Teks : Jakup 3: 13-18
Tema : Pentar Dingen Erpengangkan
Tujun : Gelah Mamre:
1) Meteh kerna pentar dingen erpengangkan bagi ngena ate Tuhan
2) Ngelakoken kebujuren (tata nilai kejujuren) bas kegeluhenna
Hikmat yang dari atas
3:13 Siapakah di antara kamu yang bijak dan berbudi? Baiklah ia dengan cara hidup yang baik menyatakan perbuatannya oleh hikmat yang lahir dari kelemahlembutan.
3:14 Jika kamu menaruh perasaan iri hati dan kamu mementingkan diri sendiri, janganlah kamu memegahkan diri dan janganlah berdusta melawan kebenaran!
3:15 Itu bukanlah hikmat yang datang dari atas, tetapi dari dunia, dari nafsu manusia, dari setan-setan.
3:16 Sebab di mana ada iri hati dan mementingkan diri sendiri di situ ada kekacauan dan segala macam perbuatan jahat.
3:17 Tetapi hikmat yang dari atas adalah pertama-tama murni, selanjutnya pendamai, peramah, penurut, penuh belas kasihan dan buah-buah yang baik, tidak memihak dan tidak munafik.
3:18 Dan buah yang terdiri dari kebenaran ditaburkan dalam damai untuk mereka yang mengadakan damai.
KATA PENARUH
Adi nggeluh i babo doni mbue kal ngalaken perbeben ras percuban. Adi la kita beluh ngalakenca la banci lang mabai kita ku bas kebenen erkiteken erdauhna ras Dibata nggeluh ngikutken sura-sura daging. Guna si e iperluken kepentaren gelah tetap ngasup ncidahken kegeluhen si ndarami ras ndalanken si ngena ate Tuhan. I bas Pustaka Si Badia Kuan-kuanen 1: 7 isingetken guna ndatken pemeteh si pemena si la banci si la lit i bas kalak e me mehamat dingen erkemalangen man Tuhan. Pemeteh entah pe kepentaren si ni imaksudken e me kebijaksanaan (hikmat). Ulu Kepentaren e me Dibata, erdandanken si e kalak si rembak ras Dibata banci jadi kalak pentar.
URAIAN TEKS
Surat Jakup enda i tujuken man kalak si tek si merap marpar kesilang i babo doni enda. Pengaruh doni erbahanca lanai ngasup encidahkenn kiniteken erkiteken ngikutken “kepentaren” doni enda. Kehadiren anak-anak Dibata i babo doni enda arusna ndalanken misi Dibata gelah doni enda meteh ras ndalanken kepentaren si rehna i bas Dibata nari. Kepentaren si reh i bas Dibata nari ras kepentaren doni enda petembil. Kepentaren si rehna i bas Dibata nari pehuliken, kepentaren si rehna i bas doni enda encedai. Jakup ningetken maka kepentaren si rehna i datas nari ((Dibata) banci terbedaken ras kepentaren si reh i teruh nari (doni). Kepentaren si rehna i bas doni enda nari ipeseri bali biakna ras biak binatang bage pe biak setan e me: cian ate, ngukuri dirina jine, rubati ras erjengil. Biak binatang ras setan ngikutken sura sura daging entah pe nalurina. Penulis kita Jakup ningetken man anak-anak Dibata maka lit lainna kegeluhen anak-anak Dibata i bas ncibalken kegeluhenna i babo doni. Kerembaken ras Dibata erbahanca Dibata ulu kepentaren e mereken kepentaren ras pengangkan si payo nandangi kegeluhenna. Dibata enggo ngembusken KesahNa man manusia si erbahanca lit kepentaren Dibata i bas ia. Si enda me si erbahanca lit perbedan manusia ras rubia-rubia bage pe tinepa Dibata si debanna (Kej. 2:7).
Kalak si pentar ras erpengangkan teridah arah kegeluhenna ngelakoken si mehuli ras meteruk rukur. Biak biak si mehulli e me pusuh peratenna bersih, nggit erdame, lemah lembut ras la megogo, dem alu perkuah ate, la rayo-ayo, tangkas ukur ras tangkas kata. Kepentaren labo terjeng kata-kata entah pe kebeluhen tapi sikap ras cara nggeluh si mehuli. Kepentaren labo teori tapi perbahanen si banci teridah ras ernanam bas kegeluhen.
PENGKENAINA
Lit lima tata nilai bas GBKP si encidahken kegeluhen selaku kalak si pentar ras erpengangkan e me: Kejujuren, Kesetian, Keugaharian, Kekerabatan ras Kasih. Kalak si pentar e me kalak si terteki (jujur). Kai siikatakenna em si idalankenna. Kalak sijujur la nggit erbuni-buni perbahanenna. Kai si ilakokenna ipalasi alu tujun si mehuli. Kejujuren ndarat i bas pusuh si bersih nari teridah arah perbahanen ras cara nggeluh si mehuli. Berbeda ras kepentaren doni kai si ibelaskenna banci petembil ras perbahanen. Kepentaren doni encidahken kegeluhen si pekulah-kulah, “cakap manis ras ndarami popularitas”. Arah kata Dibata enda iarapken gelah cara nggeluh mamre si pentar encidahken kegeluhen i bas kejujuren (terteki i bas kai-kai pe).
DISKUSI
Gelarna Bp. Pentar e maka iakapna ia ngenca sipentarna I bas jabuna, gerejana bage pe kutana. Erkiteken iakapna ia pentar bicara lit masuken entah pe pendapat kalak si deban mesera ngalokenca. Erdandanken si e nterem kalak la nggit ngerana ras ia, sabap man Bp.Pentar cakapna ngenca lalan man beginken. Bp. Pentar la nggit ipersingeti sabap kai si ilakokenna enggo iakapna em sipayona. Bp. Pentar pendahinna ASN tapi “gaya hidup bagi selebritis”, nggeluh erpoya-poya. Barang-barangna ermerek, mobil ras rumahna pe cukup mewah. Bp. Pentar kurang ergaul ras lingkungen bage pe kurang reh er PA Mamre alu alasen la lit waktu, la iakapna meriah ras la levelna. Situhuna enggo rusur ipersingeti temanna Mamre gelah ia nggeluh wajar saja (keugaharian) tapi mekatep ialoina alu sinis ras reh ka rawana erbahanca kalak si deban jadi “tersinggung”. Sada paksa lit kasus korupsi proyek i bas kantor Bp Pentar janah ia ikut terlibat si erbahanca Bp.Pentar pe itangkap janah ertana pe isita.
1) Rikutken cerita i datas, lit kin si idah hubungen cara nggeluh Bp Pentar sedekah enda ras peristiwa siialami Bp Pentar (tertangkap janah ertana pe keri)?
2) Kai si arus ilakoken Mamre gelah ia banci ras tetap jadi kalak pentar? Bereken contoh si konkrit!
USULEN ENDE-ENDEN
1) KEE GBKP 249: 1, 2
2) KEE GBKP 309: 1, 2
3) KEE GBKP 290: 1-
4) KEE GBKP 350: 1, 2
5) KEE GBKP 80: 1, 2
Pdt. Rehpelita Ginting
HP/WA: 0812 939 1004