TUHAN SI PERKUAH NGAJARI KITA

30:19 Sungguh, hai bangsa di Sion yang diam di Yerusalem, engkau tidak akan terus menangis. Tentulah Tuhan akan mengasihani engkau, apabila engkau berseru-seru; pada saat Ia mendengar teriakmu, Ia akan menjawab.

30:20 Dan walaupun Tuhan memberi kamu roti dan air serba sedikit, namun Pengajarmu tidak akan menyembunyikan diri lagi, tetapi matamu akan terus melihat Dia,

30:21 dan telingamu akan mendengar perkataan ini dari belakangmu: “Inilah jalan, berjalanlah mengikutinya,” entah kamu menganan atau mengiri.

30:22 Engkau akan menganggap najis patung-patungmu yang disalut dengan perak atau yang dilapis dengan emas; engkau akan membuangnya seperti kain cemar sambil berkata kepadanya: “Keluar!”

30:23 Lalu TUHAN akan memberi hujan bagi benih yang baru kamu taburkan di ladangmu, dan dari hasil tanah itu kamu akan makan roti yang lezat dan berlimpah-limpah. Pada waktu itu ternakmu akan makan rumput di padang rumput yang luas;

30:24 sapi-sapi dan keledai-keledai yang mengerjakan tanah akan memakan makanan campuran yang sedap, yang sudah ditampi dan diayak.

30:25 Dari setiap gunung yang tinggi dan dari setiap bukit yang menjulang akan memancar sungai-sungai pada hari pembunuh yang besar, apabila menara-menara runtuh.

30:26 Maka terang bulan purnama akan seperti terang matahari terik dan terang matahari terik akan tujuh kali ganda, yaitu seperti terangnya tujuh hari, pada waktu TUHAN membalut luka umat-Nya dan menyembuhkan bekas pukulan.

A. PERSIKAPEN

B. PERPULUNGEN JABU-JABU

1. Rende: KEE No. 202: 1 “Ernalem Gelah Man Jesus” (ibabai tuan/nyonya rumah)
https://www.youtube.com/watch?v=EQOdR1sBTbg&pp=ygUHa2VlIDIwMg%3D%3D

Ernalem gelah man Jesus, kula ukur tendingku
Endesken geluhndu baNa, keleng ateNa bandu
Reff: Ernalem gelah, tutus min gelah
O, Jesusku bahan aku, ernalem gelah

2. Ertoto (ibabai Bapa)

3. Ngoge Kata Dibata ibabai tuan/nyonya rumah (Jesaya 30: 19-26)

4. Renungen

Tema : Tuhan Si Perkuah Ngajari Kita

Pembukaan UUD 1945 alinea 4 ngataken maka kemerdekaan bangsanta erkiteken perkuah ate Dibata (Rahmat Allah). Pengakun enda tentu ncibalken Dibata si dem alu kuasa ras perkuah ate si enggo mereken bangsa Indonesia. Enggo 79 tahun kemerdekaan e jadi man banta, patut ngenda kita ngataken bujur man Tuhan, sekaligus ngerenungken seh ija peranta nuduhken kegeluhen selaku kalak si imerdekaken Tuhan. Kemerdekaan si enggo ibereken Dibata teridah min arah kita ndalani kegeluhen si ernalem man baNa labo ernalem ma beluh ras gegehta. Melala gia si jadi lenga bagi siniarapken arus min tetap sicidahken kegeluhen selaku kalak si enggo ibebasken Tuhan.

