ERTEGUHNA KINITEKEN PERPULUNGEN
Perbahanen Rasul-rasul 16: 1 – 5
(Penangkuhen ras Pengukuhen Pertua Diaken)
16:1 Paulus datang juga ke Derbe dan ke Listra. Di situ ada seorang murid bernama Timotius; ibunya adalah seorang Yahudi dan telah menjadi percaya, sedangkan ayahnya seorang Yunani.
16:2 Timotius ini dikenal baik oleh saudara-saudara di Listra dan di Ikonium,
16:3 dan Paulus mau, supaya dia menyertainya dalam perjalanan. Paulus menyuruh menyunatkan dia karena orang-orang Yahudi di daerah itu, sebab setiap orang tahu bahwa bapanya adalah orang Yunani.Paulus menyeberang ke Makedonia
16:4 Dalam perjalanan keliling dari kota ke kota Paulus dan Silas menyampaikan keputusan-keputusan yang diambil para rasul dan para penatua di Yerusalem dengan pesan, supaya jemaat-jemaat menurutinya.
16:5 Demikianlah jemaat-jemaat diteguhkan dalam iman dan makin lama makin bertambah besar jumlahnya.
A. PERSIKAPEN
B. PERPULUNGEN JABU-JABU
1. Rende KEE No 205: 1, 2 “Reh lah Min O Tuhan” (ibabai si mada jabu).
https://www.youtube.com/watch?v=8bzr3hnJdrU
Reh lah min o Tuhan sikap kami k’rina
Ersembah man baNdu jenda
Nusur lah min Tuhan, bahan sikap k’rina
Ukur kami pe badia, O Bapa b’re gelah
Daten pasu-pasu, kami k’rina enda
Tuhan Dibatanta lit bas rumah enda
Nembah kita k’rina baNa
Alu kehamaten mungkuklah man baNa
Kula tendi pe kerina
Aloken kataNa ras pasu-pasuNa
UsekenNa banta
2. Ertoto (Ibabai si mada jabu)
3. Ngoge Kata Dibata: Perbahanen Rasul-rasul 16: 1-5
(ibabai si mada jabu)
4. Renungen (ibabai Pandita/ Pertua/ Diaken)
Tema : Erteguhna Kiniteken Perpulungen
Salah sada tugas, tanggung jabab serayan Tuhan si negelari pe pelayan khusus (Pdt, Pt, Dk) e me mperlengkapi kerina ngawan GBKP gelah ngasup ndalanken misi GBKP (bdk. Tata Gereja GBKP Tata dasar pasal 7 poin 1, 2). Poin pertama misi GBKP e me “menumbuhkembangkan spiritualitas jemaat berbasis Alkitab.” Misi GBKP enda sendalanen ras tema PJJ Minggu enda “Erteguhna kiniteken Perpulungen.” Erteguhna kiniteken perpulungen ertina ergegehna, erpaguhna, erbagesna penandai ras pengangkan perpulungen e kerna Dibata i bas Jesus Kristus, si erbahanca la menukah ia ipengaruhi, ijolah-joleken pengajaren doni enda tapi tetap encidahken kesetianna man Tuhan i bas kerina dampar geluhna.
Ope denga Pelayan khusus e mpeteguhi perpulungen tentu ia lebe enggo enteguh secara kiniteken janah enda me jadi palas man bana guna ndahiken tanggung jababna selaku serayan sue ras pendilo si enggo ialokenna i bas Dibata nari. Ngertiken pendilo selaku serayan Tuhan mbelin hubungenna ras ngertiken penangkuhen selaku serayan Tuhan (Pertua, Diaken).
Ngerana kerna penangkuhen, enda termasuk mengikuti tradisi gereja si pemena si i bas paksa enda tetap denga ilakoken. Erti penangkuhen e me nerusken dahin Tuhan si enggo iendesken man rasul-rasul. Dahin Tuhan la pernah ngadi tapi terus menerus, ipilihNa, iserapkenNa kalak tertentu guna ndahikenca, ertina lit regenerasi (bdk. Perb. 6, ipilih pitu kalak si nampati rasul-rasul). I bas konteks Gerejanta GBKP lit Pertua, Diaken si ipilih Tuhan erkelangken ngawan perpulungen. Kenca terpilih ras ibekali arah pembinaan e maka itangkuhken. Penangkuhen e me pengiket ras pengesahen perpadanen antara serayan (Pt-Dk) ras Tuhan janah nggit ia ndahiken dahin si iendesken man bana. Penangkuhen e me peneguhen pendahin ma Dibata si mada dahin ras man jemaat selaku perwakilen Tuhan i bas milihsa (bdk. Mat. 25: 23: Jadilah juak-juak si tutus, Jakub 5:12 c: adi ue ue, adi lang-lang, ula ue tapi lang). Adi erti penangkuhen enda enggo tangkas ras tetap ijemak alu enteguh la banci lang kehadiren serayan e erbahanca erteguhna kiniteken perpulungen Tuhan.
