Nggeluh Ibas Pengarapen
( 1 Petrus 3 : 17 – 20 )
3:17 Sebab lebih baik menderita karena berbuat baik, jika hal itu dikehendaki Allah, dari pada menderita karena berbuat jahat.
3:18 Sebab juga Kristus telah mati sekali untuk segala dosa kita, Ia yang benar untuk orang-orang yang tidak benar, supaya Ia membawa kita kepada Allah; Ia, yang telah dibunuh dalam keadaan-Nya sebagai manusia, tetapi yang telah dibangkitkan menurut Roh,
3:19 dan di dalam Roh itu juga Ia pergi memberitakan Injil kepada roh-roh yang di dalam penjara,
3:20 yaitu kepada roh-roh mereka yang dahulu pada waktu Nuh tidak taat kepada Allah, ketika Allah tetap menanti dengan sabar waktu Nuh sedang mempersiapkan bahteranya, di mana hanya sedikit, yaitu delapan orang, yang diselamatkan oleh air bah itu.
3:21 Juga kamu sekarang diselamatkan oleh kiasannya, yaitu baptisan maksudnya bukan untuk membersihkan kenajisan jasmani, melainkan untuk memohonkan hati nurani yang baik kepada Allah–oleh kebangkitan Yesus Kristus,
3:22 yang duduk di sebelah kanan Allah, setelah Ia naik ke sorga sesudah segala malaikat, kuasa dan kekuatan ditaklukkan kepada-Nya.
“ Sebab ulin me ngenanami kiniseran erkiteken perbahanen si mehuli, adi kin enda sura-sura Dibata, asangken perbahanen si jahat ” ( 1 Petrus 3:17 ).
Adi pernah si idah kera engkawil gayo (“kepiting sungai”), lit si unik banci si idah ras mungkin banci mereken “inspirasi” man banta. Kenca enggo terpastiken kera maka lit gayona ibas ingan e, minter kundul ia ibabo batu ndai, emaka isurukkenna ikurna kubas lubang teruh batu e janah i kuir-kuirkenna. Adi lit kin gayona ibas lubang e, mis nge i gantipna ikur kera ndai pake gantip-gantipna. Cuba si bayangken uga suina akapna, sebab ikurna igantip gayo…cengil nari nge ras ndermes iluhna. Tapi sada si terbayang ibas kera, kurintak kudas batu gayo e..jenari kupekpek takalna, kupan utukna…andiko tabehna. Mbayangken tabehna utuk gayo e, piah lanai igejabna ikurna igantip gayo..bene suina. Enda me sada gambaren pengarapen. Pengarapen kerna tabehna ras Dibata, erbanca bene kiniseranta ibas paksa genduari.
Pengarapen torah arah kiniteken Ibas kita kalak Kristen, pengarapen eme erpengendes secara total nandangi si banci nehken sura-surata e eme Jesus Kristus. Emaka pengarapen labo banci sirang ras kiniteken, ertina arah litna kiniteken me maka kita banci erpengarapen.
Bage me si isehken Petrus man perpulungen si merap marpar i Asia Kitik, mereken pergegeh ibas paksa ngalaken erbage-bage kiniseran. Rasul Petrus erpengarapen maka amin gia ngenanami erbage-bagi kiniseran ibas geluh enda, tetap min ngasup nuduhken “identitas” sebage bangsa pilihen Dibata…eme nggeluh ibas pengarapen. Kalak Kristen si merap marpar enda megati pe ikataken “ kalak pertandang “ si paksana ndatken kiniseran erkiteken ngikutken Kristus, erkiteken enterem kalak si ernembeh ate nandangi Kristus. Nembeh ate nandangi Kristus mabai bana maka pengikut Kristus pe la teraloken ibas masyarakat.
Emaka nina Petrus, ulin nge ngenanami kiniseran erkiteken perbahanen si mehuli asangken erkiteken perbahanen si jahat. Icidahken pe uga Kristus sanga nggeluh ibas doni enda, labo lit perbahanenNa si jahat, reh Ia guna nelamatken kalak perdosa, tapi enterem kalak ernembeh ate nandangi Ia. La terjeng nandangi kalak si nggeluh Jesus erberita, tapi nandangi tendi-tendi si tertaban. Ertina, kenca Jesus mate ras ope keke ibas wari pe teluken, ibas doni kematen pe isehkenNa berita keselamaten nandangi kalak si enggo mate. Adi nandangi kalak si enggo mate pe lit “kepedulian” Jesus, tentu man banta pengikut Kristus, kematen lanai bo kebiaren. Adi kematen pe lanai merupaken hal si menakutken, apai denga ka kerna kegeluhen enda. Adi kiniseranta e labo erkiteken perbahanenta si la mehuli, Dibata pasti mereken serpang pulah man banta.
Memang labo mesunah nggeluh ibas pengarapen, sebab tempatempa nimai si la jelas, kimaun niakap si labo pasti. Enda me tole si iangkatken Petrus, ija Nuah erbahan perahu. Labo lit kalak si tek maka Dibata nandangi pesusur udan ras erbahan banjir si mbelin. Emaka 8 kalak ngenca si selamat eme si lit ibas perahu e, sedangken sidebanna mate gedap.
Tapi man banta selaku kalak si erkiniteken, iajuk gelah tetap nggeluh ibas pengarapen. Em sebabna maka tiap tahun silakoken kebaktian Sabtu pengarapen. Paksa e me Jesus lit ibas doni kematen, ras ibas doni kematen pe Jesus tetap erdahin nandangi kalak si enggo mate. Alu bage..kematen labo “ akhir segala-galanya “, kalak Kristen arus tek maka lit denga kekeken. Selamat memasuki kebaktin “ Sabtu Pengarapen “.
EVALUASI :
Uga nge kerna aksita minggu si lewat ? Lit nge kita ndalankenca?
DISKUSI :
- Nina Petrus, “ Sebab ulin nge ngenanami kiniseran erkiteken perbahanen si mehuli…” ayat 17. Si diskusiken, kai nge enda maksudna ? Bereken pendapatta !
- Kai nge sebabna maka enterem ka nge kita kalak Kristen kurang er pengarapen ? Si diskusiken !
AKSI :
Cuba pagi si cek, piga kalak nge ibas sektorta nari si ikut ibas kebaktin Sabtu Pengarapen. Man si kebaktin pagi, ibas PJJ minggu si reh cuba si evaluasi tole uga nge si ikataken nggeluh ibas pengarapen e.
USULEN LAGU :
- KEE GBKP NO : 53:1,4
- KEE GBKP NO : 286:1,3
- KEE GBKP NO : 2:1,2
- KEE GBKP NO : 168:1,3
TOPIK PERTOTON SYAFAAT :
- Notoken ngawan perpulungen gelah tetap ngasup nggeluh ibas pengarapen.
- Notoken gelah ngawan perpulungen enterem ikut ibas kebaktin Sabtu Pengarapen.
- Siturah ibas perpulungen.