Sepengodak Sepengole Ibas Pelayanen
Teks : Keluaren 17: 8 – 16
Kemenangan orang Israel melawan orang Amalek
17:8 Lalu datanglah orang Amalek dan berperang melawan orang Israel di Rafidim. 17:9 Musa berkata kepada Yosua: “Pilihlah orang-orang bagi kita, lalu keluarlah berperang melawan orang Amalek, besok aku akan berdiri di puncak bukit itu dengan memegang tongkat Allah di tanganku.” 17:10 Lalu Yosua melakukan seperti yang dikatakan Musa kepadanya dan berperang melawan orang Amalek; tetapi Musa, Harun dan Hur telah naik ke puncak bukit. 17:11 Dan terjadilah, apabila Musa mengangkat tangannya, lebih kuatlah Israel, tetapi apabila ia menurunkan tangannya, lebih kuatlah Amalek. 17:12 Maka penatlah tangan Musa, sebab itu mereka mengambil sebuah batu, diletakkanlah di bawahnya, supaya ia duduk di atasnya; Harun dan Hur menopang kedua belah tangannya, seorang di sisi yang satu, seorang di sisi yang lain, sehingga tangannya tidak bergerak sampai matahari terbenam. 17:13 Demikianlah Yosua mengalahkan Amalek dan rakyatnya dengan mata pedang. 17:14 Kemudian berfirmanlah TUHAN kepada Musa: “Tuliskanlah semuanya ini dalam sebuah kitab sebagai tanda peringatan, dan ingatkanlah ke telinga Yosua, bahwa Aku akan menghapuskan sama sekali ingatan kepada Amalek dari kolong langit.” 17:15 Lalu Musa mendirikan sebuah mezbah dan menamainya: “Tuhanlah panji-panjiku!” 17:16 Ia berkata: “Tangan di atas panji-panji TUHAN! TUHAN berperang melawan Amalek turun-temurun.”
Tema : Sepengodak Sepengole Ibas Pelayanen
Tujuan : Gelah Mamre:
1) Meteh maka arah kiniersadan (sepengodak sepengole) Dibata mereken kemenangen
2) Tetap sepengodak sepengole ibas ndahiken dahin dahin pelayanen
Metode : Diskusi
I. KATA PENARUH
Pepatah singataken: “Bersatu kita teguh Bercerai kita Runtuh” mabai kita ngertiken pentingna persadaan sierbahanca kita megegeh bagepe sebalikna rapuhna sada persadaan adi terjadi sikap nggeluh erbana-bana. Kegeluhen anak-anak Dibata ibas ndahiken dahin pelayanen aruslah ibas bentuk “ersada: sepengodak-sepengole”, sebab peraten Dibata pe ngataken “gelah ia kerina ersada”. Ndalanken pelayanen si ersada labo hal simenukah, sebab ibas pelayanen e erbage perbedaan si lit. Penting metode pengorganisasian ibas ngaturken strategi gelah organisasi persadan e banci seh kubas tujuan si nuate idatken. La ka terjeng pemeteh kerna strategi managemen si mehuli, pengakun kerna kebutuhen sada ras sidebanna seh maka terjadi sinergisitas ibas pelayanen banci terjadi, janah puncana eme pengakun ibas ndalanken kerina enda ibas penjujuri Dibata arah kuasa-Na. Unsur-unsur enda me si teridah ibas teks oraten PA Mamrenta minggu enda guna banci mabai kita nggeluh selaku Mamre si erkiniteken ras pe ngasup ndalanken pelayanen sienggo iendesken Tuhan man banta arah pelayanen si ersada.
II. URAIAN TEKS
Keluaren 17 nuriken kerna perdalanen bangsa Israel si seh ku Rafidim janah ije me ipajekkenna kemahna. Bangsa Israel jungut-jungut man Musa erkiteken ibas ingan e lalit lau man inemen seh maka Musa arah persuruhen Dibata mekpek sada batu seh maka ndarat lau ibas batu e nari guna banci i inem bangsa Israel, ingan e igelari “Masa ras Meriba” (Kel.17: 1-7).
Ibas Keluaren 17: 8-16 ituriken kerna keberadaan kalak Amalek si reh guna erperang ras bangsa Israel. Kalak Amalek eme kesusuren Amalek kempu Esau (Kej.36: 15-16) si jadi pengembara si megati/biasa (pengalamen) erperang, jenari Israel eme sada bangsa si lalit pengalamen erperang sebab pengalamen Israel ndube i Mesir eme jadi budak si dahinna terjeng erbahan bangunen-bangunen siisuruh Mesir. Ertina peperangen enda eme peperangen si labo seimbang. Gia bage banci siidah strategi-managemen peperangen siilakoken Musa ngelawan Amalek. Musa memang ibentuk ibas pendidiken i Mesir (anak angkat putri Firaun) sibanci jadi iantusina strategi Perang, tapi labo sienda si utama tapi erkiteken Tuhan enggo nehken padan-Na maka IA lit itengah-tengah bangsa enda (lih.17: 7). Arah pengakun enda me isusun strategi:
1. Milih Yosua memimpin kalak siipilih guna erperang
Musa memilih Yosua jadi panglima perang guna erperang ras Amalek. Yosua ibas bahasa Ibrani ertina “menyelamatkan”. Labo lit penolaken entah protes ibas Yosua tapi patuh ibas perintah Musa (ay.10). Teridah integritas Yosua sekaligus pengakunna kerna kepemimpinan Musa siiakuina rehna ibas Dibata nari.
