda. Ertanta si pakeken guna nekolahken anak-anakta, mereken pendidiken si layak, asupen gizi si cukup, uisna si litken, janah berwisata ras isi jabu guna nambahi keakrapen antar anggota jabu.
Caranta mperdiateken ras ndidik anakta mempengaruhi karakterna pagin. Janah ulihna si dat kenca ia mbelin ras enggo ka lanjut usianta. I bas masa anak-anak, labo pang anak-anakta ngelawan man orangtuana. Tapi kata-katanta, perbahanenta man bana irekamna ibas memori otakna. Kesan si itangkapna nggeluh ibas pusuhna ras bakal teridah kenca ia pagi enggo mbelin. E maka si pebelin-belin ras si ajarilah kerina anak-anakta alu mehuli. Siajari ras sibabai anakta erkiniteken man Tuhan Jesus, etika nggeluh (orat nggeluh) si payo, nandai ras ngekelengi budayana, megengggeng nggeluh, rsd gelah geluhna pagi erguna man gereja, keluarga ras masyarakat.
Ajari ras babai anak-anakta nandai Jesus bagi si ilakoken orangtua ibas bahan PJJ-ta sekali enda. Tujunna jelas eme gelah anak-anak e i pasu-pasu Jesus. Anak-anak si ndatken pasu-pasu ibas Jesus nari berarti maler me keleng ate, si mehuli, ras gegeh ibas Jesus nari man anak-anak e. Anak-anak e Dibata punana. Enda banci sibandingken ras Lakon Peridin man anak-anak ibas gerejanta GBKP enda. Ibas kita Liturgi ikataken i je: Peridin si Badia bekas persuruhen Kristus kap. Jadi tanda bengket kubas perpulungen kalak si Kristen. Man anak-anak si kitik denga pe iatanken ngaloken tanda peridin enda, sabab man baa pe esah padan Dibata bagi si isehkenNa man Abraham, Maka IA jadi Dibata ras seh ku kesusurenna si arah pudi. Dibata ndilo kita ras anak-anakta gelah rembak ras IA. Terlebih pe enggo sieteh uga Jesus Kristus tuhu-tuhu erkeleng ate man anak-anak alu namaken tanNa man anak-anakta guna namapati ia i bas kegeluhenna, gelah tetap ngasup mpermuliaken Tuhan, janah kenca lit pengangkanna iakukenna me kinitekenna. Erdadanken si e, rutang kal pusuhta selaku orangtua maba anakta ku Tuhan Jesus arah Lakon Peridin bage pe kenca ia peridiken seh ngawanken. Saling mpersingeti kita ibas perpulungen gelah kerina anak-anak ngawan perpulungen si lenga iperidiken gelah iperidiken i bas gerejanta GBKP enda.
Pedauh ukur ras biak erbahan “jarak” antara Jesus ras anak-anakta. Jesus mpersingeti ajar-ajarNa si ngambati orangtua maba anak-anakna ku Jesus. Kai nina Jesus: “Pelepas anak-anak e reh ndahi Aku, ola ambati ia, sabab kalak si bage nge kap empuna Kinirajan Dibata.” Jesus membuka ruang ras kesempaten jumpa ras anak-anak. Meriah ukurna ngalo-ngalo anak-anak. Jesus mengapresiasi anak-anak selaku pewaris Kinirajan Dibata. Cara gelah banci bengket ku bas Kinirajan Dibata e me lit perukuren ras biak bagi anak-anak si polos, tergantung menukah tek, ras ceria. Iangkaten Dibata kal anak-anak i lebe-lebe ajar-ajarNa ras jelma si enterem alu mereken pesan penting: “Ingetlah katangKu enda! Ise si ala nggit ngaloken Kinirajan Dibata bagi sekalak anak-anak, kalak si bage labo pagi bengket ku bas Kinirajan Dibata e” nina Jesus. Jenari idakepNa anak-anak e sekalak-sekalak, itamakenNa taNa ku babona janah ipasu-pasuNa. Cara Jesus enda jadi sada kritik man ajar-ajarNa si ngambati anak-anak reh ndahi Jesus. Tentuna, kita pe selaku jemaat GBKP si patut si tiru e me kai si ibahan Jesus enda, labo ilakoken aja-ajar.
Jesus enggo erbahan si man usihenta selaku orangtua ras gereja (GBKP). I bas Tata Laksana, BAB I WUJUD GEREJA YANG IDEAL, i bas pasal 1 ituriken lit 7 indikator umum wujud gereja yang ideal,i bas ayat 2 tertulis “Anak, Remaja, dan Pemuda berperan penting dalam kegiatan-kegiatan gereja baik dari sudut kualitas maupun kuantitasnya sehingga regenarasi dan kaderisasi berjalan dengan baik.” Ertina maka GBKP enggo njadiken perhatin si serius nandangi anak-anak, remaja, ras pemuda bagi penting kelangsungen kegeluhen gereja genduari ras pagin. Kita generasi si genduari, alu gegeh ras kesempaten si lit si persikapken regenerasi ras kaderisasi pemimpin-pemimpin gereja, keluarga ras masyarakat si erkiniteken man Tuhan Jesus, kuat mental ras semangatna nggeluh jadi inspirasi man kalak si deban. Guna si e GBKP memulai tingkat Pusat, Klasis, Runggun, Perpulungen, Perminggun, PJJ/Sektor arus mperdiateken anak-anak ibas inganta masing-masing as bersinergi mendukung program-program kerja KAKR ras Permata i bas gerejannta rikut ras ngelitken dana ndalanken programna.
