BIMBINGAN PA MAMRE 18 – 24 AGUSTUS 2024

August 19, 2024 Writer-1 Kategorial, Koinonia, Mamre 0

Ogen     : Lukas 5:1-7

Tema     : Sisampat-Sampaten I Bas Usaha

Tujun    : Gelah Mamre

  • Meteh perlu si nampati i bas Pendahin rikutken teks
  • Ngasup membangun kerja sama (Networking-Teamwork) ibas ndahiken dahinna

 

Penjala ikan menjadi penjala manusia

5:1             Pada suatu kali Yesus berdiri di pantai danau Genesaret, sedang orang banyak mengerumuni Dia hendak mendengarkan firman Allah.

5:2             Ia melihat dua perahu di tepi pantai. Nelayan-nelayannya telah turun dan sedang membasuh jalanya. 

5:3             Ia naik ke dalam salah satu perahu itu, yaitu perahu Simon, dan menyuruh dia supaya menolakkan perahunya sedikit jauh dari pantai. Lalu Ia duduk dan mengajar orang banyak dari atas perahu. 

5:4             Setelah selesai berbicara, Ia berkata kepada Simon: “Bertolaklah ke tempat yang dalam dan tebarkanlah jalamu untuk menangkap ikan.” 

5:5             Simon menjawab: “Guru, telah sepanjang malam kami bekerja keras dan kami tidak menangkap apa-apa, tetapi karena Engkau menyuruhnya, aku akan menebarkan jala juga.” 

5:6             Dan setelah mereka melakukannya, mereka menangkap sejumlah besar ikan, sehingga jala mereka mulai koyak.

5:7             Lalu mereka memberi isyarat kepada teman-temannya di perahu yang lain supaya mereka datang membantunya. Dan mereka itu datang, lalu mereka bersama-sama mengisi kedua perahu itu dengan ikan hingga hampir tenggelam

 

  1. KATA PENARUH

Sisampat-sampaten eme salah sada biak si lit i bas manusia. Hawa ijadiken Dibata gelah banci jadi teman si cocok nandangi Adam (Penolong baginya, yang sepadan dengan dia). Enda ertina mula-mulana nari manusia lain ras rubia-rubia. Biak sisampat-sampaten i bas manusia eme kesetaran ras tanggung jabab, labo saja soal mekuah ate. Hal enda isehken gelah i bas nampati labo saja soal insting bagi rubia-rubia, simegegeh nampati si la mnegegeh tapi si la megegeh banci nge nampati si megegeh. Emaka, kata si sampat-sampaten labo saja ialamatken man si megegeh tapi pe man si la megegeh sabab ngerana kerna sisampat-sampaten labo saja i bas sada dampar tapi mbue dampar i bas kegeluhen manusia. Bage ka me adi ngerana kerna sisampat-sampaten I bas usaha. Tentu labo saja soal mereken pinjamen, tapi pe mereken informasi ntah link, motivasi, saling percaya, rsd., janah si enda banci timbal balik. Apai ka ngerana kerna usaha tentu mbue erbagena, misalna usaha rumah makan BPK, ersawit, kede kopi, rsd. Saja selaku kalak si erkiniteken, selaku Mamre, kai pe usaha e kita perlu si sampat-sampaten labo sebalikna saling menjatuhken.

 

  1. URALAN TEKS

Kata Dibata si jadi teks PA Mamre Lukas 5: 1-7 eme teks sinuriken uga Tuhan Jesus ndilo Simon Petrus ras dua kalak temanna eme Johanes ras Jakup l bas ayat 10. Paksa e Tuhan Jesus ngidah 2 (dua) perahu ngadi i tepi Danau Genesaret janah simada perahu e sangana nikapken jalana (mencuci jala). Kepeken sada berngin kalak enda enggo njala tapi kai pe la datsa. Perbahan paksa e nterem kalak siasak-asaken engkeleweti Jesus guna megiken berita I bas Dibata nari, Emaka inangkihi Tuhan Jesus sada perahu e, janah rembang perahu Simon Petrus. Ipindo Jesus gelah Simon Petrus njemba perahu e sitik nirangken tepi dano. Kenca Ia kundul, ije nari me Jesus ngajar man jelma sinterem.