2. Musa, Harun ras Hur saling kerjasama
Musa raduken Harun ras Hur nangkih uruk guna ngenehen/memantau peperangen siterjadi antara Israel siipimpin Yosua ras kalak Amalek. Keberadaan Musa selaku pemimpin menopang bangsa Israel alu ngangkat tanna. Adi angkatna tanna maka situasi perang menang bangsa Israel, tapi adi nusur tanna maka Amalek simenang. Kerjasama siicidahken alu namaken batu ingan kundul Musa, jenari tan Musa itopang Harun ras Hur, Alu cara sienda maka tan Musa tetap idatas seh maka peperangen e imenangken Josua/Israel.
3. Mengandalkan Tuhan
Strategi siilakoken Musa si utama eme ertoto erpengendes man Dibata. Kehadiren Tuhan sindube icidahkenna arah ciken/tongkat sipake mbelah lau ras pereh lau ibas batu nari, baba ikut nangkih uruk. Arah kuasa Dibata teridah maka peperangen si la seimbang banci imenangken erkiteken Dibata sinampati. Si la mungkin jadi mungkin ras terjadi erkiteken kinimbisaan Dibata sinampati.
Arah strategi siilakoken Musa banci siidah maka karakter silit ibas Musa eme karakter pemimpin si merangkul ras nggit kerjasama guna nehi tujun sinuate idatken. Musa milih Josua guna erperang ncidahken pembagian tugas janah tek ia man Josua guna memimpin kalak Israel guna erperang. Karakter Josua teridah ibas kepatuhen ras kesetiaan ras pe tek ia nandangi Musa sinuruh ia guna erperang. Karakter Harun ras Hur eme karakter si nggit nampati ras pe “peka-sensitif” nandangi situasi. La pe iperintah enggo ietehna kai siman dahinken. Alu karakter-karakter enda banci teridah uga ulihna ibas kerina banci sepengodak-sepengole ibas ndahiken dahin rikut ras kerjasama simehuli seh maka kemenangen banci idatken. Arah kerjasama ras pe sinergisitas enda icidahken Dibata kuasa-Na seh maka si la mungkin banci jadi mungkin. Ertina cara Dibata nampati labo ibas mereken kemenangen man bangsa-Na, tapi arah kiniersadan siicidahken maka teridah kehadiren Dibata seh maka kemenangen banci idatken.
III. PENGKENAINA
Ibas ndahiken dahin pelayanen penting palas kiniersadaan ipake. Kiniersadan banci jadi adi teptep kalak LA menganggap maka dirina lebihen asangken temanna sideban (si banci ulihna eme situalen). Sikap merangkul ras menerima jadi penting ibas ncidahken kiniersadaan. Bagem ibas pelayanen gereja, labo banci teridah kiniersadaan adi lit sikap sipandangen bagepe penolaken seh kubas penghakimen nandangi temanna. Dahin pelayanen gereja eme dahin Dibata simada Gereja, jadi labo lit visi misi pribadinta tapi kerina pelayanen eme nehi visi ras Missi Dibata. Pengertin enda mabai kita la erdahin sipandang punjuten tapi berupaya bersinergi guna nehi dahin Dibata.
Ibas ndalanken pelayanen adi ilakoken alu kiniersadan maka ulihna la lit perukuren simeganjang ukur (tinggi hati-sombong) entah pe “rendah diri” (pekitik bana-kesombongan terselubung), sebalikna kerina banci siergan ibas tep-tep bagin siibereken man bana alu saling menerima ras saling menghargai Musa selaku pemimpin labo iakapna lebihen ia asangken sideban (Yosua, Harun ras Hur) tapi iergaina kerina rikutken bagin-bagina. Sikap merangkul Musa ncidahken kerina banci ersada sekaligus bersinergi guna memenangken peperangen. Alu bage sikap siergan ras menganggap kerina bagin penting ulihna icidahken Tuhan kuasa-Na alu mereken pasu-pasu-Na.
Ibas dahin pelayanen Mamre ilitken pengurus Mamre: Pusat, Klasis ras Runggun-Sektor. Sienda labo ibas erti siganjang teruhen tapi guna banci bersinergi nehi dahin pelayanen ibas Mamre. Pengurus mamre ibas tep-tep tingkaten labo ibas hirarki atasan dan bawahan, tapi kerina ersada nehi pelayanen ibas kerina tingkatenna. Kerina arus siergan ras pe saling menopang sebab kerina tingkaten enda saling membutuhken sada ras sidebanna. Ibas tep-tep pengurus perlu pe mperdiateken sekaligus menggali potensi-potensi silit, jenari makeken potensi e guna ras-ras ndalanken pelayanen. Labo banci kerina dahin e idahiken sekalak entah pengurus saja sebab ulihna latih iakap jenari menukah naik tensinta sibanci mpeturah konflik. Mehuli adi ibas dahin-dahin e irasken alu spirit siergaan ras siteken.
IV. DISKUSI
1. Turiken pengertinta arah ogen kerna karakter Musa, Josua, Harun ras Hur
2. Turiken pengertinta kerna ndahiken dahin pelayanen Mamre “Sepengodak Sepengole”
Usulen Lagu
1) KEE GBKP No 209: 4-5
2) KEE GBKP No 290: 1-2
3) KEE GBKP No. 343: 1-2
4) KEE GBKP No 350: 1-.. (persembahen)
Pdt. Alexander Simanungkalit, M.Th.
HP: 0813 8649 8009