CUKUP ERKITEKEN KAI SI LIT

(Tata Nilai Keugaharian)

1 Timotius 6: 6 – 10

6:6           Memang ibadah itu kalau disertai rasa cukup, memberi keuntungan besar.
6:7           Sebab kita tidak membawa sesuatu apa ke dalam dunia dan kitapun tidak dapat membawa apa-apa ke luar.
6:8           Asal ada makanan dan pakaian, cukuplah.
6:9           Tetapi mereka yang ingin kaya terjatuh ke dalam pencobaan, ke dalam jerat dan ke dalam berbagai-bagai nafsu yang hampa dan yang mencelakakan, yang menenggelamkan manusia ke dalam keruntuhan dan kebinasaan.
6:10         Karena akar segala kejahatan ialah cinta uang. Sebab oleh memburu uanglah beberapa orang telah menyimpang dari iman dan menyiksa dirinya dengan berbagai-bagai duka

1. PERSIKAPEN
2. PERPULUNGEN JABU-JABU
3. RENDE KEE No. 184: 2-3 (ibabai si mada jabu)

Ngendes man bana sikap tuhu,
keleng ateNa negu-negu
Mindo man baNa ola medu,
maka ib’reNa pasu pasu

Reff:
Tuhanku Jesus Kam me tetap
Pengendesenku rasa lalap
Temani aku o, Penampat
Tuhanku Jesus Jurus’lamat

Malem me ate di ras IA,
la kai pe kurang ib’rekenNa
KataNa jine seh gegehna, petetap ukur bas geluhta

Reff:

2. ERTOTO (ibabai si mada jabu)
3. NGOGE KATA DIBATA (iogeken si mada jabu)
4. RENUNGEN

Teks       : 1 Timotius 6: 6-10

Tema     : Cukup Erkiteken Kai Si Lit

Salah sada isi pertoton Tuhan si usur sibelasken e me “bereken man kami nakan cukup bas wari sendah enda”. Bas toto enda Jesus la ngajarken man banta gelah nggeluh alu berlebihen, tapi justru Jesus ngajarken man banta gelah nggeluh alu cukup. Labo salah melala ertanta ntah bayak kita, tapi cara geluhta sue ras toto enda dem min alu kecukupen. Kata cukup enda me siipahami alu kata ugahari. Kata enda awalna turah ulihi bas sidang raya PGI. Kata enda banci iertiken kesiapan untuk hidup sederhana.

Salah sada tujun Paulus nulisken suratna man Timotius e me gelah Timotius meteh uga kin kegeluhen sekalak serayan Tuhan. Timotius ngelai i kota Epesus, kota “terbesar ke dua” bas pemerintahen Romawi. Bas kota enda kebiasaanna e me “hidup mewah”, “menghambur-hamburkan uang”, “pesta pora” ras si debanna. Semal pe bas masa e kerina guru ntah filsuf i galari adi ia reh. Kedungenna serayan-serayan Kristen pe nggo terpengaruh. Bas Paulus labo min masalah adi serayan Tuhan ndatken upah selama upah e la jadi motivasi pelayanenna (bdk. 1 Tim. 5: 17-18)

Kiniteken erban kalak bayak. Kebayaken siimaksud bas erkiniteken labo kebayaken erkiteken materi tapi kebayaken spiritual. Perjumpanta ras Tuhan menyadarken kita maka situhuna kita bayak bas Dibata. Kalak si tutus erkiniteken lanai secara sempit ngertiken kebayaken. Lebih asa erga sen enggo ibereken Dibata man banta sierbahanca situhuna kita bayak, salah sadana e me kap keselamatenta. Kalak si enggo erbuah kinitekenna lanai sekedar “memburu kekayaan material” seh maka ikorbankenna kinitekenna. Banci bayak, tapi la e erbahanca maka kita jadi kalak si miskin secara kiniteken.

Paulus nuriken salah sada ciri kita bayak e me adi enggo lit perasaan puas bas kai si lit bas ia. Kata puas i bas Bahasa Yunani “autarkei” si banci iertiken sebage “rasa cukup” i bas kai si lit bas ia, “tanpa membutuhkan pertolongan orang lain”. Sederhanana kalak si enggo merasa puas e me kap kalak si nggo ngasup ngataken bujur i bas ulihna encari. Bas perdalanen kegeluhenta banci jadi nterem denga jelma si la berpuas diri bas kai si lit bas ia. Latih akapna erdahin tapi mesera akapna ngataken bujur.

