NGASUP NGIDAH RAS NGALOKEN SI MEHULINA
Lukas 10:38-42
(Sasaran Pelayanan GBKP tahun 2025 poin I: Tidak Alergi Pada Perbedaan)
Maria dan Marta10:38 Ketika Yesus dan murid-murid-Nya dalam perjalanan, tibalah Ia di sebuah kampung. Seorang perempuan yang bernama Marta menerima Dia di rumahnya. 10:39 Perempuan itu mempunyai seorang saudara yang bernama Maria. Maria ini duduk dekat kaki Tuhan dan terus mendengarkan perkataan-Nya, 10:40 sedang Marta sibuk sekali melayani. Ia mendekati Yesus dan berkata: “Tuhan, tidakkah Engkau peduli, bahwa saudaraku membiarkan aku melayani seorang diri? Suruhlah dia membantu aku.” 10:41 Tetapi Tuhan menjawabnya: “Marta, Marta, engkau kuatir dan menyusahkan diri dengan banyak perkara, 10:42 tetapi hanya satu saja yang perlu: Maria telah memilih bagian yang terbaik, yang tidak akan diambil dari padanya.”
MODEL PJJ: PARTISIPATIF
KATA PERLEBE :
I bas sada Jurnal Antropologi Sosial ras Budaya lit ikataken, maka kecibal bangsanta Indonesia lit i bas ‘keberagaman’. Si enda sendalanen pe ras semboyan “Bhinneka Tunggal Ika” si ertina ‘pelain-lain tapi tetap sada’. Janah, tole pe isuratken maka persadan e teridah arah ras i bas Gereja, ntah pe ikataken i bas cakap Junani e me ecclesia, si ertina ‘kalak si ndatken pendilo lako ndarat ras iutus Jesus Kristus guna ersaksi kerna gelar-Na seh ku tampuk doni (bdk. Perb. 1:18).
Sendalanen ras si enda, GBP GBKP 2021-2025 ngataken rikutken sasaren pelayanen GBKP tahun 2025, ‘Dewasa Menerima Perbedaan” maka Gereja e me terpuk (Ind. komunitas) kalak si tek si ngasup ngaloken si lit i bas terpuk e bage pe i darat terpuk e. Kita perlu tetap ngidah maka lit na si pelain-lain e banci jadi turah konflik ntah pe perpecahen (bdk. Galati 5:15). Arapen gerejanta, maka kerina kita si lit i bas GBKP enda erbahan perdamen si mpeturah kemalemen ate (Mat. 5:9).
E maka, si jadi perayaken (target) si pemena si man dahinken e me segelah kerina ngawan ni perpulungen GBKP enda la alergi nandangi cara rukur (Ind. pandangan/pendapat) si pelain-lain e. Terlebih pe, Andar Ismail ngataken maka ‘Manusia adalah makhluk yang paling bergaul’. Erkiteken si e maka iperluken ‘Pendidikan Persahabatan’ guna nampati kita ngangkai erbage dampar kerna hubungenta ras kalak si deban.
ISI :
Pokok utama Injil Lukas enda e me ‘berkembangnya kabar keselamatan dari kalangan kaum Jahudi kepada dunia bangsa-bangsa’ gia pe Lukas meteh maka kalak Kristen paksa si e ngenanami kiniseran ras penindasen. I bas situasi si enda maka ibahan Lukas segelah Tuhan Jesus e jadi usihen. Enda ka me pe palasta rukur guna ngangkai teks perpulungen jabu-jabu nta.
Asum Jesus ras ajar-AjarNa nerusken perdalanen pelayanenNa, seh Ia i kuta Betani (bdk. Joh. 11:1). Marta ngalo-ngalo Jesus i rumahna dingen kuskas nikapken pangan tapi seninana Maria, kundul i deher nahe Tuhan megiken pengajarenNa. Ijenda me teridah perbedaan Marta ras Maria. Marta tetap denga ngelakoken kesemalen kalak Jahudi bas ngalo-ngalo temue si reh ku rumah. Maria pe enggo ka erpengangkan maka nikapken pangan ras megiken pengajaren e me bagin pelayanen si banci ilakoken man Tuhan, tapi si lebih penting lebe e me megiken pengajaren e. Kenca dung si e maka isikapken pangan. Tapi, Jesus ngergai perbedaan antara Maria ras Marta e, teridah arah penjelasenNa kerna kai si pentingna i bas kegeluhen. Jesus mereken pengertin man Marta kerna kai si ibahan Maria e me si mehuli janah e lanai banci ibuat i bas ia nari. Arah situasi enda banci siangkai maka kai pe sijadi pilihenta guna sidalanken tentu e me si mehulina.