Bahan PJJ minggu enda ngajari kita ndalani kegeluh si ernalem man Tuhan sabab i bas IA ngenca sidatken kemalemen ate bage pe keselamaten. Jesaya mereken pengertin si mbages kerna Dibata ngenca ngasup mereken kebebasen, keselamaten, kemenangen bage pe pasu-pasu. Bangsa Juda si ndube i bas ancamen Asyur akapna banci selamat arah mindo penampat i bas bangsa Mesir nari labo man Dibata seh maka ukumen jadi man bana erkiteken nundalken Dibata (ay. 2). Kai siniakap Juda megegeh icidahJesaya maka e kerina labo lit gegehna. Hukumen sibereken Dibata arah situasi si mberat man bangsa Juda gelah bangsa enda erkadiola dingen jera ras mulihken ku Dibata. Dibata tetap nuduhken eleng ate ras perkuah ate alu nimai katawari bangsa e mulihken ras mindo penampat man baNa (ay. 18). Icidahken Jesaya maka i bas paksa si e lanai pagi kam tangis sabab Dibata ngaloi kalak si erlebuh man baNa (ay. 19).

Arah kai sikataken Jesaya ndube man bangsa Juda, isehken tole man banta i bas jamanta enda maka:
1. Tetap ernalem man Tuhan.
Kai pe si jadi bas geluhta ntah mawen si la bagi ukurta situasi gundari enda, si man gelementa e me tetap erkiniteken man Tuhan. Kalak singakuken keleng ate ras perkuah ate Tuhan i bas geluhna maka jadi me kepentaren ndemi ia alu tetap ia nggeluh ernalem man Dibata janah ijadikenna Dibata penampatna si tuhu-tuhu. Ertina ula min kita ndarami gegeh si deban tupung lit perbeben si nderpa kita, dibata-dibata si deban, termasuk pe gegeh pemeteh ras kinilitenta (iandingken Mesir = naga si la man kebiaren (ay. 7), tapi jadilah pentar e me alu mengandalken Tuhan si tetap setia nehken perkuah ateNa (ay. 19).
2. Tetap setia i bas dalan Tuhan Megati bas geluh enda kita jumpa persimpangen dalan si man pilihen guna ibentasi. Perbeben nggeluh: pinakit pendahin/jabaten, persoalen anak/rumah tangga, kegagalan, masalah utang si melala, isakiti kalak, bahken banci jadi itebu-tebu kalak, rsd. Megati kita ibabai ku bas dalan pintas bagi siniakap payo siakap kita banci ndungi masalahta. Dalan si idalani kalak alu erpenalemken gegeh ras kai si lit i bas ia tentu e erbahanca jadi kesusahen ras labo ndungi persoalen. Tapi kalak si setia i bas dalan Tuhan maka ibereken Tuhaman bana kepentaren guna megi dalan si man bentasen tupung lit perbebenna seh maka dalan sibentasina e mereken keselamaten ras kemenangen man bana (ay. 20). Bage pe kesetiaan man Tuhan erbahanca kita pe erciga ate nandangi dibata-dibata si deban sabab si eteh maka si e kerina si sea-sea (labo ergegeh ras labo maba kiniulin) (ay. 21).
3. Perkuah ate Tuhan tepat i bas waktuna
Megati kita nungkun katawari ngenda Tuhan nehken perkuah ateNa i bas aku alami kesusahenku. Lirik lagu: “waktu Tuhan pasti yang terbaik.. walau kadang tak mudah dimengerti..”, nampati kita ngertiken uga Dibata tepat waktu i bas nehken penampat man banta. Kalak si ernalem man Tuhan ietehna maka Tuhan e tepat janji ras pas waktuna bage pe sibahan Tuhan kerina maba kiniulin. Ertina si lenga terukuri kita pe situhuna enggo isikapken Tuhan man kalak si ernalem man baNa. Bali bagi janji tupung kam merdang ipesusur Dibata udan guna peturahsa (ay. 22), bage pe isikapken Tuhan kerina alu mehuli seh maka kebutuhen siniperluken kita icukupken Dibata (ay. 23-24).
4. Tuhan e mediate ras kepate man banta
Kai pe si jadi i bas geluhta tek kita maka Tuhan e tetap mediate man banta. Di kune pe lit si ernembeh ate man banta tupung kita ndalanken peraten Dibata labo perlu aru ateta seh maka turah perukurenta erbalas man bana. Jadilah kalak si dem pengertin maka Tuhan nge sinaluken musuh-musuhta. Baginta e me tetap ernalem man Tuhan janah tetap ngelakoken si mehuli gia lit kalak erbahan la mehuli man banta. Padan Dibata e me icidahkenNa kuasaNa man banta alu mereken kemenangen man banta seh maka IA pe “mbaluti luka-lukanta” (ay. 25-26). Banci jadi mberat si man babanta seh maka labuh kita, tapi tek kita maka Tuhan e sinampati kita. Mawen siakap itadingken Tuhan kita i bas ngalaken baban si mberat tapi Tuhan tetap nge mediate ras kepate man banta, banci jadi cikepNa tanta, banci jadi ka owahna kita gelah ula kita cilaka.

