Keleng Ateku Kam

Valentine Day’s: Mampu Berdamai Dengan Orang Lain

Matius 5: 44 – 48

5:44 Tetapi Aku berkata kepadamu: Kasihilah musuhmu dan berdoalah bagi mereka yang menganiaya kamu.
5:45 Karena dengan demikianlah kamu menjadi anak-anak Bapamu yang di sorga, yang menerbitkan matahari bagi orang yang jahat dan orang yang baik dan menurunkan hujan bagi orang yang benar dan orang yang tidak benar.
5:46 Apabila kamu mengasihi orang yang mengasihi kamu, apakah upahmu? Bukankah pemungut cukai juga berbuat demikian?
5:47 Dan apabila kamu hanya memberi salam kepada saudara-saudaramu saja, apakah lebihnya dari pada perbuatan orang lain? Bukankah orang yang tidak mengenal Allahpun berbuat demikian?
5:48 Karena itu haruslah kamu sempurna, sama seperti Bapamu yang di sorga adalah sempurna.”

Tema: Keleng Ateku Kam

Gelah PERMATA GBKP
1. Meteh maka keleng ate Dibata e ipesehNa man kerina jelma (universal)
2. Ersada ukur segelah engkelengi e jadi biak geluhna

Metode: Truth or Dare “Meminta maaf dan memaafkan kesalahan teman”

I. BENA KATA

Nemini nocere nisi prius lacessitum injuria (Bahasa Latin) eme kaidah Cicero si ertina emekap “Jangan menyakiti siapapun, kecuali disakiti terlebih dahulu”. Kaidah enda me si mbue jadi pedoman/aturen manusia ibas ngkelengi. Dikune kelengina, maka sikelengi, dikune incumina, maka incumi ka ia, adi pudikenna, pudikenka mis. Enda ngatakenca maka seh kel kepe menukahna sura-sura jahat e lit ibas ukur manusia. Khususna pe ibas kalangan muda GBKP (PERMATA) prinsip sibage simahanca kedamen/kekelengen lanai jadi gaya kegeluhenta. Sitik saja labagi ukurta, mis lanai teraloken kita, idemi me pusuhta salu kegelisahen, kecurigan erkiteken kekelengen ras kedamen e go si sirangken ibas ukurta. Padahal sukat-sukatta engkelengi eme kap “kekelengen Dibata”. Ugakin situhuna sukat-sukatta e? ugakin situhuna kekelengen Dibata e? Ibas PA ta wari sendah peringeten Valentine Day’s enda si mpebagesi pengangkanta kerna KELENG ATE.

II. ISI

Pedoman/aturen/ukuren/patoken manusia ibas engkelengi seturut hukum Jahudi i reformasi (diubah secara drastis untuk perbaikan). Adi sedekah enda enggo ietehna ajaren kerna kelengilah temanndu, janah elem elemlah man imbang-imbangndu (ay. 43) maka ibas ay. 44 ipekena Jesus ajaren e, alu ngataken: “Genduari Kukataken man bandu: KELENGILAH IMBANG-IMBANGNDU….. Jesus selaku Jurudamai Si Agung, Sang Pendama Si Akbar si kin biak kekelengenNa tetap tahan seh rasa lalap mpepinter ajaren si lit e. Tambahna niNa “ertotolah man Dibata kerna kalak si erbahanca kam ngenanami kiniseran (b.Ind: Berdoalah bagi mereka yang mencaci kamu dan menganiaya kamu)”.

Perintah e ibereken Jesus gelahna ieteh manusia e min maka keleng ate Dibata e ipeseh man kerina jelma kap secara universal. Ipertegas enda alu nuratken Ay. 45. Arus maka sieteh Matawari ras Udan eme bentuk pasu-pasu simbelin ibas Dibata nari man manusia. Pasu-pasu simbelin e adi nina ibas ay. 45 labo saja man kalak si mehuli ibereken Dibata MatawariNa bagepe labo saja man kalak si bujur ibereken Dibata udan. Em bukti maka keleng ate Dibata e man kerina jelma kap ipesehNa.

Adi singkelengi kam saja ngenca ikelengindu, man kade dibata mbalas perbahanendu e? La kin kalak si muat cuke pe bage kang perbahanenna. Ay. 46. Kalak si muat cuke identic usur igelarken kalak si erdosa erkiteken kalak e iperasna rakyat guna keuntungenna. Kepeken adi bagi hokum Jahudi e nca terban kita, kai bedana kita ras kalak erdosa, kalak erdosa pe keleng atena man kalak si ngkelengi ia.

