KataNdu Kap Tendang Man Nahengku
( Masmur 1 : 1 – 6 ; 119 : 105 )
Mazmur 1:1 Berbahagialah orang yang tidak berjalan menurut nasihat orang fasik, yang tidak berdiri di jalan orang berdosa, dan yang tidak duduk dalam kumpulan pencemooh,
Mazmur 1:2 tetapi yang kesukaannya ialah Taurat TUHAN, dan yang merenungkan Taurat itu siang dan malam.
Mazmur 1:3 Ia seperti pohon, yang ditanam di tepi aliran air, yang menghasilkan buahnya pada musimnya, dan yang tidak layu daunnya; apa saja yang diperbuatnya berhasil.
Mazmur 1:4 Bukan demikian orang fasik: mereka seperti sekam yang ditiupkan angin.
Mazmur 1:5 Sebab itu orang fasik tidak akan tahan dalam penghakiman, begitu pula orang berdosa dalam perkumpulan orang benar;
Mazmur 1:6 sebab TUHAN mengenal jalan orang benar, tetapi jalan orang fasik menuju kebinasaan.
Mazmur 119:105 Firman-Mu itu pelita bagi kakiku dan terang bagi jalanku.
“KataNdu kap tendang man nahengku, nerangi dalin si kudalani” (Masmur 119:105)
Kegeluhen si ihadapi manusia tep-tep wari mbue erbagena si man bentasen, subuk si bagi ukur bage pe si la bagi ukur. Lenga ka bentuk pengajaren si lit bas paksa enda banci saja erbahanca mbue manusia papak bage pe ndabuh ku bas dosa ras enggo ngelaloken perbahanen si la ngena ate Dibata. Arah Kata Dibata sijadi bahan renungenta sekali enda, tole ijemba kita guna tetap kita erlajar arah Kata Dibata bas kegeluhenta tep-tep wari bagepe tetap njadiken Kata Dibata sebage “penuntun” gelah kai sidalanken kita tetap bagi singena ateNa.
Arah Kata Dibata sijadi bahan renungenta sekali enda banci sirenungken maka kemalemen ate situhu-tuhu rikutken Pemasmur eme si la megiken pedah kalak jahat, si la ngusih perbahanen kalak perdosa, si la erteman ras kalak megombang man Dibata (Masmur 1:1). Keriahenna eme matuhi Undang-Undang Tuhan dingen ngukurisa suari ras berngi (Masmur 1:2). Kalak si bage seri ras batang kayu si turah itepi lau anak erbuah ibas paksana, dingen bulungna pe la melus. Sangap ia ibas kerina paksa. Kebalikenna eme kalak jahat la bage ; ia bali ras segal embus angin, kerina kalak perdosa iukum dingen isirangken ibas bangsa Dibata nari (Masmur 1:4-5). Ibas Masmur 1:6, itegasken mulihi maka kalak benar itegutegu dingen ikawali Tuhan, tapi si jahat lit bas dalan kebenen. Arah bagin Masmur Pasal 1 enda teridah alu terang ras tangkas maka kalak si tetap ndalanken Kata Dibata bas kegeluhenna maka idatkenna kemalemen ate tapi kalak si labo ndalanken Kata Dibata bas kegeluhenna la idatkenna kemalemen ate bagape iukum Dibata nge ia. Sendalanen ras sie maka Masmur 119 si jadi pasal si terpanjang ibas kerina isi Pustaka Si Badia kerina ayatna nuriken kerina uga luar biasana Kata Dibata berpengaruh kubas kegeluhen ras diri Pemasmur. Emaka ibas ayat 105 Pemasmur ngatakenca “Katandu Tendang Kap Man Nahengku, Nerangi Dalin Si Kudalani” (bahasa Indonesia: “FirmanMu Itu Pelita Bagi Kakiku Dan Terang Bagi Jalanku”). Kata Dibata e ngenca singasup tetap nerangi perdalanen kegeluhenta bas doni enda. Emaka kalak si erkiniteken tetap erlajar arah Pustaka Si Badia ras tetap njadiken KataNa sebage “penuntun” bas kegeluhen tep-tep wari bagepe tetap si renungken ras sidalanken KataNa bas kegeluhenta alu la ragu-ragu gelah tetap terpuji ras termulia gelarNa Si Badia arah kegeluhenta nari. “Selamat kita terus erlajar Pustaka Si Badia ibas kegeluhenta”.
EVALUASI :
Uga kerna aksinta minggu si lewat.
DISKUSI :
1. Kai nge antusenna kai si ituriken Pemasmur rikutken bahan renungenta maka malem me ate kalak si la megiken pedah kalak perdosa, si la erteman ras kalak megombang man
Dibata? Turikenlah!
2. Kai nge erbahanca maka kalak si erkiniteken megati labo erlajar arah Pustaka Si Badia nari, erlajar ia arah gegehna jine bagepe lebih mengandalken pangkatna, ertana, kedudukenna ras sidebanna asangken janji Dibata bas Pustaka Si Badia nari ? Turikenlah !
3. Kai nge si arus tetap sinilakoken kalak si erkiniteken gelah kegeluhen kinitekenna tetap erlajar arah Pustaka Si Badia nari bas kegeluhenna tep-tep wari? Turikenlah !
AKSI :
Sirenungken ras sidalanken bas kegeluhenta sada minggu enda sada bagin isi bas Pustaka Si Badia nari si merupaken ayat, tokoh, pasal “favorit” bas kegeluhenta selama enda.
TOPIK PERTOTON SYAFAAT :
1. Gelah ngawan ni perpulungen bagepe serayan GBKP ibas kerina wilayah pelajaren GBKP tetap erlajar arah Pustaka Si Badia nari bas kegeluhenna.
2. Pelayanen GBKP ibas wilayah pelayanenna bas tahun 2017 enda.
3. Siturah ibas perpulungen.
USULEN LAGU :
1. KEE GBKP NO : 201 : 1, 2
2. KEE GBKP NO : 204 : 1,2,3, 4
3. KEE GBKP NO : 323 : 1,2, 3 4. KEE GBKP NO : 279 : 1, 4
Pdt. Prananta Jaya Manik, S.Th MM