Ngajarken Kebadian Nggeluh
Bahan : Imamat 18: 22 – 30
Tema : Ngajarken Kebadian Nggeluh
Tujun : Gelah Mamre
1) Meteh kerna penyimpangen prilaku erpalasken ogen
2) Ngasup ngajarken kebadian nggeluh man jabuna.
Imamat 18: 22 – 30
18:22 Janganlah engkau tidur dengan laki-laki secara orang bersetubuh dengan perempuan karena itu suatu kekejian
18:23 Janganlah engkau berkelamin dengan binatang apapun, sehingga engkau menjadi najis dengan binatang itu. Seorang perempuan janganlah berdiri di depan seekor binatang untuk berkelamin, karena itu suatu perbuatan keji.
18:24 Janganlah kamu menajiskan dirimu dengan semuanya itu, sebab dengan semuanya itu bangsa-bangsa yang akan Kuhalaukan dari depanmu telah menjadi najis.
18:25 Negeri itu telah menjadi najis dan Aku telah membalaskan kesalahannya kepadanya, sehingga negeri itu memuntahkan penduduknya.
18:26 Tetapi kamu ini haruslah tetap berpegang pada ketetapan-Ku dan peraturan-Ku dan jangan melakukan sesuatupun dari segala kekejian itu, baik orang Israel asli maupun orang asing yang tinggal di tengah-tengahmu,
18:27 karena segala kekejian itu telah dilakukan oleh penghuni negeri yang sebelum kamu, sehingga negeri itu sudah menjadi najis–
18:28 supaya kamu jangan dimuntahkan oleh negeri itu, apabila kamu menajiskannya, seperti telah dimuntahkannya bangsa yang sebelum kamu.
18:29 Karena setiap orang yang melakukan sesuatupun dari segala kekejian itu, orang itu harus dilenyapkan dari tengah-tengah bangsanya.
18:30 Dengan demikian kamu harus tetap berpegang pada kewajibanmu terhadap Aku, dan jangan kamu melakukan sesuatu dari kebiasaan yang keji itu, yang dilakukan sebelum kamu, dan janganlah kamu menajiskan dirimu dengan semuanya itu; Akulah TUHAN, Allahmu.”
- KATA PENARUH
Penyimpangan prilaku seksualitas (LGBT: Lesbian, Gay, Beseksual, Transgender) eme hal nyata i bas kegeluhen enda. Menurut Alfred Kinsey, iperkiraken lit 2-4 persen diberu ras 5-10 persen dilaki memiliki orientasi seks sejenis (Seksualitas: Pemberian Allah, BPK G. Mulia, hal. 105). Terlepas arah payo ras langna hasil penelitian enda, i bas kinata pe lit nge kita jumpa kalak si bage. Janah issu enda pernah hangat kal jadi percakapen (viral) i bas gereja, agama si deban ras pemerintah, baik i bas ranah regional, nasional ras pe internasional. Seh asa genduari pro-kontra kerna Si e tetap terjadi. E maka, perlu kal masalah enda sisikapi.
Selaku Mamre si tek man Dibata, palasta ngalaken kerina keadaan eme kata Dibata. Sabab, “… KataNdu kap kebenaren” (Joh.17: 17b). Sukat-sukatta (ukuran) menilai kebenaren sada-sada hal e me kata Dibata, “KataNdu kap tendang man nahengku, nerangi dalan si kudalani” (Msm. 119: 105). Arah bahan PA Mamrenta sendah, mari kita erlajar ngantusi sura-sura Tuhan nandangi issu enda! - URAIAN TEKS
1) Kitab Imamat enda itulis Musa, si erkaiten erat ras kitab Keluaren. Isina esme pengarahen si ibereken Tuhan man Musa sedekah dua bulan: Menaken kin enggo dungna Kemah Perjumpan (Ke. 40: 17) ras berkatna bangsa Israel i deleng Sinai nari (Bil. 10: 11).
