Kesangapen Sekalak Diberu
( Hakim – Hakim 4 : 4 – 10 )
4:4 Pada waktu itu Debora, seorang nabiah, isteri Lapidot, memerintah sebagai hakim atas orang Israel.
4:5 Ia biasa duduk di bawah pohon korma Debora antara Rama dan Betel di pegunungan Efraim, dan orang Israel menghadap dia untuk berhakim kepadanya.
4:6 Ia menyuruh memanggil Barak bin Abinoam dari Kedesh di daerah Naftali, lalu berkata kepadanya: “Bukankah TUHAN, Allah Israel, memerintahkan demikian: Majulah, bergeraklah menuju gunung Tabor dengan membawa sepuluh ribu orang bani Naftali dan bani Zebulon bersama-sama dengan engkau,
4:7 dan Aku akan menggerakkan Sisera, panglima tentara Yabin, dengan kereta-keretanya dan pasukan-pasukannya menuju engkau ke sungai Kison dan Aku akan menyerahkan dia ke dalam tanganmu.”
4:8 Jawab Barak kepada Debora: “Jika engkau turut maju akupun maju, tetapi jika engkau tidak turut maju akupun tidak maju.”
4:9 Kata Debora: “Baik, aku turut! Hanya, engkau tidak akan mendapat kehormatan dalam perjalanan yang engkau lakukan ini, sebab TUHAN akan menyerahkan Sisera ke dalam tangan seorang perempuan.” Lalu Debora bangun berdiri dan pergi bersama-sama dengan Barak ke Kedesh.
4:10 Barak mengerahkan suku Zebulon dan suku Naftali ke Kedesh, maka sepuluh ribu orang maju mengikuti dia; juga Debora maju bersama-sama dengan dia.
“Ku bahanlah teman si cocok guna nampat ia” (Kejadin 2:18b).
Megati si begi kuan-kuan, diberu e desken mesin guna melahirken anak. I Irian Jaya, diberu e ipeergakenna bali ras piga-piga indung babi ngenca. Ras kepala suku bas sada-sada kuta banci lit ndeharana 150 kalak, sebab nina reh buena ndeharana, reh buena tenaga si banci erdahin ku juma, ras reh buena ulih juma e nari. Kalak enda “memperbudak” diberu ras niksa diberu. Adi nulih kita ku Pustaka Si badia, tupung Dibata erdahin njadiken doni enda, itepaNa pe manusia, dilaki ras diberu sue ras tempasNa (biak ras karakter Dibata lit bas manusia e). I bas kerina tinepa e, manusia ngenca si seri ras tempas Dibata. Jadi labo saja dilaki si seri ras tempas Dibata tapi pe diberu. Erkiteken si e dilaki arus mehamat man diberu ras diberu pe mehamat man dilaki sebab ia duana eme tempas Dibata. Tambah sie nina Dibata, “Kubahan teman si cocok man bana, guna nampati ia.” (Kejadin 2:18b). Nampati, (“penolong, Ibrani Ezer”). Istilah “Ezer” ipake man Dibata jine ibas Masmur 121 :1, Dibata eme penampat man Israel. Biasana sinampati lit nge kelebihenna asa si man sampaten. Bageme ijadiken Dibata diberu alu lit nilai lebihna gelah banci ia jadi penampat man dilaki. Ijeme kesangapen sekalak diberu. Kelebihen diberu nutupi kekurangen dilaki, ras kelebihen dilaki nutupi kekurangen diberu, ia duana jadi “mitra kerja si sejajar”.
Arah pengogenta ituriken maka Debora sekalak nabi diberu i tengah-tengah bangsa Israel. Man bana ibereken Dibata sada “karunia” meteh kai sura-sura Tuhan si ateNa ipesehna man bangsaNa. Kalak Israel i bas erbage-bage suku reh ndahi ia lako mindo nasehat ras pertimbangen. Erkiteken kalak enda sangana ikuasai Jabin, sekalak raja kalak Kanaan si erkuasa i kuta Hasor.
