BIMBINGAN PA MAMRE 14 – 20 JULI 2024

July 16, 2024 Writer-1 Mamre 0

Teks : Hagai 1: 1-11

Tema : Muat Bagin Majekken Mamre Center

Tujun : Gelah Mamre:
1) Meteh kuga Dibata mere persinget man bangsaNa kerna erti pentingna mpelebeken majekken ingan jumpa ras Dibata.
2) Nggit muat bagin ras semangat majekken Mamre Center.

Ajakan untuk membangun kembali Bait Suci
1:1 Pada tahun yang kedua zaman raja Darius, dalam bulan yang keenam, pada hari pertama bulan itu, datanglah firman TUHAN dengan perantaraan nabi Hagai kepada Zerubabel bin Sealtiel, bupati Yehuda, dan kepada Yosua bin Yozadak, imam besar, bunyinya:
1:2 “Beginilah firman TUHAN semesta alam: Bangsa ini berkata: Sekarang belum tiba waktunya untuk membangun kembali rumah TUHAN!”
1:3 Maka datanglah firman TUHAN dengan perantaraan nabi Hagai, bunyinya:
1:4 “Apakah sudah tiba waktunya bagi kamu untuk mendiami rumah-rumahmu yang dipapan dengan baik, sedang Rumah ini tetap menjadi reruntuhan?
1:5 Oleh sebab itu, beginilah firman TUHAN semesta alam: Perhatikanlah keadaanmu!
1:6 Kamu menabur banyak, tetapi membawa pulang hasil sedikit; kamu makan, tetapi tidak sampai kenyang; kamu minum, tetapi tidak sampai puas; kamu berpakaian, tetapi badanmu tidak sampai panas; dan orang yang bekerja untuk upah, ia bekerja untuk upah yang ditaruh dalam pundi-pundi yang berlobang!
1:7 Beginilah firman TUHAN semesta alam: Perhatikanlah keadaanmu!
1:8 Jadi naiklah ke gunung, bawalah kayu dan bangunlah Rumah itu; maka Aku akan berkenan kepadanya dan akan menyatakan kemuliaan-Ku di situ, firman TUHAN.
1:9 Kamu mengharapkan banyak, tetapi hasilnya sedikit, dan ketika kamu membawanya ke rumah, Aku menghembuskannya. Oleh karena apa? demikianlah firman TUHAN semesta alam. Oleh karena rumah-Ku yang tetap menjadi reruntuhan, sedang kamu masing-masing sibuk dengan urusan rumahnya sendiri.
1:10 Itulah sebabnya langit menahan embunnya dan bumi menahan hasilnya,
1:11 dan Aku memanggil kekeringan datang ke atas negeri, ke atas gunung-gunung, ke atas gandum, ke atas anggur, ke atas minyak, ke atas segala yang dihasilkan tanah, ke atas manusia dan hewan dan ke atas segala hasil usaha.”

KATA PENARUH

Rumah Pertoton (Beth Hamiqdash) memiliki peran penting i bas kegeluhen bangsa Israel, terkhusus kalak Juda kenca mulih pembungen nari. I bas kiniteken kalak Israel, rumah pertoton e merupaken simbol ingan jumpa Dibata ras kalak si tek man baNa. Kerina kalak si tek reh ku rumah pertoton guna ersembah dingen ngaloken pasu pasu i bas Dibata nari.

Litna tantangen ras halangen megati jadi penghambat i bas majekken rumah pertoton e. Kisah siituriken kitab Hagai i bas majekken rumah pertoton merupaken hal si megati terjadi bas kegeluhenta paksa enda. Litna persoalen secara internal bagepe eksternal rusur jadi penghambat i bas sura sura majekken ingan jumpa ersembah ras Dibata. Hal si patut jadi pelajarenta, Nabi Hagai banci mengubah pandangen pesimis jadi optimis kalak Juda gelah ersemangat mulihi mbangun rumah pertoton e. Tentu hal enda perlu jadi perenungen si erguna i bas sura sura Mamre GBKP guna majekken Mamre Center GBKP

URAIAN TEKS

Kitab enda itulis sendiri oleh Hagai, ia sekalak nabi dingen ngasup ernubuat (Ezra 5:1, 2; 6: 14). Pelayanenna i bas masa kenca pembuangen Babel, sezaman ras nabi Zakharia, Imam Ezra ras Nehemia. Pokok berita utama si itulisken Nabi Hagai i bas kitabna e me pembangunen Rumah Pertoton sebage pengarapen si mbaru man kalak Juda.