Praktekna genduari i bas pelaksanaan PJJ ras PA bage pe Kebaktin si debanna pe perlu ka si pepayo. Ola min terganggu dahin megiken Kata Dibata ntah diskusi erkiteken pangan (snack). Janah, ola ka min erkiteken pangan maka kita lanai siangkan ntah pe rubat ersenina – erturang.
Banci ikataken, maka Marta murkas erkiteken kuskas nikapken pangan dingen kedungenna pandangen iakapna Jesus bage pe Maria, seninana. Enda me benana maka lanai ka mehuli pengelako Marta man seninana. Engkai maka banci bage jadina? Pemena, sisada ngenca iakap Marta ia ndahiken kerina dahin e. Peduaken, kurang akapna Maria nampati ia. Peteluken, suhsah dingen gulut ukurna sabap melala atena ibahanna jine.
PENGKENAINA :
Adi enggo bage jadina, kai dage si mehulina silakoken? Ingetlah kai si enggo ikataken Tuhan Jesus paksa si e: ‘pilihlah si mehuli’ i bas geluhta dingen si lanai banci ibuat i bas kita nari e me megiken Kata Dibata dingen terus erlajar lako ngantusisa alu payo sabab nina pe i bas Roma 10:17, ‘Dage kiniteken rehna arah megi Berita e, janah isi Berita e, e me Kata kerna Kristus’.
Tema PJJ nta e me ‘Ngasup Ngidah Ras Ngaloken Si Mehulina’. Erti tema enda ngajuk kita gelah ngasup ngidah ras ngaloken si mehulina si lit i bas temanta. Janah, rikutken pengogenta teridah maka kengasupenta guna ngidah ras ngaloken si mehulina i bas temanta e lit kawitenna ras pilihen si pentingna i bas kegeluhenta. Matius 6:33 ngingetken kita, ‘Tapi si pentingna kal, daramilah lebe KinirajanNa, janah dalankenlah si ngena AteNa, maka IcukupiNa kai si perlu man bandu’. Kinirajan Dibata ras singena ateNa si datken i bas kita megiken kataNa. Kerna kai si iperluken kita, Dibata ka nge si ncukupkenca. Caranta ndatkenca dingen makekenca banci jadi mehuli kune silakoken erpalasken kebenaren Kata Dibata.
Kune ikawitken ras 5K (kasih, keugaharian, kejujuran, kekerabatan, kesetiaan) tata nilai GBKP maka si enda erkawiten ras kekerabatan. I bas panduan prilaku, si pemena si arus si pepayo e me kuga kita ngergai kerina jelma i bas kerina latar belakangna. Lain gia caranta rukur, lain gia kengasupenta ngidah kerna sada dampar, bage pe si debanna, ola min e erbahanca turah perjentiken tapi tetaplah kita nggeluh sue ras kebenaren Kata Dibata. Ingetlah, maka doni enda e me inganta lako mpermuliaken Tuhan (Calvin: dunia adalah panggung kemuliaan Tuhan).
DISKUSI :
Kenca si pepayo bimbingen dingen teks PJJ nta wari enda, rikutken tema nta ‘Ngasup Ngidah Ras Ngaloken Si Mehulina’, kai nge si pentingna lebe lit i bas kita maka si enda banci jadi dingen terus terulin i tengah-tengahta?
USULEN ENDE-ENDEN: :
- KEE GBKP No. 57:1,3= https://www.youtube.com/watch?v=m_QJtAMB7Gc
- KEE GBKP No. 331:1-2= https://www.youtube.com/watch?v=ud6zYsYd5v0
- KEE GBKP No. 71:1= https://www.youtube.com/watch?v=AzAxheJsv-w
- KEE GBKP No. 374:1= https://www.youtube.com/watch?v=ME1QzKifPBY
DAFTAR BACAAN:
Boland, B.J, Tafsiran Alkitab: Injil Lukas, PT BPK Gunung Mulia, Jakarta, 2001
Ismail, Andar, Selamat Berkarunia, PT BPK Gunung Mulia, Jakarta, 2010
………………….., Selamat Berteman, PT BPK Gunung Mulia, Jakarta, 2010
Prodjowijono, Suharto, Manaje men Gereja, PT BPK Gunung Mulia, Jakarta, 2019
GBP GBKP 2021-2025, Moderamen GBKP, Kaban Jahe, 2021
Anthropos: Jurnal Antropologi Sosial dan Budaya (Journal of Social and Cultural Anthropology)
Pdt. Agustinus Ginting, M.Th
HP/WA: 085261119971