BAHAN PA MAMRE 09 – 15 FEBRUARI 2025

February 10, 2025 Writer-1 Mamre 0

BIMBINGAN PA MAMRE

TANGGAL, 09 FEBRUARI – 15 FEBRUARI 2025

 

Teks       : Matius 17: 24 – 27

Tema     : Nehken tanggung jabab bas keuangen

Tujuan  : Gelah Mamre:

  • Nggejapken maka tanggung jabab bas keuangen Mamre merupaken bagin ibas erkiniteken man Tuhan.
  • Alu ratur, kesadaren penuh (terpanggil) dingen meriah ukur nehken tanggung jababna kerna keuangen Mamre
Yesus membayar bea untuk Bait Allah

17:24 Ketika Yesus dan murid-murid-Nya tiba di Kapernaum datanglah pemungut bea Bait Allah kepada Petrus dan berkata: “Apakah gurumu tidak membayar bea dua dirham itu?” 17:25 Jawabnya: “Memang membayar.” Dan ketika Petrus masuk rumah, Yesus mendahuluinya dengan pertanyaan: “Apakah pendapatmu, Simon? Dari siapakah raja-raja dunia ini memungut bea dan pajak? Dari rakyatnya atau dari orang asing?” 17:26 Jawab Petrus: “Dari orang asing!” Maka kata Yesus kepadanya: “Jadi bebaslah rakyatnya. 17:27 Tetapi supaya jangan kita menjadi batu sandungan bagi mereka, pergilah memancing ke danau. Dan ikan pertama yang kaupancing, tangkaplah dan bukalah mulutnya, maka engkau akan menemukan mata uang empat dirham di dalamnya. Ambillah itu dan bayarkanlah kepada mereka, bagi-Ku dan bagimu juga.”

1) KATA PENARUH

Mamre GBKP eme Lembaga Kategorial Kaum Bapak (selanjutnya disebut Perbapaan) P2P Mamre Pasal 1 ay.1. Sebage lembaga/ organisasi maka ibas Mamre GBKP iaturken kerna program-program kerja ibas dahin pelayanenna. Janah guna menggerakken kerina program programna maka ibutuhken dana (finansial) gelah tersehi kerina rencana program si nggo itetapken. Erkawiten kerna tanggung jabab ibas keuangen enda, mari kita erlajar kerna kai si ilakoken Tuhan Jesus ibas zamanna, khususna kerna yuren Rumah Pertoton. Arah sikap ras tindaken si ibahan Tuhan Jesus, iajuk gelah kerina Mamre GBKP semakin nehi tanggungjabapna. Mari si pebagesi bahan oratenta.

 2) URAIAN TEKS

Ibas bahan oratennta sendah, secara khusus Matius nuriken kerna tanggungjabab Jesus nandangi yuren Rumah Pertoton siberlaku paksa si e. Sikap ras tindaken siilakoken Jesus nggit nggalari yuren sebage bentuk dukungen ras tanggungjabab pelayanen Rumah Pertoton.

Ay 24, sekalak pengutip yuren Rumah Pertoton njumpai Petrus dingen nungkun “Gurundu nggalari yuren Rumah Pertoton ntah lang? Kewajiben nggalari yuren ku Rumah Pertoton enggo lit sejak majekken mulihi Bait Suci Jerusalem kenca pembuangen Babel. Aminna gia ibas pelaksanaanna lit si menentang, tapi kewajiben enda tetap erdalan.

Ay 25a, emaka Petrus ngaloi pemunget yuren ndai alu ngataken: “nggalar”. Jawaben Petrus nuduhken maka Jesus pe tunduk man aturen si berlaku dingen bersedia ncidabken tanggungjawabna kerna yuren enda.

Ay.25b-26, I bas bagin enda kenca Petrus mulih, maka Jesus mperkuanken Petrus alu mengkritisi kerna jawabenna man pemungut yuren rumab pertoton. Jesus erban sada perbandingen kerna raja-raja idoni enda ibas ngutip yuren ntah pajak. “I bas ise nari raja-raja i doni enda enda ngutip yuren ntah pajak? I bas rayatna nari ntah i bas kalak si deban nari?”

Ngaloi Petrus: ‘I bas kalak si deban nari.’ Emaka nina Jesus , “Adi bage rayatna la nggalar.”