I bas bahan PJJ enda teridah uga Paulus ras Timotius ngertiken penangkuhenna selaku rasul ras ajar-ajar Jesus alu palas lit pengendesen dirina man Tuhan. Timotius (bapana kalak Junani, nandena kalak Jahudi), amin nguda denga, tapi ia enggo muat bagin i bas ngelai perpulungen sabab ia enggo ikataken “ajar-ajar.” Timotius ipebelin-pebelin i bas keluarga si erkiniteken, ninina (Lois) ras nandena (Eunike) e me kalak si erkiniteken. Timotius ikataken kalak ia mehuli, (labo ban keluarga, kade-kade, labo ban lit hubungen emosional, labo ban ia bayak) tapi mehuli kin, janah kiniulinna e labo terjeng piga-piga kalak singatakenca tapi kalak si lit i daerah Listra ras Ikoni. Kiniulin Timotius tentu buah kinitekenna man Tuhan. Enda ngatakenca maka enterem kalak si mperdiateken ras nilai Timotius. I bas akhir penilaian ikataken ia kalak mehuli. Tentu enda ka pe jadi alasen ras pertimbangen man Paulus guna njadiken Timotius jadi temanna ngelai. Kesempaten enda ipakeken Paulus alu leben nunatken Timotius. Engkai maka ia isunat? Adi menurut keputusen Sidang i Jerusalem, adi lit perkawinan campuren maka anak ngikut nande. Timotius nandena Jahudi, bapana Junani. Adi nandena Jahudi maka Timotius pe ianggap Jahudi arusna i la wajib sunat. Tapi Timotius isunatken Paulus guna mengantisipasi gelah ola jadi batu antuken man kalak Jahudi. Kenca lanai iakap lit rongketna maka ibenakenna me dahinna alu niari kuta-kuta ras ipesehna kai si enggo itetapken rasul-rasul ras pertua-pertua, gelah ipatuhi kerina perpulungen. Timotius nerusken dahin rasul ras pertua-pertua. Alu bage maka erteguhna kiniteken perpulungen. Enda banci tersehi ibenai alu Timotius leben erbahan usihen, ia nggeluh i bas kata Dibata si iberitakenna man enterem jelma, teridah ulihna teptep wari reh teremna anggota perpulungen. Enda nuriken man banta maka kiniteken ras ketedehen ate perpulungen ikut i bas kegiaten gereja mbelin kal ipengaruhi pelayanen serayan. E maka selaku serayan amin erbage latar belakang, keadaan ekonomi, pendahin, pendidiken ras si debanna, gejaplah maka Tuhan si enggo milihsa kita, mehergalah min iakap serayan e dahin si enggo iendesken man bana, pakeken bagi sura-sura Tuhan si mada dahin e, erteguhnalah kiniteken perpulungen arah pelayanen sinilakoken kita i bas gelar Tuhan.
5. Nuriken Penggejapen
• KAKR
• Permata
• Mamre
• Moria
• Saitun
6. Diskusi (Ibabai pengurus PJJ / Moderator PJJ)
1. Kai nge kendala maka megati kiniteken perpulungen e la enteguh?
2. Subuk selaku serayan ras ngawan, kai saja upaya si banci silakoken gelah erteguhna kiniteken perpulungen e?
7. Kesimpulen: ibabai Pandita/ Pertua / Diaken
8. Nehken Persembahen: (Ibabai Pengurus PJJ)
Rende: KEE GBKP No. 396: 1, 3
https://www.youtube.com/watch?v=dduRwJPFQAk
“Kita Enggo Dat Pendilo Dibatanta”
Kita enggo dat pendilo Dibatanta
‘lah ngelai bagi si engggo ibahanNa
Tangkas enggo sura-sura Dibatanta
Gelah kita pe tutus jadi serayanNa
Ola erlatih-latih, janah tetap ukur pe
Erdahin bas peken anggur Tuhan e
Gegeh ras kuasa ijujurkenNa pe
Dibata si masu-masu k’rina dahin e
Singelakoken dahin si mulia e,
Sangap i bas doni sangap i bas surga pe
Tutus ate ertoto mindo man baNa
PenampatNa e me jadi pengarapenta
IA me persukuten ingan man penungkunen
Maka ngasup ndahiken dahinNa e
Sikap ras mehuli janah megeng-geng pe
Gelar Tuhan terpuji ras ermulia pe
9. Pertoton Sapaat Pertoton Sapaat (Iaturken Pengurus PJJ)
‒ Persembahen
‒ Gelah kerina serayan nginget ras ndalanken erti penangkuhen ras pengukuhen
‒ Gelah kerina ngawan perpulungen erteguhna kinitekenna si erbahan ikut muat bagin i bas dahin gereja
‒ Simada jabu ras siturah i bas perpulungen
10. Rende KEE No 430: 1, 3 “Ingetlah Pedah Tuhan“
https://www.youtube.com/watch?v=yU_YnAnAVKw
Ingetlah pedah Tuhan, e me jadi gelemen
Ukuri ras dalanken, tentu dat kesangapen
Reff: Pindo gegeh man baNa, ola erleja-leja
Simpar pasu-pasuNa, ib’rekenNa man banta
Kita k’rina suruhNa, naksiken kuasaNa
Malem ateta banNa, di si ban ‘teNa ngena Reff: …
11. Pertoton Tuhan (Ibabai Pertua /Diaken)
12. Momo
JEDA RAS PENUTUP
Pdt. Sukmadianty Br Tarigan, S.Th.
HP/WA: 08137090186