2) Tujun kitab enda itulis, ngajari bangsa Israel ras imam si jadi kelang-kelang (pengantara) bangsa Israel ras Dibata, uga carana ndeheri Dibata alu dareh perdamen ras nuriken uga orat nggeluh (standart moral) si tetapken Tuhan man bangsaNa.
3) Bahan PA Mamrenta sendah eme bagin topik kerna ‘Persadan kula si ilarang’ (kudusnya perkawinan), si nuriken:
a. Tuhan ngerana arah Musa, maka IA me Dibata si enggo milih bangsa Israel jadi sekerajangenNa ras si enggo mulahisa I bas perbudaken Mesir nari. E maka, perbahanen ntah pe lagu langkah bangsa Israel lanai banci seri ras perbahanen kalak Mesir ntah pe kalak Kanaan si la ngena ate Tuhan. Bangsa Israel arus ngikutken pedah-pedah Tuhan ras ndalanken perentah-perentahNa (ay. 4-5.30). Keleng ate ras perbahanen Tuhan arusna njemba bangsa Israel guna patuh ras malang man Tuhan.
b. Rikut ogenta, perbahanen kalak perbegu, bangsa Mesir ras bangsa Kanaan si la ngena ate dibata eme: 1). Ersada kula dilaki ras dilaki (ay. 22); 2). Ersada kula ras asuh-asuhen (ay. 23). Perbahanen-perbahanen e seh kal melketna ras ciga ate Dibata.
c. Dampak perbahanen si ciga ate Dibata e, taneh si inganina lanai bersih. Iukum Dibata taneh e, seh maka maka iutahken taneh e bangsa si tading ije (ay. 24-25). E me gambaren uga Dibata ngukum ntah pe mpelawes kalak si ndalanken perbahanen si melket e. Enda me si jadi man kalak Kanaan. Tole pe si lebih mberat, kalak si ngelakoken perbahanen si melket e, lanai ia ikira bangsa Dibata (ay. 29).
d. Bangsa Israel, selaku bangsa pilihen Tuhan, si enggo idilo jadi sekerajangenNa, arus berbeda ras doni enda (ay. 30; Rm. 12: 2). Carana eme nggeluh badia ras patuh man perentah-perentah Dibata ras la ngusih perbahanen-perbahanen si ciga ate Tuhan. Alu bage maka bangsa Israel banci nggeluh sue ras pendilo ras rencana Dibata. lje me kemalemen ate situhu-tuhu. - PENGKENAINA
Arah bahan PA Mamrenta, lit piga-piga hal si banci sirenungken terkait kebadian nggeluh (tema):
1) Patuh man Perentah Tuhan.
Bagi Dibata enggo ndilo bangsa Israel jadi bangsa pilihenNa, bage me kita Mamre enggo idilo ras ipilih Dibata jadi sikerajangenNa. Bagi bangsa Israel enggo ipulahi I bas perbudaken Mesir nari, Mamre pe enggo ipulahi idur kematen akibat dosa nari. Nginget bage belinna keleng ate Dibata, rutang kita guna ngikutken ras patuh man perentah Na. E maka, erkiteken Dibata badia, kita pe arus nggeluh badia (19: 2; 1 Ptr.1: 16). I bas nggeluh kebadian e me kita Mamre teridah selaku anak-anak Dibata, sada frekwensi kita ras IA.
2) Nggeluh i bas Kebadian.
a. Badia (Heb. Qdsy), makna dasarna: 1). Menyendiri; 2). Cemerlang. (nin Ensiklopedia Alkitab Masa Kini, hal.618). Secara sederhana banci ijelasken, badia eme ipeserap/iserapken (dipisahkan) guna Tuhan (erkiteken tek), terjadi perubahen pertendin (batin) si teridah arah perbahanen sekalak jelma (moralitas/ etika). Kualitas geluh si bage mahansa Mamre cemerlang. Sabab lit biak ras kuasa Dibata I bas ia.
b. Nggeluh alu badia la banci terlepas arah penandai ras persadan si mehuli ras Dibata. Inget kai si jadi man Jesaya tupung ngejapken kehadiren Tuhan (Jes. 6: 8), perubahen si jadi man Sakeus kenca jumpa Jesus (Luk.19: 8-9). Penandai nandangi Tuhan menghasilken perubahen nggeluh ku si mehuli.