Terdauhen bas ayat 7 isingetken Paulus kerna kerina kebayaken materil si lit bas kita labo si baba waktu tubuh bage pe labo terbaba kita waktu kita mate. Kata enda mulihi ngingetken kita kerna fungsi kebayaken materil. Labo la perlu, banci igegehi tapi arus iinget maka kerina enda biak si man tadingenken nge pagi. E maka bas ayat 8 nina Paulus cukup min siakap adi lit uis ras nakanta. Tentu lit perubahen konteks genduari kerna pangan ras nakan. Pangan ras nakan lanai terjeng kebutuhen utama tapi pe menunjukkan kelasta. E maka labo ateta mamang adi melala kalak erlumba nukur uis si merga, bermerek, sabab arah uisna e tempa teridah standart kegeluhenna. Bage pe nakan, lanai terjeng gelah besur ras memenuhi keperlun kula tap ingan man e menentuken ise kin kalak e situhuna. Situasi enda tentu la mehuli. Adi erkiteken ngasup labo masalah tapi adi terjeng “demi gengsi”, e si salah.

E maka i bas ayat 9 ituriken, kalak si ersura-sura bayak, ndabuh me ku bas percuban. Sabab sura-sura si lit bas ia e, e me sura-sura si bodoh, si erbahanca ia gedap dingen kernep. Ngayak-ngayak gelah i anggap hebat lit nge kalak igengkenna rutang, si dungna banci erbanca ceda jabu ras si debanna kerina. Megati pe, la terjeng rutang, tap ngelakoken kejahaten, penipuan si erbanca dungna banci berurusen ras pihak berwajib. Biak enda me si ikataken Paulus biak merangap ras kalak merangap lanai tetap i bas kiniteken janah gulut ukurna ibahan erbage-bage kecedan ate. Kehebatan jelma rikutken bahanta wari enda labo kepeken arah merek uis, ras rumah makan ja ia rusur man tapi kalak hebat bas kiniteken adi nggo banci cukup akapna rikutken kai si lit i bas ia.

Bahan PJJnta wari enda mabai kita gelah nggeluhken geluhta sue ras tata nilai gerejanta e me kap keugaharian. Bas GBP ikataken maka biak keugaharian teridah bas kegeluhenta adi kita enggo ngasup ngkuasai diri. Situasi ekonomi lalap berubah-ubah. Kondisi iklim ras peperangen erbahanca ekonomi lalap sulit. Kerina situasi banci sibentasi adi ngasup kita ngkuasai diri. Penguasan diri teridah bas caranta ngidah cukupta. Alu la siarap, megati kal berlebihen kita erkai pe, contohna erdakan. Megati bas kita erdakan, iba rusur nakan, gulen pe mbue man ambekenken. Di kune mbages siukuri, kerina siiambekken kita e perlu erbulan-bulan ka enggo lit, misalna beras, ikan, rsi debanna. E maka, marilah erlajar kita gundari nari terbiasa “secukupna” i bas kai pe. Adi 2 kalak kin i rumah cukuplah untuk dua kalak. Alu bage, la terjeng untung man banta tapi man kalak si deban pe lit gunana, sabab arah ngasup kita makeken.

Dibata si masu-masu kita kerina.

5. PERTUA/DIAKEN/PANDITA nuriken kata Dibata
6. NURIKEN PENGGEJAPEN

• Senina tuan rumah
• Kalimbubu tuan rumah
• Anak Permata
• Anak beru tuan rumah

7. DISKUSI (ibabai Moderator)
   • “Gaya hidup” megati erbahanca mesera siakap nggeluh secara keugaharian. “Gaya hidup” kai nge si idah berkembang bas lingkungenta si la sendalanen ras biak keugaharian? Turiken.
   • Kai Langkah-langkah gelah kita banci nggeluh bas biak keugaharian.

8. PERSEMBAHEN: Rende KEE No. 348: 1-3

Ersembah perlu i bas doni enda
E desken bingke bas kegeluhenta
Ersembah em pedah kata Dibata
Pehaga Tuhan bas kegeluhenta

Isuruh Tuhan ‘lah kita ersembah
Peturah penggejapen si meriah
Kita diloNa ‘lah tutus min gelah
Ngajuk kerina teman reh ersembah

Ersembah kita i bas perpulungenta
Pehaga Tuhan si mada geluhta
Ersembah labo pesenang ukurta
Si sembah Tuhan ‘mpehaga gelarNa

9. PERTOTON SAPAAT RAS PERTOTON TUHAN
10. MOMO

JEDA RAS PENUTUP

 

Pdt. Jepri Alexander Keliat, M.Fil

HP/WA: 081360645511