NGELAKOKEN PEDAH ORANGTUA
(Budaya Karo)
Kejadin 50: 1 – 14
50:1 Lalu Yusuf merebahkan dirinya mendekap muka ayahnya serta menangisi dan mencium dia.
50:2 Dan Yusuf memerintahkan kepada tabib-tabib, yaitu hamba-hambanya, untuk merempah-rempahi mayat ayahnya; maka tabib-tabib itu merempah-rempahi mayat Israel.
50:3 Hal itu memerlukan empat puluh hari lamanya, sebab demikianlah lamanya waktu yang diperlukan untuk merempah-rempahi, dan orang Mesir menangisi dia tujuh puluh hari lamanya.
50:4 Setelah lewat hari-hari penangisan itu, berkatalah Yusuf kepada seisi istana Firaun: “Jika kiranya aku mendapat kasihmu, katakanlah kepada Firaun,
50:5 bahwa ayahku telah menyuruh aku bersumpah, katanya: Tidak lama lagi aku akan mati; dalam kuburku yang telah kugali di tanah Kanaan, di situlah kaukuburkan aku. Oleh sebab itu, izinkanlah aku pergi ke sana, supaya aku menguburkan ayahku; kemudian aku akan kembali”
50:6 Lalu berkatalah Firaun: “Pergilah ke sana dan kuburkanlah ayahmu itu, seperti yang telah disuruhnya engkau bersumpah.”
50:7 Lalu berjalanlah Yusuf ke sana untuk menguburkan ayahnya, dan bersama-sama dengan dia berjalanlah semua pegawai Firaun, para tua-tua dari istananya, dan semua tua-tua dari tanah Mesir,
50:8 serta seisi rumah Yusuf juga, saudara-saudaranya dan seisi rumah ayahnya; hanya anak-anaknya serta kambing domba dan lembu sapinya ditinggalkan mereka di tanah Gosyen.
50:9 Baik kereta maupun orang-orang berkuda turut pergi ke sana bersama-sama dengan dia, sehingga iring-iringan itu sangat besar.
50:10 Setelah mereka sampai ke Goren-Haatad, yang di seberang sungai Yordan, maka mereka mengadakan di situ ratapan yang sangat sedih dan riuh; dan Yusuf mengadakan perkabungan tujuh hari lamanya karena ayahnya itu.
50:11 Ketika penduduk negeri itu, orang-orang Kanaan, melihat perkabungan di Goren-Haatad itu, berkatalah mereka: “Inilah perkabungan orang Mesir yang amat riuh.” Itulah sebabnya tempat itu dinamai Abel-Mizraim, yang letaknya di seberang Yordan.
50:12 Anak-anak Yakub melakukan kepadanya, seperti yang dipesankannya kepada mereka.
50:13 Anak-anaknya mengangkut dia ke tanah Kanaan, dan mereka menguburkan dia dalam gua di ladang Makhpela yang telah dibeli Abraham dari Efron, orang Het itu, untuk menjadi kuburan milik, yaitu lading yang di sebelah timur Mamre.
50:14 Setelah ayahnya dikuburkan, pulanglah Yusuf ke Mesir, dia dan saudara-saudaranya dan semua orang yang turut pergi ke sana bersama-sama dengan dia untuk menguburkan ayahnya itu.