3) Penyimpangen prilaku seksualitas.
a. Ikataken penyimpangen, erkiteken berbeda ras peraten Tuhan.
b. Kasus enda banci engkenai ise saja pe: kita Mamre, anak jabunta, sangkep geluhta, teman erdahinta ras sidebanna. Penyebabna pe rikutken penjelasen para ahli, macam-macam: Bage kin pertubuhna, pelecehen, pergaulen la sehat ras sidebanna. E maka ola kal kita mesunah menilai sesekalak jelma kerna hal enda. Kai si pikirken kita lenga tentu sue ras kinatana. Perlu si eteh, kalak si mengalami penyimpangen prilaku seksualitas e, enggo melala ndatken tekanen persoalen geluh. Harusna kehadirenta guna nampati ia alu proforsional. gelah mampu ia mengatasi masalahna i bas terang kata Dibata.
c. Penyimpangen prilaku seksualitas labo hanya terjeng kalak si erngena ate nandangi sejenis (lesbi, homo, biseks) ras pe ersada kula ras asuh-asuhen, tetapi man kalak si erlua-lua pe enggo nge menyimpang arah peraten Tuhan. Dosa penyimpangen prilaku seksualitas labo lebih parah asa nangko, erbual, munuh ras sidebanna. Kerina dosa mpeturah kematen ras ukumen si rasa lalap. E maka harus kita menyikapi masalah enda secara proporsional.
4) Kata Dibata jadi jemaken
a. I bas menghadapi kasus penyimpangen prilaku seksualitas enda, palasta eme kata Dibata. Asa si pahami kita arah nats PA Mamrenta, jelas, penyimpangen prilaku seksualitas enda melket ras ciga ate Tuhan. Adi la bertobat, iutahken taneh enda me ia ras lanai ibeligai selaku bangsa Dibata. La masuk surga, tapi masuk neraka. Adi rukurlah kita, enda man kebiarenken kal.
b. Adi lit kalak ntah pe temanta si terlibat ku bas penyimpangen enda, tanggungjababta guna notokensa. Adi lit kesempaten kemampuanta, sisampatilah ia bas perbebana gelah ola nilah arah kata Dibata. Kinatana, melala kalak si enggo banci mengatasi masalah enda arah mpebagesi kiniteken, sikap lingkungenna si positif, ertambar ku si ahli i bidangna ras sidebanna.
c. Hal terbaik si banci siban eme tindaken preventif: Kita lebe nggeluh alu badia, Ola kita jadi bagin masalah si banci mpeturah kalak menyimpang i bas prilaku seksualitas. Misalna kekerasen bas rumah tangga (KDRT), prilaku diskriminasi man anak jabu ras si debanna. Alu nggeluh badia, kita maba energi positif si membangun ku kerina atmosfir lingkungenta: jabu, sangkep nggeluh, ingan erdahin ras sidebanna. Arah eme kita teridah selaku Mamre enggo jadi bangsa Dibata.
- DISKUSI
1) Cuba si defenisiken (si turiken) alu pemahamenta, kai pengertin kebadian geluh!
2) Kuga arusna sikapta nandangi kalak si terlibat penyimpangen prilaku seksualitas (pencegahen dan penanganan)?
USULEN ENDE-ENDEN
1) KEE GBKP No. 221: 1-2
2) KEE GBKP No. 163: 1, 5
3) KEE GBKP No. 292: 1, 3
4) KEE GBKP No. 15: 1-2 (Persembahen)
5) KEE GBKP No. 303: 1-2
Pdt. Arapen Peranginangin, M.Th.
HP: 0821 8534 5585