Fasilitas gedung KAKR arus si litken, alat-alat kelengkapen pengajaren KAKR, pelatihen man guru-guru KAKR, termasuk perhatianta nglitken transport ras bingkisen Natal man guru-guru KAKR, adi memungkinken kesehjateranna pe jadi perhatianta. Litken ras dukung pengurus KAKR si serius mperdiateken program-program pembinaan guru ras anak. Jalin kerjasama si mehuli antara Guru, Pengurus KAKR, Si mbidangi KAKR i bas Runggun. Janah man banta ngawan perpulungen pe ras-ras kita mperdiateken kai si perlu isampati nandangi kemajun KAKR i bas GBKP enda. Ertina, kerina kita ergiah-giah muat bagin ngarak-ngarak, mpekena-kena, mendukung program ras dana KAKR enda. Tambah si e bereken ruang as kesempaten man KAKR i bas inganta sekalak-sekalak ncidahken kreatifitasna, misalna i bas ngisi kebaktian minggu alu rende, Ngerayaken HUT KAKR, ciptaken suasana ramah anak alu si cet ruang KAKR, gambar-gambar si cocok ras usia anak KAKR, pepayo kursi anak-anak KAKR, niapken kursi taman ras tempat bermain i sekitar gereja, sisa-sisa bangunen itata alu mehuli gelah ula sempat cedera anakanakta, ras sidebanna. Kerina fasilitas pendukung enda banci sumberna arah kas runggun bage pe sumbangen anggota jemaat. Perhatianta si serius man anak-anak KAKR janah alu tutus si ipersikapen ras ibekali alu mehuli, mahan bana i ja pa pe ia pagi tetap banci iandalken ibas kiniteken ras perbahanen si erguna ku sekelwetna. Suankenlah si mehuli, gelah si perani ka pagi uluh si mehuli.
Evaluasi:
Enggo nge sidalanken aksi ta ibas mingu si lewat? Uga partisipasi anggota perpulungen? Lit nge si mere usulen ku Musywarah Ngawan?
Diskusi:
- Erlajarlah arah cara Jesus ngalo-ngalo anak-anak, kai nge si banci silakoken ibas mperdiateken ras menghargai kehadiren anak-anak baik i bas jabu, gereja, ras masyarakat?
- Ariheken kai dage aksinata ibas ngalo-ngalo HUT KAKR (nen bagin Aksi).
Aksi:
Arihken ibas PJJ/Sektor-ta kerna penampatta mendukung program KAKR i bas runggunta, misalna ngelitken kipas angin guna ruang KAKR, ngecet ruangenna, nambahi kursina, ngelitken Infocus (LCD Projector) gelah banci jadi sarana guru ngajar KAKR, mbangun gedung KAKR alu bahan-bahan si lit isekelewetta misalna arah kayu entah buluh, mejile i cet (gotong royong); ula lupa bereken bingkisen Natal man guru-guru KAKR entah sanga HUT KAKT, ras sidebanna. Aksi enda bancu sifatna aksi PJJ, entah aksi Kategorial, adi lit kurangna mejile ka itambahai arah aksi pribadi. Arihken alu mehuli apai akapndu si banci terdalanken.
Usulen lagu:
- KEE GBKP NO: 124:2,3
- KEE GBKP NO: 249:1,4,5
- KEE GBKP NO: 171:1-3
- KEE GBKP NO: 335:1-4
Topik Pertoton Syafaat
- Notoken kerina guru-gur KAKR si lit bas GBKP gelah tetap sehat-sehat, ras ngasup ngajari anak-anak KAKR nandai Jesus ras dungna jadi pribadi si unggul i as gereja, keluarga ras masyarakat.
- Notoken Pengurus KAKR Moderamen, KAKR Klasis ras KAKR Runggun gelah bersinergi ndalanken program kerja si neggo isepakati ras-ras janah moderamaen, BP Majelis Klasis, BP Majelis Runggun bege pe ngawan perpulungen GBKP ikut pe mendukungsa.
- I bas HUT KAKR si 128 tahunken, eroto kita kerina gelah anak-anak KAR sebelang-belang GBKP enda ipasu-pasu Tuhan ras ipersiapken Tuhan kerina masa depaan si mehuli, ngasup mpermuliaken Tuhan ras jadi generasi penerus si terarapken ras terandalken i bas kiniteken ras perbahanen si erguna.
Pdt. Jekson Barus, M.Th