Bahan PJJ 15 – 21 September 2024

September 17, 2024 Author Dua PJJ Sektor, Sektor Betlehem, Sektor Filipi, Sektor Galilea, Sektor Hermon, Sektor Kana, Sektor Korinti, Sektor Roma, Sektor Yerusalem 0

SIKELENG-KELENGEN MIN KITA

Johanes 13: 31 – 35

(Tata Nilai Kasih)

13:31       Sesudah Yudas pergi, berkatalah Yesus: “Sekarang Anak Manusia dipermuliakan dan Allah dipermuliakan di dalam Dia.

13:32       Jikalau Allah dipermuliakan di dalam Dia, Allah akan mempermuliakan Dia juga di dalam diri-Nya, dan akan mempermuliakan Dia dengan segera. 

13:33       Hai anak-anak-Ku, hanya seketika saja lagi Aku ada bersama kamu. Kamu akan mencari Aku, dan seperti yang telah Kukatakan kepada orang-orang Yahudi: Ke tempat Aku pergi, tidak mungkin kamu datang, demikian pula Aku mengatakannya sekarang juga kepada kamu. 

13:34       Aku memberikan perintah baru kepada kamu, yaitu supaya kamu saling mengasihi; sama seperti Aku telah mengasihi kamu demikian pula kamu harus saling mengasihi.

13:35       Dengan demikian semua orang akan tahu, bahwa kamu adalah murid-murid-Ku, yaitu jikalau kamu saling mengasihi.”

  1. PERSIKAPEN
  2. PERPULUNGEN JABU-JABU
  3. RENDE: KEE GBKP No. 264: 1

Ateku tedeh man baNdu o Tuhan
Malem me ateku jumpa si erkuasa
Aku megegeh di ras Kam o Tuhan
Sabap Kam me kapen ulu sinasana

Reff:
Kubegi kataNdu kata tuhu-tuhu
Keke me ukurku nehken peratenNdu

 

  1. ERTOTO
  2. NGOGE KATA DIBATA (Ibabai simada jabu)

Teks       : Johanes 13: 31-35

  1. RENUNGEN

Tema     : Sikeleng-kelengen Min Kita

Si jadi oratenta i bas bahan PJJ sekali enda me kerna kemulian Dibata si ipetangkas i bas diri AnakNa Jesus Kristus. KemulianNa e, e me kap Kayu Persilang janah ikataken kemulian erkiteken rehna arah pengorbanen si mbelin alu ngamburken darehNa seh mate jenari keke ras nangkih ku surga. Pengorbanen si ibahan Jesus e, sebage bukti belinna kekelengenNa man doni enda.

Erkiteken si e ikataken Jesus man ajar-ajarNa, “O anakKu, kentisik nari ngenca Aku ras kam”. I bas piga-piga bagin kitab Injil si idah maka Jesus ngataken maka kita selaku ajar-ajarNa e me ‘senina-Na’ (Mat. 12: 50; Mat. 25: 40). Tapi i bas ogenta enda ikataken Jesus man ajar-ajarNa, “O anakku”, ertina amin gia IA lawes tapi labo melumang ajar-ajarNa e itadingkenNa (bdk. Joh. 14: 18). Alu bage labo lit kesirangen i bas kai si enggo ipersadaken dingen irakutNa asum IA nggeluh denga seh ngasa IA mate i kayu persilang, sabab ipadankenNa maka reh denga nge ia pagin. E maka sapih-sapih ajar-ajar pe tetap enteguh iketenna sada ras si debanna i bas ersenina erkitekan radu-radu ‘anak’ i bas gelar Jesus Kristus. Hubungen perseninan enda lit labo erkiteken rembang radu-radu tandang ntah pe ‘jumpa-jumpa je’, tapi erkiteken pendilo Tuhan Jesus dingen igelariNa jadi anak-anakNa. Selaku ngawan perpulungen, mungkin saja lit penggejapen kerna kecibalta i tengah-tengah perpulungen e me sada kebetulen saja. Tapi arah teks enda ipersingeti man banta kerna statusta selaku kalak si erkiniteken e me radu ‘anak’ i lebe-lebe Jesus.

