Nggeluh Bagi Kalak Bebas

Teks : 1 Petrus 2: 11 – 17

Tema : Nggeluh Bagi Kalak Bebas

Tujun : Gelah Mamre

1) Ngantusi erti uga kin nggeluh bagi kalak bebas erpalasken ogen

2) Ngasup nggeluh bagi kalak bebas bagi singena ate Tuhan

 

2:11 Saudara-saudaraku yang kekasih, aku menasihati kamu, supaya sebagai pendatang dan perantau, kamu menjauhkan diri dari keinginan-keinginan daging yang berjuang melawan jiwa.

2:12 Milikilah cara hidup yang baik di tengah-tengah bangsa-bangsa bukan Yahudi, supaya apabila mereka memfitnah kamu sebagai orang durjana, mereka dapat melihatnya dari perbuatan-perbuatanmu yang baik dan memuliakan Allah pada hari Ia melawat mereka.

2:13 Tunduklah, karena Allah, kepada semua lembaga manusia, baik kepada raja sebagai pemegang kekuasaan yang tertinggi,

2:14 maupun kepada wali-wali yang diutusnya untuk menghukum orang-orang yang berbuat jahat dan menghormati orang-orang yang berbuat baik.

2:15 Sebab inilah kehendak Allah, yaitu supaya dengan berbuat baik kamu membungkamkan kepicikan orang-orang yang bodoh.

2:16 Hiduplah sebagai orang merdeka dan bukan seperti mereka yang menyalahgunakan kemerdekaan itu untuk menyelubungi kejahatan-kejahatan mereka, tetapi hiduplah sebagai hamba Allah.

2:17 Hormatilah semua orang, kasihilah saudara-saudaramu, takutlah akan Allah, hormatilah raj

Merdeka ertina bebas, la teriket ras pulah i bas tuntuten. Erkiteken si e maka kemerdekaan tuhu tuhu hal si meherga bas kegeluhen manusia. Janah nterem kalak pang mate gelah banci ndatken kemerdekaan.

Secara umum, nterem kalak ngataken maka kemerdekaan e ertina bebas nggeluh tanpa iketen nari. Banci mereken pendapat tanpa ibatasi, mpeseh aspirasi tanpa ihalangi ntah pe mpeseh sura sura tanpa lit ngolangisa. Tapi Pustaka si Badia nuriken hal si berbeda, kemerdekaan e nuduhken kepatuhen ras ketaaten man Dibata. Kebebasen ras keselamaten memiliki hubungen si erat bas geluh manusia. Terlebih i bas sikap nggeluh kalak si tek. Uga kin pemahamenna ras kai si arus silakoken Mamre kerna si e, radu ras si pebagesi bahan oratenta enda.

2. URAIAN TEKS

Tulisen enda itujuken Rasul Petrus man perpulungen si sangana ndatken kiniseran (1: 1) si lit i bas daerah Pontus, Galatia Kapadokia, Asia Kitik ras Bitinia. Paksa si e Kerajan Romawi i bas masa pemerintahen Kaisar Nero – salah sada kaisar si kejam man kalak kristen, sekitar tahun 60 M. Arah surat enda Rasul Paulus mereken semangat ras pergegeh gelah kerina kalak si tek tetap paguh bas kinitekenna erkiteken keselamaten si nggo ilakoken Tuhan Jesus. Secara khusus ibas bahan ogenta, Rasul Petrus nuriken kerna cara nggeluh kalak Kristen menuju kubas kedewasaan si serta. Secara sederhana ogenta nuriken 3 (telu) sikap si arus lit bas geluhta e me:

1. Nggeluh i bas Kebadiaan (ay 11-12)

Bagin teks enda berhubungen denga ras ayat sebelumna, i ja Petrus ningetken kerna situasi masa lalu “Nai kam labo anak-anak Dibata, tapi genduari kam nggo jadi anak-anakNa. Nai la ietehndu perkuah ate Dibata, tapi genduari nggo ialokenndu perkuah ateNa” (ay. 10). Alu latar belakang enda Petrus ngataken alu tegas bahwa ngaloken keselamaten tuhu tuhu jadi keriahen bas geluhta sebab terjadi perubahen status ras keadaan, e me jadi anak-anak Dibata ras ndatken perkuah ateNa. Kai si nggo ialoken kalak si tek e arus tetap ipertahanken dingen iperjuangken alu tetap nggeluh i bas kebadiaan. I bas si e Petrus mindo alu mesangat man perpulungen si tek man Dibata paksa e. Nggeluh i bas kebadiaan si imaksudkenna e me: ula ikutken kininggiten daging, mehuli lagu langkah man kalak si la nandai Dibata seh ipujina Dibata i bas wari kerehenNa ku tengah tengah kegeluhen kalak e. Alu bage maka nggeluh i bas kebadian e arus tetap ilakoken segedang geluhta.

