BIMBINGAN PA MAMRE
TANGGAL 02 MARET – 08 MARET 2025
Teks : Epesus 4: 15 – 16
Tema : Ikut muat bagin guna pehuliken
Tujuan : Gelah Mamre:
1) Meteh posisi ras tanggung jabab Mamre menyangkut MWSR
2) Mediate (peduli) nandangi pelaksanan MWSR
Efesus 4: 15 – 16
4:15 tetapi dengan teguh berpegang kepada kebenaran di dalam kasih kita bertumbuh di dalam segala hal ke arah Dia, Kristus, yang adalah Kepala.
4:16 Dari pada-Nyalah seluruh tubuh, –yang rapih tersusun dan diikat menjadi satu oleh pelayanan semua bagiannya, sesuai dengan kadar pekerjaan tiap-tiap anggota–menerima pertumbuhannya dan membangun dirinya dalam kasih.
I. KATA PENARUH
Tugas panggilen gereja eme mbangun kula Kristus seh ku tingkat kedewasaan si sierta. Konteks perpulungen efesus eme terjadina perpecahen ibas perpulungen erkiteken mbue pengajaren penipu (sesat) simpengaruhi perukuren ras pemikiren perpulungen sierbahanca terhambat misi gereja eme mbangun kula Kristus seh ku tingkat kedewasaan Kristus si serta. Guna sie me maka Tuhan mereken pemere-pemere ras kengasupen desken kula melala ringring gelah banci saling menopang ras membangun guna kemajuan kula e. Bage me pe ibas gereja gelah kerina jemaat, unit (khusus Mamre) ngasup mereken sumbangsihna guna kemajun gereja enda arah MWSR sekali enda.
II. URAIAN TEKS
1. Sura sura Paulus eme gelah perpulungen Efesus ersada nteguh bagi ringring ibas kula sue panggilen sienggo ialokenna ibas sada kesah ras sada Tuhan nari. Ipindona gelah kerina meteruk ukur, lemah lembut, kesabaren, si sampat-sampaten ibas kekelengen (Ay.2,3). Isaksikenna maka ia i penjaraken eme erkiteken kiniteken Kristus, janah tujunna naksikenca eme guna nemangati perpulungen e gelah nggit erkorban, erjuang njagai kiniersadan demi mbangun kula Kristus.
2. Ngkai maka anggota perpulungen arus ersada: Argumen si pake Paulus guna nerangkenca eme kerna pendahin Kristus (Ay g-10): Maka Ia si nangkih ku ingan simeganjang sindauh ganjangen asa kerina langit eme Kristus ras la ka nge si nusur ku ingan simeterukna kel (doni kematen). Enda ningetken kerna pendahin Kristus, maka Kristus si seri nge sinusur ras nangkih ku ingan simeganjang enda. La lit perubahen pribadi ibas ndahikenca, tetap sada eme Kristus. Adi bage ngkai maka lit perpecahen ibas perpulungen: la siangkan, saling ndabuhken, erkelompok-kelompok, mbue pendapat, rsdna tempa tempa Kristus e terbagi.
3. Cara Dibata mperlengkapi perpulungen perpulungen gelah ersada eme alu mereken pemere (jabaten) ras kengasupen nandangi gerejaNa: Rasul, Nabi, Penginjil, rsdna eme guna mperlengkapi perpulungenna gelah sikap ndahiken dahin pelayanenNa guna majekken Kula Kristus si dewasa i doni enda. larapken kari arah ulih pendahinna pejabat enda nari jadi harapen Paulus ndai eme:
• Paguh kiniersadan: kerina kalak sierkiniteken ersada ibas Kristus baik pengangkanna, sura-surana ras pendahinna. Sebab salah sada erbahanca jadi perpecahen eme erkiteken perbedaan pemikiren ras pengakan jelma si usur bagi anak-anak si murah ipengaruhi rupa rupa pengajaren doni si papak (14).
• Perpulungen e dewasa seh ku tingkat kedewasan si serta. Alu bage perpulungen e lanai murah murah i jole-joleken (ipengaruhi) pengajaren sipapak, penipu (14), Janah ngasup nuriken situhu alu dem keleng ate (15).
III. PENGKENAINA
Tugas penggilenta eme mbangun kula Kristus seh ku tingkat kedewasan Kristus, silanai mempan pengaruh pengajaren penipu (silamehuli). Mamre GBKP eme pemere Tuhan man GBKP enda guna mpersiapken, mperlengkapi jemaat gelah ngasup ndalanken panggilenna (misi). Kai nge sumbangsing (kontribusi) si banci ibereken Mamre guna sienda. Momen ibas MWSR sekali enda banci si cidahken alu kehadirenta, si ikuti alu tutus ras sibereken kontribusinta. Sekali nari: Ula kita lupa maka Mamre e eme pemere Dibata man GBKP enda guna mbangun GBKP enda gelah maju, dewasa. Emaka perlu ijaga: Mamre jangan jadi sumber masalah dan perpecahan. Seharusna kontibusi mamre eme mampu menggerakken gerejanta gelah paguh persadanna ras dewasa ibas erkiniteken si la murah ijole-joleken pengajaren papak jaman gundari enda. Konteks tantangen jamanta gundari enda seiring kemajun IT enggo bas koncangta (kantongta), sebab bas Hpnta kai pe banci ibuka. Emaka adi la dewasa banci kita terpengaruh ras berubah ku bas si la payo e, kenca e ka sibaba ku bas perpulungenta, emaka perpulungenta epe rusur la siangkan, si salah-salahen, rsd sierbahnca turah perpecahen. Emaka muat bagin kita ibas MWSRnta sekali enda, sibereken ide-ide simehuli guna kemajun gerejanta..amin
IV. DISKUSI
1. Rikutken bahan oratenta, turiken pengangkanta kerna tanggungjabab guna mbagun ras perlengkapi perpulungen.
2. Kai si banci iusulken Mamre ku bas MWSR sekali enda guna mbangun perpulungen.
Usulen Lagu
1) KEE GBKP No. 209: 1-2;
2) KEE GBKP No. 257: 1-2;
3) KEE GBKP No. 381: 1-2
4) KEE GBKP No. 272: 1- persembahen
Pdt. Seth Perangin-angin, M.Th.
HP: 0813 9734 0320