Bahan PJJ 22 – 28 September 2024

September 23, 2024 Author Dua PJJ Sektor, Sektor Betlehem, Sektor Filipi, Sektor Galilea, Sektor Hermon, Sektor Kana, Sektor Korinti, Sektor Roma, Sektor Yerusalem 0

KATAKEN KATA TUHU

(Tata Nilai Kejujuran)

Bilangen 24: 1 – 3

24:1         Ketika dilihat Bileam, bahwa baik di mata TUHAN untuk memberkati Israel, ia tidak mencarikan pertanda lagi seperti yang sudah-sudah, tetapi ia menghadapkan mukanya ke arah padang gurun.

24:2         Ketika Bileam memandang ke depan dan melihat orang Israel berkemah menurut suku mereka, maka Roh Allah menghinggapi dia.

24:3         Lalu diucapkannyalah sanjaknya, katanya: “Tutur kata Bileam bin Beor, tutur kata orang yang terbuka matanya;

  1. PERSIKAPEN
  2. PERPULUNGEN JABU-JABU
  3. Rende: Aku Senang Jadi Anak Tuhan (ibabai tuan/nyonya rumah, iendeken 2 seh 3 kali)

Aku senang jadi anak Tuhan
Aku senang jadi anak Tuhan
Aku senang jadi anak Tuhan
Anak Tuhan tak boleh bohong

Bohong, bohong, bohong itu dosa
Bohong, bohong, bohong itu dosa
Bohong, bohong, bohong itu dosa
Anak Tuhan tak boleh bohong

  1. Ertoto
  2. Ngoge Kata Dibata

Teks       : Bilangen 24: 1-3 (ibabai tuan/nyonya rumah)

Team     : KATAKEN KATA TUHU

Lit kuan-kuan si rusur si begi nina, “ula belasken kata tuhu, belaskenlah kata tengteng.” Melasken kata tuhu pasti lit resiko, banci la teraloken kalak kita, banci segat pe atena. Tapi adi kata tengteng banci teraloken kalak amin la ietehna situhuna. Banci saja ia ibuali tapi tengteng akapna. Tema PJJ nta sekali enda “kataken kata tuhu”. Erlajar kita arah tokoh Bilham, e me anak Beor, si ringan i Petor, i tepi Lau Eprat I taneh Amaw (Bil. 22: 5), sekalak nabi si ngasup melasken pasu-pasu maka sangap kalak si ipasu-pasuna ras adi isumpahina kalak, maka kena sumpah me kalak si isumpahina (Bil. 22: 6)

Asum Bangsa Israel nerusken perdalanenna ku taneh perpadanen, erkemah me ia i kendit Moap arah Timur Lau Jordan, kepar-kepar Jeriho (Bil. 22: 1). Balak Raja Moap ras kerina rakyatna mbiar megi berita Bangsa Israel enggo lit I daerahna, sabap bangsa Israel e enggo naluken kalak Amori. Kerehen bangsa Israel e enggo jadi ancamen man bana. E maka Raja Balak, nuruh piga-piga persuruhenna ndilo Bilham, mabasa i Petor nari ku Moap guna nampati Moap alu numpahi Bangsa Israel. Balak tek man Bilham, si ngasup nampati naluken Bangsa Israel si ndauh teremen asangken Bangsa Moap. Adi sioge kerina Bilangen 22-24, sijumpai i je maka Bilham kalak si saleh. Enda teridah asum utusen Raja Balak e ndahi ia, Bilham erjanji ngenca maka isungkunna lebe man TUHAN kerna pemindon kalak Moap enda. TUHAN ngataken man Bilham segelah ula ia lawes ras utusen Raja Balak enda ndai. Bilham ndalanken kata Tuhan. La surung ia lawes, isuruhna utusen enda ndai mulih ku Moap. Tapina Balak tetap ersura-sura ndilo Bilham, e maka isuruhna mulihken utusenna si terteremen asa si enggona, e me pemuka-pemuka si lebih terhormat guna njumpaisa. Man Bilham i janjiken kehamaten dingen kinibayaken terbelinen. E maka Bilham ngataken man utusen enda ndai kerina maka ia perlu erpenungkunen mulihken man TUHAN. Situhuna, Bilham nggit nge lawes ras utusen enda ndai njumpai Raja Balak, saja arah dampar si deban Bilham la nggit ngelanggar peraten TUHAN. Merincuh, tapi mbiar man Tuhan, enda me si jadi i bas pusuh Bilham. Erkiteken idah TUHAN situasi Bilham bage, maka isuruhNa ia berkat alu persinget maka kai si ikataken Tuhan e ngenca banci ibahanna. Pepagina, Bilham enggo i datas keledena guna ersikap berkat ras pemimpin-pemimpin Moap ndai. E maka merawa kal Tuhan janah iutusna me malekatNa guna ngambati perdalanenna (Bil. 22: 22-35). Tetap i pedahken malekat Tuhan ndai man Bilham bas nerusken perdalanenna maka kai si isuruh malekat Tuhan guna ikataken Bilham e ngenca banci ikatekenna. Lit dua kali i jenda: “kai si ikataken Tuhan” e ngenca banci ilakoken ras ikataken Bilham.

