Jadi Benang Penjarumi
Mengelola Konflik
Nas Filipi 2: 1 – 4
Filipi 2: 1 – 4
Nasihat supaya bersatu dan merendahkan diri seperti Kristus
2:1 Jadi karena dalam Kristus ada nasihat, ada penghiburan kasih, ada persekutuan Roh, ada kasih mesra dan belas kasihan, 2:2 karena itu sempurnakanlah sukacitaku dengan ini: hendaklah kamu sehati sepikir, dalam satu kasih, satu jiwa, satu tujuan, 2:3 dengan tidak mencari kepentingan sendiri atau puji-pujian yang sia-sia. Sebaliknya hendaklah dengan rendah hati yang seorang menganggap yang lain lebih utama dari pada dirinya sendiri; 2:4 dan janganlah tiap-tiap orang hanya memperhatikan kepentingannya sendiri, tetapi kepentingan orang lain juga.
Tema: Jadi Benang Penjarumi
Gelah PERMATA GBKP
1. Meteh kerna uga kearusen kegeluhen persadan kalak si erkiniteken rikutken pengajaren Rasul Paulus man perpulungen i Pilipi
2. Ergiah-giah maba perdamen i tengah-tengah perjengilen
Metode: Sharing Pengalaman ras Aksi
I. BENA KATA
Konflik (la siangkan) banci ngkenai hubungen pertemanan, persadan bage pe organisasi. Erkiteken la sependapat, la searah, la sejalan, la si tabehen sada ras si debanna, piga-piga kalak ras si debanna. Uga segelah persadan banci ersada ras geluh dame? Mari si siksiki kata Dibata rikutken bahan Panta wari enda.
II. ISI
Perpulungen Pilipi eme perpulungen si pemena si panteki Paulus i Eropa provinsi Roma i Makedoni. Surat Paulus man perpulungen i Pilipi enda isuratken sanga Paulus i bas penjara. Ia ipenjaraken erkiteken lit teman-teman sapih Kristen ngelawan ia bage pe erkiteken litna pengajaren-pengajaren si papak si lit itengah-tengah perpulungen Pilipi. Litna si ngelawan pengajaren si tuhu-tuhu ras litna pengajaren-pengajaren si papak: lit piga-piga kalak meritaken Kristus erkiteken cian ate ntah erkiteken ia kalak perubat-rubat, tapi si debanna meritakenca arah ukurna ersuruh. Si e idalankennana erpalasken keleng ate, kalak si deban labo arah ukur ersuruh tapi erkiteken rangapna (Pil. 1:15-17). Emaka Paulus mpersingeti perpulungen gelah tetap ku palas si tuhu-tuhu eme Jesus Kristus jadi usihen.
Ayat 1-2, Kegeluhenndu i bas Kristus erbahanca kam megegeh. I bas litna tantangen ras perlawanen perpulungen arus megegeh, ulu gegeh si tuhu-tuhu eme Kristus. Keleng ate Kristus jadi asam ngapuli pusuh si getem ras la dame i bahan kalak si ngelawan. Jenari tetap rembak ras Kesah Si Badia. Kerembaken ras Kesah Si Badia pengasup perpulungen la ngukuri si jahat, la erbalas ras tetap sabar. Kesah Si Badia mpengasup perpulungen tetap sikeleng-kelengen dingen mekuah ate sekalak nandangi si debanna.
Ayat 3-4, Ipindoken Paulus gelah perpulungen tetap ersada arih, sikeleng-kelengen, ersada geluh ras ersada ukur. Alu kata si deban litna si ngelawan tetap min “ERTAHAN” labo “ILAWAN” tetap “ERSADA” la “SIRANG” ras Tuhan bage sapih ia bas persadan. Si ngelawan labo ibalas, ilawan ras iimbangi tapi tetap ikelengi ras ipertemani. Adi ilawan ras i imbangi permusuhen ras perubaten reh kelekna ngenca banci jadi. Tapi adi tetap ikelengi dungna banci jadi teman, si serap pe banci ersada mulihi.
“Ola ibahanndu kai pe erpalasken kerangapen ntah si erpalasken ukur meganjang, Tapi peteruklah ukurndu sekalak nandangi si debanna. Ola ulin akapndu bandu asangken kalak si deban, ola keperlunndu saja ngenca iperdiatekenndu tapi perdiateken pe keperlun kalak si deban”. Biak-biak ras perbahanen si mehuli ilumbaken bas kegeluhen, bas persadan perpulungen si erkiniteken man Kristus.
III. PENGKENAINA
Konflik banci jadi erkiteken perbedaan pribadi (invidu) ras penggejapen (perasaan) si la seri. Litna perbedan pemahamen ras kepentingen si pelain-lain. Peluang konflik setiap paksa banci turah tapi tiap paksa ka pe banci ihindari, adi siaturken (sikelola) alu mehuli (manajemen konflik).
– Silumbaken nggit rusur “Membangun jembatan, menjalin komunikasi, menciptakan dasar pijak yang sama”. Jadi labo membangun tembok pemisah
– “Jadi benang penjarumi” labo jadi “Si maba gunting”. Benang jarum mpersadaken uis si merigat bage me kita jadi alat guna ngerakut persadan.
– Erkiteken Jesus jadi usihen, kekelengen arus ilumbaken, lit pe si ngelawan ola si subuki tapi nggit kita surut ras rusaha nggeluh dame ras ise pe, sabap “DAMAI itu NYAMAN dan AMAN”. Ula nggit rubat ras mperubat-rubat kalak!
IV. METODE: Sharing Pengalaman ras Aksi
1. Turiken pengalamen pribadinta pernah konflik, kai sabapna ras kai ulihna?
2. Turikenken pengalementa pernah jadi “BENANG PENJARUMI” I bas litna konflik (ngelumbaken bahan PA: Pilipi 2:1-4, bdk. Pilemon 1:8-22, Paulus nandangi Filemon ras Onesimus)
V. USULAN LAGU
KEE GBKP No. 209: 1-2 “Perpulungen Ersadalah”
Pdt. Karvintaria Br. Ginting, S.Th, M.M