Ay. 47 kai lainna kam ras kalak si deban adi ras temanndu saja ngenca kam siperkuanen? Kalak si la nandai Tuhan pe bage nge perbahanenna. Ay. 48 Kam arus serta bagi Dibatandu pe serta. Sada semangat si bereken ibata gelah kita anak-anakNa mereken tanda maka kita enda anak Dibata, mereken tanda man doni enda maka lit nge bedana kita ras doni enda, alu ngkelengi imbang bagepe ertoto kerna ia, eme tandana kita la seri ras doni enda. Sebab adina sikeleng atena kita ngenca sikelengi, ras temanta ngenca kita siperkuanen, kalak erdosa bagepe kalak si la nandai Dibata pe ngasup ngelakokenca.

III. PENGKENAINA

Manusia cenderung ngarapken celaka ntah pe minimalna kel sikap ta ku imbang-imbangta ntahpe kalak sierbahanca si nanami kiniseran (dengan mencaci/menganiaya) eme la ngarapken simehuli jadi ibas geluh kalak sinakiti kita e. Enda me kepeken dasar akar pahit ibas dirita manusia si man dekdeken/ruahen ibas kegeluhenta segelah ngasup kita ngkelengisa, ertoto kerna ia, bahkan masu-masu ia pe (1 Petrus 3: 9). Situhuna adi sin en alu sudut pandang si lain bagi sada cerita kerna Uskup Agung Cranmer: adi ibas ia, dikune lit kalak si atena jadi temanna, maka arus lebe kalak e mahan hal-hal sijahat man bana. Arah cerita enda banci sidatken sada pengertin simbaru, eme tep-tep kali sialoken perbahanen si la uli ibas temanta manusia, maka sidatken me kesempatan guna nuduhken kepatuhenta kerna perentah Kristus sebab enggo kin jadi tugas utamata selaku anak-anak Dibata ibas ngkelegi imbang-imbang, la mbalas sijahat alu sijahat, adi lit sicaram ntahpe ranan meser reh man banta arusna selaku anak Tuhan sitanggapi kata-kata e alu kata si sopan ras ramah man bana (Efesus 4: 27, 29).

Dikune kerina cara go sipakeken guna nuduhken keleng ate Dibata e man bana tapi tetap la ralo ibas ia maka ertoto man Dibata kerna ia eme sada dalan simanbahanenta segelah iampuni Dibata ia, segelah la ialokenna pembalasen ibas perbahanenna sijahat man banta, bagepe segelah Dibata mperdameken ia ras kita (Efesus 4:26). Uga kin maka kita harus engkelengi kalak sibage? Sebab leben kap sinanami keleng ate Dibata man banta ibas kinilapatuhenta pe tetap keleng ateNa. Ngkai maka arus kita ngalemi kalak sijahat? Sebab leben kap sinanami pengalemi ibas Dibata nari ibas kejahatenta pe ialo-aloNa denga kita. Endalah si bahan jadi pembakar semangatta segelah ngasup kita erdame ras kerina temanta manusia. Keleng ate namburi melala dosa (1 Petrus 4: 8) banci nen uga si ersenina ersoal tapi keleng ate ngasup mperdamekenca (Kejadin 32: 1 – 21). Kataken dage man kerina temanta manusia KELENG ATEKU KAM.

IV. METODE: Truth or Dare
Truth or Dare “Meminta Maaf dan Memaafkan Kesalahan Teman”

1. PERMATA GBKP ersikap guna memasuki game Truth or Dare (Jujur atau menerima Tantangan)
2. Nikapken pertanyaan-pertanyaan ibas sada ingan, sada penungkunen ibas sada kertas si igulung janah itamaken ku sada ingan itambahi alu piga-piga kertas si kosong, janah pegancih kari PERMATA sipulung muatsa.

Penungkunen:
1. Lit nge gundari si la kam meriah ibas temanndu PERMATA GBKP enda? (truth: jawab jujur janah erdame ndahi temanna e gundari; dare: menerima tantangan si ipesikap pengurus PERMATA GBKP)
2. Lit nge ukur temanndu sangkut ibahanndu ibas PERMATA GBKP? Adi lit ise ia? (truth: jawab jujur; dare: menerima tantangan si ipesikap pengurus PERMATA GBKP)
3. Lit nge teman PERMATA GBKP si pengeranana erbanca kitik ukurndu? Adi lit kai nina janah uga perasaandu katakenna bage man bandu? (truth: jawab jujur; dare: menerima tantangan si ipesikap pengurus PERMATA GBKP)
4. Lit nge atendu ngena ibas temanndu PERMATA GBKP? (truth: jawab jujur; dare: menerima tantangan si ipesikap pengurus PERMATA GBKP)

V. USULAN LAGU
KEE GBKP No. 281: 3 “Kek’lengen Yesus Kempak Manusia

Pdt. Novita Sevriani Br. Tarigan, S.Th
(Komisi Teologia PERMATA GBKP)

BIMBINGAN PA PERMATA GBKP TAHUN 2025