Kenca dung ngajar, Jesus sekali nari mindo/ nuruh gelah Simon Petrus maba perahu e tertengahen ku ingan si mbagesna jenari ngamburken jalana guna nangkap nurung. Sepintas la lit si salah i bas perentah enda. Tapi, adi inen secara pengalamen ras kebiasan kalak si dahinna njala nurung i bas dano e, perentah enda la biasa. Perentah enda banci ikataken janggal. Adi berngi pe la dat nurung apai ka suari. Tapi si menarik eme amin gia Petrus langa bo tandaina Jesus selaku anak Dibata, Petrus la nogan perentah Tuhan Jesus amin gia secara profesi Petrus lebih ahli soal njala nurung. Tapi kai si terjadi? Kepatuhen Simon Petrus mereken ulih nurung si seh kal buena, seh maka merigat atena jala e. Janah keberhasilen enda la saja jadi keberhasilenna sisada ntah kelompokna i bas perahu e tapi pe teman-temanna si lit i bas perahu si sada nari. i bas ayat 7 ikataken “emaka ikiapi kalak enda teman-temanna si lit i bas perahu si sada nari ndai gelah reh nampati”. Reh kalak ndai janah isina perahu e duana seh dem, janah menam gedap”. Alu bage teridah maka i bas usaha si sukses perlu ka kepe si nampati bagepe sebalikna perlu teman isampati. Enda me gelarna si sampat-sampaten ija kerina runtung ntah pe dat ulih. Banci sibayangken adi la ndai reh temanna si lit i bas perahu si sada nari, jala pe merigat ras perahu pe gedap perban Buena nurung li bas jala e. Engkai maka bage? Sabab dua pe perahu e menam gedap apai ka adi sada perahu ngenca. Janah sinampati e pe tersampat ka sabab tentuna nurung si mbue ulih njala e ibagi-bagina ka. Payo tangtangna Petrus si erkomunikasi ras Jesus, tapi kenca sukses mbue dat nurung la inikmatina sekalak ntah pe kelompokna saja tapi ikut pe kalak sideban nikmatisa eme kelompok perahu si sada nari. Payo bagi lit kuan-kuan kalak Karo “sisampat-sampaten gelah radu jore”.

 

  1. PENGKENAINA

Tema nta “Sisampat-sampaten I bas usaha”. Kerna tema enda banci ikataken eme sada persinget sabab kinatana megati terjadi la bage, amin gia isadari maka labo lit sada usaha banci maju ras terus bertahan i bas ngalaken tantangen kemajun jaman adi la kin membuka diri lako si sampat-sampaten, ntah pe adi la kin membangun kerja sama bagepe jejaring (networking). Tambah si e, adi kita erlajar arah kata Dibata si jadi palas PA Mamre sendah, maka lit piga-piga hal si perlu jadi cikepen i bas ndalanken usaha:

  • lja lit Kepatuhen/Ketaaten, ije lit Mujizat.
    Kepentaren, pengalamen, jejaring ras kerja sama tuhu perlu i bas kai pe usaha sinilakoken. Saja i bas kinata banci jadi bagi Petrus ras teman-temanna la rulih. i bas keadan si bage sikap Petrus perlu jadi usihenta. bahwa ija lit kepatuhen nandangi perentah Tuhan e, ije lit mujizat, mbue datsa nurung. Bagem pe i bas kegeluhenta, i bas ndalanken usaha e ula lupa patuh man Dibata. Tek kita bagi ikataken Jesus i bas Matius 6: 33, “Tapi si pentingna kal, daramilah lebe KinirajanNa, janah dalankenlah si ngena ateNa, maka icukupiNa kai si perlu man bandu”.

 

  • Sisampat-sampaten. Petrus i bas mengalami keberhasilen ndatken mbue nurung tetap membutuhken penampat kelompok sideban sinampati, janah si nampati pe ndatken pasu-pasu arah ulih si idatken. Alu bage si sampat-sampaten jadi hal penting i bas kai pe usaha siilakoken kita. Kita tetap perlu kerjasama simehuli. Kita perlu pe membangun saling percaya sabab tanpa si e labo banci berkelanjuten i bas hubungen kerjasama si enggo lit janah tentu sangat berpengaruh ku bas kesuksesen usaha si ilakoken kita.

 

  1. DISKUSI
  • Oge mulihi ayat 3-4 jenari diskusiken kai nge sababna maka Simon Petrus ngikutken kai si isuruh Jesus? Jenari turiken kai ka dampakna man Simon Petrus.
  • Kai nge sababna maka sisampat-sampaten e i bas praktekna mesera denga ndalankenca, terlebih i bas bidang usaha? Jenari turiken uga carana gelah prinsip sisampat-sampaten e tangkel i bas kita, la terjeng teori tapi teridah i bas praktekna.

 

USULEN ENDE-ENDEN

 

Pdt. Sabar S. Brahmana, S.Th., MA.

HP/WA. 0813 2266 2242

 

Post Views: 1,013