Bapa Si Ndidik Jabuna
Ibrani 12: 09 – 17
12:9 Selanjutnya: dari ayah kita yang sebenarnya kita beroleh ganjaran, dan mereka kita hormati; kalau demikian bukankah kita harus lebih taat kepada Bapa segala roh, supaya kita boleh hidup?
12:10 Sebab mereka mendidik kita dalam waktu yang pendek sesuai dengan apa yang mereka anggap baik, tetapi Dia menghajar kita untuk kebaikan kita, supaya kita beroleh bagian dalam kekudusan-Nya.
12:11 Memang tiap-tiap ganjaran pada waktu ia diberikan tidak mendatangkan sukacita, tetapi dukacita. Tetapi kemudian ia menghasilkan buah kebenaran yang memberikan damai kepada mereka yang dilatih olehnya.
12:12 Sebab itu kuatkanlah tangan yang lemah dan lutut yang goyah;
12:13 dan luruskanlah jalan bagi kakimu, sehingga yang pincang jangan terpelecok, tetapi menjadi sembuh.
12:14 Berusahalah hidup damai dengan semua orang dan kejarlah kekudusan, sebab tanpa kekudusan tidak seorangpun akan melihat Tuhan.
12:15 Jagalah supaya jangan ada seorangpun menjauhkan diri dari kasih karunia Allah, agar jangan tumbuh akar yang pahit yang menimbulkan kerusuhan dan yang mencemarkan banyak orang.
12:16 Janganlah ada orang yang menjadi cabul atau yang mempunyai nafsu yang rendah seperti Esau, yang menjual hak kesulungannya untuk sepiring makanan.
12:17 Sebab kamu tahu, bahwa kemudian, ketika ia hendak menerima berkat itu, ia ditolak, sebab ia tidak beroleh kesempatan untuk memperbaiki kesalahannya, sekalipun ia mencarinya dengan mencucurkan air mata.
Teks : Heber 12: 9-17
Tema : Bapa Si Ndidik Jabuna
Tujun : Gelah Mamre:
1) Meteh uga kin bapa si ndidik erpalasken teks
2) Ngasup ndidik alu mehuli man jabuna
1. KATA PENARUH
Kathleen Strottman pernah ngataken “Strong families equal strong nation” ertina jabu si megegeh erbanca bangsa si megegeh. Arah ungkapen enda teridah maka jabu memiliki peran penting ibas membangun sada bangsa si hebat. Sabab tep-tep jabu memiliki kontribusi positif guna kemajuan bangsa, tentuna arah njadiken jabuna megegeh (paguh). Guna ndatken si e tentu labo mudah, mbue tantangen ras persoalan baik internal ras eksternal i bas jabu e.
Jabu merupaken unit sosial si kitikna dingen lingkungen pemena si tandai anak. Pengalaman bas jabu enda me si membentuk diri ras karakterna, terutama kinitekenna. Janah orang tua merupaken pendidik pemena ras utama man anak. Terkhusus selaku bapa dingen sebage kepala keluarga, maka bapa e me penanggungjawab keberhasilen pendidiken si mehuli e man anak-anakna.
Bahan oratenta sendah ningetken kerna pentingna pendidiken bas kegeluhenta, terlebih didiken Dibata man banta. Uga pemahamen ras prosesna mari si gargari arah bahan oratenta sendah
2. URAIAN TEKS
Surat Heber megati ikataken sebage surat pastoral man kalak Kristen Jahudi si lit i bas perantauan (diaspora). Hal enda teridah arah mbue kutipen kutipen Septuaginta (Kitab Padan Si Ndekah si berbahasa Jahudi) si ipake bas surat enda. Jadi kuat dugaan maka tujun surat enda man kalak Kristen Jahudi si sangana kote erkiteken mbuena percuban dingen kiniseran si ialamina paksa e. Penulis surat enda mereken persinget ras mpeturah semangat gelah kerina kalak/si tek tetap mempertahanken kiniteken si nggo ialokenna arah Jesus Kristus. Kerna ise penulisna, lit singataken Paulus tapi arah gaya penulisen ras isi kurang cocok, e maka kesimpulenna penulisna anonim (la tersinget gelarna). Amin bage penulis enda sekalak si terpandang dingen meteh tradisi agama Jahudi alu mbages (Heb. 13: 18-24). Surat enda itulisken sekitar tahun 96 M.