Penungkunen si isehken Jesus man Petrus mnerupaken kelazimen si terjadi ibas system pemerintahen imperialisn (penjajahen) paksa si e, emaka kerina beban yuren ntah pajak ibebanken man kalak/bangsa si terjajah, termasuk rumah pertoton si paksa e ibas kendali pemerintahen Romawi. Alu penungkunen enda, maka sura sura Jesus gelah Petrus banci alu mbages memahami bahwa nggalar yuren Rumah Pertoton labo erkiteken tunduk man penjajah tapi lebih asa sie guna kemuliaan Dibata ibas dahinNa. Hal enda alu tangkas ituriken bas ayat selanjutna

Ay 27 gelah ola tondel ukur kalak erdandanken kita, to lawes ku dano ngkawil. Apai nurung si pemena itangkapndu, uak babahna. I bas babahna idatndu kari duit pirak…

Bagin ayat enda ncidahken sikap Jesus si bersedia nggalar yuren rumah pertoton ras la nggit menentangsa ntah pe erdebat kerna argument layak nath la layak nehken yuren. Si pasti sikap siilakoken Jesus eme gelah ola tondel ukur kalak, isertai alu cara si luar biasa eme ngkawil ras uak babah nurung maka dat duit pirak. Sikap ncidahken kepatuhen Jesus nggalar yuren isertai alu cara luar biasa ras mereken yuren lebih asa si ipindo merupaken cerminen hal si positip ibas mpekena kena pelayanen bas rumah pertoton.

 3) PENGKENAINA

Ibas bahan oratenta sendah, kita ipersingeti kerna tata kelola keuangen bas Mamre GBKP. Rikutken P2P Mamre GBKP Pasal 30 sumber pemasukan ibas kategorial Mamre eme:

  • Iuren anggota Rp 60.000/tahun per anggota
  • Persembahan dalam pelaksanaan Penelaahan Alkitab
  • Persembahan Ibadah Kebaktian kegiatan Mamre
  • Sumbangan Persembahan Ucapan Syukur
  • Subsidi Moderamen, Klasis dan Runggun menurut tingkatenna
  • Usaha-usaha lain yang tidak bertentangan dengan P2P Mamre, Tata Gereja GBKP dan perundang-undangan yang berlaku.

 

Janah rikutken pembagin persentase kerna setoren bagi isingetken bas P2P Mamre pasal 31 eme:

  1. Iuren anggota: Kas Mamre sektor (60%), Kas Mamre runggun (25%), Kas Mamre Klasis (10%) ras Kas Mamre Pusat (5%)
  2. Persembahen PA: Kas Majelis Runggun (10%), Kas Mamre sektor (45%), Kas Mamre runggun (25%), Kas Mamre Klasis (15%) ras Kas Mamre Pusat (5%)
  3. Persembahen PA Gabungan tingkat runggun: Kas Majelis runggun (10%), Kas Mamre runggun (70%), Kas Mamre Klasis (15%) ras Kas Mamre Pusat (5%).

 

Arah kerina sumber pemasuken enda me ipake guna ndalanken kerina program-program itengah tengah Mamre baik tingkat Pusat, Klasis bagepe Runggun. Ibas kinata si terjadi, rikut laporen siisehken ibas RPPL Mamre tgl 19-21 Juli i Johor maka sumber pemasuken enda sangat minim. Hal enda si erbanca maka piga piga program Mamre terkendala. Terlebih pe ibas paksa enda khusus kategorial Mamre bagepe Moria la lit mindo subsidi ku Moderamen.

Emaka rikutken bahan oratenta sendah kerina kita Mamre GBKP iajuk gelah nehi tanggungjawab sebage anggota mamre guna mendukung kerina program-program pelayanenta. Bagi sikap siiajarken Tuhan Jesus man Petrus bagi isingetken idatas. Gelah ola tondel ukur kalak, maka yuren e pe igalariNa lebih asa siipindo dingen alu cara si luar biasa guna ndatken sen yuren. Hal enda pe ngajuk kita gelah semakin lebih bersemangat ibas mendukung kerina dahin dahin pelayanen bas Mamre. Alu pengarapen reh ulina dahin e banci si lakoken, semakin tertib bas adminitrasi keuangen ras semakin luar biasa nanam pelayanen e banci si nanami. Tetaplah si inget maka kerina si ilakoken kita e guna kemuliaan Dibata. Mari si sehken tanggungjabapta kerna sie.

 

4) DISKUSI

  1. Oge mulihi ayat 27, kai si imaksudken Jesus ngataken gelah ola tondel ukur kalak i bas nehi tanggungjabap Na nandangi yuren Rumah Pertoton? Turiken
  2. Kenca enggo siorati bahan PA nta sendah, kai kira kira kendala maka Mamre kurang mediate ibas nehi tanggungjabab keuangen. Bereken masukken dingen saran guna pehulisa. Peseh man pengurus Mamre Runggun, Klasis bagepe Mamre Pusat

 

Usulen Lagu

  1. KEE GBKP No. 181: 1,2 https://www.youtube.com/watch?v=C9FbJcPfaHA&
  2. KEE GBKP No. 218: 1,3,4 https://www.youtube.com/watch?v=1X46YRfmW_0
  3. KEE GBKP No. 249: 1,2 https://www.youtube.com/watch?v=JDmwjwQyr34
  4. KEE GBKP No. 68: 1-… (persembahen) https://www.youtube.com/watch?v=J7L2J2z_Xns

 

Pdt. Darius R. Sembiring, M.Th.

HP: 0812 193 1648

 

Post Views: 880