Arah pengajaren enda mabai kita encidahken kegeluhen selaku kalak si enggo imenangken Dibata. Melala hal si erbahanca kita erdele ate, tapi i bas Tuhan nge kita ermalem ate. Teridahlah min kinitekenta e alu kegeluhen si serta i adepen Dibata. Kai pe si jadi i bas jamanta enda tetaplah kinitekenta maka Tuhan e erkeleng ate, mediate ras kepate man banta. Kalak si enggo imerdekaken Tuhan maka ia pe jadi pembebas man kalak si deban. Alu bage kegeluhenta pe arus ngenda mediate ras kepate nandangi kalak si deban. Jadilah anak Tuhan alu tetap nggeluh “erguna” i bas kegeluhen enda si e kerina jadi bentuk uga kita ngisi kemerdekaan si enggo ibereken Tuhan man banta.

5. Nuriken Kata Dibata ibabai Pandita/ Pertua/ Diaken

6. Rende: KEE No. 423:1 “Kam Nebusi Aku Tuhan”
https://www.youtube.com/watch?v=zxxQCtDQmFA&pp=ygUHa2VlIDQyMw%3D%3D
Kam nebusi aku Tuhan, Kam si peteneng tendingku
Tendi si ndube tertaban, teguNdu ku adepen Ndu
Reff: Malem kel ateku Bapa, ban keleng ate Ndu
Kupuji gelarNdu Bapa, mulia gelarNdu
TeguNdu lah aku Tuhan
I bas pusuhku Kam ringan
PetetapNdu aku Tuhan
‘Lah dosa talu me kuban

7. Ngawan ni perpulungen nuriken penggejapen
• Bapa
• Nande
• Anak

8. Rende KEE No. 402:1 “Perban kekelengenNdu”
https://www.youtube.com/watch?v=aQX3oP69_fo&pp=ygUHa2VlIDQwMg%3D%3D
Perban kekelengenNdu, tebusiNdu geluhku
Alu mambur darehNdu, luhku jadi mbaru
Reff: Asa ngasup gegehku, kuikutken kataNdu
Jesus Kam si perkuah, kupuji ras kusembah

9. Diskusi
• Turikenlah uga pengertinta kerna perkuah ate Dibata i bas pengalamen geluhta
• Turiken uga caranta ngisi kemerdekaan si enggo ibereken Dibata man banta

10. Kesimpulen ibabai Pandita/ Pertua/ Diaken

11. Nehken Persembahen, Rende KEE No. 471 “Ermengkah ukurku”
https://www.youtube.com/watch?v=M0fSFzco7-k&pp=ygUHa2VlIDQ3MQ%3D%3D
Ermengkah ukurku, ras ngataken bujur Tuhan
Kelengi min aku, Kam empu geluhku
Enda ngenca Tuhan persembahenku
Kerina geluhku kesah ras kulangku
La kap lit bas aku erta kebayaken
Si cukup meherga ‘lah ku persembahken
Sada ngenca Tuhan lit pemindonku
Aloken min Tuhan persembahenku
Pakeken geluhku jadi perkakasNdu
Segedang geluhku

13. Pertoton Persembahen

14. Momo

15. Pertoton sapaat idungi pertoton Tuhan

Kenca dung PJJ, Snack (Adi lit)

Pdt. Alexander Simanungkalit, S.Th.
HP/WA: 081386498009