Ibelasken Jesus, “O anakKu, kentisik nari ngenca Aku ras kam”, ertina gelah ajar-ajar e ersikap-sikap nempatken diri selaku senina si erkeleng ate dingen siajar-ajaren nandangi seninana si deban. Sabab gelgel kerna si e iarapkenna i bas Tuhan Jesus nari, e maka la banci lang kenca kelawesen Jesus, mahan bana terbeluh min ia engkelengi temanna. Janah i bas si e, ibereken Jesus ‘pedah si mbaru’ man ajar-ajarNa e me, “Sikeleng-kelengen lah kam bagi Aku enggo engkelengi kam, kam pe min arus sikeleng-kelengen” (ay. 34). Engkai maka ikataken ‘pedah si mbaru’? Erkiteken i bas pustaka nta enggo pernah lit pedah kerna engkelengi i bas padan si ndekah, “…Tapi kelengilah temanndu manusia, bali ras kam engkelengi dirindu jine” (Bdk. Im. 19: 18b). Teridah perbedaan i bas ‘pedah si mbaru’ si nibelasken Jesus kerna engkelengi e sukat-sukatna e me bagi IA enggo engkelengi manusia. Duana pedah enda (si mbaru bage pe si ndekah) mehuli guna idalanken janah labo ‘kontradiktif’. Pengkelengi Dibata man manusia la pernah lit sibarna, bage me kekelengen si ipindoken Tuhan Jesus guna idalanken ajar-ajarNa.

Ndalanken kekelengen bagi Jesus engkelengi ajar-ajarNa e me si perlu sisaksiken man jelma si enterem. I bas Tuhan Jesus engkelengi ajar-ajarNa, labo iarapkenNa ulihna. Enda me si jadi perbedaan si mencolok, maka nina Jesus, “Adi sikeleng-kelengen kam, kerina kalak meteh kam ajar-ajarKu”, ertina lit ciri khas si teridah i bas kekelengen si isehken ajar-ajar e ersenina. Kekelengen si bagi e tentu jadi istimewa ibandingken ras cara-cara doni enda engkelengi si biasana ngarapken lit ulihna. Misalna sekalak jelma nampati kalak si musil, alu arapen arah perbahanenna e mereken kiniulin nandangi geluhna. Bage ka pe si sampati kade-kade, alu arapen bas sada paksa pagi tupung kita perlu pe isampatina mulihi, ntah pe arah dalan si deban reh penampat e. La lit si istimewa i je erkiteken si la kalak Kristen pe bage pengukurina janah beluh kang ia. Tapi si ipindoken Jesus man banta e me perlebe nggejapken uga kin IA enggo engkelengi kita, jenari si usih kerina e i bas kita nehken kekelengen.

 

  1. RENDE: KEE GBKP No. 281: 1

Kek’lgen Jesus kempak manusia
Desken Dibateng engkelengi IA
KekelengenNa maler kap man banta
Adi sipakelah pedahNa

Reff:

Min sikeleng-kelengen kita k’rina
Bagi pedahken Jesus bas pustaka
Sabapna kai sipindo bas gelarNa
Ib’re Dibata man banta

  1. NURIKEN PENGGEJAPEN
  2. RENDE: KEE GBKP No. 381: 2

Sura-sura Jesus Kristus nandangi geluhku

Mpehaga turang senina si sampat-sampaten

Reff:      Ersinalsal terang em si nisuraken Jesus

Ersinalsal terang ku tetap ersinalsal

 

  1. DISKUSI
  • I bas ogenta tersinget kerna pedah si mbaru e me, “Sikeleng-kelengen lah kam. Bagi Aku enggo engkelengi kam,…”. Turikenlah pengangkanta kerna si enda rikutken pengalamenta.
  • Kai saja si erbanca maka la kita ngasup sikeleng-kelengen?
  • Aksi: Bahanlah sada perjumpan khusus si iaturken i bas Jetro/ jabu kepkepen masing-masing guna mpeteguhi kita enda ersenina i bas Tuhan. I bas perjumpan e terbuka kesempaten teptep jabu guna banci sharing ras pe ‘doa berantai’ tandana kita kepate dingen engkelengi temanta sada perpulungen.
  1. KESIMPULEN (Ibabai Pandita/Pertua/Diaken)

 

  1. NEHKEN PERSEMBAHEN, RENDE: KEE GBKP NO. 289: 1-2

Lalap sikataken bujur beritaken kemulianNa
Mbelin pemereNa banta puji gelarNa

Reff:
Dibata kap cilinggementa, malem ateta
Tuhan Dibata penalementa
Penanam-nanam bas geluhta
K’leng ateNa kapen nusur lalap lah ngataken bujur
Ingetlah pedahNa rusur segedang umur

Reff: …

  1. PERTOTON PERSEMBAHEN

  2. RENDE: KEE GBKP No. 400: 2

Sisuanken b’rita keriahen, i bas geluh ni perpulungen
Ersada i bas sada rarasen, kerina si keleng-kelengen
Bas si mehuli la si toganen, radu ras si sampat-sampaten

Reff:
Si beritakenlah Kata ni Dibata
Kesah Si Badia kap si peturahsa
Cidahken arah kata ras perbahanen
Jadi kesaksin man jelma si enterem

  1. MOMO
  1. PERTOTON SAPAAT IDUNGI PERTOTON TUHAN
  2. JEDA RAS PENUTUP

Pdt. Kazpabeni Eben Ezer Ginting, S. Th.

HP/WA: 085296549863

Post Views: 2,556