Karya konkrit saitun (pelayanan)
Ogen: 1 Raja-raja 17: 8-16
Tema: Kesangapen I bas nampati
Tujuan: Gelah Saitun:
- Ngasup ngidah perbahenen diberu sarpat.
- Ncidahken biak pertemue
Metode: Saltun erban aksi diakonia guna lingkungen sekitar.
17:8 Maka datanglah firman TUHAN kepada Elia: 17:9 “Bersiaplah, pergi ke Sarfat yang termasuk wilayah Sidon, dan diamlah di sana. Ketahuilah, Aku telah memerintahkan seorang janda untuk memberi engkau makan.” 17:10 Sesudah itu ia bersiap, lalu pergi ke Sarfat. Setelah ia sampai ke pintu gerbang kota itu, tampaklah di sana seorang janda sedang mengumpulkan kayu api. Ia berseru kepada perempuan itu, katanya: “Cobalah ambil bagiku sedikit air dalam kendi, supaya aku minum.” 17:11 Ketika perempuan itu pergi mengambilnya, ia berseru lagi: “Cobalah ambil juga bagiku sepotong roti.” 17:12 Perempuan itu menjawab: “Demi TUHAN, Allahmu, yang hidup, sesungguhnya tidak ada roti padaku sedikitpun, kecuali segenggam tepung dalam tempayan dan sedikit minyak dalam buli-buli. Dan sekarang aku sedang mengumpulkan dua tiga potong kayu api, kemudian aku mau pulang dan mengolahnya bagiku dan bagi anakku, dan setelah kami memakannya, maka kami akan mati.” 17:13 Tetapi Elia berkata kepadanya: “Janganlah takut, pulanglah, buatlah seperti yang kaukatakan, tetapi buatlah lebih dahulu bagiku sepotong roti bundar kecil dari padanya, dan bawalah kepadaku, kemudian barulah kaubuat bagimu dan bagi anakmu. 17:14 Sebab beginilah firman TUHAN, Allah Israel: Tepung dalam tempayan itu tidak akan habis dan minyak dalam buli-buli itupun tidak akan berkurang sampai pada waktu TUHAN memberi hujan ke atas muka bumi.” 17:15 Lalu pergilah perempuan itu dan berbuat seperti yang dikatakan Elia; maka perempuan itu dan dia serta anak perempuan itu mendapat makan beberapa waktu lamanya. 17:16 Tepung dalam tempayan itu tidak habis dan minyak dalam buli-buli itu tidak berkurang seperti firman TUHAN yang diucapkan-Nya dengan perantaraan Elia.
1) BENA KATA
Nampati eme buah kiniteken. Kalak Kristen si nggo ngasup nampati ertina nggo erbuah kinitekenna. Amin bage gia nampati labo perkara simesunah sabab bas nampati melala kal tantangen. Tantangen e banci reh bas diri jine, umpamana biak pelit, la mediate ras sidebanna Bagepe tantangen si rehna arah lingkungen banci akap kalak kita petuatuaken bage pe ras si man sampaten e pe megati arah pengenenta labo biakna man sampaten. Bage me dinamikana i bas nampati, erdandanken tanda erbuah kiniteken, nggo jadi kearusen kita nampati kalak sideban. Maka arah bahan PA-nta iajuk kita guna tetap erlajar kerna biak nampati.
2) MPEBAGESI OGEN
Turi – turin diberu balu – balu Sarpat tentu enggo rusur ibegi. Lit piga – piga hal menarik sibanci jadi bahanta rukur kerna nampati.
Sipemena, arah Elia lit pelajaren maka penampat e situhuna uluna arah Dibata nari. Ela nggeluh bas situasi sulit erkiteken kelegon. I bas situasi enda me benana Elia ilebuh Dibata. Isuruh Dibata la lawes nadingken inganna (ayat 3). Maka nina Dibata man Elia “Enggo Kuperentahken sekalak diberu balu – balu guna mere kam man” (ayat 9). Kata enda ngataken, maka Dibata me sinuruh diberu balu – balu e. Aminna I bas ogen labo lit teridah kata e ndarat arah diberu e nari. Tapi bas nggitna ukurna mereken pangan, inemen man Elia, jelas e rehna arah Dibata nari, hanya kalak si erkiniteken si ngasup ngelakoken sibagenda rupana.
Kenca jumpa ras diberu balu – balu ndai, ipindo Elia nakan ras inemen. Ituriken diberu e ka kecibal kegeluhenna si memang pe lit bas situasi sulit. Labo lebih kal bas ia, janah banci ikataken ia pe terancam. Tapi bas posisi terancam turah kinitekenna kenca begina penjelasen Elia maka adi iberena Elia man, kedungenna kerina kari cukup. Penungkunenna engkai maka dungna iberena? Entah erkiteken iakapna pe lanai ndekahsa waktuna maka uga pa pe mate nge ia? Emaka nandangi mate e ka lah gia erban mehuli, entah i bas paksa e turah pengarapen. Sabab situhuna pe la man sampaten. Enggo me ndekah ia erpengarapen maka lit min sinampati tapi sekalenda enggo reh penampat.
