SEPERARIHEN RAS SEPERUKUREN IBAS PERPULUNGEN
(MUSYAWARAH NGAWAN)
(FILIPI 2:1-4)
Nasihat supaya bersatu dan merendahkan diri seperti Kristus
2:1 Jadi karena dalam Kristus ada nasihat, ada penghiburan kasih, ada persekutuan Roh, ada kasih mesra dan belas kasihan,
2:2 karena itu sempurnakanlah sukacitaku dengan ini: hendaklah kamu sehati sepikir, dalam satu kasih, satu jiwa, satu tujuan,
2:3 dengan tidak mencari kepentingan sendiri atau puji-pujian yang sia-sia. Sebaliknya hendaklah dengan rendah hati yang seorang menganggap yang lain lebih utama dari pada dirinya sendiri;
2:4 dan janganlah tiap-tiap orang hanya memperhatikan kepentingannya sendiri, tetapi kepentingan orang lain juga.
Ogenta isina eme pendilo gelah ersada alu nggit peteruk ukur. Enda icidahken ibas : si keleng-kelengen, mekuah ate, ersada arih, la merangap, la meganjang ukur, la ulin akapna ia asangken temanna, ras la keperlunna saja ngenca iperdiatekenna. Persadan tuhu-tuhu iperluken ibas perpulungen sebab:
- Perpecahen e me penolaken nandangi sura-sura Kristus.
- Si enggo ngaloken pasu-pasu ibas Jesus nari, arus ka nehken kekelengen man kalak.
- Kalak si erkiniteken man Tuhan Jesus radu ras ngaloken Kesah si Badia si empersadaken i bas perpulungen.
Guna njagai persadan alu meteruk ukur, kalak si tek man Tuhan Jesus arus erlajar ibas Tuhan Jesus (oge ayat 5-9). Perukuren ras sikap hidup Jesus jadi usihen. Lit 3 hal si man usihen, e me:
- Nggit persihalang bana (mengosongkan diri).
- Nggeluh bagi juak-juak (ngelai).
- Nggeluh i bas rukur medes, erdiate, solider.
Musuh persadan i bas perpulugen eme ke”Aku”an/egoistis (kesombognen diri). E maka nggit peteruk ukur perlu kal guna njaga persadan ibas perpulungen. Guna si e perlu kel tetap erlajar ibas perukuren ras sikap hidup Tuhan Jesus. Ngawan ni perpulungen aruh ngusih perukuren ras sikap hidup Tuhan Jesus.
Salah sada Rencana GBKP tiap tahunna e me Musyawarah Ngawan. Arah Musyawarah Ngawan kita idilo guna muat bagin ngukuri dahin-dahin pelayanen ibas Juma Tuhan (Peken Anggur Tuhan). Ibas Musyawarah Ngawan, ngawan ni perpulungen radu ras kerina encakapken (evaluasi) dahin-dahin Tri Tugas Gereja: Koinonia/Persekutuan, Marturia/Kesaksian, ras Diakonia/ Ngelaken Keleng Ate. Kerina e gelah perpulungen Tuhan megegeh guna ngelai (melayani Tuhan lebih sungguh) ibas peken Anggur Tuhan.
Ibas pelaksaan Musyawarah Ngawan (ercakap kerna: Evaluasi Program Pelayanan Majelis Runggun Gereja Tahun 2017 ras usulen program pelayanen 2018) perlu kal kita “seperahien ras seperukuren ibas perpulungen” (tema PJJ nta enda). Ateta gelah nteguh persadanta ibas Kristus, janah megegeh kita ngelai (melayani lebih sungguh). “Bersatu kita teguh, bercerai kita runtuh”. E maka ubas Musyawarah Ngawan kita erlajar guna meteruk ukur, janaj guna si e erlajar ibas Tuhan Jesus (IA jadi usihenta). Ngawan ni perpulungen seperarihen ras seperukuren guna njagai persadan perpulungen tetap nteguh, ras sada ras (megegeh) ndahiken dahin Tuhan (Tri Tugas Gereja). Si jaga kal maka ngawan ni perpulungen labo ngukurken keperlun dirina jine (kelompokna saja), tapi pe ngukurken kerpelun kalak si deban (kelompok si deban), subuk ibas: perpulungenta, Majelis Runggunta, Majelis Klasista, Gerejanta GBKP, bagepe i tengah-tengah masyarakat, bangsanta ras nandangi doni tinepa Dibata enda. Marilah alu tutus ate ngelakoken Musyawarah Ngawan. Kita kap Aron Dibata, si erdahin alu tutus, ertanggung jawab (melayani lebih sungguh) ibas “Juma Dibata” (peken anggur Tuhan)
EVALUASI:
Uga kerna aksi PJJ nta si lewat? Ma sidalanken pepulung berasta guna nampati temanta si susah?
DISKUSI:
- Ngkai maka lit denga terjadi “la seprearihen ras sepreukuren i bas perpulungen”?
- Kai saran-saranta guna kiniulin perpulungenta/Runggunta? Sisehken ibas Musyawarah Ngawan
AKSI:
Tiap jabu kita sisehken saranta guna Musyawarah Ngawan. Sisehken man Pengurus PJJ nta guna ipilah-pilah jadi usulen PJJnta.
USULEN LAGU
- KEE GBKP NO: 1:1,3
- KEE GBKP NO: 56:1,2
- KEE GBKP NO: 209:1,2
TOPIK PERTOTON SYAFAAT:
- BPM Runggun gelah sikap ngelakonen Musyawarah Ngawan
- Pelaksanaan/Ulih Musyawarah Ngawan guna peteguhi persadaan perpulungen.
- Si turh ubas perpulungen
Pdt. Simon Tarigan, S.Th.