Peristiwa si menjadi latar belakang teks enda e me pasca bangsa Juda mulih i bas pembuangen Babel, maka kerina rakyat Juda mulih ku negerina i taneh Jehuda (Jerusalem) sekitar tahun 536 SM i bas masa pemerintahen Raja Koresy (Darius) Kerajan Persia. Bangsa enda mulih guna mbangun mulihi peradabanna alu mbangun mulihi Kota Jerusalem bagepe Rumah Pertoton i Jerusalem. Hal enda merupaken penggenepen nubuaten Nabi Jesaya ras Nabi Jeremia (Jes 45: 1-3; Jer. 25: 11-12; 29: 10-14).

Mulih i bas pembuangen merupaken berita keriahen man kalak Juda, tapi ngidah situasi ras kondisi si lit sangat memprihatinken, sebab mulih labo sebage kalak si menang perang tapi mulih sebage tawanen, musil ras arus kerja keras mempertahanken kegeluhen. Arah Kitab Ezra (1 ras 2), kenca mulih bangsa enda nggo menaken pembangunen rumah pertoton sedekah 2 (dua) tahun. Tapi erkiteken lit tantangen ras reh musuh, ngadi pembangunenna (Ez. 4, 5). Tapi kenca enggo seh 14 tahun pembangunenna pe tetap la berlanjut.

I bas situasi ras keadaan enda me, perentah Dibata seh man nabi Hagai. Situasi ras keadaan banci saja la mendukung, tapi semangat erkiniteken guna ncidahken kemulian Dibata arah rumah pertoton arus tetap ilakoken. Bahan oratenta ngajarken man banta kerna pokok perenungen si mengubah kalak Juda dungna ikut muat bagin i bas mbangun rumah pertoton.

  1. Nubuat Dibata, pajekken mulihi rumah pertoton (ay 1,3)
    I bas masa tertundana pembangunen rumah pertoton, reh kata Dibata man nabi Hagai guna kalak Juda gelah ipajekken mulihi rumah pertoton e. Bagin enda ngataken maka Dibata la pernah kompromi kerna keadan ras situasi si terjadi bas diri kalak Juda guna ndalanken perentahNa. Sebab Dibata erkuasa nandangi kerina kecibal bas kegeluhen manusia, kai pe ngasup IA erbanca.
  2. Sikap tindaken kalak Juda, mpeturah ukumen Dibata (ay. 2.4:9)
    I bas situasi ras kondisi si memperihatinken kalak Juda ngataken maka pembangunen e langa masana. Bagepe ndahin mbangun rumah pertoton e nggo pernah ilakoken, tapi bangsa sekitar la senang maka dahin e ingadiken. E maka alu alasen si masuk akal dingen pantas, langa denga paksana mbangun rumah pertoton e. Alasen si manusiawi e labo cocok akap Dibata, janah hal enda mpeturah rawa Dibata man kalak Juda.
  3. Sikap tindaken Dibata (ay 5-7, 9-11)
    Bagin enda Dibata ncidahken rawana man kalak Juda arah peristiwa/kejadin si la bagi man bangsa e. Seh kedungenna kerina e erbanca suhsah kalak Juda. Bencana siterjadi e me:
    • ngambur benih tapi sitik ulihna
    • man kam tapi la besur
    • anggur inemndu tapi la bias seh puas
    • ruis nge kam tapi bergehen denga
    • kalak upahen buniken upah bas perbeliten si pultak
    • ibabandu peraninndu ku rumah, Kusempulken pe
    • kubahan kelegon negeri enda
    Bageme tindaken Dibata man kalak Juda, erkiteken la ilakokenna kai si nggo iperentahkenNa man bangsa enda. Ukumen si isehken Dibata labo guna ngkernepken bangsa enda, tapi sebalikna mpersingetisa gelah tetap ngiget dingen ngelakoken bagi si isuraken Dibata. I bas Dibata kap ngenca ulu pasu pasu, janah tetaplah erpengendes dingen ernalem man baNa
  4. Rumah Pertoton: ingan ndatken keriahen (pasu pasu) ras nembah Dibata (ay. 8)
    Pemahamen teologis enda enggo lit benaken tradisi Kemah Suci sangana zaman Musa. E maka ijenda Nabi Hagai ningetken mulihi kerna pemahamen enda man kalak Juda. I bas rumah pertoton e Dibata hadir jumpai kalak sitek man baNa, janah isehkenna pasu pasuNa.