Kenca jumpa Bilham ras Balak si nenahken di deingen ngasup mereken upah si cukup, tetap Bilham nginget peran malaikat e: “kai si ikataken Tuhan e saja nge ngenca si ikataken ras ilakoken Bilham.” Amin pe man Bilham i janjiken ngaloken upah si mbelin, la ngasup nalihken Bilham bas kebenaren si isehken Tuhan man bana. Seh telu kali Bilham nuruh Balak majekken batar-batar guna nehken persembahen man Tuhan (Bil. 22: 41-23: 10; 23: 13-24; 23: 27-24: 9) ieteh Bilham nge sura-sura Tuhan segelah ipasu-pasuna Israel. Jadi tetap nge pasu-pasu si ibelasken Bilham man Bangsa Israel. Kai si ibahan Bilham i jenda tentuna banci jadi usihen man banta, i ja ia jujur ngataken man Raja Balak maka labo mungkin ia numpahi Bangsa Israel tapi sebalikna, ipasu-pasuna me Israel sabap e kin sura-sura Tuhan. Bilham tetap ngataken kata tuhu ras ndalanken kebenaren aminna lit nge resikona (Bil. 24: 10).

Kawitenna teks renungenta enda ras tema jelas maka arusna kai pe keadaanta, entah lit gia si mindokenca kita erbelas bagi sura-surana segelah kita banci ngaloken upah, aruslah si belasken kata tuhu. Labo bagi kebiasaan si lit i doni enda rusuren nina ABS, “asal bapak senang” kai pe si belasken, kai pe sikataken. Situhuna, arus tangkas identitasta selaku kalak Kristen ras warga GBKP. Sue ras tata nilai salah sadana e me “kejujuran.” I ja iarapken warga GBKP berintegritas, terus terang, ras pang ngataken kata tuhu aminna lit kang tentuna si la senang nandangi kita. Kataken kata tuhu alu tengteng. Pentar i bas ngataken kata tuhu.

  1. Nuriken Kata Dibata ibabai Pandita/Pertua/Diaken
  2. Rende: KEE No. 264: 1

Ateku tedeh man baNdu o Tuhan
Malem me ateku jumpa si erkuasa
Aku megegeh di ras kam o Tuhan
Sabab kam me kapen ulu sinasana

Reff:
Ku begi KataNdu, kata tuhu-tuhu
Keke me ukurku nehken peratenNdu

  1. Ngawan niperpulungen nuriken penggejapen: (bapa, nande, anak)
  2. Rende: KEE No. 350: 1

Kelengi kebenaren pedauh lah si jahat
Pakeken Kata Tuhan tahan ras lalap
Nggeluhlah alu bujur meteruk ukur kin
Dalanken kebenaren maka ukur teneng

Reff:
Erjaga-jagalah reh me wari Tuhan
Ersikap-sikaplah pake Kata Tuhan

  1. Diskusi
    • Erpalasken teks renungenta, kai saja si banci sipelajari arah Bilham enda?
    • Rikutken pengalamenta, pang nge kita melasken kata tuhu aminna gia si eteh pasti lit nge resikona?
  2. Kesimpulen ibabai Pandita/Pertua/Diaken
  3. Rende: KEE No. 323:2

Tadingken si jahat, olangi dosa
Ukurndu meciho la ercinengga|
Pake kebenaren nggeluh bas terang
Ngaraplah man Jesus tentu kam menang

Reff:
Pindo gegeh man Tuhan gelah kam lalap paguh
Ib’reNa kita menang menahang ras senang

  1. Nehken Persembahen, rende KEE No. 450:1-2

Endesken kami man baNdu sada bagin pemereNdu
Persembahen kami baNdu gelah ialokenNdu

Reff:
Pasu-pasuNdu min gelah si tading i bas kami
AjariNdu dage kami m’re persembahen baNdu

Si pepulung persembahen, si endesken e man Tuhan
Asa gegeh kengasupen, mari si persembahken

Reff: …

  1. Pertoton Persembahen
  2. Momo
  3. Pertoton Sapaat idungi Pertoton Tuhan

Kenca dung PJJ snack (adi lit)

Pdt. Andinata Ginting, S.Si. (Teol)
HP/WA: 0813 9145 9999

Post Views: 3,409