Mbelin kemungkinen sipeduaken enda me situhuna lit bas ukur diberu ndai. Lit turah pengarapenna maka Dibata me simereken kegeluhen, maka enda me waktuna lit perubahen geluhna.
Kenca bage, idalanken diberu e kai siikataken Nabi Elia, isikapkenna alu sikap pangan Elia. Asa si lit iberekenna kerina. I bas sienda labo ia erjudi tapi kinitekenna man Dibata si ngajari ras simpekena – kena ia. Kedungenna, duana me ia sampati Dibata. Elia pe tersampat ras diberu ndai pe tersampat. La terjeng tersampat erkiteken pangan ras lau inemen tapi i je pe turah kiniteken. Nabi Elia isuruh Dibata, dungna tek ia maka Dibata si nuruh ia e me Dibata si mbelin, sinepati janjina. Tupung isuruh Dibata berkat ras nggo lit kari sinampati e terbukti. Arah diberu balu – balu pe turah ka kinitekenna.
I bas situasi sulit, turah pengarapen janah tupung pengarapen e mereken keselamaten, i je turah kiniteken. Si enggo arusna mate erkiteken kelehen la sahun mate sebab ikelengi Dibata ia. Seh maka minak bas botol la kurang – kurang ras tepung pe la keri- keri.
3) PENGKENAINA
I bas kegeluhenta selaku kalak Karo lit istilah biak pertemue entah pe bas bahasa si rusur ipake eme kap hospitalitas (keramahtamahan), SIkap diberu balu – balu i kuta Sarpat eme kap perbahanen si metemue. Perbahanen sibagenda kepeken gambaren kinteken, erkiteken i bas kita ngasup ngalo – ngalo kalak si deban, kita pe tek maka situhuna kita pe ipebias Dibata. Megati kita erpilihen i bas ngalo – ngalo temue, adi lit siakap ombangna meriah siakap nampatisa tapi adi la bagi ukurta, kurang pedas siakap ia mulih. Situhuna kesangpen kal man banta adi nggit kalak kesilang ku rumahta sabab tek ia banci ia ndatken “keriahen” adi kesilang ku rumahta.
Nampati eme kap dalannta ncidahken keleng ate Dibata, Man kalak si erkiniteken, nampati labo dirina ipelebekenna tapi Dibata. Adi siperdiateken dalanna perjumpan Nabi Elia ras diberu balu – balu, perjumpanna duana eme kap sura sura Dibata. Dibata nge singaturken maka ia banci jumpa. Perjumpanna tentu labo gelah duana ia isampati tapi banci ertambahna kinitekenna.
I bas nampati, erbanca reh bagesna penandainta Dibata. Reh sadarna kita, maka kita enda alat Dibata kap ngenca guna ncidahken keleng ate man kalak si deban. Maka ula kal perban kita lanai kalak jumpa ras Dibata. Ula perban kita si la nggit nampati erbanca kalak la nandai Dibata.
Diberu Sarpat mere arah kekurangen, kita megati mere adi enggo sikap. Lit kang kalak ngerana adi nggo kari sikap e nggo dorek. Tapi ndigan kin maka kita nggo sikap. La kin lah mulai kita PERMATA, MORIA/ MAMRE nimai sikap, lalap erbanca la kita nampati? Tentu labo tertimai seh sikap. Arah diberu balu – balu e erlajar kita maka i bas kekurangen kita nampati maka dungna geluhta pe isampatiNa. Siibereken diberu e pe labo arah ia nari tapi arah Dibata.
Selaku kalak sierkiniteken, tek kita maka Dibata me si mpekena-kena geluhta, simasu – masu kita, simereken kerina kal si lit i bas kita, aminna pe lit denga siakap sikurangna. Emaka patut kal kita mere, nampati kalak sideban si lit isekelewetta.
Selamat nampati i bas keriahen man banta kerina.
4) PERTOTON
Tuhan si jadi penampat kami, ajari kami gelah ermeriah ukur katawari paksa pe makeken si lit bas kami guna nampati kalak si deban si lit isekelewet kami si man sampaten, alu la rayo – ayo. Bereken pe man kami pengangkan si mbages, maka kai si lit i bas kami rehna i bas Kam nari. Bereken man kami pusuh si melumbar mere o Tuhan. I bas Jesus Kristus kami ertoto man baNdu. Amin.
5) DISKUSI RAS AKSI
- Erpalasken perbahanen diberu balu – balu i kuta Sarpat, engkai maka ikataken nampati e buah kiniteken?
- Mari si nen jabu i wilayah Gerejanta, lit nge si perlu man sampaten? Mari sipersada arihta, sibereken penempat man bana banci berupa sembako ntah pe beasiswa sekolah. Adi banci sekalenda ula si poto aksinta
6) USULAN LAGU
- KEE No. 195: 1-2
- KEE No. 50: 1,4
- KEE No. 315: 1,4
Pdt. Jefri Alexander Keliat M.fil
Erdalan-dalan ku Sukajulu
Singgah i kede minem teh susu
Si nimbalk Tuhan ndatken palu-palu
Si patuh man baNa ndatken pasu-pasu