2. Nggeluh i bas Kepatuhen (ay 13-14)

Petrus ningetken maka dasar kepatuhan bas diri kalak si tek e me Dibata sebage pemegang otoritas tertinggi. Erkiteken kalak si tek mengakui maka kerina si nasa lit bekas tan Dibata si nepasa. Janah i bas dampar si deban lembaga manusia/pemerintahen e pe jadi erkiteken ketetapen Dibata. Bagi nina John Calvin,”Ketaatan harus diberikan kepada semua yang memerintah, karena mereka telah diangkat pada kehormatan itu bukan karena kebetulan, tetapi oleh prouidentia Allah.” Jadi kalak si tek arus tetap ncidahken kepatuhenna man pemerintah sebage warga negara sekaligus jadi kepatuhen man Dibata. Namun tetap perlu ikritisi bahwa kepatuhen man pemerentah ilakoken kalak si tek erkiteken Dibata, maka di kune pemerentah erban si bertentangen ras peraten Dibata maka Petrus ngataken e perlu ipersingeti/iabaiken (bd. Perb, 4: 19; 5: 29).

3. Nggeluh erkemalangen man Dibata (ay 15-17) Bas bagin enda Petrus mulihi ningetken kerna sura-sura Dibata man kalak si tek rikut pe ras tujun Dibata kerna si e:

– Erban si mehuli gelah ipesinikndu kalak bodoh si luam cakapna.

– Nggeluh bagi kalak bebas, la nutupi si jahat tapi nggeluh bagi budak Dibata

– Mehamat man kerina manusia ras raja, kelengi teman sada kiniteken dingen erkemalangen man Dibata

3. PENGKENAINA

Arah bahan oratenta enda Rasul Petrus mereken pemahamen si jelas kerna makna jadi kalak si bebas/merdeka. Arah penggalian teks, Rasul Petrus ningetken maka kalak si nggo bebas ertina:

• Nggejapken perubahen status diri.

Adi nai labo anak Dibata, tapi gundari jadi anak Dibata ras nandai perkuah ateNa Perubahen status enda tuhu-tuhu sangat kontras. Alu kata sideban, mental jadi tawanen (budak) berubah jadi mental anak (pewaris) si ngelakoken biak biak si mehuli i bas Bapana (Dibata) nari. Jadi secara teologis kalak bebas/merdeka e me kalak si ndatken pencerahen ngelakoken biak-biak si mehuli bas geluhna.

• Palas ras arah tujun kegeluhenna jelas.

Lit kepastin nggeluh i bas diri kalak si nggo bebas. Ia lanai teriket i bas bayang-bayang masa lalu, jaminen keselamaten nggo ialokenna, kuasa Dibata si mbelin nggo igejapkenna. Bagepe pemerintah ras pengausa si lit e pe ipahami sebage alat Dibata nehken peraten Na. Alu visi ras misi si nggo jelas man bana maka status dirina semakin berkembang i bas kegeluhenna

• Erdahin ras erguna kiniulin bersama

Bagin enda merupaken kelanjuten ibas visi-misi kalak si nggo bebas. Kegeluhen kalak si nggo bebas e dem alu karya nyata, labo ia perkisat. Tindaken silakokenna kerina guna erban si mehuli man sekeleweta, labo erban jahat ntah nutupi si jahat. Arah kai si ibahanna e teridah kemulian Dibata, Dibata si nggo mereken kemerdekaan bas geluhna bagepe nggeluh merdeka si teridah bas dirina.

Jadi alu bage situhuna keselamaten ras kemerdekaan secara kiniteken memiliki hubungen si erat. Sebab i bas kita ngaloken keselamaten maka tergejap bebas (merdeka) kita bas dosa nari; alu penggejaben bebas (merdeka) e silakoken tindaken-tindaken si erguna bas geluhta seh maka keselamaten situhu tuhu jadi sikerajangenta. Kegeluhen sementara dungna berubah jadi kegeluhen sirasa lalap. Selamat merayaken kemerdekaan RI si pe 79 ken, Mamre tetaplah jadi kalak si nggo bebas bagi si ngena ate Dibata.

4. DISKUSI

1. Rikutken bahan oratenta, kai pendapatndu kerna kawiten antara merdeka (bebas) ras keselamaten?

2. Kai tindaken siarus ibahan Mamre i bas mengisi kemerdekaan enda baik man jabu, gereja ras masyarakat?

USULEN LAGU LAGU

1. KEE GBKP No 183: 1,2

2. KEE GBKP No 323: 1,2,3

3. KEE GBKP No 276: 1,2,3

4. KEE GBKP No 286: 1, 2, 4

5. KEE GBKP No 300: 1.. persembahen

TIM KURIKULUM PA MAMRE

O812 1931 648