Panglima perangna Sisera gelarna. Iperentahna bangsa Israel alu kejam, janah mesui kal ate bangsa e ibahanna lit dua puluh tahun dekahna. Perbeben bangsa enda cukup mberat, hakim –hakim si deban la ngasup mereken serpang pulah. Emaka reh ia njumpai Debora. Situhuna ia hakim si biasa labo sekalak militer tapi erkiteken kengasupenna mereken perukuren si teneng man Israel malem ate bangsa e ngaduken persoalenna man bana. Guna ndungi persoalen bangsa e iperintahken Debora gelah Barak selaku panglima i Israel maju ngelawan Sisera. Tapi la tetap ukur barak adi ia saja erperang emaka nina Barak man Debora, “Aku lawes adi kam pe ikut ras aku, tapi adi la kam ikut, aku pe la nggit lawes.” Nina Debora njabapsa, “Bage-bage! Ikut aku lawes ras kam. Tapi la kam ndat kehamaten i bas kemenangen e, erkiteken TUHAN ngendesken Sisera ku bas tan sekalak diberu.” E maka berkat Debora ras Barak ku Kedes. Tuhu bas peperangen e Debora ngasup naluken Sisera, bangsa Israel pe menang.
Arah pengalamen Debora teridah maka Dibata la erndobahen ngidah dilaki ras diberu. Sekalak diberu pe ipakeNa lako nehken sura-suraNa, janah iangkatkenNa pe “wibawa” diberu alu mereken man bana kemenangen naluken musuh-musuhna. Teridah maka diberu e jadi “penolong” (“ezer”) man enterem jelma. Arah enda iajuk kerina diberu gelah bangga jadi sekalak diberu, si banci jadi penampat man enterem jelma. Ikawitken ku bas Hari Perempuan Internasional, si iperingeti tiap tanggal 8 Maret, ngajuk kerina diberu gelah ikut muat bagin pekena-kena masyarakat ras nampati masyarakat si lemah, nambahi pemeteh ras pengalamen diberudiberu i bas bidang politik, sosial budaya ras sidebanna. Tetap mpertahanken hakna si seri ras dilaki, ikut ibas pemilu ras posisi bas pemerintahen, hak guna erdahin, kesempaten ndatken pelatihen-pelatihen ras meneken diskriminasi ibas pendahin. Diberu selaku nande pe bangga ia banci ngelai jabuna alu erkemalangen man Tuhan, bangga ia ibere Dibata kelebihen jadi penampat man isi jabu, keluarga, ras masyarakat ija ia tading.
Sangaplah akap sekalak diberu tupung banci ia nampati enterem jelma. Man kerina dilaki pe njadiken diberu jadi “mitra kerjana”, ngergaken hak-hakna selaku diberu. Radu ras kita ngidahsa maka dilaki ras diberu ijadiken sue ras tempas Dibata.
DISKUSI :
1. Erlajar kita arah tokoh Debora, kai saja akapndu si jadi kesangapen sekalak diberu ?
2. Ugaka tanggapendu nandangi kepala suku i Irian jaya si seh ndeharana 150 kalak guna ipake gegehna pebelang juma nambahi kebayakenna?
3. Uga akapndu si bahan tindakenta guna mpehagaken sekalak diberu?
AKSI :
Erbahan waktu perjumpan lako megiken isi pusuh ras pendapat diberu subuk nande bagepe anak si diberu i bas jabu.
USULEN LAGU :
1. KEE GBKP NO : 313:1-2
2. KEE GBKP NO : 175:1-2
3. KEE GBKP NO : 374:1.2 4. KEE GBKP NO : 191:1,4
TOPIK PERTOTON SYAFAAT :
1. Geleh kerina perpulungen, sidilaki ras diberu jadi “ mitra kerja” si mehuli i bas kerina dampar geluhna.
2. Gelah kerina diberu sangap akapna bana ijadiken Dibata ia jadi “penolong yang sepadan”.
3. Si turah bas perpulungen.
Pdt. Nurbety Br Ginting, M.Th