A. PERSIKAPEN
B. PERPULUNGEN JABU-JABU
Rende: KEE No. 263: 1 (iulihi 2x)
Adi kuidah ampar bintang terang
Ras sora lenggur guntar kubegi
O, Tuhanku i je ukurku mamang
Ngidah b’linna k’rina tinepaNdu
Reff: Maka pusuhku e pehaga Kam
Mbelin me Kam o, Tuhanku
Maka pusuhku e pehaga Kam
Mbelin me Kam o, Tuhanku
Ertoto
Renungen
Teks : Kejadin 50: 1-14
Tema : Ngelakoken Pedah Orangtua
Budaya e me identitas ras karakter si penting ijaga bas kegeluhen manusia. Krisis budaya ertina krisis identitas ras karakter. Kinibayaken sada bangsa salah sadana e me multikultural, si erdampak ku kinibayaken i bas hal seni (lagu, tari, uis, pahaten ras si debanna), kuliner bage pe tradisi-tradisi si lit. Piga-piga hal si terpenting i bas budaya e me nilai-nilai si tersistem i bas hubungen e, umpamana: runggu, gotong-royong bage pe pedah-pedah si ikemas i bas ende-enden, pantun ras panggung ngerana. I bas budaya Karo, sada hal si terpenting si la banci la lit e me nehken pedah arah tegun ras panggung ngerana. Ntah i bas si mate-mate, nereh-empo, mengket rumah, ulang tahun, syukuren ras acara-acara kai pe, lit usur pegancih-gancih nehken pedah sue ras tegunna ngerana. I je me teridah kekelengen e alu nehken isi pusuh ras toto arah kita ngerana. Rikut ras bahanta sendah, nehken pedah e me sada hal si arus ibudayaken gelah lit tetap dalanna kita banci radu mpersingeti ras mpegegehi.
Teptep suku bangsa pelain-lain kebiasan si ilakoken guna nehken kehamaten nandangi kalak si enggo mate. I bas budaya kalak Heber, kalak si mbaru denga mate minter iusahaken ikuburken sabab iklim i Timur Tengah si ekstrim melasna erbahanca mait meter macik ras bau. E maka kune lit ibahan acara ope ikuburken, gelah ula mbau mait e, maka irempah-rempahi me lebe. Ikataken i bas ayat 3 maka lit 40 wari dekahna adi ngerempahi mait. Piga-piga tradisi ngatakenca, lit pemahamen asum sie maka tendi kalak si nggo mate lenga lawes kidekah 40 wari. E maka paksa ceda ate lit dekahna 70 wari rikutken kebiasan si lit asum si e (ay. 3-4). Kalak Jahudi i bas nikapken proses penguburen lit piga-piga tahapen, e me: mperidi mait, iminaki, irempahi janah ibaluti uis dagangen (Joh. 19: 39-40, Perb. 9: 36-41), e maka kenca si e ibereken kesempaten man kerina keluarga ras teman meriah guna nehken kecedan atena (Mrk. 5: 38-39). Tradisi enda la bali ras kebiasan ras kiniteken kalak Mesir tupung si e. I bas tradisi Mesir kuno ibahan proses Mumifiasi (pengaweten mait alu imumiken). Kalak Mesir tek maka kula e me rumah tendi, adi kula getem maka tendi mate. E maka lit unsur kiniteken i bas proses pengaweten mait si tujunna guna njaga gelah tetap mejile irawat.
Si menarik i bas bahanta enda e me uga Jusup si enggo ialoken jadi bagin bangsa Mesir, sukses jadi penguasa ras nggo tading i tengah-tengah budaya Mesir, tapi tetap bangga ras njaga identitas dirina selaku kalak Israel alu make adatna i bas proses penguburen bapana Jakup. Amin gia banci ipehagana bapana alu nikapken kuburen si mejilena i Mesir, tapi Jusup milih mpehaga bapana alu ngelakoken kai si enggo ipedahken Jakup man bana. Adi sioge i bas bindu 49: 29-30, enggo leben ipedahken Jakup gelah ikuburken ia i ingan nini-ninina e me i gua Mahpela (Cave of the Patriarchs) kuta Kanaan. Ciri kalak si er-adat ras er-budaya e me kalak si ngasup ken kebiasan bangsana amin gia i ja pe ia. Ngasup ia ndalanken pedah-pedah si mehuli i bas orang tua bage pe nini-ninina tanda nggeluh i bas ia semangat budaya e. Merim gelar Jusup i Mesir seh maka sura-surana guna ndalanken kai si ipedahken bapana man bana ibereken Raja guna ilakoken.