Secara khusus isi ogenta nuriken kerna pentingna pendidiken bas geluh, si jadi kunci i bas ngalekan perbeben si cukup mberat man kalak si tek paksa si e. Alu sederhana pemahamen teks enda banci si bagi kubas 3 (telu) bagin e me:
1. Didiken Dibata ras tujunNa (ay 9-11)
Ayat enda ngataken maka dahin bapa e me ndidik anakna alu tujun gelah anak e jadi mehamat man bana (ay 9), bagi mehuli iakapna (ay 10). Tapi Dibata lebihen asa si e ndidik kalak si tek man baNa. Didiken Dibata ngajarken kiniulin man kalak si tek man baNa gelah kalak si tek e dat bagin bas kemulianNa (ay. 10). PengajarenNa erbanca ceda ateta, la meriah siakap tapi e erbanca kalak si tek nggeluh bagi ngena ateNa (ay. 11)
2. Tetap fokus man Dibata (ay 12-13)
Ibas bagin enda penulis menggambarkan situasi kegeluhen manusia bagi mengikuti pertandingen lomba lari. Tan ras tiwen pasti latih (letih), tapi guna jadi pemenang arus tetap semangat ras terus kiam. Teks make kata anarkoum (=build anew, bangun kembali), ertina tetap semangat bagi awalna, tetap terus erjuang seh ku garis batas. (ay. 12). Ertina aminna latih ras mberat, tetap bangkitkan semangat si lit bagi awal mula pertandingen ndai, inget tetap tujun semula, ula kendor.
Bagepe i bas ayat 13. penulis make kata poieo (=dengan sengaja membuat sesuatu, tetap harus, terkendali), ertina maka bas kecibal kai pe si terjadi bas kegeluhen, ula goyah tapi tetap terusken ras tetap ngasup ngkuasai diri (kendaliken diri).
Alu bagin enda penulis ningetken kerna pentingna tetap focus man Dibata arah didiken si isehkenNa. Lit pe tantangen ras persoalen si reh, tetap terus fokus man baNa.
3. Tanda-tanda kalak si nggeluh bas didiken Dibata (ay 14-17)
Bagin enda nuriken kerna tanda-tandana kalak si nggeluh bas didiken Dibata e me:
Meriah ia ras ise pe
La surut I bas lias ate Dibata
Erlagu mehuli dingen ngergai si meherga akap Dibata
Sebalikna, adi la nggeluh ibas didiken Dibata maka :
bagi sinuan-sinuan pagit uratna, nuhsahi dingen racuni nterem jelma
la lit idatna dalan guna ngobah kai si enggo ibahanna
la meteh mehuli, la ngergai simeherga bas Dibata
Hal si manarik i bas bagin enda e me penulis ningetken kerna Esau sebage contoh kalak si la nggeluh ibas didiken Dibata. Radu ras sieteh maka Esau eme anak Ishak, ia pe termasuk kesusuren Abraham si secara darah ras daging ikut i bas iketen perpadanen ras Dibata. Tapi erkiteken Esau la ngasup ngergaken hak kesulungenna si nggo ibereken Dibata ras nukarkenca alu semangkuk bubur maka lalit dalan Esau ngobah kai si nggo ibahanna, kecuali erkadiola. Ertina iketen dareh la menentukan i bas ngaloken pasu pasu Tuhan tapi arah aksi nyata silakoken.
3. PENGKENAINA
Tema bahan PA Mamreta “Bapa Si Ndidik Jabuna”, ningetken man banta selaku bapa maka lit tugas ras peran penting si arus ilakoken kita man jabunta e me jadi pendidik bas jabu. Tradisi pengajaren Shema Israel ngataken mereken pengajaren man jabu emekap tugas bapa (Ulangen 6: 4-9), janah hal senanda iungkapken Paulus i bas Efesus 6: 4, bagepe sedalanen ras bahan ogenta ay. 9. E maka kerina Mamre arus nggit jadi pendidik si mehuli man jabuna.
Pentingna pendidiken kiniteken si menjadi kunci ngatasi persoalan i bas gereja mula mula, jadi persinget si meherga ibas kita menghadapi tantangen masa kini. Kemajuan teknologi ras budaya modern si mengkikis sekat-sekat privasi ntah pe kekerabaten jadi budaya global, mbeneken identitas diri bagepe kinitekenna. Anak- anakta pe banci si akap jadi kalak si deban (orang asing, alien) erkiteken sikapna la bagi si iukurken kita. E maka perlu segera si bangun “benteng pertahanen kinitekenna” seh gelah anak-anakta ngasup nikapken diri menghadapi ras mengatasi tantangen masa depan e. I bas HUT Mamre si pe 29 ken enda, marilah jadi ‘Bapa Si Ndidik Jabunta’, pesikap waktunta guna naruhken/ngiahken anakta ku gereja, erlajar katekisasi, ngiahken PA bagepe ndukung program KA/Kr ntah Permata, rsd. Jadi pendidik bagepe teladan man anak-anakta.
SELAMAT HUT MAMRE
DISKUSI
1. Rikut bahanta, kai pentingna didiken Dibata ku bas kegeluhenta?
2. Selaku bapa itengah jabu, kai nge si nggo ilakokenndu ibas mereken didiken rohani man anak-anakta gelah anak- anak e nggeluh bagi ngena ate Tuhan? Turiken
USULEN LAGU-LAGU
1. KEE GBKP No. 290: 1,2,3
2. KEE GBKP No. 203: 1,3,4
3. KEE GBKP N0. 287: 1,2,3
4. KEE GBKP No. 381: 1-… persembahen
5. KEE GBKP No. 202:1,3
Pdt. Darius Rinaldi Sembiring M.Th
O812-1931648