PENGKENAINA

Arah bahan oratenta sendah, teridah tuhu tuhu bangsa Juda mengalami masa si mberat ras sulit pasca pembuangen i Babel nari. Gambaren siituriken idatas mereken keterangen si jelas uga situasi si ialami bangsa Juda paksa si e. Sehingga turah alasen alasen si manusiawi i bas menunda dahin e. Tapi Dibata nulak kerina alasen e, janah IA tetap ngataken maka rumah pertoton e arus i pajekken.
Situasi enda ngajarken 3 (telu) hal penting man banta Mamre, maka:

  1. Ate Dibata labo nuhsahi dingen ngkernepken kalak Juda alu ukumen ntah bencana. Tapi sebalikna gelah tetap nginet Dibata dingen ernalem man baNa.
  2. Gelah bangsa Juda rukur maka labo situasi kondisi si mengendaliken kegeluhenna tapi sebalikna ia si arus mengubah situasi ras kondisi si terjadi man bana. Sabab Dibata tetap ngkawali kegeluhenna.
  3. Ingan si ipajekken e labo ingan biasa saja tapi ingan si banci mereken hal si luar biasa bas kegeluhenna eme ingan jumpa ras Si Mada Kuasa (Dibata)

Sehubungen ras sie, maka i bas Mamre GBKP ersura-sura guna majekken Mamre Center, peristiwa si terjadi man kalak Juda banci jadi perenungen man banta. Mamre Center enda ibangun alu tujun:
a. Sarana pembinaan spiritualitas Mamre GBKP misalna: retreat, kegiaten Rohani bagepe kegiaten organisasi Mamre.
b. Pusat pemberdayaan Mamre dalam rangka pengembangan kemampuan/skill alu erban workshop ntah seminar.

Sura-sura si mehuli enda tentuna patut si dukung ras si suksesken. E maka iarapken gelah kerina Mamre tetap ikut muat bagin i bas majekken Mamre Centerta. Bagi radu ras kita nggo metehsa maka lokasi Mamre Centerta enda terletak i daerah wisata Dano Toba, tepatna Desa Sibolangit daerah Tongging. Janah genduari nggo situkur lunas ibas obligor ras nggo jadi hak milik GBKP ras Mamre GBKP si mpergunakenca. I bas tahun 2023 enggo si bentuk Tim singukuri kelanjuten pembangunen Mamre Center ras irencanaken maka ibas Januari 2024 enggo ilaksanaken peletaken batu pertama guna pembangunenna. Tantangen ras hambaten pasti nge tetap lit i bas sura suranta majekken Mamre Center enda. Mari tetap si dukung dingen si buat baginnta guna majekken Mamre Center GBKP. Pasu-pasu Dibata simpar ku tengah-tengah kegeluhenta.

  1. DISKUSI
  • Rikutken bahan oratenta sendah, kai erti ras makna rumah pertoton man kalak Juda?
  • Mamre Center merupaken tempat pusat pembinaan spiritualitas man Mamre GBKP, kai nge tekad ras tindaken si arus ilakoken Mamre GBKP i bas ndungi pembangunenna? Bereken usul-usul ras masuken, peseh ku Mamre Runggun/Mamre Klasis janah terusken ku BPP Mamre.

USULEN LAGU-LAGU

  1. KEE GBKP No. 313: 1,2
  2. KEE GBKP No. 290: 1, 2, 3
  3. KEE GBKP No. 386: 1, 2
  4. KEE GBKP No. 68: 1,3
  5. KEE GBKP No. 325: 1.. persembahen

Pdt Darius R. Sembiring M.Th
0812 1931 648

Post Views: 976