I bas jaman si gundari nggo melala ibahan usaha guna njagai ras melestariken budaya Karo. Khususna kalak i daerah rantau (darat tanah Karo) ibahan persadan-persadan kalak Karo, merga si lima, persadan merga-merga ras anak beruna. Gereja pe mbelin baginna i bas upaya e alu erbahan ibadah inkulturasi, seminar budaya, perlumban ertema budaya ras si debanna. Si enda kerina ilakoken labo erkiteken sekedar romantisme budaya tapi erkiteken memang melala kal si meherga si man pakenken i bas budaya Karo. Kerna kekelengen, kehamaten, kiniersadan, tanggung jawab bage pe perkade-kaden. Lit 4 hal si penting sidalanken arah bahan PJJta si erkawiten ras upaya njagai budayanta:
- Budaya e me Identitas
Prinsip enda si igelem Jusup i bas ia ndalanken adat penguburen man bapana amin gia ia nggo tading i Mesir. - Regenerasi Budaya
Kalak si er-adat e me kalak si mehamat man orang tua bage pe man nini-ninina. Jusup enggo ncidahken maka pedah orangtuana ngasup ia ndalankenca tanda erdalan regenerasi budaya e. - Budaya ras Kiniteken
Jusup kalak si tuhu-tuhu njagai kebadian geluhna seh maka ngasup ia nulak ndehara Potipar alu ngerana nina; “Adi bage i ja nge banci kulakoken perbahanen si la mehuli, janah erdosa man Dibata?” (Kej. 39:9). Budaya ras kiniteken la erlawanen, sebab budaya e pe pemere Dibata nge. - Budaya Si Erdampak Positif man Sekelewet
La lit tantangen si mberat si ialaken Jusup asum idalankenna atena budaya ras peradatna i kuta kalak. Enda bukti maka geluhna pe enggo leben jadi pasu-pasu man sienterem erkiteken jagaina lagu langkahna.
Nuriken Penggejapen
Rende: KEE No. 432: 1-2 (KataNdu Tuhan)
- KataNdu Tuhan seh kal ergana
KataNdu Tuhan seh kal ulina
Ergan asa emas ras permata
Ulin asa erta doni enda
Reff: Ajarilah Tuhan kami ngergakenca
Ajarilah Tuhan kami ertikenca
Ajarilah Tuhan kami ngalokenca
Ajarilah Tuhan kami ndalankenca - KataNdu Tuhan petetap ukur
KataNdu Tuhan paguh la mugur
E me ngenca si la pernah luntur
KataNdu e me ku pake rusur Reff: …
Diskusi:
- Uga nge peran orang tua nandangi budaya man anak-anak i tengah-tengah jabu? Lit denga nge si make Bahasa Karo jadi bahasa teptep wari i bas keluarga?
- Lit denga nge waktu orang tua ercakap-cakap ras anak i tengah jabu guna nehken pedah-pedah? Bicara lit pe kesempaten ngerana, apai nge usuren suasana komunikasi si terjadi antara anak ras orang tua, rwa-rawa ntah tawa-tawa?
Nehken Persembahen: Rende KEE No. 385: 1-3 (Babalah persembahen si merimna)
Babalah persembahen si merimna
Ku adep-adepen Dibatanta
Sehkenlah puji-pujin si mehaga
Man Tuhan Dibata si Badia
S’bab IA si mada kerina
Si lit bas geluh enda
Kataken bujur arah g’luhta
Terpuji gelar Tuhan
Ajari kami make pemereNdu
Guna mpehaga Kam o Tuhanku
Jadi e pe pebelangken KataNdu
I bas kegeluhen doni enda
‘lah gegeh ras pengertin kami
Seh jadi pasu-pasu
Man k’rina kegeluhen enda
Terpuji gelar Tuhan
Pertoton Sapaat ras itutup alu Pertoton Tuhan
• Kerna persembahen
• Lembaga-lembaga budaya Karo
• Peran Gereja nandangi Budaya
• Tuan rumah ras ingan pulung minggu si reh
• Si turah bas perpulungen
• Pertoton Tuhan
Momo
Jeda ras Penutup
Pdt. Roy Firdaus Purba, S.Th. MM
HP/WA: 085359999807