Ogen : Masmur 148: 6-10
Tema Patuh Mpekena-Kena Tinepa Dibata
Tujun : Gelah Mamre:
1. Meteh uga ulina tinepa Dibata erpalasken teks
2. Ertanggungjabab mpekena-kena tinepa Dibata
148:6 Dia mendirikan semuanya untuk seterusnya dan selamanya, dan memberi ketetapan yang tidak dapat dilanggar.
148:7 Pujilah TUHAN di bumi, hai ular-ular naga dan segenap samudera raya;
148:8 hai api dan hujan es, salju dan kabut, angin badai yang melakukan firman-Nya;
148:9 hai gunung-gunung dan segala bukit, pohon buah-buahan dan segala pohon aras:
148:10 hai binatang-binatang liar dan segala hewan, binatang melata dan burung-burung yang bersayap;
1. KATA PENARUH
Pustaka Sibadia naksiken banta maka mula doni tembe, tangkas kuga belinna dingen ulina pendahin Tuhan I bas kerina tinepa sijadikenNa {Kej. 1: 31, bdk. Konfesi (Pengakuan Iman) GBKP Bab III kerna Ciptaan}. Tapi gundari, uga pengidah ras pengalamenta nggeluh raduken tinepa Dibata sideban? Secara umum, doni (bumi) enda enggo lanai nari sikap. I jah i je jadi kecedan I bas alam: subuk kerna lau, taneh, sinuan-sinuan, rubia-rubia, bagepe udara. Kenca ndabuh ku bas dosa, manusia-sengaja ntah la sengaja- ikuasai sura-sura kedagingenna. Perkembangen teknologi ras industri i Barat iyakini sebage salah sada sumber pecahna harmoni antara manusia ras alam ija teologi Kristen ngajarken bahwa relasi antara manusia ras alam eme dominasi sada nandangi si debanna. Posisi manusia jadi si ngkuasai (ganjangen asangken tinepa si deban) alam lingkungen sikedungenna mpeturah krisis lingkungen (ekologi). Salah sada dampak si menonjol terkait krisis ekologi eme terjadina perubahen iklim. Perserikatan Bangsa-bangsa (PBB) njelasken, “Perubahan iklim disebabkan oleh aktivitas manusia dan mengancam kehidupan di bumi seperti yang kita ketahui. Dengan meningkatnya emisi gas rumah kaca, perubahan iklim terjadi dengan kecepatan yang jauh lebih cepat dari yang diperkirakan. Dampaknya bisa sangat merusak dan mencakup pola cuaca yang ekstrem dan berubah serta naiknya permukaan air laut. Krisis iklim terus berlanjut tanpa henti karena komunitas global menghindar dari komitmen penuh yang diperlukan untuk nengatasi krisis tersebut. Tahun 2O10 – 20I9 merupakan dekade terpanas yang pernah tercatat, yang menyebabkan kebakaran hutan besar-besaran, angin topan, kekeringan, banjir, dan bencana iklim lainnya di berbagai benua. Perubahan iklim mengganggu perekonomian nasional dan memengaruhi kehidupan dan mata pencaharian, terutama bagi mereka yang paling rentan. Antara tahun 2O10 dan 2020, wilayah yang sangat rentan, yang dihuni oleh sekitar 3,3-3,6 miliar orang, mengalami tingkat kematian manusia 15 kali lipat lebih tinggi akibat banjir, kekeringan, dan badai dibandingkan dengan wilayah yang memiliki tingkat kerentanan yang sangat rendah” (https://www.un.org/sustainabledevelopment/climate-change).
Tentu, situasi enda pe banci sigejapken I bas negaranta enda.
Sasaren Pelayanen GBKP Tahun 2022 “Kreatif merawat lingkungan” arus terus silumbaken bas kegeluhenta. Mamre GBKP si merupaken aron Dibata idilo (terpanggil) lako mpekena-kena tinepa Dibata. Guna si e, mari tole erlajar kita arah kata Dibata sijadi bahan PA Mamnre nta I bas minggu enda.
