Kiniersadaan Ajar – Ajar Jesus
( Johanes 17 : 21 – 26 )
17:21 supaya mereka semua menjadi satu, sama seperti Engkau, ya Bapa, di dalam Aku dan Aku di dalam Engkau, agar mereka juga di dalam Kita, supaya dunia percaya, bahwa Engkaulah yang telah mengutus Aku.
17:22 Dan Aku telah memberikan kepada mereka kemuliaan, yang Engkau berikan kepada-Ku, supaya mereka menjadi satu, sama seperti Kita adalah satu:
17:23 Aku di dalam mereka dan Engkau di dalam Aku supaya mereka sempurna menjadi satu, agar dunia tahu, bahwa Engkau yang telah mengutus Aku dan bahwa Engkau mengasihi mereka, sama seperti Engkau mengasihi Aku.
17:24 Ya Bapa, Aku mau supaya, di manapun Aku berada, mereka juga berada bersama-sama dengan Aku, mereka yang telah Engkau berikan kepada-Ku, agar mereka memandang kemuliaan-Ku yang telah Engkau berikan kepada-Ku, sebab Engkau telah mengasihi Aku sebelum dunia dijadikan.
17:25 Ya Bapa yang adil, memang dunia tidak mengenal Engkau, tetapi Aku mengenal Engkau, dan mereka ini tahu, bahwa Engkaulah yang telah mengutus Aku;
17:26 dan Aku telah memberitahukan nama-Mu kepada mereka dan Aku akan memberitahukannya, supaya kasih yang Engkau berikan kepada-Ku ada di dalam mereka dan Aku di dalam mereka.”
Sekali jadi Kebaktin Minggu bas salah sada Runggun GBKP, ilakoken me Lakon Persadan Si Badia. Tupung ibenaken me ningen Lakon enda, enterem perpulungen si ndarat i bas ruang kebaktin nari, pinter ia mulih. Kejadin enda jadi catatenkal man Runggun Gereja. Minggu sirehna, piga-piga si mulih ndai ijumpai Runggun ras ibabaina ercakap-cakap. Bas percakapen e isungkuni me, kirakira kai sebabna maka kalak enda ndai la ikut ku bas Lakon Persadan Si Badia. Lit piga-piga si mereken alasenna, eme : 1. ‘Aku lenga metunggung, mbue denga kal dosangku.’ 2. Aku la “memenuhi syarat” sabab la pernah ngikut i kebaktin Pekan Penatalayanen, Pekan Doa Sedoni, Pekan Kebaktin Keluarga, 3. Amin aku anggota GBKP tapi la anggota i bas Runggun enda. Bage me percakapen enda ndai seh dungna i ujungi runggun alu erban pertoton. Alu pengarapen maka i bas kebaktin Lakon Persadan Si Badia sekali nari pagi, ikut kalak enda ndai kerina muat bagin.
Tuhanta Jesus Kristus, i bas berngi ope IA ipakuken ku kayu persilang, ibahanNa Lakon Persadan Si Badia ras ajar-ajarNa (“Jamuan Makan”) erkawiten ras perayan Paskah kalak Jahudi. I bas perayan e ibuat Jesus roti, icepik-cepikNa jenari iberekenNa man ajar-ajarNa, : “Enda me dagingKu,” kenca bage buatNa ka cawan, ikatakenNa bujur, emaka iberekenNa man ajar-ajarNa niNa : “Arah calung enda Dibata erbahan Padan si Mbaru si iesahken alu darehKu si mambur man gunandu.” Si ibahan Jesus enda sada tanda IA ngendesken diriNa, dareh ras kulaNa jadi korban penebusen i Kayu Persilang, seh ku bas kematenNa sekali seh rasa lalap.
Roti ras anggur e sada lambang daging ras dareh Tuhan Jesus. Roti e ipan ras anggur e iinem e sada lambang kiniersadanta ras Krisus. Daging ras dareh Jesus e enggo ersada ras kulanta, IA enggo bengket ku bas kulanta. Roti mereken gegeh, anggur mereken keriahen. Dage lakon Persadan Si Badia mpegegehi kita i bas ndalani kegeluhen ras mereken keriahen sebab kita enggo iselamatken Tuhan Jesus. Sada roti nge icepik-cepik ras sada calung ingan minem e lambang persadan ras Kristus bagepe persadan ras teman si sada kiniteken. Tole pe alu ngaloken roti ras anggur kita pe nggit ngaloken kiniseran bagi Jesus guna kiniulin “sesame” manusia.
Ise kin si bengket ku bas Lakon Persadan Si Badia ? Si la kin akapna ia metunggung ngaloken keselamaten e erkiteken lalana dosana, si nggit ngakuken salah dosana man Dibata alu meteruk ukurna, si nggit jera dingen robah i bas lagu langkahna si la payo.
Sebab Jesus reh guna kalak perdosa nge. Pekan Penatalayanen, Pekan Doa Sedoni ras Pekan Kebaktin Keluarga e inganta
“mengevaluasi diri”, dingen sialemen salah, ingan nikapken pusuh ukurta, gelah alu pusuh si bersih, alu dem kehamaten, kita ngikuti Lakon Persadan e. Adi kita ngawan GBKP ras la kena siasat gereja, i bas runggun siapai pe kita atan ikut ku bas Lakon Persadan Si Badia.
EVALUASI :
Uga nge perdalanenta ibas sada Minggu si lewat ibas aksinta ?
DISKUSI :
- Kai nge si jadi simbol Lakon Persadan Si Badia ?
- Asa pengangkaindu kerna renungenta enda, kai nge gunana man banta i bas kita ngikuti Lakon Persadan Si Badia e ?
- Kai kira-kira si ngambati maka megati la si gejap kita enggo ersada ras Kristus?
AKSI :
Nadingken sada perbahanen si la ngena ate Dibata bas kegeluhenta.
USULEN LAGU :
- KEE GBKP NO : 3:1,2,5
- KEE GBKP NO : 299 : 1-3
- KEE GBKP NO : 269 : 1-3
- KEE GBKP NO : 212 :1,5
TOPIK PERTOTON SYAFAAT :
- Gelah warga GBKP tetap nggeluh bagi singena ate Dibata ibas kegeluhenna.
- Gelah warga GBKP tetap nggeluh sikeleng-kelengen ras si sampat-sampaten ibas kegeluhen.
- Siturah ibas perpulungen.
Pdt. Nurbety br Ginting, M. Th