2. URALAN TEKS
Masmur 148 enda penting si oge secara utuh sada perikop benaken ay.1-14, siterbagi jadi 2 (dua) batang mbelin eme ay.1-6 (pujin man Tuhan i Surga nari) ras ay.7-14 (pujin man Tuhan i doni nari). Janah ogen PA nta (ay.6-10) lit i bas akhir bagin si pemena ras i bas bagin sipeduaken, i ja pemasmur nenahken lit 23 gelar si mewakili kerina tinepa i doni guna muji Tuhan. I bas ay.7, sipemena itenahken muji Tuhan eme naga lawit (ula-ular naga) ras lawit simbagesna (segenap samudra dalam). Kelompok enda nggambarken gegeh Si erbanca la ratur (kekacauan/chaos) si enggo ibahan Dibata jadi ratur tupung proses penciptaan. Kelompok tinepa selanjutna eme kerina fenomena si nusur i langit nari: kilap ras baho, salju ras embun bagepe angina (ay.8). Janahkerna si enda pe patuh kerina man perentah Tuhan. Kenca si e, pemasmur nenahken uruk-uruk ras deleng-deleng, kayu si erbuah, ras kerangen (ay. 9) bagepe rubia-rubia (melemuk, meliar, ntah pe njoler) ras perik-perik (ay. 10). Arah teks ogenta enda bahkan secara utuh perikop Masmur 148 enda, intina maka kerina tinepa idilo (terpanggil) guna muji Dibata. Janah pujin man Dibata si nepa si nasa kedungenna bermuara kubas puji-pujin man Dibata si nelamatken bangsaIsrael. Kerina tinepa e enggo itetapken Tuhan inganna seh rasa lalap (bahasa Indonesia Terjemahan Baru Versi 2: “Dia memasang semuanya untuk seterusnya dan selamanya, dan memberi ketetapan yang tidak dapat dilanggar”). Ertina bahwa enggo iaturken Tuhan alu mehuli teptep tinepa siijadikenNa alu mehuli janah e enggo jadi ketetapen Dibata. I jenda siidah kedolaten ras kinimbisan Dibata. She maka inti pujin semesta alam bas masmur enda eme pengakun nandangi kemulian Dibata dingen negasken kuga kerina tinepa ergantung man Tuhan sinepa.
3. PENGKENAINA
“Patuh mpekena-kena tinepa Dibata” siterapken antara lain alu:
Sipemena, mpekena-kena pengajaren ras pengangkan antroposentrisme (pengangkan siterjeng nekanken superioritas manusia) bagepe egosentrisme (pengangkan ras sikap terjeng arah sudut pandang pribadi saja). Arah ogenta ndai siidah maka tinepa Dibata si lit bas doni (bumi) enda ngasup (berpotensi) guna muji Tuhan, eme lawit ras isina, kilap, baho, salju, ras embun, angin, uruk-uruk, deleng, kayu ras kerangen, rubia-rubia ras perik-perik. Kemuliaan Tuhan teridah arah kiniulin tinepaNa, termasuk kerina tinepa enda ndai. Labo manusia ngenca siitenahken ras si ngasup muji Tuhan. Adi mehuli keberadan kerina tinepa enda, ije me terpuji gelar Dibata. Tapi sebalikna, adi ceda alam semesta erkiteken pemahaman ras sikap antroposentrisme ras egosentrisme, si salah sada erbahanca terjadina perubahen iklim, gelar Tuhan lanai terpuji.
Sipeduaken, tentu pengajaren ras pengangkan si man jemaken eme ekosentrisme, ertina semua setara, njaga harmoni ras keseimbangan. Mungkin enggo lit program kerja Mamre kidekah enda lako mpekena-kena tinepa Dibata. Arah PA nta enda, teruslah similiki kesadaren ras pertobaten ekologis, ertina sibere perhatin sicukup bas ngalaken krisis ekologi, khususna perubahen iklim. Perlu terus silumbaken gaya hidup si ramah lingkungen umpamana make kendaraan bermotor seperluna guna ngkurangi asap buangan kendaraan, ngkurangi pemaken benda-benda berbahan plastik, rsd. Selain si e, kerna program penghijauan (reboisasi) bagepe I bas mbuka kerangen menerapken metode tebang-tanam, tentuna perlu siterusken ras sikenbangken. Emaka iperluken geraken bersama alu proaktif I bas Mamnre GBKP guna mpekena-kena tinepa Dibata alu patuh.
4. DISKUSI-AKSI
1. Menurut pengangkanta, engkai maka tinepa si lit bas doni enda (ay.7-10) banci muji Tuhan?
2. Bahanlah aksi konkrit Mamre I bas ncidahken tanggungjababna mpekena-kena tinepa Dibata?
USULEN ENDE-ENDEN
1) KEE GBKP No. 201: 1,2;
2) KEE GBKP No. 260: 2,4;
3) KEE GBKP No. 263:1,2
4) KEE GBKP No. 262:1,2;
5) KEE GBKP No. 471; Persembahen
Pdt. Theodosius Keliat, M.Th.
HP/WA. 0812 6244 0044